مسرحيه
حينما تزوج الملك
يفتح الستار على المسرح وهو مضاء بأكمله ، يكشف عن قاعه فى متحف .... القاعه عباره عن سوق تجارى .... فى الماضى .
تدخل أميره الى القاعه ... تتأمل المنظر ويبدو عليها عدم الرضا و الأستياء
أميره / ياربى ... حرام كده ... يعنى أول رحله مشتركه لثانوى تطلعهالنا الكنيسه ... تبقى كده ... وأحنا اللى قلنا خلاص العقده أتحلت .. يقوموا يعملوا فينا كده ... اليوم كله أديره ... أديره ... وفى الأخر ... ندخل المتحف ده ... مش حرام ... احنا ناقصين .. وبعد كده ... ايه المتحف الغريب ده .. والقاعه الأغرب .. اسمها من بره ( قاعه الملك ) طب فين تمثال الملك ده .. طب اسمه ايه ؟؟؟ عمل ايه ؟؟؟؟ كل ده علشان الأخ (سلامه) واحنا فى الأتوبيس قرا على بوابه المتحف (الدخول مجاناً)... قام مدخلنا كلنا ... حرام ....
تدخل (حنان) القاعه وهى وتنادى على أميره ... ويبدو عليها القلق ...
حنان / أميررررررررررره ... اميررررره .. انتى فين ؟؟؟؟ اميرره ....
أميره / ايه ... فى ايه ؟؟؟ بتندهى على ّ ، وكأنك فى صحرا ... ايه ... ماعرفش استريح منكم شويه... هأتبقوا انتوا و الرحله ...عايزه ايه ..
حنان / انتى رحتى فين ياهانم ... الأخ (سلامه) و المس (ابتسام) قالبيين الدنيا عليكى .. كده برضه .. تدضينا عليكى ..
أميره / ياسلام ... ماكنتش أعرف انى مهمه كده .... وبعدين .. انا زهقت منكم .. قلت لما استكشف المتحف ده ...
حنان (هى تلاحظ غرابه القاعه) / وايه ده .. مالقتيش غير القاعه ديه ... المهم ...
(تنظر حولها وتأخذ حنان على طرفى المسرح ) .. أميره .. أميره ... عايزه أقولك سر .. ممكن ...
أميره (بغيظ) / لا .. مش عايزه أعرف ...
حنان / اغص عليكى ... كده برضى ... وانا اللى معتبراكى صحبتى ... هىء ..هىء...
أميره / اصلى انا عارفه اللى فيها ...
حنان / مش مهم ... اسمعى .. اسمعى .. انا .. انا ... بحب ...
اميره / تانى ... حرام عليكى ... تانى ..
حنان / ايه البرود ده .. بدل ماتسألنى ... مين اللى قلبى تشعلق بيه ....
اميره / ماانتى قلبك ... ده تاعبك وتعبنى ... كل مره بتقوليلى كده ... ياحنان ... انا عارفه انك كلك حنان وعواطف كمان.. بس ......
يقطع كلامها ... صوت (ايمان) ... وهى تنده عليهم ... وتدخل المسرح ...
ايمان / أميرررره ... حناااااااااااااااااان ... اميرررره ....انتو فين ؟؟ ... ماشاء الله ... انتوا هنا بتعملوا ايه ... هه ...
يدخل وراها (وسيم)... ماسك موبيل ...
وسيم / ايه التقل ده .. مش كده ... حرام .. (تنظر له ايمان فيعدل كلامه وينظر للموبيل)
العده ده مش حلوه خالص .... ما انى لسه مشتريها .... (ينظر لااميره) .. ايه يااميره .. احنا قلقنا عليكى قوى ... الاخ سلامه منهار ، والمس بتعيط ...
اميره / ياسلام ... ليه.. دا كله ... شويه وتندهونى فى الأذاعه المحليه ....
فى هذه اللحظه ... يسمع صوت الأذاعه وهى تنده عليها ...
صوت/ فقدت اليوم الطفله اميره مجاهد... من يعثر عليها ... يتصل بالأخ سلامه ... او يضعها على أقرب باب كنيسه ... عودى يااميره الى الأخ سلامه و المس ابتسام ... دول هايطلعوا عنيكى ... عودى ....
وسيم / مش قلتلك ... انت غاليه علينا كلنا ...
ايمان / انت مالك ... انت ايه الى جابك ورايا ... هاه
وسيم / قلت ياحسن تتوهى ... قلت اجى اوصلك ... بلاش سوء الظن ده ... احنا مش خوات ....
ايمان/ خوته ...
حنان/ مابراحه عليه شويه ... مش كده ... ما قصده طلع خير ....
وسيم / اخيرا ... جات الشبكه ... فى المكان المهجور ده ... مع انى لسه مشترى العده قبل ماطلع الرحله .. بابا جابهالى هديه نجاحى فى الثانويه ... ماانتوا عارفين انى انا متفوق ...
ايمان/ متفوق ... 50% ... معناها متفوق ...
وسيم/ ليه الحقد ده ...
اميره / وسيم هى ده العدد الصينى الجديده ...
وسيم / ايوه .. اصلى انا جبت لاب توب ... فزادت شويه فكه ... قلت اعمل ايه بيهم .. اشترى بيهم بيبسى ديت .. لاقيت نفسى مش عطشان .. فاشترتها
حنان / ايه مميزات العده ؟؟؟
وسيم/ بصى ياستى .. ده بتشغل خطين .. فيها كمرتين .. بطريتيين .. صوتها عالى موت .. معاها سماعتين صب ..و.........
ايمان/ كل ده .. حرام عليك ...
وسيم / انتى قرشه ملحتى ليه ... ماتقوللها حاجه ...وبعد كده .. لازم تعرفه انى العالم بيتغر و بيطور ، واحانا لازم نتغير .. انا شاب روش ... كووووول
ايمان / لا مش صح ...اولاد الكنيسه عمرهم مابيتغيروا ... لازم مانشبهش العالم.. فاهمين ..
حنان / ياباى عليكى .. مش كل حاجه الكنيسه ... الكنيسه ... ارحمى شويه... ده احنا فى رحله ...
وسيم / ناخد راى اميره ....
ينظرون الى اميره ، تتلعثم ... ماتعرفش ترد ......
فى هذه اللحظه .. يدخل (شيبوب) وهو عرقان ... ومش قادر ياخد نفسه
شيبوب / اميره... حناااان... ايمان .... وسيم ...
وسيم / يوووووووووووه ... انت تانى ... ارحمنى ياشيبوب ...
اميره / ايه اللى حصل ...
حنان / مالك ... ماتتكلم ... الأخ حاصله حاجه
ايمان / الأتوبيس ولع
وسيم / انطق ياشيبوب ..
اثناء هذا الكلام يلتفون حوله فى منتصف المسرح ... ويرموه لبعض ... يخرج من الدائره... وينظر للجمهور
شيبوب / انتوا مش فاهمين حاجه ... ملقتوش غير القاعه ديه ... القاعه دي....
يقطع كلامه ، أصوات ضوضاء .. أضاءه متذبذبه .... يصرخ الأصدقاء 0
بعد ذلك ، يضاء المسرح ،على نفس المكان.. ولكنه فى الماضى ... على ان يكون الآتى
/ الأصدقاء فى منتصف المسرح ... فى ذهول مما حدث ...
/ تظهر جموع من الناس فى ثياب قديمه من طرفى المسرح ... يتجولون فى السوق التجارى ( قاعه المتحف سابقا) ...
/ عندما يشاهدوا الأصدقاء ينظرون اليهم فى استغراب ...
أميره / احنا فين ... احنا فين ...
شيبوب / قلتلكم ... انتوا ماسمعتوش كلامى ...
وسيم / انا شكلى كده هأضربك ....
حنان / احنا فين ... مين الناس دول ....
ايمان / انطق ياشيبوب ... احنا فين ...
شيبوب / احنا .. احنا رجعنا للماضى .. اللى بيدخل القاعه ... بتداخده ..
وسيم / لا ده اتجنن .. انا......
رجل(1) /ماهذا ... اتتعاركون هنا ... أمجانيين انتم ام ماذا ...
وسيم / وانت مالك ...
رجل(2) من انتم ... وما هذه الملابس الغريبه التى تلبسونها ... ...
امراه (1) يالهى ... انظروا انهم ... انهم يكشفون روؤسهم.
امراه (2) ... ماهذه الرائحه ... انهم معطرون .. بماذا تتعطرون ..
رجل(3) من انتم ... وكيف اتيتم الى هنا ...
ايمان / انتوا اللى مين ..
حنان / ماحدش يمد ايده ....
رجل (4) / انهم غرباء .. جواسيس .. اعداء .. اعداء من الرابطين بجوار المملكه ... وكذلك يبدوا عليهم الغباء ... خصوصا هذا ... فلنقتلهم ....0
امراه (3) نعم ... نأخذ ملابسهم اولا ... ثم نقتلهم ... هيا
اميره / حرام عليكم ... احنا معملناش حاجه ... يارب انجدنا ...
فى هذه اللحظه ... يقطع كلامهم صوت من الخارج ... ويدخل(رسول الملك) ......
الرسول / ياقوم .. ياقوم ... اسمعوا ... وزيرنا قادم ... انى را....
ينظر الى أميره ...
الرسول ... سبحان ماخلق ... من هذه ... جنيه ؟؟؟؟
شيبوب / كملت ... ايه الناس المجانين دول .
امراه (2) انهم غرباء .. نقتلهم .. ثم نسمع لك ...
الرسول / غرباء ... انهم يبدو عليهم الغباء ... دعكم منهم ... الوزير قادم ... يبدو انه اتى باخبار لنا من جلاله الملك ...
امراه (3) لقد سمعت من النساء طرطشه كلام .. ان جلالته يريد ان يتزوج ..
رجل(3) وماله... انه لخبرا سار ... انا فديك الساعه .. ان الملك يتزوج ...
وسيم / مين الملك ده .. وحبكت يتجوز دلوقتى ..
ايمان / طب احنا مين اللى هايحللنا مشكلتنا .. انا عايزها اروح ...
حنان / استنوا شويه .. انا بدء يعجبنى المكان ده ...
تذهب الى رجل ...
حنان / لوسمحت ... ماتعرفش اختار مين ... ايه المواصفات ...
رجل / لا ماعرفش ......
امراه(1) وكيف يفكر جلالته فى الزواج ... يعنى واحنا سامعين .. ان العدو على الأبواب... يعنى كله كام يوم ... ويهجم الهجمه الكبيره ...
شيبوب / العدو .. وهجوم ... احنا خلاص ضعنا ...
وسيم (طلع الموبيل) الو ... بابا ... الحقنى ... الوووو
رجل (1) ماهذا ... تليفون محمول ... اعطنى اياه .. مقابل دناريين ... سوف تفرح ابنتى الصغيره بيه ... اليس هذا ... يغنى اغنيه نانسى الجديده ...
وسيم / اوعا ... الأ الموبيل ....
اميره / انا مش فاهمه حاجه ... ممكن نفهم الحكايه ... مادام شكلنا مطوليين ....
الرسول / الوزير وصل........الوزير وصل ....
يدخل الوزيرمن الطرف اليمين للمسرح... ينظر الى كل من فى المسرح ... يبدو عليه الهيبه ... يحييه كل من فى المسرح ... يصعد فوق صخره ، فى الطرف اليمين ، ويأتى الناس و الأصدقاء .... فى الأطرف اليسار على شكل دائرتين ... دائره داخليه الأصدقاء ... دائره خارجيه الناس ....
الوزير / أيها الشعب الحبيب ... انقل اليكم تحيات جلاله الملك وسلامه ...يترائى لى وجوها جديده هنا معنا .... اسمعوا الىّ جميعاً .... لقد اتيت اليكم اليوم ... ومعى خبرا سار ... لقد قرر الملك .. الزواج ...
الشعب / يعيش الملك ... يعيش ...
رجل (2) خير قرار ... انى لااعز عنه كل بناتى لو اراد....
امراه (3) اسكت ... انت اللى عندك كله اولاد ... انا تحت امر مولانا .... عندى ثلاث بنات .... كلهن جميلات ... فليختار ... مايشاء
امراه (1) قل لنا ... المواصفات التى يريدها جلالته ... ونحن لانتأخر ....
الوزير/ ارى الحماس فى وجوهكم جمعيا ... بدايه مبشره ... لكن اسمعوا ... جلاله الملك ... لم يحدد لى مواصفات العروس .... لقد حدد لى مواصفات العريس .. مواصفاته هو ...
يهمهم الجميع ... ويستغربون ... يبدو على الأصدقاء التركيز و الأنبهار من هيبه الوزير .. خصوصاً أميره ....
الوزير/ الصمت ... الصمت ... نعم مواصفاته هو ... لن يختار هو ... بل من تسمع صفاته .. وتعجب بها .. وتوافق عليها ... سيأتى الملك اليها ... ويقبلها عروسا له ..
حنان / قولنا الصفات ... شوقتنا ...
يهمم الجمع مره ثانيه .. ويبدو عليهم البرود ...
عند بدايه كلام الوزير عن صفات الملك ... يظلم المسرح باكمله .... ويضاء فقط مكان الوزير:-
الوزير/ من لا يعرف الملك ... من لايعرف صفاته... ملك صالح ... عادل .. طويل الروح ... كثير الرحمه ... جزيل التحنن ... احبنا نحن اولاً ... نحن الذين كنا تحت السبى زمانا طويلاً ...اضاء علينا بشمس حبه فى عتمة ليلنا . كسر النير ... حررقلوبنا .. اعطانا حياه جديده ... جعلنا شعبا له ... من فينا لايعرفه ... معطى المعيىّ قدره ... وعديم القوه يكثر شدة ... الجاعل فى البحر طريقا ، وفى المياه القويه مسلكا ... القوى فى الحروب ... شديد البأس ... من مننا يجهله ... هذا هو العريس ... هذه هى صفاته .. الأن اين هى العروس؟؟؟؟ ...
عندما ينتهى الوزير من كلامه ... يضاء المسرح ... لنجد ان الجمع قد تفرق من حول الوزير ... يتبقى الأصدقاء فقط ...
الوزير ( بحزن )/ الآ توجد عروس ؟؟!!! ...
أميره / انا .... انا موافقه على صفاته ... انا موافقه ابقى العروس ...
حنان / انتى مجنونه ...
ايمان / دى اكيد اتجننت ...
وسيم / تجوزى مين ... انتى نسيتى .. احنا مش من هنا .. اعقلى ..
شيبوب / لما الناس كلها مشيت ... انتى تفضلى ...
اميره / كفايه ... ياوزير .. انا ذى ماقلتلك ... انا موافقه ... (تنظر الى الأصدقاء ) انتوا مالكوش دعوه ... سيبونى اخد قرار واحد بدون ماتضغطوا على ...
الوزير / خلاص قررتى .. دى شجاعه منك ..
اميره / امتى هايشوفنى جلالته ... اقولك مايتعبش نفسه ... انا اروحله بنفسى ... ياللا نروحله القصر ... مش هو ده القصر اللى هاسكن فيه ... اللى هابقى عليه أميره ..
الوزير / تمهلى قليلا ... الملك قادم بنفسه هنا لكى يراكى .. ويتحدث معكى ...وبعد ذلك سيأخدك الى القصر معه ... انتظرى هاهنا... انه اتى اليكى ....
يخرج الوزير من المسرح ، وتظل أميره وحدها فى المسرح ...
أميره / ياااه .. اخيرا ... اسمى هأيبقى ليه معنى ... من زمان وانا بسال نفسى .. ليه سمونى اميره ... اخيرا هابقى اسم على مسمى ... اغبياء ايمان وحنان ووسيم و شيبوب .. كان المفروض يفضلوا جنبى ... بس انا لما اتجوز .. واروح الأقصر هادور عليهم...
يدخل الرسول ...
الرسول / جلاله الملك ... وصل ....
يدخل الملك وخلفه الوزير من الطرف الأيمن للمسرح ... ينظر الملك الى أميره .. تنظر اليه .. لاتستطيع الكلام ... فتنحنى له ..
الملك / إذاً انتى .. من قبلت مواصفاتى ...
الوزير / انها الوحيده ... يامولاى ... على الرغم انها غريبه عن شعبك .... ليست منهم لكنها وافقت ... وتحمست لرؤيتك ...
الملك / الثور يعرف قانيه .. و الحمار معلف صاحبه ... واما شعبى ... فلا يعرفنى ... ولايقبلنى .... قفى ... وتشددى .. لاتخافى .. فانتى عروسى ...
اميره / مولاى .. ان لسانى ثقيل .. واريد ...
الملك / لاتعرفى ... التكلم بهذه اللهجه ..
الوزير / مولاى يتكلم جميع اللغات ... وجميع اللهجات ...
اميره / مادام كده ... ممكن اسال جلالتك سوال ...
الملك / اسالى
اميره / انا سمعت .. ان للملكه عدو .. كل شويه بيهجم عليها ، وان هجومه الكبير قريب ... وكمان سمعت ان الناس مستغربه انك عايز تجوز فى الوقت ده ...
الملك / مافيش خوف على مملكه مادامت واحده .... المملكه المنقسمه على نفسها هى بس اللى بتخرب ... عدو المملكه عدو ذكى، علشان كده ... بيحاول يزعزع المملكه من جوه ، علشان تبقى ضعيفه ... فيقدر يهاجمها من بره ....
الوزير / للاسف يامولاى .... مرات بينجح ... وفى ناس بتخاف منه .. وفى ناس سبتك وراحة له ... وناس مننا بتساعده ...
اميره / لكن اذاى انت تسيب الناس تبعد عنك .. اجبرهم على انهم يبقوا جنبك ... يبقوا جوه المدينه ...
الملك / ماينفعش .... فى اليوم اللى حررت فيه شعبى ... قولتلهم انى عمرى ماهاجبرهم على حاجه ... انا بحبهم .... انا مستنى حبهم .. مأقدرش انى اجبرهم على حبى.. لازم هما اللى يقرروا انهم يفضلوا معايا ...
اميره / كلام حلو .. طب المملكه اذاى تبقى واحده؟؟ ...
الملك / لما يبقى ليها ملك واحد ... هو اساسها .. اساس كل بيت فيها .. ساعتها تبقى مملكه واحده ....
اميره / تبقى رب لكل بيت فى المملكه دى كلها ....
الملك / ايوه .. رب البيت مسؤليته ، يحمى البيت ... يمشيه .. ويديره ...
اميره / طب واهل البيت يعملوا ايه ....
الملك / يثقوا فى رب البيت ... الثقه اهم شى
اميره / طب سوال اخير .. انت ليه ماتجوزتش من زمان ...
الملك لايرد ويبدو عليه الحزن
الوزير / كل مره يقرر الملك الجواز ... يرسلنى الى المدينه ... فاذهب اليها ... لكن لا احد ............
اميره / ازاى من يقدر يقاوم الصفات ديه ... من يقدريرفضها ..
الملك / يعنى مستعده ....
اميره / مستعده ...
الملك / مستعده ... تجوزينى .. مستعده ، تملكينى على قلبك ... ابقى انا ربه ... وتبقى انتى اميرته ... مستعده تبقى معايا طول العمر ...
اميره / ايوه مستعده
الوزير / مش كل حاجه بالكلام ... المهم الأفعال ....
اميره / انا مستعده
الوزير / ايها الملك ...
الملك / خلاص ... يبقى نجهز للعرس ... ايها الوزير اجعلها اجمل من فى المملكه ...
اميره / ممكن اطلب طلب من جلالتك ...
الملك / اطلبى
اميره / صحابى اللى كانوا معايا ... ممكن اجيبهم ... دول صحابى ...
الملك / اطمنى ... هما اللى هايجولك
يخرج الملك ، ينظر اليها الوزير فى صمت ....
الوزير / سوف اترك معهم لكى يساعدونك على الأستعداد ...
اميره / مين هما ....
لايرد الوزير .... يخرج ...
يدخل من طرفى المسرح ... الخدم ، وهم يمسكون الأتى
خرطوم مياه ... صابونه .... فوطه كبيره .... فستان اللى هاتلبسه ... يحاوطونها ...
اميره / لا انتوا هاتعملوا ايه ... انا هالبس الفستان بس .. لا
يحاوطونها ... يضى الفلاشر .... مشهد كوميدى ... عندما يضى المسرح ... تكون هى لابسه الفستان ، شعرها مفلوت ، تقف فى منتصف المسرح
أميره / انا ... انا مش مصدقه نفسى ... ( تتحسس وجهها، شعرها ، وهدومها) ... انا فرحانه ... فرحانه اوى .. اول مره افرح من زمان ... فين ايمان تجى تشوفنى .... فينك ياايمان ... انا النهارده اتولت من جديد .. خلاص بيقيت اميره بجد ... وهاروح القصر بتاعى ...............
تنتبه انها وحدها على المسرح ، ولا يوجد الملك او الوزير .... تبدأ بالأضطراب ... تتلفت وتبحث عنهما ...
اميره / انا مستعده ... يا وزير ... انا خلاص جهزت ... يامولاى ... انتوا فين ... جلاله الملك ... انا ........
اثناء بحثها المضطرب ... يدخل عليها اصدقائها من جانبى المسرح .. فتتفاجىء بهم
اميره / حنان ... ايمان ... وسيم ... شيبوب ... اخيرا رجعتوا .. انتوا رحتوا فين ؟؟؟ كده تسيبونى وحدى ... مش مهم .. حنان .. ايه رايك فى الفستان ده ... ايمان ... باركي لى ... باركوا لى كلكم ... انا خلاص هأتجوز الملك ...
شيبوب / ها ها ها ... مش قولتلكم ... ده عاشت فى الدور خالص ...
ايمان / كويس اللى احنا جينا فى الوقت المناسب ...
حنان / جواز ايه ياهانم اللى انتى بتتكلمى عليه ....
اميره / ايه ياجماعه ... جوازى من الملك ... انا ... انا خلاص قررت انى اتجوز الملك ... وهو وافق على ... وجاى علشان نروح القصر بتاعه ... وانا كنت هادور عليكم علشان .. علشان تيجوا تقعدوا معايا ...
وسيم / دى قررت كمان .. هاهاها .. انتى اجننتى رسمى ...
اميره / مالكم .. فى ايه انتوا ليه مش فرحاننلى ... فيه ايه ... انا مش فاهمه حاجه ...
حنان / اميره ... فوقى ... احنا مش من هنا ...
ايمان / جواز ..ايه الكلام الفاضى الى انتى قررتيه
شيبوب / انتى نسيتى نفسك ياهانم ... لو كنتى ناسيه انا افكرك ....
وسيم / براحه عليها ... هى هاتعرف غلطتها دلوقتى وهاتصلحها ...مش صح يا اميره ..
اميره / غلطة ايه ... انتوا بتتكلموا كده ليه؟؟؟؟
وسيم / بصراحه بقى ... احنا لما لاقيناكى عجبك كلام الوزير ... قولنا نسيبها ...نسيبها شويه ..
شيبوب / قولنا ... ذى كل مره .. تتحمسى لاى موضوع فى البدايه ...
حنان / وبعد كده ... تزهاقى منه ... وترجعلنا مره تانى ...
ايمان / لكن المره ديه طولت ... وشكلك استحلتيها ...
اميره / ليه كل ده ... انا عملت ايه غلط ...قولولى ...كل ده علشان عايزه اتجوز الملك ..
انا .. انا من زمان .. كان نفسى فى واحد ذى الملك ...ويدخل حياتى الفاضيه .. ويملاها ... يملك على قلبى ... اعيش معاه على طول ... واحد يحبنى ، واحس معاه بالفرح و الآمان ...
ايمان / احنا معاكى ... وبضورى على حد تانى ليه؟؟؟؟؟؟ ...
اميره / ما انتم هاتفضلوا معايا ... انا مش هاسيبكم ... حنان ... قوليلهم ... مش انتى اللى على طول بتكلمينى على الحب ... ادينى بنفذ كلامك ...
وسيم / اسمعى بقى الكلام المفيد .. شيبوب قلنا انى حكايه رجوعنا للماضى مش هاطول .. يعنى كلها مساله وقت وهانروح كلنا .. كلنا
اميره / لا .. لا .. انا مش عايزه امشى من هنا ... خلاص لو عايزين انتوا براحتكوا ...
شيبوب/ ياسلام ... بسهوله ديه ..
حنان / احنا صحابك ... مش بسهوله ديه تسبينا ....
اميره / كفايه بقى .... كفايه ... انتوا ايه ... عايزين تملكونى ...ولا واحد فيكم بيحبنى ... كل واحد منكم عايز يسيطر على ويمشينى وراه بالعافيه ...
شيبوب / ياسلام .. من امتى بتفكرى كده ... من امتى ...
اميره / من دلوقت ....
شيبوب / وزمان ... وزمان نسياه .... هاهاها ... انتى نسيتي نفسك ... نسيتى ماضيك ... ملفك الأسود كله .. تحبى اسمعهولك ...
حنان / من امتى كان ليكى راى ... من امتى بتقررى بدونا، ماانتى.. طول عمرك بتسمعلنا ....
اميره / انت بتعايرونى ... علشان كنت زمان ضعيفه ، ولى غلطات ، اذاى تبقوا صحابى وتعملوا فى كده ... حرام عليكوا انا معلتش احد فيكم حاجه ...
حنان / احنا صحابك ... ومصلحتك معانا ...
ايمان / هاترجعى معانا ... يعنى هاترجعى ...
اميره / علشان خاطرى ... اقعدوا معايا ... ونعيش كلنا مع الملك ...
وسيم / انتى مش راضيه تفهمى ليه .. انتى ماعندكيش اختيارات
ايمان / وكمان احنا مانحب حد يشاركنا فيكى ...
حنان / ولو لزم الأمر ... يبقى تختارى مننا ... مننا وبس
وسيم / تعالى معايا ... معايا التكنولوجيا.. معايا الفلوس ...اختارينى انا وهاجبلك كل اللى تطلبيه .
ايمان / لا ... انتى بنت الكنيسه .... لازم تفضلى فيها ... ماتسبهاش ،تنفذى مبادئها بالحرف ... تفضلى معايا انا
حنان / اميره .. خليكى معايا ... عايزه تحبى ... ماشى ... تحبى من خلالى انا ... انا اختارك اللى تحبيه ...
شيبوب / ماتحولوش .. انا ماضيك ... انا مصيرك المحتوم ... هاتروحى منى فين ..انتى ضعيفه .. ماعندكيش اى قدرات .. ماضيك بيقول كده ... ماضيكى مابيكدبش ... استسلميله ........
وسيم / يا جماعه ... مش هانختلف دلوقت ... احنا نروح ، وبعد كده يبقلنا كلام تانى..
شيبوب / حنان .. ايمان ... رجوها ذى الأول ... وانا وشيبوب هانراقب المكان ....
اميره تصرخ ، تحاول ان تمنعهم ... تنقض عليها ايمان .. وحنان ، الأولى تحاول تلبسها ايشارب ، التانيه تحاول تخلعها هدومها ، شيبوب ووسيم يراقبا الطريق من على الجنبين، تصرخ اميره تحاول ان تقاومهم ......تقع على الأرض... تبكى بحرقه
اميره / لا ... لا... انت فين ... ياجلاله الملك انت سايبنى ليه .. رحت فين ... اختارك وفضلتك وبعد كده تسبنى ... سبتنى لهم .. بيبعوا ويشتروا فى ... انت فين ... انجدنى ...
هذا الحوار .. يدور على الجزء السفلى من المسرح ، واثناء هذا الحوار ...يظهر الملك ..واقف على صخره ... على الجزء الأعلى من المسرح ، رافع يديه الى فوق ، ناظرا الى السماء ....
الملك / انا هنا ... انا هنا من الأول ... بس انتى مشيفانى...
اميره / جلاله الملك ... انت هنا من الأول ، طب سايبنى ليه اتعذب ...
الملك / انتى اللى مش عايزه تشفينى ... انا سالتك مستعده ... وانتى جوبتى ، قولتى ايوه .... انتى استعديتى من بره بس ، لكن جوه ....لا... قلتلك هاتملكينى قلبك ، قليتى ايوه ... وانتى قلبك مش ملكك ... ده ملك اصحابك ... قولتلك القلب لازم يختار واحد بس ...
وانتى بتحاولى تجمعى الكل حوليكى ... ماينفعش ... عرفتى دلوقتى اجابه سوالك ... انا ليه ماتجوزتش من زمان؟؟؟ ... البيت المنقسم على نفسه بيخرب ، وانتى لسه ماهزمتيش نفسك ، ماهزمتيش اصحابك ... لسه ماحدتيش انتى عايزه مين ...لسه خايفه تحاربى ...يبقى لسه ماتنفعيش لى عروس ...
اميره / انا ضعيفه ... وهما خدعونى وصاحبونى ... هما اقوى منى ....
الملك / الاراده حاضره عندك ... ان تريدى وان تفعلى ... مين قال انك ضعيفه ... دول بيهموكى علشان يسيطروا عليكى ... علشان ماتشفيش حقيقتهم ... قومى ... حاربيهم ... اميره / ايوه ... انتوا اضعف من الملك علشان كده ... بتحاولوا تبعدونى عنه ... خايفين على مكانتكم فى قلبى ... انا خلاص تعبت منكم ...تعبت من سيطرتكم على .. من الصراع اللى جوايا بسببكم ... ساعدنى ياجلاله الملك ... بيك هاقدر اهزمهم ... وفضى قلبى ليك ... ( تتحرك نحوه ... يحاولوا منعها ... تسقطهم ) هاهزمك يا حنان .. هازم العواطف الزياده ، والحب الأعمى 0 هازمك ... وسيم .. هازم الأستخدام الغلط للتكنولوجيا..والرفاهيه الكدابه 0 هازمك ياايمان .. هاهزم .. التعصب و الحرفيه ... ايمانى هايبقى اعمال ... ايمان حى ... اما انت يا شيبوب ... فانت ماضى .. جزء منى ... لكن مش كلى ، لسه فى مستقبل ... مش هاخليك تسيطر عليه ... وتضيع باقى سنينى .. جلاله الملك ... انا مستعده ... قلبى ليك ... وبيك هافضل احاربهم ... اقبلنى عروس ليك
الملك / من يقبل الى لا اخرجه خارجا ... اليوم انتى عروسى ... هانسى ماضيك ، وهأملك على قلبك ... اللى منه مخارج الحياه ...
يدخل الرسول ومعه الشعب ... ويصرخ
الرسول / يامولاى ... ياجلاله الملك ... الحق ... العدو على الأبواب... العدوا هايهجم علينا ..
الملك / تعالوا الى ياشعبى .. ماتخفوش ... خاليكم معايا ... خليكم حولى ... معايا العدو مش هايقدر يهزمنا ... مادام مملكتى واحده ... مش هاتنهزم ... مش هايقدر عليها ...
تعالوا الى ....
يتجمعون حوله فى ترتيب معين
تمــــــــــــــــــــــــــــــــــــت
:queen:
حينما تزوج الملك
يفتح الستار على المسرح وهو مضاء بأكمله ، يكشف عن قاعه فى متحف .... القاعه عباره عن سوق تجارى .... فى الماضى .
تدخل أميره الى القاعه ... تتأمل المنظر ويبدو عليها عدم الرضا و الأستياء
أميره / ياربى ... حرام كده ... يعنى أول رحله مشتركه لثانوى تطلعهالنا الكنيسه ... تبقى كده ... وأحنا اللى قلنا خلاص العقده أتحلت .. يقوموا يعملوا فينا كده ... اليوم كله أديره ... أديره ... وفى الأخر ... ندخل المتحف ده ... مش حرام ... احنا ناقصين .. وبعد كده ... ايه المتحف الغريب ده .. والقاعه الأغرب .. اسمها من بره ( قاعه الملك ) طب فين تمثال الملك ده .. طب اسمه ايه ؟؟؟ عمل ايه ؟؟؟؟ كل ده علشان الأخ (سلامه) واحنا فى الأتوبيس قرا على بوابه المتحف (الدخول مجاناً)... قام مدخلنا كلنا ... حرام ....
تدخل (حنان) القاعه وهى وتنادى على أميره ... ويبدو عليها القلق ...
حنان / أميررررررررررره ... اميررررره .. انتى فين ؟؟؟؟ اميرره ....
أميره / ايه ... فى ايه ؟؟؟ بتندهى على ّ ، وكأنك فى صحرا ... ايه ... ماعرفش استريح منكم شويه... هأتبقوا انتوا و الرحله ...عايزه ايه ..
حنان / انتى رحتى فين ياهانم ... الأخ (سلامه) و المس (ابتسام) قالبيين الدنيا عليكى .. كده برضه .. تدضينا عليكى ..
أميره / ياسلام ... ماكنتش أعرف انى مهمه كده .... وبعدين .. انا زهقت منكم .. قلت لما استكشف المتحف ده ...
حنان (هى تلاحظ غرابه القاعه) / وايه ده .. مالقتيش غير القاعه ديه ... المهم ...
(تنظر حولها وتأخذ حنان على طرفى المسرح ) .. أميره .. أميره ... عايزه أقولك سر .. ممكن ...
أميره (بغيظ) / لا .. مش عايزه أعرف ...
حنان / اغص عليكى ... كده برضى ... وانا اللى معتبراكى صحبتى ... هىء ..هىء...
أميره / اصلى انا عارفه اللى فيها ...
حنان / مش مهم ... اسمعى .. اسمعى .. انا .. انا ... بحب ...
اميره / تانى ... حرام عليكى ... تانى ..
حنان / ايه البرود ده .. بدل ماتسألنى ... مين اللى قلبى تشعلق بيه ....
اميره / ماانتى قلبك ... ده تاعبك وتعبنى ... كل مره بتقوليلى كده ... ياحنان ... انا عارفه انك كلك حنان وعواطف كمان.. بس ......
يقطع كلامها ... صوت (ايمان) ... وهى تنده عليهم ... وتدخل المسرح ...
ايمان / أميرررره ... حناااااااااااااااااان ... اميرررره ....انتو فين ؟؟ ... ماشاء الله ... انتوا هنا بتعملوا ايه ... هه ...
يدخل وراها (وسيم)... ماسك موبيل ...
وسيم / ايه التقل ده .. مش كده ... حرام .. (تنظر له ايمان فيعدل كلامه وينظر للموبيل)
العده ده مش حلوه خالص .... ما انى لسه مشتريها .... (ينظر لااميره) .. ايه يااميره .. احنا قلقنا عليكى قوى ... الاخ سلامه منهار ، والمس بتعيط ...
اميره / ياسلام ... ليه.. دا كله ... شويه وتندهونى فى الأذاعه المحليه ....
فى هذه اللحظه ... يسمع صوت الأذاعه وهى تنده عليها ...
صوت/ فقدت اليوم الطفله اميره مجاهد... من يعثر عليها ... يتصل بالأخ سلامه ... او يضعها على أقرب باب كنيسه ... عودى يااميره الى الأخ سلامه و المس ابتسام ... دول هايطلعوا عنيكى ... عودى ....
وسيم / مش قلتلك ... انت غاليه علينا كلنا ...
ايمان / انت مالك ... انت ايه الى جابك ورايا ... هاه
وسيم / قلت ياحسن تتوهى ... قلت اجى اوصلك ... بلاش سوء الظن ده ... احنا مش خوات ....
ايمان/ خوته ...
حنان/ مابراحه عليه شويه ... مش كده ... ما قصده طلع خير ....
وسيم / اخيرا ... جات الشبكه ... فى المكان المهجور ده ... مع انى لسه مشترى العده قبل ماطلع الرحله .. بابا جابهالى هديه نجاحى فى الثانويه ... ماانتوا عارفين انى انا متفوق ...
ايمان/ متفوق ... 50% ... معناها متفوق ...
وسيم/ ليه الحقد ده ...
اميره / وسيم هى ده العدد الصينى الجديده ...
وسيم / ايوه .. اصلى انا جبت لاب توب ... فزادت شويه فكه ... قلت اعمل ايه بيهم .. اشترى بيهم بيبسى ديت .. لاقيت نفسى مش عطشان .. فاشترتها
حنان / ايه مميزات العده ؟؟؟
وسيم/ بصى ياستى .. ده بتشغل خطين .. فيها كمرتين .. بطريتيين .. صوتها عالى موت .. معاها سماعتين صب ..و.........
ايمان/ كل ده .. حرام عليك ...
وسيم / انتى قرشه ملحتى ليه ... ماتقوللها حاجه ...وبعد كده .. لازم تعرفه انى العالم بيتغر و بيطور ، واحانا لازم نتغير .. انا شاب روش ... كووووول
ايمان / لا مش صح ...اولاد الكنيسه عمرهم مابيتغيروا ... لازم مانشبهش العالم.. فاهمين ..
حنان / ياباى عليكى .. مش كل حاجه الكنيسه ... الكنيسه ... ارحمى شويه... ده احنا فى رحله ...
وسيم / ناخد راى اميره ....
ينظرون الى اميره ، تتلعثم ... ماتعرفش ترد ......
فى هذه اللحظه .. يدخل (شيبوب) وهو عرقان ... ومش قادر ياخد نفسه
شيبوب / اميره... حناااان... ايمان .... وسيم ...
وسيم / يوووووووووووه ... انت تانى ... ارحمنى ياشيبوب ...
اميره / ايه اللى حصل ...
حنان / مالك ... ماتتكلم ... الأخ حاصله حاجه
ايمان / الأتوبيس ولع
وسيم / انطق ياشيبوب ..
اثناء هذا الكلام يلتفون حوله فى منتصف المسرح ... ويرموه لبعض ... يخرج من الدائره... وينظر للجمهور
شيبوب / انتوا مش فاهمين حاجه ... ملقتوش غير القاعه ديه ... القاعه دي....
يقطع كلامه ، أصوات ضوضاء .. أضاءه متذبذبه .... يصرخ الأصدقاء 0
بعد ذلك ، يضاء المسرح ،على نفس المكان.. ولكنه فى الماضى ... على ان يكون الآتى
/ الأصدقاء فى منتصف المسرح ... فى ذهول مما حدث ...
/ تظهر جموع من الناس فى ثياب قديمه من طرفى المسرح ... يتجولون فى السوق التجارى ( قاعه المتحف سابقا) ...
/ عندما يشاهدوا الأصدقاء ينظرون اليهم فى استغراب ...
أميره / احنا فين ... احنا فين ...
شيبوب / قلتلكم ... انتوا ماسمعتوش كلامى ...
وسيم / انا شكلى كده هأضربك ....
حنان / احنا فين ... مين الناس دول ....
ايمان / انطق ياشيبوب ... احنا فين ...
شيبوب / احنا .. احنا رجعنا للماضى .. اللى بيدخل القاعه ... بتداخده ..
وسيم / لا ده اتجنن .. انا......
رجل(1) /ماهذا ... اتتعاركون هنا ... أمجانيين انتم ام ماذا ...
وسيم / وانت مالك ...
رجل(2) من انتم ... وما هذه الملابس الغريبه التى تلبسونها ... ...
امراه (1) يالهى ... انظروا انهم ... انهم يكشفون روؤسهم.
امراه (2) ... ماهذه الرائحه ... انهم معطرون .. بماذا تتعطرون ..
رجل(3) من انتم ... وكيف اتيتم الى هنا ...
ايمان / انتوا اللى مين ..
حنان / ماحدش يمد ايده ....
رجل (4) / انهم غرباء .. جواسيس .. اعداء .. اعداء من الرابطين بجوار المملكه ... وكذلك يبدوا عليهم الغباء ... خصوصا هذا ... فلنقتلهم ....0
امراه (3) نعم ... نأخذ ملابسهم اولا ... ثم نقتلهم ... هيا
اميره / حرام عليكم ... احنا معملناش حاجه ... يارب انجدنا ...
فى هذه اللحظه ... يقطع كلامهم صوت من الخارج ... ويدخل(رسول الملك) ......
الرسول / ياقوم .. ياقوم ... اسمعوا ... وزيرنا قادم ... انى را....
ينظر الى أميره ...
الرسول ... سبحان ماخلق ... من هذه ... جنيه ؟؟؟؟
شيبوب / كملت ... ايه الناس المجانين دول .
امراه (2) انهم غرباء .. نقتلهم .. ثم نسمع لك ...
الرسول / غرباء ... انهم يبدو عليهم الغباء ... دعكم منهم ... الوزير قادم ... يبدو انه اتى باخبار لنا من جلاله الملك ...
امراه (3) لقد سمعت من النساء طرطشه كلام .. ان جلالته يريد ان يتزوج ..
رجل(3) وماله... انه لخبرا سار ... انا فديك الساعه .. ان الملك يتزوج ...
وسيم / مين الملك ده .. وحبكت يتجوز دلوقتى ..
ايمان / طب احنا مين اللى هايحللنا مشكلتنا .. انا عايزها اروح ...
حنان / استنوا شويه .. انا بدء يعجبنى المكان ده ...
تذهب الى رجل ...
حنان / لوسمحت ... ماتعرفش اختار مين ... ايه المواصفات ...
رجل / لا ماعرفش ......
امراه(1) وكيف يفكر جلالته فى الزواج ... يعنى واحنا سامعين .. ان العدو على الأبواب... يعنى كله كام يوم ... ويهجم الهجمه الكبيره ...
شيبوب / العدو .. وهجوم ... احنا خلاص ضعنا ...
وسيم (طلع الموبيل) الو ... بابا ... الحقنى ... الوووو
رجل (1) ماهذا ... تليفون محمول ... اعطنى اياه .. مقابل دناريين ... سوف تفرح ابنتى الصغيره بيه ... اليس هذا ... يغنى اغنيه نانسى الجديده ...
وسيم / اوعا ... الأ الموبيل ....
اميره / انا مش فاهمه حاجه ... ممكن نفهم الحكايه ... مادام شكلنا مطوليين ....
الرسول / الوزير وصل........الوزير وصل ....
يدخل الوزيرمن الطرف اليمين للمسرح... ينظر الى كل من فى المسرح ... يبدو عليه الهيبه ... يحييه كل من فى المسرح ... يصعد فوق صخره ، فى الطرف اليمين ، ويأتى الناس و الأصدقاء .... فى الأطرف اليسار على شكل دائرتين ... دائره داخليه الأصدقاء ... دائره خارجيه الناس ....
الوزير / أيها الشعب الحبيب ... انقل اليكم تحيات جلاله الملك وسلامه ...يترائى لى وجوها جديده هنا معنا .... اسمعوا الىّ جميعاً .... لقد اتيت اليكم اليوم ... ومعى خبرا سار ... لقد قرر الملك .. الزواج ...
الشعب / يعيش الملك ... يعيش ...
رجل (2) خير قرار ... انى لااعز عنه كل بناتى لو اراد....
امراه (3) اسكت ... انت اللى عندك كله اولاد ... انا تحت امر مولانا .... عندى ثلاث بنات .... كلهن جميلات ... فليختار ... مايشاء
امراه (1) قل لنا ... المواصفات التى يريدها جلالته ... ونحن لانتأخر ....
الوزير/ ارى الحماس فى وجوهكم جمعيا ... بدايه مبشره ... لكن اسمعوا ... جلاله الملك ... لم يحدد لى مواصفات العروس .... لقد حدد لى مواصفات العريس .. مواصفاته هو ...
يهمهم الجميع ... ويستغربون ... يبدو على الأصدقاء التركيز و الأنبهار من هيبه الوزير .. خصوصاً أميره ....
الوزير/ الصمت ... الصمت ... نعم مواصفاته هو ... لن يختار هو ... بل من تسمع صفاته .. وتعجب بها .. وتوافق عليها ... سيأتى الملك اليها ... ويقبلها عروسا له ..
حنان / قولنا الصفات ... شوقتنا ...
يهمم الجمع مره ثانيه .. ويبدو عليهم البرود ...
عند بدايه كلام الوزير عن صفات الملك ... يظلم المسرح باكمله .... ويضاء فقط مكان الوزير:-
الوزير/ من لا يعرف الملك ... من لايعرف صفاته... ملك صالح ... عادل .. طويل الروح ... كثير الرحمه ... جزيل التحنن ... احبنا نحن اولاً ... نحن الذين كنا تحت السبى زمانا طويلاً ...اضاء علينا بشمس حبه فى عتمة ليلنا . كسر النير ... حررقلوبنا .. اعطانا حياه جديده ... جعلنا شعبا له ... من فينا لايعرفه ... معطى المعيىّ قدره ... وعديم القوه يكثر شدة ... الجاعل فى البحر طريقا ، وفى المياه القويه مسلكا ... القوى فى الحروب ... شديد البأس ... من مننا يجهله ... هذا هو العريس ... هذه هى صفاته .. الأن اين هى العروس؟؟؟؟ ...
عندما ينتهى الوزير من كلامه ... يضاء المسرح ... لنجد ان الجمع قد تفرق من حول الوزير ... يتبقى الأصدقاء فقط ...
الوزير ( بحزن )/ الآ توجد عروس ؟؟!!! ...
أميره / انا .... انا موافقه على صفاته ... انا موافقه ابقى العروس ...
حنان / انتى مجنونه ...
ايمان / دى اكيد اتجننت ...
وسيم / تجوزى مين ... انتى نسيتى .. احنا مش من هنا .. اعقلى ..
شيبوب / لما الناس كلها مشيت ... انتى تفضلى ...
اميره / كفايه ... ياوزير .. انا ذى ماقلتلك ... انا موافقه ... (تنظر الى الأصدقاء ) انتوا مالكوش دعوه ... سيبونى اخد قرار واحد بدون ماتضغطوا على ...
الوزير / خلاص قررتى .. دى شجاعه منك ..
اميره / امتى هايشوفنى جلالته ... اقولك مايتعبش نفسه ... انا اروحله بنفسى ... ياللا نروحله القصر ... مش هو ده القصر اللى هاسكن فيه ... اللى هابقى عليه أميره ..
الوزير / تمهلى قليلا ... الملك قادم بنفسه هنا لكى يراكى .. ويتحدث معكى ...وبعد ذلك سيأخدك الى القصر معه ... انتظرى هاهنا... انه اتى اليكى ....
يخرج الوزير من المسرح ، وتظل أميره وحدها فى المسرح ...
أميره / ياااه .. اخيرا ... اسمى هأيبقى ليه معنى ... من زمان وانا بسال نفسى .. ليه سمونى اميره ... اخيرا هابقى اسم على مسمى ... اغبياء ايمان وحنان ووسيم و شيبوب .. كان المفروض يفضلوا جنبى ... بس انا لما اتجوز .. واروح الأقصر هادور عليهم...
يدخل الرسول ...
الرسول / جلاله الملك ... وصل ....
يدخل الملك وخلفه الوزير من الطرف الأيمن للمسرح ... ينظر الملك الى أميره .. تنظر اليه .. لاتستطيع الكلام ... فتنحنى له ..
الملك / إذاً انتى .. من قبلت مواصفاتى ...
الوزير / انها الوحيده ... يامولاى ... على الرغم انها غريبه عن شعبك .... ليست منهم لكنها وافقت ... وتحمست لرؤيتك ...
الملك / الثور يعرف قانيه .. و الحمار معلف صاحبه ... واما شعبى ... فلا يعرفنى ... ولايقبلنى .... قفى ... وتشددى .. لاتخافى .. فانتى عروسى ...
اميره / مولاى .. ان لسانى ثقيل .. واريد ...
الملك / لاتعرفى ... التكلم بهذه اللهجه ..
الوزير / مولاى يتكلم جميع اللغات ... وجميع اللهجات ...
اميره / مادام كده ... ممكن اسال جلالتك سوال ...
الملك / اسالى
اميره / انا سمعت .. ان للملكه عدو .. كل شويه بيهجم عليها ، وان هجومه الكبير قريب ... وكمان سمعت ان الناس مستغربه انك عايز تجوز فى الوقت ده ...
الملك / مافيش خوف على مملكه مادامت واحده .... المملكه المنقسمه على نفسها هى بس اللى بتخرب ... عدو المملكه عدو ذكى، علشان كده ... بيحاول يزعزع المملكه من جوه ، علشان تبقى ضعيفه ... فيقدر يهاجمها من بره ....
الوزير / للاسف يامولاى .... مرات بينجح ... وفى ناس بتخاف منه .. وفى ناس سبتك وراحة له ... وناس مننا بتساعده ...
اميره / لكن اذاى انت تسيب الناس تبعد عنك .. اجبرهم على انهم يبقوا جنبك ... يبقوا جوه المدينه ...
الملك / ماينفعش .... فى اليوم اللى حررت فيه شعبى ... قولتلهم انى عمرى ماهاجبرهم على حاجه ... انا بحبهم .... انا مستنى حبهم .. مأقدرش انى اجبرهم على حبى.. لازم هما اللى يقرروا انهم يفضلوا معايا ...
اميره / كلام حلو .. طب المملكه اذاى تبقى واحده؟؟ ...
الملك / لما يبقى ليها ملك واحد ... هو اساسها .. اساس كل بيت فيها .. ساعتها تبقى مملكه واحده ....
اميره / تبقى رب لكل بيت فى المملكه دى كلها ....
الملك / ايوه .. رب البيت مسؤليته ، يحمى البيت ... يمشيه .. ويديره ...
اميره / طب واهل البيت يعملوا ايه ....
الملك / يثقوا فى رب البيت ... الثقه اهم شى
اميره / طب سوال اخير .. انت ليه ماتجوزتش من زمان ...
الملك لايرد ويبدو عليه الحزن
الوزير / كل مره يقرر الملك الجواز ... يرسلنى الى المدينه ... فاذهب اليها ... لكن لا احد ............
اميره / ازاى من يقدر يقاوم الصفات ديه ... من يقدريرفضها ..
الملك / يعنى مستعده ....
اميره / مستعده ...
الملك / مستعده ... تجوزينى .. مستعده ، تملكينى على قلبك ... ابقى انا ربه ... وتبقى انتى اميرته ... مستعده تبقى معايا طول العمر ...
اميره / ايوه مستعده
الوزير / مش كل حاجه بالكلام ... المهم الأفعال ....
اميره / انا مستعده
الوزير / ايها الملك ...
الملك / خلاص ... يبقى نجهز للعرس ... ايها الوزير اجعلها اجمل من فى المملكه ...
اميره / ممكن اطلب طلب من جلالتك ...
الملك / اطلبى
اميره / صحابى اللى كانوا معايا ... ممكن اجيبهم ... دول صحابى ...
الملك / اطمنى ... هما اللى هايجولك
يخرج الملك ، ينظر اليها الوزير فى صمت ....
الوزير / سوف اترك معهم لكى يساعدونك على الأستعداد ...
اميره / مين هما ....
لايرد الوزير .... يخرج ...
يدخل من طرفى المسرح ... الخدم ، وهم يمسكون الأتى
خرطوم مياه ... صابونه .... فوطه كبيره .... فستان اللى هاتلبسه ... يحاوطونها ...
اميره / لا انتوا هاتعملوا ايه ... انا هالبس الفستان بس .. لا
يحاوطونها ... يضى الفلاشر .... مشهد كوميدى ... عندما يضى المسرح ... تكون هى لابسه الفستان ، شعرها مفلوت ، تقف فى منتصف المسرح
أميره / انا ... انا مش مصدقه نفسى ... ( تتحسس وجهها، شعرها ، وهدومها) ... انا فرحانه ... فرحانه اوى .. اول مره افرح من زمان ... فين ايمان تجى تشوفنى .... فينك ياايمان ... انا النهارده اتولت من جديد .. خلاص بيقيت اميره بجد ... وهاروح القصر بتاعى ...............
تنتبه انها وحدها على المسرح ، ولا يوجد الملك او الوزير .... تبدأ بالأضطراب ... تتلفت وتبحث عنهما ...
اميره / انا مستعده ... يا وزير ... انا خلاص جهزت ... يامولاى ... انتوا فين ... جلاله الملك ... انا ........
اثناء بحثها المضطرب ... يدخل عليها اصدقائها من جانبى المسرح .. فتتفاجىء بهم
اميره / حنان ... ايمان ... وسيم ... شيبوب ... اخيرا رجعتوا .. انتوا رحتوا فين ؟؟؟ كده تسيبونى وحدى ... مش مهم .. حنان .. ايه رايك فى الفستان ده ... ايمان ... باركي لى ... باركوا لى كلكم ... انا خلاص هأتجوز الملك ...
شيبوب / ها ها ها ... مش قولتلكم ... ده عاشت فى الدور خالص ...
ايمان / كويس اللى احنا جينا فى الوقت المناسب ...
حنان / جواز ايه ياهانم اللى انتى بتتكلمى عليه ....
اميره / ايه ياجماعه ... جوازى من الملك ... انا ... انا خلاص قررت انى اتجوز الملك ... وهو وافق على ... وجاى علشان نروح القصر بتاعه ... وانا كنت هادور عليكم علشان .. علشان تيجوا تقعدوا معايا ...
وسيم / دى قررت كمان .. هاهاها .. انتى اجننتى رسمى ...
اميره / مالكم .. فى ايه انتوا ليه مش فرحاننلى ... فيه ايه ... انا مش فاهمه حاجه ...
حنان / اميره ... فوقى ... احنا مش من هنا ...
ايمان / جواز ..ايه الكلام الفاضى الى انتى قررتيه
شيبوب / انتى نسيتى نفسك ياهانم ... لو كنتى ناسيه انا افكرك ....
وسيم / براحه عليها ... هى هاتعرف غلطتها دلوقتى وهاتصلحها ...مش صح يا اميره ..
اميره / غلطة ايه ... انتوا بتتكلموا كده ليه؟؟؟؟
وسيم / بصراحه بقى ... احنا لما لاقيناكى عجبك كلام الوزير ... قولنا نسيبها ...نسيبها شويه ..
شيبوب / قولنا ... ذى كل مره .. تتحمسى لاى موضوع فى البدايه ...
حنان / وبعد كده ... تزهاقى منه ... وترجعلنا مره تانى ...
ايمان / لكن المره ديه طولت ... وشكلك استحلتيها ...
اميره / ليه كل ده ... انا عملت ايه غلط ...قولولى ...كل ده علشان عايزه اتجوز الملك ..
انا .. انا من زمان .. كان نفسى فى واحد ذى الملك ...ويدخل حياتى الفاضيه .. ويملاها ... يملك على قلبى ... اعيش معاه على طول ... واحد يحبنى ، واحس معاه بالفرح و الآمان ...
ايمان / احنا معاكى ... وبضورى على حد تانى ليه؟؟؟؟؟؟ ...
اميره / ما انتم هاتفضلوا معايا ... انا مش هاسيبكم ... حنان ... قوليلهم ... مش انتى اللى على طول بتكلمينى على الحب ... ادينى بنفذ كلامك ...
وسيم / اسمعى بقى الكلام المفيد .. شيبوب قلنا انى حكايه رجوعنا للماضى مش هاطول .. يعنى كلها مساله وقت وهانروح كلنا .. كلنا
اميره / لا .. لا .. انا مش عايزه امشى من هنا ... خلاص لو عايزين انتوا براحتكوا ...
شيبوب/ ياسلام ... بسهوله ديه ..
حنان / احنا صحابك ... مش بسهوله ديه تسبينا ....
اميره / كفايه بقى .... كفايه ... انتوا ايه ... عايزين تملكونى ...ولا واحد فيكم بيحبنى ... كل واحد منكم عايز يسيطر على ويمشينى وراه بالعافيه ...
شيبوب / ياسلام .. من امتى بتفكرى كده ... من امتى ...
اميره / من دلوقت ....
شيبوب / وزمان ... وزمان نسياه .... هاهاها ... انتى نسيتي نفسك ... نسيتى ماضيك ... ملفك الأسود كله .. تحبى اسمعهولك ...
حنان / من امتى كان ليكى راى ... من امتى بتقررى بدونا، ماانتى.. طول عمرك بتسمعلنا ....
اميره / انت بتعايرونى ... علشان كنت زمان ضعيفه ، ولى غلطات ، اذاى تبقوا صحابى وتعملوا فى كده ... حرام عليكوا انا معلتش احد فيكم حاجه ...
حنان / احنا صحابك ... ومصلحتك معانا ...
ايمان / هاترجعى معانا ... يعنى هاترجعى ...
اميره / علشان خاطرى ... اقعدوا معايا ... ونعيش كلنا مع الملك ...
وسيم / انتى مش راضيه تفهمى ليه .. انتى ماعندكيش اختيارات
ايمان / وكمان احنا مانحب حد يشاركنا فيكى ...
حنان / ولو لزم الأمر ... يبقى تختارى مننا ... مننا وبس
وسيم / تعالى معايا ... معايا التكنولوجيا.. معايا الفلوس ...اختارينى انا وهاجبلك كل اللى تطلبيه .
ايمان / لا ... انتى بنت الكنيسه .... لازم تفضلى فيها ... ماتسبهاش ،تنفذى مبادئها بالحرف ... تفضلى معايا انا
حنان / اميره .. خليكى معايا ... عايزه تحبى ... ماشى ... تحبى من خلالى انا ... انا اختارك اللى تحبيه ...
شيبوب / ماتحولوش .. انا ماضيك ... انا مصيرك المحتوم ... هاتروحى منى فين ..انتى ضعيفه .. ماعندكيش اى قدرات .. ماضيك بيقول كده ... ماضيكى مابيكدبش ... استسلميله ........
وسيم / يا جماعه ... مش هانختلف دلوقت ... احنا نروح ، وبعد كده يبقلنا كلام تانى..
شيبوب / حنان .. ايمان ... رجوها ذى الأول ... وانا وشيبوب هانراقب المكان ....
اميره تصرخ ، تحاول ان تمنعهم ... تنقض عليها ايمان .. وحنان ، الأولى تحاول تلبسها ايشارب ، التانيه تحاول تخلعها هدومها ، شيبوب ووسيم يراقبا الطريق من على الجنبين، تصرخ اميره تحاول ان تقاومهم ......تقع على الأرض... تبكى بحرقه
اميره / لا ... لا... انت فين ... ياجلاله الملك انت سايبنى ليه .. رحت فين ... اختارك وفضلتك وبعد كده تسبنى ... سبتنى لهم .. بيبعوا ويشتروا فى ... انت فين ... انجدنى ...
هذا الحوار .. يدور على الجزء السفلى من المسرح ، واثناء هذا الحوار ...يظهر الملك ..واقف على صخره ... على الجزء الأعلى من المسرح ، رافع يديه الى فوق ، ناظرا الى السماء ....
الملك / انا هنا ... انا هنا من الأول ... بس انتى مشيفانى...
اميره / جلاله الملك ... انت هنا من الأول ، طب سايبنى ليه اتعذب ...
الملك / انتى اللى مش عايزه تشفينى ... انا سالتك مستعده ... وانتى جوبتى ، قولتى ايوه .... انتى استعديتى من بره بس ، لكن جوه ....لا... قلتلك هاتملكينى قلبك ، قليتى ايوه ... وانتى قلبك مش ملكك ... ده ملك اصحابك ... قولتلك القلب لازم يختار واحد بس ...
وانتى بتحاولى تجمعى الكل حوليكى ... ماينفعش ... عرفتى دلوقتى اجابه سوالك ... انا ليه ماتجوزتش من زمان؟؟؟ ... البيت المنقسم على نفسه بيخرب ، وانتى لسه ماهزمتيش نفسك ، ماهزمتيش اصحابك ... لسه ماحدتيش انتى عايزه مين ...لسه خايفه تحاربى ...يبقى لسه ماتنفعيش لى عروس ...
اميره / انا ضعيفه ... وهما خدعونى وصاحبونى ... هما اقوى منى ....
الملك / الاراده حاضره عندك ... ان تريدى وان تفعلى ... مين قال انك ضعيفه ... دول بيهموكى علشان يسيطروا عليكى ... علشان ماتشفيش حقيقتهم ... قومى ... حاربيهم ... اميره / ايوه ... انتوا اضعف من الملك علشان كده ... بتحاولوا تبعدونى عنه ... خايفين على مكانتكم فى قلبى ... انا خلاص تعبت منكم ...تعبت من سيطرتكم على .. من الصراع اللى جوايا بسببكم ... ساعدنى ياجلاله الملك ... بيك هاقدر اهزمهم ... وفضى قلبى ليك ... ( تتحرك نحوه ... يحاولوا منعها ... تسقطهم ) هاهزمك يا حنان .. هازم العواطف الزياده ، والحب الأعمى 0 هازمك ... وسيم .. هازم الأستخدام الغلط للتكنولوجيا..والرفاهيه الكدابه 0 هازمك ياايمان .. هاهزم .. التعصب و الحرفيه ... ايمانى هايبقى اعمال ... ايمان حى ... اما انت يا شيبوب ... فانت ماضى .. جزء منى ... لكن مش كلى ، لسه فى مستقبل ... مش هاخليك تسيطر عليه ... وتضيع باقى سنينى .. جلاله الملك ... انا مستعده ... قلبى ليك ... وبيك هافضل احاربهم ... اقبلنى عروس ليك
الملك / من يقبل الى لا اخرجه خارجا ... اليوم انتى عروسى ... هانسى ماضيك ، وهأملك على قلبك ... اللى منه مخارج الحياه ...
يدخل الرسول ومعه الشعب ... ويصرخ
الرسول / يامولاى ... ياجلاله الملك ... الحق ... العدو على الأبواب... العدوا هايهجم علينا ..
الملك / تعالوا الى ياشعبى .. ماتخفوش ... خاليكم معايا ... خليكم حولى ... معايا العدو مش هايقدر يهزمنا ... مادام مملكتى واحده ... مش هاتنهزم ... مش هايقدر عليها ...
تعالوا الى ....
يتجمعون حوله فى ترتيب معين
تمــــــــــــــــــــــــــــــــــــت
:queen:
