الفصل الاول
المشهد الاول
(يفتح الستار علي مشهد المتحف وهو عبارة عن قصر قديم وتم تحويله الي متحف ونجد بعض الاولاد يرسمون ومجموعة من السياح يدخلون مع مرشد )
مرشد : اهلا بيكم في قصر الملك واتمني انتكم تستمتعوا بزيارتكم للقصرالنهارده
سائح : ايه قصة القصر ده ؟
مرشد : القصر ده بناه ملك عظيم جدا وده كان ايام الحكم بتاعه وبعد كدة بقي متحف ومفتوح لاي حد يجي يشوفوا او يرسم فيه زي ما انتوا شيفين دلوقتي
( يقوم احد السياح بالتصوير )
المرشد : No Flash .. No Flash ودلوقتي اتفضلوا اوريكم بقيت الاثار
(يخرجوا من الشمال )
دكتور : ايه ده؟
طالب وطالبة 1: ايه في ايه؟
دكتور : بتعملوا ايه ؟
طالبة1: بنرسم يادكتور
دكتور : بترسموا علي ايه؟
طالب : ده ورق كانسون
دكتور : كانسون مين ؟ ده بالقعدة اللي قعدنها جنب بعض ديه بترسموا علي جواز مش ورق كانسون .. وريني شغلوكوا وريني
طالب : اتفضل يادكتور
دكتور : من بعيد يابني مش ناقصة قرف وريحة وحشة.... ايه القرف اللي انت عامله ده .... صفر
طالب : نعم ؟؟ لييه ؟
دكتور : هوة كدة
طالب : طب خد وريني اعمل ايه ؟ ايه الغلط اللي فيها ؟ ( يمد ايده بالقلم )
دكتور : هوه انا هارسملك كمان ولا ايه ؟ ميل دراع التمثال شوية وهوة هايبقي كويس
طالب : يبقي كويس ازاي هوه عنده دور برد وهايخف ؟
دكتور : انت هاتهزر معاية ؟ مش شايف حركة فيه .. عايز احس بالحركة بتاعته
طالب : ده تمثال وثابت ابين حركة فيه ازاي؟ وكمان هوه كدة مظبوت
دكتور : اتصرف و كمان انت هاتعرف اكتر مني ؟
طالب : لا طبعا يا دكتور انت الاستاذ وكلنا تلاميذك ( من تحت درسه )
دكتور : ايوة كدة ... وانتي عملتي ايه ؟
طالبة1: انااا .... ( تديه الاسكتش ) ربنا يستر
دكتور : وااااو شغلك تحفة
طالبة1: ميرسي يادكتور
دكتور : لا فعلا برافو يستاهل يتحط جنب اي لوحة من اللوح اللي هنا
طالبة1 : ربنا يخليك ليا يادكتور
طالب : يادكتور ديه اللوحة فاضية
دكتور : مالكش دعوة انت ... لا بجد شغلك واضح من قبل لما تبتديه 10 من 10 استمري يابنتي علي بال لما اشوف زميلتكم اللي هناك عاملة ايه
( يذهب للطابة الاخري )
دكتور : واااو برافوو عليكي حلو قوي
طالبة2: ميرسي يادكتور
دكتور : لا بجد برفوا
طالبة2: بس هية ديه يادكتور تترسم ازاي ؟
دكتور : وريني قلمك كدة
طالب : شوفتي اهوه بيرسملها وانا يقولي من بعيد يبني مش ناقصه قرف
طالبة1: هانعمل ايه طيب ؟ اقولك ضفر شعرك هاهاها
طالب : اضحكي انتي التانيه ماهي نقصاكي ... طب تصدقي مش هاجي جنب اللوحة ومش هاظبط حاجة واللي يحصل يحصل
طالبة1: طب اسكت اسكت واعمل نفسك شغال احسن ده شكله جي
طالب : مش هاشتغل
طالبة1: طيب اسكت بقي
طالبة2: ايه ده يادكتور؟ حضرتك خلصتها كلها
دكتور : طبعا بس شغلك واضح فيها
طالبة2: بجد تعبت حضرتك معايا
دكتور : تعبك راحة ياحببتي
طالبة2: نعم؟
دكتور : احم انا نسيت احطلك الدرجة 10 من 10
طالبة2: ميرسييييي
(يرجع للطلبة التانيين)
دكتور: ها وريني عملتوا ايه ؟
طالب : احم
دكتور: اووه شفت لما ميلت دراع التمثال شويه زي ما انا قلتلك بقي احسن ازاي؟
طالبة1: ايه ؟؟
دكتور : كده ممكن اديك 2 من 10 علشان سمعت كلامي
طالب : طبعا يادكتور ده انت استاذنا واحنا كلنا تلامذتك
دكتور : طبعا ياابني وعلشان الكلمة الحلوة ديه هديك 5 من 10.. علي فكرة انت كنت ساقت وانا نجحتك كدة من عندي
طالب : هوة حضرتك امتي ممكن تديني امتياز
دكتور: ( يتخض ) امتياااز ؟؟ ( باستغراب ) .. بص يابني الامتياز للاه وانا ماجبتش جيد جدا ومفيش حد احسن من استاذه فاخرك معاية المقبول
طالبة1: يمهل ولا يهمل
امن2 : ايوة ..ايوه .. خلاص في الطريق ؟ .. حاضر تحت امرك يا فادي باشا .. تحت امرك ..... طب معلش ياجماعة علشان خلاص هانقفل
دكتور : طب يااولاد اشوفكوا بكرة في الكلية بقي
(يبدأ الامن في اخراج الكل من الباب اللي في النص )
امن3: ها المكان فضي؟
امن1: القاعات كلها فضيت
امن2: والصالة كمان فضيت
امن3: ايو يا أ/فادي مفيش حد في المتحف وكلنا مستعدين لاستقبال ضيوف حضرتك يافندم
امن1: ناس مين دول اللي هانستقبلهم؟
امن3: دول الجماعة المهمين اللي مستضفهم ا/ فادي في القصر
امن2: ياتري دول ملوك ولا رؤساء ولا ايه بالظبط علشان يبقوا مهمين؟
امن3: لا ده ولا ده بس ذي اي حد بيجي القصر ده بيكون مهم بالنسبة لينا كلنا
( يدخل فادي )
فادي : مساء الخير
امن1وامن2: مساء النور يافادي باشا
فادي: كل حاجة تمام ؟
امن3: كله تمام يا أ/فادي قاعات الاثار فضيت ووضبنا أوض الضيوف وكله تمام
فادي : ممم الناس دول اول مرة يجو هنا عايزكم تسبوهم يعملوا كل اللي هما عايزينه ومتجبروهمش علي حاجة ومتفرقوش في المعاملة بين اي واحد والتاني
امن1: حاضر دول هاينبسطوا قوي هنا ياباشا
( صوت من الخارج )
امن2: واضح انهم وصلوا
(يبدأ الكل يدخل )
عادل: الصوت يااولاد ... الصوووووت
شادي: هوة الراجل ده مش هايهمد بقي ويبطل زعيق ولا ايه ؟
امير : معلش يا شادي هوة شوية وهايتهد ويفصل لوحده
شادي : لا اصله لو مش هايبطل صوته العالي ده هابطلهوله
عادل : هوة مش انا قلت مش عايز صوت؟
شادي : الكلام ده ليا انا ياعادل؟
عادل : ايوه ليك ياشادي و اسمي استاذ عادل وانا المسؤول عنكم هنا و المفروض تسمع كلامي وتعمل لي احترام
امير : ايه ياجماعة في ايه ؟ فك عليهم شوية ياأ/عادل دول في رحلة
عادل : محدش طلب منك انك تتكلم دلوقتي ياامير واتفضلوا خشوا من غير صوت
امن3 : من هنا ياجماعة واالي معاه اي حاجة معدن يقلعها علشان الجهاز ميصفرش
سارة : يصفرلي ليه ؟ هوة بيحكم ماتش؟
سامح : لا اصله لطيف شويه ... خشي خشي منه لله اللي كان السبب .
(يعدي الجميع ماعدا وحيد تصفر الالة)
امن1 : طلع اي مفاتيح , موبيل ,كاميرا
وحيد : انا جي اتقلب هنا ولا ايه ؟ معيش حاجة من الحجات ديه
امن1 : طب هات شنتطك نفتشها
(يطلع سندوتش من الشنطة )
سامح : ايه ده ؟ سندوتش ايه ده؟ وجبته منين؟
وحيد : ده سندوتش كفته اخدته من البت ساره ... تاخد حتة ؟
سامح : اه هات
وحيد : لأ سائع ومش هايعجبك
امن2 : مفيش حاجة في الشنطة ... انت لابس حزام فيه حاجة معدن؟
وحيد : اه ... ورخصي سليمة كمان لو عايز تشوفها
امن2 : انت داخل لجنة مرور؟ اقلع الحزام
وحيد : نعم ؟ البنطلون يقع
امن3 : معلش مش هايقع .. ديه اجراأت امن
وحيد : اشمعني البنات يعني .. اووف (يقلع الحزام ) .. اهوه
امن3 : الاجراأت ده بتمشي علي الكل مفيش فرق بين ولد او بنت
فادي : معلش ياجماعة علي الاجراأت ديه
مارتينا: بس ليه كل ده يعني؟ انا ماتعودتش علي النظام ده اوووف
فادي : مفيش حد بيخش المكان ده يامرتينا ومعاه حاجة او بيطلع ومعاه حاجة ولازم ترضي باللي هايجيلك ان كان حلو او وحش
امل : انت عرفت اسمها ازاي ؟
مارتينا: اكيد شاف مسرحية من مسرحياتي ما انا دايما بكون البطلة
فادي : القصر ده كان بتاع والدي الملك ومفيش حد بيخشه غير بعد لما اعرف عنه كل حاجة قبل ما ييجي علشان كدة اعرفكم كلكم واحد واحد واعرف عنكم كل حاجة يعني ده شادي و ده سامح و ده اخوه وحيد و ديه سارة ودول أ/عادل المسؤول عن الرحلة وأ/امير المساعد بتاعه وانتي امل وعلي فكرة انا عجبني قوي دورك في المسرحية اللي فاتت ياامل
مارتينا: شوفتي ياسارة عاجبه دور امل مع انها كانت حتيت كومبارس وماقالش حاجة علي دوري مع اني كنت البطلة .. حاجة تغيظ بجد
سارة : لا ياتوتا ماتقوليش كدة ده دورك كان يجنن بجد
مارتينا: طبعا ده انا نجمة المسرح
سارة : طبعا ياتوتا انتي هاتقوليلي
شادي : هوة انتي شفتي المسرحية اصلا
سارة : ايوة طبعا من طأطأ لسلامو عليكو
شادي : اني متأكدة ؟؟
سارة : ايوة حتي بالامارة كانت طالعة في دور برد
مارتينا: شفت ياشادي بتتريق عليا ازاي؟
شادي : انتي هاتهزري معايا ولا ايه ؟؟ ( يمسكها من قفاها )
سارة : اخر مرة بجد بس هدي انت اعصابك واوعي تتهور ( بخوف )
شادي : ايوة كدة اتعدلي معاية وبطلي كذب وتريقة علي الناس
سارة : حاضر حاضر
امل : سامح شكل التمثال اللي هناك ده يخوف قوي
سامح : وانتي خايفة ليه؟ مااحنا كلنا مع بعض اهوه
امل : اصله مرعب قوي
سامح : مرعب قوي؟ يختي كميلة
امل : لا انا خايفة
سامح : انتي هاتعيطي؟ ده تمثال ياامل صدقيني تمثال ومبيخوفش (يقف جانبه) شوفتي؟ اهوه واقف جانبه ومعضنيش اهه
(يبص عليه ويتأمل زيادة ويفضل ثابت وباصص عليه باستغراب ويقرب منه اكتر)
عادل : يلا ياجماعة علشان أ/فادي هايفرجنا علي الاثار اللي هنا
امير : سامح ... سامح؟ تعالي يلا ... صدقني هانرجعله تاني .. انت نمت ولا ايه ؟... هيا الساعة كام ؟(بيص في الساعة ) .. 10 ونص الا 5 ؟ اه طاب يدوب تلحق تتفرج علي حلم 10 ونص... طب احجزلك صالة ولا بلكون ؟؟ واضح اني هاحجزلك سرير .... ( ينظر اليه ويستغرب ) سامح
عادل : سامح ( يزعق )
سامح : هاه؟
عادل : ايه هانتفضل مستنينك كتير؟ يلا
سامح : حاضر
امير : يعني انا بقالي ساعة بندهلك ولا انت هنا وهوة من كلمة واحدة رديت عليه وسبت فقرة الاعلانات اللي قبل الحلم؟ ... ما علينا
فادي : ابدأ ؟
عادل : اتفضل
فادي : ديه اول قاعة وهية القاعة الرئيسية وبنشوف فيها هنا لوحة " قلع عين شمشون "
ولوحة " داوود وجليات " و لوحة " طرد ادم وحوة من الجنة "
امير : وايه ده؟
فادي : ده ؟ ده " خاتم الملك " ويعتبر من اهم الحجات اللي هنا في المتحف لأنه خاتم المُلك .. وده من الذهب الخالص ويعتبر غالي جدا
مارتينا: واو ده وهمي
فادي : بيقولوا ان عقاب اي حد هايخده هايكون قاسي قوي
وحيد : هايكون عقابه ايه ؟
فادي : هايكون عقابه ... الموت
امل : الموت ؟؟
مارتينا: واااو
فادي : في المتحف ده من حققكوا تعملوا اي حاجة ماعدا انكوا تلمسوا الخاتم ده اوتقربوا من التمثال اللي هناك ده
امل : هوة تمثال مين ده؟
سارة : اه بتاع مين ده
امير : هاتموتوا وتعرفوا؟
امل : اه الفضول هاياكلنا
امير : خليه ياكلكوا يمكن ياكل لسان سارة وتبطل اللوك لوك بتاعها
سارة : الله بقي ياأ/امير
امير : استاذ؟ هوة بقي فيها استاذ؟ مانا ذيي ذيوكم هنا اهوه
فادي : التمثال ده يبقي تمثال " ابليس "
عادل : وده ايه حكايته ؟
فادي : ده كان خادم من خدام الملك وغروره خلاه يفتكر انه ممكن يبقي مكان الملك وعمل انقلاب فطرده الملك هوة وانصاره وبقي ذي قطاع الطرق .. موت كتير وسرق كتير وبقي ليه اتباع كتير قوي لدرجة انهم سموه ملك الشر
امل : ايه ده انا خايفة قوي
فادي : ودلوقتي تعالوا اوريكم بقيت القاعات
(يخرج الكل ماعدا وحيد فيرجع له سامح )
سامح : وحيد ( ينظر وحيد للقيلادة ) وحيد اوعي تكون بتفكر.... لا ياوحيد ارجوك
وحيد : لا ليه ؟
سامح : انت مسمعتش هوة قال ايه ؟
وحيد : طبعا سمعت خاتم الملك وغالي جدا يعني ناخدها ونبيعها وشوف هانعيش ازاي هانعيش زي الملوك يا سامح
سامح : انت ده كل اللي سمعته ؟ انت بتفكر ازاي ؟ انت ماسمعتوش وهوة بيقول ان عقاب اللي هايسرقها هوة الموت ؟ وهلاك الكل ؟
وحيد : سمعت بس تفتكر ان الكلام ده صح ؟
سامح : اكيد صح امال هايكذب عالينا ليه ؟ ارجوك بلاش .. لو مش هامك نفسك فكر في الناس اللي معانا دول .. ذنبهم ايه يضيعوا بسببك ؟ خاف عليهم
وحيد : ناس؟؟ ناس مين ؟ من امتي وانا ليا علاقة بيهم ولا من امتي وهما بيهتموا بيا ولا بيحسوا بيا ؟.. انا من يوم لما عرفتهم وانا مش عارف انسجم معاهم حاسس انهم كلهم جروبات وشلل مقفلة علي بعض ومش عايزين حد زيادة عليهم .. وكل واحد منهم بيبصلي باستحقار اكيد علشان افقر منهم
سامح : يا وحيد ماتبصلهاش بالطريقة ديه ماانا اخوك اهوه وبيتعاملوا معايا عادي
وحيد : ماتحاولش ترجعني انا خلاص اخدت قراري
سامح : تعالة ياوحيد تعالة ربنا يهديك تعالة احسن هانتوه منهم
وحيد : هاجي دلوقتي لكن راجع تاني .. راجعلك وهاتكون ملكي وهغتني ومش هايهمني حد من الناس اللي بيستحكروني دول وهدوس عليهم كلهم كلهم كلهممم
( ستار )
المشهد الثاني
( يفتح الستار علي منظر القصر وامل وسارة واقفين )
امل : اخيرا اتفرجنا علي المتحف كله ... بس بجد عاجبني قوي ان المكان كله منور علشان بخاف من الضلمة
سارة : انتي في ايه اصلا مابتخافيش منه ؟
امل : بجد مش عارفة كل حاجة بخاف منها مفيش حاجة مش بتخوفني بخاف من اهلي ومن المدرسين والدكاترة بخاف من الموت والضلمة بخاف من التماثيل والناس مبقاش عندي ثقة في نفسي او في اي حد حتي في المسرح بخاف وانا طالعة علي خشبة المسرح حتي في توزيع الادوار بكون شايفة مارتينا واثقة من نفسها لكن انا بكون خايفة اني ماخدش حتي دور كومبارس
سارة : طبعا لازم تكون واثقة انها هاتاخد دور ودور بطولة كمان مش اي دور
امل : انتي بتقولي ليه كدا ؟
سارة : اصلك متعرفيش بقالي فترة بشوفها بتقف مع المخرج وعلي طول معاه وياعاليم بقي في ايه بنهم
امل : انتي متأكدة من الكلام ده ؟
سارة : طبعا ده انا شيفاهم بنفسي... اسكتي اسكتي احسن دول جايين
(يدخل شادي وبعد لما يعدي يبص علي التمثال و يرجعله )
امل : دلوقتي بس انا عرفت جابت الثقة اللي فيها منين
شادي : بقي ده موت ناس كتير .. ده انا ممكن افعصه بايدي .. كان نفسي تكون حي قدامي علشان اتحداك وأواري الناس كلهم انك ضعيف جدا
( تدخل مارتينا )
مارتينا: انت بتكلم نفسك ولا ايه ياشادي؟
شادي : لا طبعا كنت بكلم التمثال ... ابليس .. ملك الشر
مارتينا: يالهوي .. انت اتجننت ؟ انا بقول تطلع تنام احسن
شادي : مش لما نعرف مكان الأواض فين الاول ؟
عادل : (صوت ) يلا بسرعة ومش عايز صوت
( يدخل الكل )
شادي : يوووووووه ياعم من غير الزعيق بتاعك ده احسن بنخاف
فادي : طيب ياجماعة انا شايف انكوا خلاص تعبتوا وعايزين تناموا
مارتينا: اه ده انا خلاص رجلي اتكسرت مش متعودة علي كدة
امير : هوة خلاص كده مفيش حاجة هانشوفها تاني في المتحف؟
فادي : في حاجة مهمة جدأ هية عبارة عن سلاح بيحمي من اي شر .. ناس كتير عرفينه لكن بينسوه ويسيبوه في المخزن .. بس ساعات بيفتكروه في وقت الحروب تعالوا اوريهولكوا
وحيد : عايز اناااااااااااااام
عادل : خلاص خليها بعدين يا أ/فادي ... يلا ياجماعة أ/ فادي هايوريكم مكان الأوض
( يخرج الكل وبعدها بشوية يدخل شخص يلبس اسود ومغطي وشه .. ينظر للخاتم .. يمسك الخاتم الانوار تطفي والباب يتقفل )
الشخص : هااه ( استغراب وخوف )
ابليس: هاهاهاها
( يسمع الصوت فيطلع يجري ) ( تدخل سارة وامل في الظلام )
امل : هوة في ايه ؟ ايه صوت الضحكة العالية ديه ؟ المكان مكانش ضلمة كدة اكيد في حاجة حصلت وفين بتوع الامن؟ اااااااااااااه ( صويت )
( يدخل الكل ماعدا وحيد )
شادي : في ايه ؟
مارتينا: ايه اللي حصل ؟
عادل : ايه الصوت العالي ده ؟
( يضاء النور فجأة وامل واقعة علي الارض وجنبها سارة لابسة اسود وتتخض اول لما تشوفهم وتبتدي تتلغبط في الكلام)
سارة : امل امل .. فوقي يا امل
فادي : امل اني كويسة ؟
سارة : ديه مابتنطقش .. اتصرفوا أ/امير اتصرف
امير : وانا مالي... خالوا أ/عادل يبقي يتصرف
عادل : انا عايز اعرف ايه اللي حصل بالظبط
سارة : احنا سمعنا صوت ضحكة عالية قوي .. واحنا ماكناش عارفين ننام فاقمنا نشوف مين ده اللي لسة صاحي وبيضحك كدة ... لاقينا ضلمة في المكان كله وفي وسط الضلمة ديه شوفنا.....
شادي : شوفتوا ايه؟
سارة : شوفنا راس التمثال اتحركت وبصت علينا ورجعت مكانها تاني
عادل : نعم ؟؟ راس التمثال بتتحرك ؟ انتي هاتهرجي ؟
شادي : سيبك منها ديه كذابة ياعم والكل عارف كدة
سارة : صدقوني اتحركت صدقوني والله اتحركت
شادي : قال للحرامي احلف
عادل : كمان بتكذبي ؟ .. اكيد انتي اللي عملتي فيها حاجة ؟؟ مفيش اي دكتور قريب يا أ/فادي؟ أ/فادي ..(ميردش وباصص علي الخاتم ) أ/فادي؟
(يبص الكل علي الخاتم فجأة)
مارتينا: الخاتم !!
عادل : دلوقتي بقي واضح قوي اللي حصل ... حاولتي تسرقي الخاتم ولما شافتك حاولتي تقتليها
(يسبهم فادي ويمشي في حزن فينظر الكل لسارة )
سارة : لأ ماحصلش صدقوني لأ مش انا وراس التمثال اتحركت بجد
امير : انتي يا ترجعي السلسلة ياهانبلغ البوليس
فادي : ماحدش يبلغ
سارة : انا مسرقتش حاجة يا أ/فادي صدقني
فادي : مصدقق يابنتي
( يخرج في حزن )
شادي : يعني ايه اللي قاله الراجل ده دلوقتي؟
مارتينا: يعني التمثال بيتحرك بجد ؟
عادل : ده مش ممكن .. انا لا يمكن اقتنع بالكلام ده .. فادي طول عمره بيهدي الامور .. اكيد هية اللي سرقته ( يشاور علي سارة )
سارة : صدقوني اتحرك
شادي : انا هاكسر التمثال ده ( يجري علي التمثال فيلحقة سامح )
سامح : اعقل يا شادي أ/فادي قالنا منقربش منه ... وكمان ماهي باينة اهيه مين الي سرق
(ينزل سامح )
وحيد: ايه ياجماعة في ايه ؟ صوتكوا عالي مش عارف انام
عادل : في ايه ؟! طبعا ماانت نايم .. الخاتم اتسرق ياأستاد... واتسرق واحنا في المتحف ومكنش في حد غيرنا هنا
شادي : قصدك ايه ؟
عادل : انت عارف قصدي كويس
شادي : وانا ماسمحلكش انك توجه اتهام ذي ده لاي واحد منا
عادل : اللي سرق الخاتم يطلعه
وحيد : خاتم ايه اللي اتسرق ؟
امير : خاتم الملك
(تبدأ تفوق امل )
وحيد : ايه ؟ امتي ؟ وازاي ؟ ومين اللي سرقه ؟ ( باستغراب )
امير : لسة مش عارفين اي حاجة
امل : اااه
سارة : امل كويس انك ابتديتي تفوقي
عادل : الخاتم ده اللي سرقه واحد مننا .. ولازم قبل بكرة الخاتم ده اللي يرجع او هاتكون ديه نهايتنا كلنا .. انتوا فهمين ؟ .. يلا كل واحد علي اودته ومش عايز اشوف اي حد هنا .. ولغاية لما نعرف فين الخاتم انتي المسؤولة عن سرقته ( ينظر لسارة )
( ظلام )
( يضئ النور ويظهر امير وهو قاعد علي الارض وباصص علي الباب وتدخل مارتينا من اليمين )
مارتينا: امير!! قاعد كدة ليه ؟
امير : عادي
مارتينا: عادي؟ عليا انا يا امير ؟ بتخبي عليا انا ؟ امال لو ماكوناش بنحب بعض وكنت عملت ايه ؟
امير : مارتينا انا بجد اتخنقت ... انا مالي ومال اللي بيحصل ده ؟
مارتينا: مافيش حد فينا ليه ذنب في اللي بيحصل . ده حد غلط وكلنا بنتعاقب بسببه
امير : بنتعاقب بسببه ؟ ده احنا محبوسين هنا كل الابواب مقفولة ومافيش حد هايعرف يخرج
مارتينا: تفتكر بعد اللي حصل ده في امل ان احنا نعيش ؟ ولا فعلا هانموت كلنا هنا ؟
امير : مش عارف .. بجد مش عارف .. بس اللي اعرفه انه اكيد فادي مش هايسبنا كده
مارتينا: مش هايسبنا ؟ ده اكيد هوة اللي هايموتنا علشان الخاتم
امل : الله الله ايه مالكوا واقفين لوحدوكوا كدة ليه ؟
مارتينا: لا عادي كنا بنتكلم علي اللي احنا غيه
امل : علي اللي انتوا فيه ولا علي حاجة تانية ؟
امير : قصدك ايه ؟
امل : هيا عارفة قصدي ايه كويس ... مش كفاية المخرج ؟ هايبقي المخرج واميركمان ؟
امير : مخرج ؟ مخرج ايه ؟
امل : المخرج اللي هية طول النهار خارجة معاه وانا بقول بتاخدي ادوار بطولة دايما ليه؟ كنت هاتجنن واعرف لحد لما سارة كشفتك
مارتينا: ايه ؟
امير : نعم ؟
مارتينا: امير ماتصدقهاش ارجوك ده كدابة
امير : ماصدقهاش؟وهية هاتكذب ليه يعني انا فعلا شفتك اكتر من مرة واقفة مع المخرج .. ياتري في مين تاني ياانسة ؟ ... واضح اني كنت مغفل فعلا
( يخرج فتحاول تمسكه من ايده )
مارتينا: امير استني
امير :اوعي ( يزقها يخرج )
مارتينا: امير امير .... ساررررررررة ......... ساررررررررررة
( تدخل سارة بسرعة )
سارة : ايه؟ في ايه ؟
مارتينا: انتي ايه اللي قولتيه ده ؟
سارة : قولت ايه ؟
امل : مش انتي قولتيلي انك شوفتيها مع المخرج ؟
سارة : هوة انا ناقصة مشاكل ؟ ( في سرها ) انا ؟ محصلش طبعا
امل : محصلش؟ ازاي ده انتي قولتيلي كدة امبارح
سارة : اكيد انتي بيتهيقلك
مارتينا: ليه ؟ ليه تعملوا فيا كدة ؟..لييه ؟ حرام عليكم ؟ احنا كنا بنحب بعض بجد ليه تطلعوا كلام يضيع كل اللي بنا ؟ لييييييه ؟.
( يدخل الكل ماعدا امير )
الكل : اييه في ايه ؟
سارة : مفيش ؟
مارتينا: مفيش؟ ازاي مفيش انتي مش حاسة باللي عملتيه ؟ انتي فعلا حقيرة وحرامية و معندكيش دم
( ظلام )
ابليس : هاهاهاهاهاهاها
(نور ويختفي التمثال )
عادل : التمثال اختفي؟
سامح : ازاي ؟ ماتفهمنا يا أ/فادي
فادي : التمثال مااختفاش لكن قوته زادت وقدر يتحرك من مكانه
امل : قوته ازاي زادت؟
فادي : قوى ابليس هية غلطاتكم كل لما بتغلطوا كل لما بتعتبروا من انصاره واتباعه وقوته بتزيد
عادل : المشاكل كلها ابتدت من ساعة لما الخاتم اتسرق
( يدخل امير بيجري )
شادي : في ايه ؟
امير : كنت داخل الاوضة وانا متعصب قوي سمعت صوت ضحك ابليس وشفته بيجري وهوة فرحانك
امل : انا خايفة قوي بجد
فادي : ماتخفوش انا مش هاسبكم وهاقف جنبكم ... دلوقتي كل واحد يطلع يصلي ( يخرج الكل ) مارتينا استني
مارتينا: ايوة يا أ/فادي
فادي : ماليك ؟
مارتينا: مالي ؟ انا خسرت كل حاجة .. كل حاجة... انا طول عمري حاسة ان انا النجمة لكن اول لما جيت هنا حسيت اني بجد ولا حاجة كأني واحدة عادية .. حتي انت لاقيتك بتقول لامل ان دورها عجبك وانا لا .. رغم ان انا كنت البطلة ودلوقتي بعد الكلام اللي طلع عليا امير عمره ما هايبصلي تاني رغم اننا كنا بنحب بعض وكان خلاص هايتقدملي بجد
فادي : قوليلي انتي بتحبيه بجد ؟
مارتينا: قوي
فادي : يبقي ماتخفيش .. صلي ولو ربنا عايزكم تكونوا لبعض يبقي هاتكونوا لبعض مهما حصل ومهما بعدتم عن بعض او حاول الناس يفرقوا بينكم ولازم تثقي في كدة
مارتينا: بس في كلام اتقال عليا واكيد هوة اتضايق وفاكر اني كنت بخدعه وبلعب بيه .. وكمان الكلام ده لو وصل للمخرج ده هايضيع نجوميتي اللي عملتها في مسرح الكنيسة ده لو قدرت اوريهم وشي تاني اصلا
فادي : مممم ... وانتي داخلة المتحف هنا اكيد عديتي علي الجنينة اللي تحت وشفتي الشجر مليان ثمار وورود .. تفتكري ايه احلي حاجة في الشجر ده وليه ؟؟
مارتينا: اكيد الورد علشان شكله حلو ورحته حلوة
فادي : لأ
مارتينا: لأ؟ مم يبقي اكيد الثمار علشان طعمها حلو وكل الناس بتحبها
فادي : برضه لأ
مارتينا: لأ ؟ امال ايه ؟
فادي : انتي بصيتي علي الشكل والريحة والمنظر الخارجي لان ده اللي يهمك , نجوميتك وشكلك قدام الناس وشهرتك وان كانوا بيحبوكي ولا لأ علشان كدة عمرك ما هاتعرفي ايه احسن حاجة في الشجرة
مارتينا: طيب هية ايه احسن حاجة ؟
فادي : احسن حاجة تبقي جزر الشجرة ..
مارتينا: بس ده الحاجة الوحيدة اللي مدفونة في الارض ومفيش حد شايفه
فادي : بس لولاه مفيش ماية هاتوصل للشجرة والشجرة هاتموت ومش هايبقي في لا ورد ولا ثمار...علشان كدة ده اهم حاجة .. اتعلمي تخدمي في الخفاء مش لازم تظهري نفسك دايما علشان يبان انك احسن واحدة .. بصي لنفسك كبطلة وبصي للكومبرس اللي واخد اصغر دور وشوفي لو في مشهد هوة ماطلعش او مكانش في حد يفتح الستارة او مفيش اضاءة ايه اللي يحصل؟
مارتينا: هاتبوظ المسرحية
فادي : وهوة ده اللي عايز اوصلهولك ان ممكن يكون بتاع الديكور او اوالاضاءة اوالصوت او حتي اللي بيفتح الستارة دورهم صغير او مش ظاهرين لكنهم بيخدموا برضوا واللي بيعملوه بيكون في نفس اهمية الممثل اللي عامل اكبر دور
مارتينا: بس المسرح نشاط مش خدمة
فادي : المسرح نشاط وفن بنقدمه لكنه عبارة عن رسالة او كلمة بنقدمها للناس بطريقة حلوة ناس كتير مش بيخشوا الكنيسة ولا بيسمعوا وعظات او كلام ربنا وبيجوا يحضروا مسرحية علشان يضيعوا وقت فلما احنا نوصلهم كلمة ربنا في الوقت ده تعتبر ديه خدمة ونشاط روحي ... لكن لازم تعرفي كويس انت علي المسرح زي قطعة الشطرنج هاتفضلي ثابتة ومش عارفة تعملي حاجة غير لوايد ربنا اتمدت وساعدتك
مارتينا: انا دلوقتي فهمت قصدك وفهمت يعني ايه الخدمة في المسرح وازاي ربنا هوة اللي بيقف جنبنا فيها
فادي : ده كويس قوي ودلوقتي اطلعي صلي وارجوكي بلاش تزعلي من سارة وان شاء الله كل حاجة هاتبقي كويسة تاني ولو ربنا اراد هاتبقي انتي وامير لبعض
مارتينا: حاضر ومتشكرة قوي
( تخرج من الشمال )
فادي : معقولة؟ واحد بس يغلط والكل هايموت بسببه ؟ طيب الكويسين فيهم ذنبهم ايه ؟
( يدخل عادل )
عادل : أ/فادي انا أسف قوي بجد علي الحصل . انا هافتش أود الأولاد واللي هالاقي معاه السلسلة هايكون عقابه مني قاسي قوي
فادي : عادل بالراحة علي الاولاد شوية .. اسلوبك غلط
عادل : غلط أزاي ؟
فادي : انت عصبي قوي وبتحب ان كلامك هوة اللي يمشي ولاغي رأي بقيت اللي معاك
عادل : طبعا علشان انا المسؤول عنهم وكلمتي هية اللي لازم تمشي علشان اي غلط هايحصل هايكون في وشي انا . فلازم اتعامل معاهم كدة علشان يكونوا كويسين
فادي : بالعكس .. انت عارف انت عامل زي ايه ؟... زي راعي الغنم اللي الملك يديله غنمه ويقوله ارعي غنمي ... لكن علشان عايز كل اللي في المملكة يقول انك راعي كويس .. تبقي قاسي اوي علي الغنم ومش مديهم حريتهم علشان يكونوا منظمين والذئب مايوصلهمش .. لكن قسوتك ديه هاتكرهم فيك وهاتخوفهم منك فاهايهربوا وممكن يروحوا للذئب بنفسهم وياكلهم
عادل : وايه اللي اقدر اعمله علشان احببهم فيا وفي نفس الوقت احافظ عليهم ؟
فادي : سيبلهم حريتهم .. دول عملين زي الاطفال الصغيرين طول ما انت قافل عليهم الباب هايكونوا عايزين يخرجوا يعرفوا ايه برة .. لغاية لما هايخرجوا من وراك وهايتوهوا منك ... افتحلهم انت الباب بنفسك سيبهم ياخدوا حريتهم لكن في نفس الوقت مايبعدوش عن عينك وخلي بالك منهم .. سيب المساعدين اللي معاك ياخدوا حريتهم ويقولوا رأيهم ممكن يكون في رأي كويس وتتعلم منه انت
عادل : بس دول لسة صغيرين وممكن تكون الافكار اللي في دماغهم غلط
فادي : ساعت لما يقولوا رأيهم ويطلع غلط ده كويس غلشان هاتقدر تصححهلهم مش هاتسيب غلطهم جواهم من غير لما تصلحهلهم ... عادل ماتخلهمش يضيعوا دول ذي اولادنا
عادل : اتطمن اولادنا مش هايضيعوا يا أ/فادي .انا خلاص فهمت ايه اللي المفروض يتعمل .. عن اذنك انا هاطلع افتش الأود
فادي : وانا هانزل المخزن في حاجة مهمة لازم اعملها تحت
( يخرج عادل )
فادي : انا سبته يطلع يفتش الأود رغم اني عارف مين اللي سرق ... انا مش محتاج الخاتم في حاجة لأني عارف ان رجوعها مش هايأثر في حاجة انا عايز بس اللي سرقه يعترف علشان اقدر اساعده واسامحة... ارجوك يارب قويني وساعدني وخليني اقدر اساعدهم
( يخرج ويدخل شادي ويتجه الي الباب )
شادي : اوووووف كفاية بقي اللي بيحصل ده
(ظلام واول لما النور يولع يكون ابليس قدام الباب )
ابليس : رايح علي فين
شادي : خارج
ابليس : بالسهولة ديه ؟
شادي : وايه اللي هايمنعني
ابليس : انا
شادي : انت ؟ انت مين اصلا
ابليس : انا ابليس ... ملك الشر
شادي : هاها ملك ؟
ابليس : ايوة ملك ومفيش حد يقدر يخرج من الباب ده غير لما يتحداني ويهزمني
( يسيبه شادي يحاول يخرج )
ابليس : قلتلك لازم تتحداني علشان تخرج من هنا... ولا انت خايف احسن ضعفك يظهر
شادي : ضعف ؟
ابليس : ايوة ... انت ضعيف ... وجبان
شادي : انا مش ضعيف ( بعصبية )
ابليس : لو ماكنتش ضعيف ماكنتش هاتخاف انك تتحداني ( يطلع سيف )
شادي : انا مش خايف ( ياخد سيف من علي الحيطة )
ابليس : جبان وهاتخسرحياتك
شادي : مش هايحصل
( تبدأ مبارزة بينهم )
ابليس : مفيش حد يقدر يهزمني وهاتموتوا كلكم هنا
شادي : انت مغرور( يجري عليه ويفلت ابليس ويضربه في كتفه بعد كدة في رجله فيقع علي الارض ويقع منه السيفيحاول يمسك السيف تاني لكن ابليس يذقه برجله و يمسك شادي من شعره )
ابليس : كنت فاكرك قوي لكنك طلعت اضعف مما تخيلت علشان كدة هاتكون اول واحد يموت فيهم
شادي : آآآآآه
ابليس : ودلوقني جت نهايتك ( يرفع السيف )
فادي : استني
ابليس : هاه
فادي : بلاش تقتله .. انا مستعد اعمل اي حاجة بس بلاش يموت
ابليس : هوة اختار طريقه واتحداني وخسر علشان كدة لازم يموت
فادي : اعمل اي حاجة بس سيبه يعيش
ابليس : اي حاجة؟ ... ممممم ( تفكير ) هاهاهاها .. لو انت عايزه يعيش ييبقي مفيش غير حل واحد بس
فادي: ايه هوة ؟
ابليس : انك تموت مكانه
شادي : لأ ماتوافقش
فادي : ..... موافق
ابليس : هاهاهاها
شادي : لا يا فادي بلاش ... ليه تموت ؟
فادي :علشان انقذك انت و البقيين واحميكم من الموت
شادي : بس احنا اللي غلطنا وغلطنا فيك وسرقنا الخاتم بتاعك كمان .. لكن انت عمرك ما غلطت
فادي : لازم اللي يفديكم لازم يكون بلا خطية
ابليس : دلوقتي .. معادك جه ( يبدأ يشده ناحية الباب اللي في النص )
فادي : شديد .. بص حوليك وانت هاتعرف السبب الحقيقي لقوتك
شادي : لا يافدي بلاش تروح معاه بلاش تموت .. لأ يافادي لأ لأ لأاااااااا
( ستار )
الفصل الثاني
المشهد الاول
( ترنيمة في الدخول والتعذيب )
ابليس : ان ملك ؟ هاهاها
مارتينا : حرااام .. كفاية تعذيب فيه
ابليس : هاهاهاها
امير : ليه يافادي تموت علشانا ليه ؟
( يبدأ ابليس يدق المسامير )
فادي : آآآآآآآآه
سارة : كفايييييييييية
ابليس : اخيرا يافادي هاتموت وهاخلص منك
سامح : لا بلاش يموت .. ارجوك
ابليس : هاهاهاها
( يبدأ يرفع الصليب )
وحيد : خد السلسلة اهيه وسيبه بلاش تموته
فادي : آآآآآآآآآآه ......... آآآآه
( سكوت )
مارتينا : ماتسيبناش يافادي
فادي : ماتخفوش ... هافضل دايما معاكم
امل : ليه تموت واحنا محتاجنلك ؟
فادي : خليكوا مستعدين .... انا هارجع تاني .... دوروا في المخزن علي سلاحكم
شادي : سلاح ؟؟
فادي : آآآآآآآآآه ( الم ) .... عادل ... امير .... ارعوا خرافي ( يموت )
ابليس :هاهاهاهاها
الكل : لاااااااااااااااااا
عادل : فعلا كنت انت الملك
( ستار )
المشهد الثاني
سارة : احنا هانفضل محبوسين هنا لغاية امتي ؟ الباب اهوه اتفتح بس برده لازم نتحدي ابليس علشان نخرج وكل ده علشان واحد سرق الخاتم.. يمكن لو صليت ربنا يساعدنا ونخرج من اللي احنا فيه ده (ترقع )... بسم ال..........
ابليس : انت صلي بجد ؟
سارة : أأأأأأأه ( صويت خوف )
ابليس : لا لا لااااااااا وطي صوتك ومتخافيش
سارة : انت عايز ايه مني ؟
ابليس : انا كنت جي اقولك علي حاجات مهمة جدا
سارة : لا ابعد عني وسيبني اصلي
ابليس : تصلي ؟ هاهاهاها تصلي ازاي ؟ انتي ازاي جالك الجرأة انك توري ربنا وشك رغم كل الخطاية اللي فيكي ديه ؟ ده انتي كذابة ولسة مفرقة بين اتنين بيحبوا بعض و.... سارقة الخاتم
سارة : انا ماسرقتش حاجة .. انت عايز ايه ؟
ابليس : عايز اساعدك .. الكل كارهك وماتنسيش انك لسة من المتهمين اللي بيشكوا انهم سرقوا الخاتم
سارة : لأ فادي قالوهم اني مش انا
ابليس : وفادي مات ومفيش دليل علي كلامه
سارة : وانت اللي قتلته
ابليس : هوة اللي طلب بإرادته مش ماحدش غصب عليه ونسي انه الوحيد اللي يقدر يبرأيك ودلوقتي هاتتعقبي وممكن تموتي الا اذا عرفوا منك مين اللي سرق الخاتم
سارة : وانا اعرفة ازاي؟
ابليس : انا هاقولك عليه ومستعد اخرجك من هما كمان لو عايزة
سارة : انت تعرف مين اللي سرقه ؟؟
ابليس : طبعا اعرفه سامح صاحبكم هوة اللي سرقه وهوة الوحيد اللي يقدر يخرج من هنا دلوقتي لكن لو بلغتي عنه هاخرجك من هنا بداله
سارة : انت كداب ... سامح عمره ما يعمل كدة ... انت عايز توقع بينا
ابليس : قولي ذي ماانتي عايزة لكن .. ماترجعيش تندمي بعد كدة لما تتأكدي ان الخاتم في الأوضة عنده
سارة : انت متأكد؟
ابليس : انا قلت اللي عندي ودلوقتي لازم امشي
سارة : لأ استني
( يسيبها ويخرج )
سارة : معقولة يكون سامح هوة اللي سرق ؟ اكيد لأ .. الاوضة فيها وحيد وسامح مش سامح بس ... ( يدخل سامح في نص كلامها وينظر للباب ) مين فيهم اللي سرق وليه ميكنش ابليس نفسه هوة اللي سرق؟ ( تنظر خلفها فتجد سامح ) ... واقف كدة ليه ؟ ماتخرج ؟
سامح : اخرج اروح فين ؟
سارة : اهرب
سامح : بالسهولة ديه ؟
سارة : طبعا ديه سهلة جدا ... الباب اهوه مفتوح قدامك ... ومحدش يقدر يخرج منه غير لو اتحدي ابليس او .... كان معاه الخاتم
سامح : انتي قصدك ايه ؟
سارة : انت عارف انا قصدي ايه كويس
سامح : لأ مش عارف
سارة : سرقت الخاتم ليه ؟
سامح : خاتم ايه اللي سرقته ؟ مين اللي قالك كدة ؟ انا مسرقتش حاجة
سارة : ابليس قالي كدة
سامح : وانتي بتصدقي ابليس وتتهميني ؟
سارة : ايوة
سامح : انت يا سارة اللي بتقولي كدة ؟ انتي اللي اعتبرتك من اقرب الناس ليا تقولي عليا حرامي ؟ انا ياسارة ؟ انا اسرق ؟ انا عملتلك ايه غلط علشان تقولي عليا كدة ؟ مش كفاية مارتينا اللي دمرتلها حياتها بسبب الكلام الغلط اللي قولتيه ؟ عايزة تدمريني انا كمان ليه ؟ هوة علشان مايقولوش انك سرقتي الخاتم تروحي قايلة اني انا اللي سرقته؟ حرام عليكي حرام عليكي ( بكاء )
سارة : ايه ده ؟.. انا اسفة بجد انا ماكنش قصدي .. بس انت عارف اللي احنا فيه وابليس اكدلي ان الخاتم في الاوضة عندك
سامح : (وشة يتقلب ويبطل بكاء) وتفتكري لو قلتلي لحد ان الخاتم في اوضتي هايصدقوكي؟
سارة : يعني ايه ؟ ..... انت قصدك ان انت ........
سامح : ايوة انا .... انا اللي سرقت الخاتم
سارة : انت ؟...... طيب ليه ؟.... ليه تسرق وتحطنا كلنا في اللي احنا فيه ده ؟ ليييه؟
سامح : اهوة ده اللي حصل واعملي اللي انت عايزاه ولو عايزة تقوللهم قوللهم ماحدش هايصدقك علشان انت كذابة والكل عارف كدة
سارة : انا فعلا هاقلهم ولو ماقلتش .. كدة كدة أ/عادل اكيد هايفتش الاوض وهايعرف
( تسيبه وتخرج )
سامح : طيب وبعدين؟ كدة هايعرفوا اني انا اللي سرقت ؟ واكيد هاموت زي ما فادي قال اوهاتسجن
ابليس : انت مش هاتتسجن لأنك فعلا مسجون في القصر ده
سامح : هاااه ( يتخض ) انت عايز ايه ؟
ابليس : انا عايز اساعدك واهربك من سجنك او هاسيبك تموت هنا
سامح : انت؟ تساعدني؟ امال لو ماكنتش قلت لامل ان الخاتم معاية كنت عملت ايه ؟
ابليس : انت انسان وهاتفضل بعقل انسان ومش هاتقدر تستوعب اني عملت كدة علشان اهربك انت
سامح : تهربني ازاي ؟ بانك تقولوهم ان الخاتم في الاوضة عندي؟
ابليس : وهوة في حد هايصدق واحدة كدابة ؟ .. كدة كدة هايفتشوا الاوضة وهايلاقوا الخاتم لكن لما هاتقول هية انك انت اللي سرقت الخاتم مش هايصدقوها علشان كدابة وهايقولوا ان وحيد هوة اللي سرق الخاتم .. مش انتوا الاتنين مع بعض في اوضة واحدة ولانسيت؟
سامح : وحيد ؟ اخويا ؟ بس انا سرقت الخاتم اصلا علشان هوة مايسرقوش ويضيع نفسه وكنت ناوي اول لما نيجي نمشي ارجعه تاني
ابليس: واستفدت ايه ؟ ولا حاجة ... غلط وسرقت وجبت الموت ليكم كلكم حتي اخوك هايموت .. حتي انت كمان ها تموت الا اذا سبتني اساعدك
سامح : وهاتساعدني ازاي ؟
ابليس : انا مستعد اسيبك تخرج من هنا بس بشرط ... انك تسيبهم يمسكوا اخوك علي انه هوة اللي سرق الخاتم
سامح : بس ده اخويا ازاي اسيبه يموت ؟ ... والباقيين هايكون مصيرهم ايه ؟ وكمان انا ايه اللي يضمنلي انك هاتخرجني من هنا ؟
ابليس : اللي يضمنلك هوة اني .. انا .. اللي ساجنكم في القصر ده والباب ده مفيش حد يقدر يخرج منه غير اللي انا عايزه يخرج حتي لو كان فادي فتحهلكم بموته .. ولما انت هاتخرج مش هاسيب حد يخرج بعدك ومفيش حد هايقدر يعاقبك حتي لو عرفوا انك انت اللي سرقت لأنهم كلهم هايموتوا هنا
وحيد : بس لو خرجت من هنا هابقي بخونهم وهابقي سبت اخويا يموت بدالي ... لأ انا مش هاوافق ... بس .. لو انا ماوافقتش هايعرفوا اني انا اللي سرقت الخاتم وعقابي منهم هايكون صعب قوي ... بس انا مش عايز اخونهم واسيبهم يموتوا واهرب ... اعمل ايه ؟ ( تفكير )...... كدة كدة الكل هايموت هنا حتي لو عرفوا ان انا اللي سرقت ... يبقي انتهز الفرصه واهرب ... واي حد مكاني كان قال يلا نفسي ... ابليس انا موافق علي شرطك
(ظلام )
(يضاء النور ويكون الكل واقف ماعدا سامح )
مارتينا: معقولة سامح يعمل كدة ؟ يعني لولا ان امير سمعة وهوة بيكلم ابليس كان زمانا متهمين وحيد في سرقة الخاتم؟
عادل : انا واثق ان في حاجة هية اللي خلته يعمل كدة
شديد : بس ايه الحاجة ديه اللي تخليه يسرق ويسبنا نموت ويهرب
وحيد : ياجماعى انا حاسس انه مظلوم ... الباب كان مفتوح قدامه والخاتم معاه . لوعايز يخرج مخرجش ليه
امل : اكيد عايز يخرج معانا
مارتينا: وهوة احنا هانتخرج من هنا ازاي اصلا ؟؟
امل : بالسلاح اللي في المخزن اللي قال عليه فادي .. يلا نروح نجيبه
سارة : استني ايه الحماس ده .. الطريق ضيق وضلمة ومخيف قوي
امل : مش مشكلة .. هانزل برضه
امير : انتي مش خايفة ؟
امل : واخاف ليه ؟
شادي : من امتي والشجاعة ديه عندك ؟
امل : من ساعة لما شفت قد ايه فادي كان بيحبنا ومخافش واستحمل الموت علشانا
وحيد : بس الطريق صعب قوي
امل : اول لما فادي مات علشانا الباب انفتح قدامنا ومباقاش قدامنا غير خطوة واحدة هيا ان احنا خرج من الباب ده والطريقة الوحيدة اللي تخرجنا منه هية ان احنا نمشي في الطريق الضيق ده مهما كان ضلمة او مرعب او مليان مخاطرونعرف ايه السلاح اللي قالنا عليه فادي ونهزم بيه ابليس
عادل : برافو يا امل فعلا احنا لازم نعرف ايه هوة سلاحنا اللي نهزم بيه ابليس .. ونكون مستعدين قبل لما يقتل اي حد فينا .. علشان كدة لازم مانتأخرش وننزل حالا
امل : ايوة هوة ده الكلام ولا بلاش .. انا نازلة ( تطلع تجري )
شادي : البنت ديه عملت زي باباي واكلت السبانخ ولا ايه؟ .. استني انا جي معاكي
امير : وانا
مارتينا: وانا كمان
وحيد : وانا معاكم بس.... سامح ( بحزن )
سارة : خليه هنا خسارة فيه انه يعيش اصلا
وحيد : سارة ( بعصبية )
عادل : انزل معاهم انت ياوحيد وانا هاتكلم مع سارة ونحصلكم وماتخفش سامح هايرجع ويجي معانا
( يخرج الكل ماعدا سارة وعادل )
سارة : ييجي معانا ليه ده خاين وحرامي وغلطه عمل مشاكل لينا كلنا مش ليه لوحده
عادل : وانتي كما .. غلطك عمل مشكلة لغيرك
سارة : انا ؟ .... عملت مشكلة لمين ؟
عادل : امير ومارتينا
سارة : انا ؟
عادل : كذبتك علي امل خلت الاثنين ينفصلوا عن بعض رغم حبهم لبعض
سارة : بس ديه كانت كذبة صغيرة
عادل : ممكن تكون غلطة صغيرة .. كذبة او نميمة .. حاجة بسيطة قوي لكن تأثرها بيكون قوي أوي .. كذبتي وقولتي لأمل كلام علي مارتينا وامل قالت لأمير ووصلت في الاخر لان الاتنين يسيبوا بعض .. تخيلي لو ماكناش محبوسين هنا وامل قالت لحد تاني و الحد ده قال لحد رابع .. تخيلي حياة مارتينا هايحصل فيها ايه ؟؟
سارة : ديه هاتتدمر خالص
عادل : وهوة ده اللي ابليس عايزه عايز يدمر حاياتها وحياتي وحياتك وحياه الناس كلها وعنده القدرة انه يعمل كدة وقدر يتغلك ويستغل كذبك وناميمتك علشان تدمري حب امير ومارتينا
سارة : هوة انا اقدر اعتذرلهم ؟ وافهم امير الموضوع ؟ ... بس دول اكيد مش هايسمحوني
عادل : هوة ده اللي المفروض يحصل انك تحاولي ترجعيهم لبعض واكيد هما هايسمحوكي ... يلا ننزل بقي علشان كلهم نزلوا
سارة : يلا
( ستار )
الفصل الثالث
المشهد الاول
(يفتح الستار علي مشهد المخزن ونور ضعيف والكل يبدأ يدخل )
وحيد : ششششششش
امير : ايه ياعم نظام جمس بوند اللي انت عامله ده ؟
وحيد : ششششششش
امير : حاضر ياعم
مارتينا: الدنيا ضلمة قوي
( يولع شادي النور )
امل : ماتخفيش ... مافيش حاجة تخوف ... آآآآآآه ( تصوت امل مرة واحدة )
شادي : ايه في ايه ؟
امل : صرصار
شادي : ( يموته شادي ) خايفة من صرصار ؟
امل : ( تبص عليه ) هوة مات ؟... ( تتطمن ) لأ طبعا ماخفتش ( بثقة )
مارتينا: واضح طبعا... المكان كله مكركب ومش باين فيه اي حاجة غير كراتين وصناديق
امير : آي ( يقع امير )
وحيد : في حد يتدلق كدة يا امير ؟ ... قوم قوم ... مش كنت تقولي انك هاتقع قبلها بخمس دقايق علشان الحقك ؟
امير : وهوة انا كنت اعرف اني هاتدلق الدلقة ديه ازاي يعني؟... ايه ده ؟
شادي : ده شكله صندوق .. بس مقفول بقفل
امل : مفيش مفتاح او اي حاجة واقعة جنبه ؟
امير : لأ
مارتينا: طب هانفتحه ازاي؟
امير : انا باقول نأجر حرامي شقق محترف يجي يفتحة
شادي : ياعم حرامي ايه انت التاني ؟... انا هاكسر الصندوق
وحيد : لأ استني .. انا عندي حل ... حد يجبلي بنسة شعر
امل : بنسة ؟ ماعيش خد من مارتينا
مارتينا: لأ شعري يبوظ
امير : انتي شايفانا قعدين في الهيلتون ؟ ده احنا في البدرووم .. اديهاله علشان نخلص
مارتينا: امسك عاللة يتمر
وحيد : هاتي
امل : انت هاتعمل بيها ايه ؟
وحيد : استني
امل : لأ بجد هاتعمل ايه ؟
وحيد: يابت اهمدي اهمدي اييييييييه بالعة راديو ؟؟ ...... اووووووووووووف امسكي
امل : ايه ده ؟
وحيد : هايكون ايه ياعني القفل اللي مقفول بيه الصندوق
شادي : يابن الاييه عملتها ازاي ديه ؟
مارتينا: انت كنت شغال حرامي قبي كدة ؟؟؟
سامح : حاجة زي كدة ... ايه ده ؟ ده صليب
( يدخل عادل وسارة )
امير : ايه اللي وقع ده ؟ ( يمسك ورقة )
سارة : مكتوب فيها ايه ( يتخض سامح )
وحيد : ايه يا امل مش قولنا نبطل نخاف بأة ؟؟
امير : استنوا ( يقرأ )
شادي : ياعم انت بتوشوش نفسك ؟ .. هات ( يشد الورقة )
عادل : مكتوب فيها ايه ياشديد؟
شادي :
( يااخوتي , "10" تقووه في الرب وفي شدة قوته . "11" البسوا سلاح الله الكامل لكي تقدروا ان تثبتوا ضد مكايد ابليس ."12" فان مصارعتنا ليست مع دم ولحم بل مع الرؤساء, مع السلاطين , مع ولاة العالم في ظلمة هذا الدهر , مع اجناد الشر في السماويات . "13" من اجل ذلك احملوا سلاح الله الكامل لكي تقدروا ان تقاوموا في اليوم الشرير, وبعد ان تتمموا كل شئ ان تثبتوا. "14" فاثبتوا ممنطقين اقاءكم بالحق , ؤلابسين درع البر . "15" وجاذين ارجلكم باستعداد انجيل السلام . "16" حاملين فوق الكل ترس الايمان , الذي به تقدرون ان تطفئوا جميع السهام الشريرة الملتهبة. "17" وخذوا خوذة الخلاص , وسيف الروح الذي هو كلمة الله. "18" مصليين بكل صلاه وطلبة كل وقت في الروح , وساهرين اهذا بعينة بكل مواظبة وطلبة , لأجل جميع القديسين ."19" ولأجلي, لكن يعطي لي كلام عند افتتاح فمي, لأعلم جهارا بسر الانجيل , "20" الذي لأجله انا سفير في سلاسل , لكني اجاهر فيه كما يجب ان اتكلم .)
سارة : يعني ايه الكلام دة ؟
عادل : معناه اننا لازم نجاهد ونصلي علشان نهزم ابليس
امير : مااحنا بنجاهد اهوه ومش عرفين نهزمه
عادل : ده علشان جهادك ناقص
شادي : يعني ايه ؟
عادل : يعني جاهد وصلي بمواظبة وايمان وثق انك هاتكسب
مارتينا: ما احنا علي طول بنصلي و مفيش حاجة بتحصل
عادل : ده لانك مش بتصلي صح انتي بتقولي كلام حفظاه لكن مش حاسة بيه وسعات كتير بتكوني مش مركزة وانتي بتقوليه وبتكوني بتفكري في حاجة تانية ... الصلاة ديه سلاح مهم جدا علشان تهزمه ابليس.
سامح : و ازاي نهزمه؟
عادل : صلوا بايمان وتركيز ومواظبه و اتشفعوا بالقديسيين في صلاتكم .. اقرؤوا في اللانجيل ... توبوا و اعترفوا بغلطكم .. اغفروا و سامحوا غيركم علي غلاطاتتهم
امل : حتي لو كانت زي غلطه سامح؟
عادل : حتي لو كانت زي غلطته
مارتينا: نسامحه؟ بعد اللي حصلنا ده؟
عادل : وليه لأ؟
سارة : لانه سرق و حطنا كلنا في مشاكل
عادل : لكنه ممكن يتوب و يرجع و يطلب انكوا تسمحوه و تغفروله
شادي : بس ده صعب اننا نغفر
عادل : لو كان صعب ازاي بتقول وانت بتصلي . اغفر لنا ذنوبنا كما نغفر نحن ايضا للمذنبين الينا .ازاي بتقوله يغفرلك زي ما بتغفر للناس و انت مبتغفرش اذا كان ربنا الهنا بيغفر ازاي احنا مش قادرين نغفر ... اغفروا ليه فين روح المحبه اللي بينا.
وحيد : كفاية بقي .. حرام عليكم ... مالكم كلكم كارهينه ليه كدة ؟
مارتينا: علشان هوة اللي سرق الخاتم ؟
وحيد : سامح سرق الخاتم بسببي انا
امير : انت ؟
وحيد : ايوة انا .. سامح سرق الخاتم علشان انا ماسرقوش .. كنت فاكر اني لما هاسرقها هابقي غني هاقدر اعيش زي اي انسان عادي ... ماكنتش متخيل ان كل ده ممكن يحصل ... مكانش فارق معاية اي حد منكم علشان عمري ماحبتكم ولا عمري ماحسيت بيكم من يوم لما عرفتكم وانا حاسس انكوا مقفولين علي بعض .. مش قادر اندمج معاكم ... حاسيت انكم كارهني او بتستحكروني علشان مستوايا اقل منكم علشان كدة فكرت اني اسرق علشان ابقي احسن منكم واخليكم انتوا اللي تجوا لغايت عندي .. لكن لما سامح عرف .. من حبه ليا سرق الخاتم علشان ماسراقوش وتعقبوني
امير : فعلا ليك حق تكرهنا .. احنا طول عمرنا اصحاب مع بعض وبنسأل علي بعض لكن عمرنا مابنفكر نقرب منك وده مش بيحصل معاك انت لوحدك ده بيحصل مع ناس كتير .. ياما ناس كتير دخل جواهم الكراهية بسبب احساسهم بالوحدة وكره الناس ليهم
شادي : بس برده ده مش مبرر يخلي حد منكم يفكر يسرق .. انتوا باللي حصل ده جبتلنا الموت كلنا هنا .. بس خلاص اللي حصل حصل ودلوقتي فين الخاتم؟
وحيد : الخاتم مع سامح
عادل : يبقي لازم نندهله ونتكلم معاه ونفهمه ان كلنا مسمحينه ونرجع الخاتم ونخرج كلنا من هنا
امل : انا هاطلع اندهله
( تخرج امل )
سارة : بمناسبة اللي بيحصل ده ممكن اقول حاجة لامير ومارتينا ؟
مارتينا: ايه ؟
سارة : انا اسفة ... انا فعلا كذبت ... انا لا شفت مارتينا مع المخرج ولا حاجة
امير : نعم ؟
سارة : انا بجد اسفة .. ماكنتش فاكرة ان كذبة صغيرة ممكن تعمل مشاكل كتير قوي ... امير مارتينا بتحبك بجد
امير : انتي بتتكلمي بجد ؟
سارة : اسألها بنفسك ( يبتسم ويروح لمارتينا )
امير : مارتينا
مارتينا : ابعد عني وماتكلمنيش ( تديله دهرها )
سارة : اوبببببببببباااااااا شوفت دلع البنات ابتدي ازاي ؟ .. لما قبل الخطوبة وبتعمل كدة .. امال بعد الخطوبة هاتعمل ايه ؟ .. انا لو منك يا امير بالقلم وعلي وشها
شادي : يا بت اهمدي ايه بتاجاز قاعد معانا ؟ مفيش فايدة ؟
وحيد : الاه يا رب يقطعوا عنك الغاز لو انبوبتك تفضي
امير : مارتينا .. انا اسف بجد
مارتينا: بقي بتشك فيا ومابتثقش فيا ؟
امير : اعمل ايه بس؟؟ من كتر اللي بشوفه وبيحصلي مبقتش اثق في حد ولا حتي في نفسي
مارتينا: وليه ماتثقش في نفسك ؟
امير : لأني مش
المشهد الاول
(يفتح الستار علي مشهد المتحف وهو عبارة عن قصر قديم وتم تحويله الي متحف ونجد بعض الاولاد يرسمون ومجموعة من السياح يدخلون مع مرشد )
مرشد : اهلا بيكم في قصر الملك واتمني انتكم تستمتعوا بزيارتكم للقصرالنهارده
سائح : ايه قصة القصر ده ؟
مرشد : القصر ده بناه ملك عظيم جدا وده كان ايام الحكم بتاعه وبعد كدة بقي متحف ومفتوح لاي حد يجي يشوفوا او يرسم فيه زي ما انتوا شيفين دلوقتي
( يقوم احد السياح بالتصوير )
المرشد : No Flash .. No Flash ودلوقتي اتفضلوا اوريكم بقيت الاثار
(يخرجوا من الشمال )
دكتور : ايه ده؟
طالب وطالبة 1: ايه في ايه؟
دكتور : بتعملوا ايه ؟
طالبة1: بنرسم يادكتور
دكتور : بترسموا علي ايه؟
طالب : ده ورق كانسون
دكتور : كانسون مين ؟ ده بالقعدة اللي قعدنها جنب بعض ديه بترسموا علي جواز مش ورق كانسون .. وريني شغلوكوا وريني
طالب : اتفضل يادكتور
دكتور : من بعيد يابني مش ناقصة قرف وريحة وحشة.... ايه القرف اللي انت عامله ده .... صفر
طالب : نعم ؟؟ لييه ؟
دكتور : هوة كدة
طالب : طب خد وريني اعمل ايه ؟ ايه الغلط اللي فيها ؟ ( يمد ايده بالقلم )
دكتور : هوه انا هارسملك كمان ولا ايه ؟ ميل دراع التمثال شوية وهوة هايبقي كويس
طالب : يبقي كويس ازاي هوه عنده دور برد وهايخف ؟
دكتور : انت هاتهزر معاية ؟ مش شايف حركة فيه .. عايز احس بالحركة بتاعته
طالب : ده تمثال وثابت ابين حركة فيه ازاي؟ وكمان هوه كدة مظبوت
دكتور : اتصرف و كمان انت هاتعرف اكتر مني ؟
طالب : لا طبعا يا دكتور انت الاستاذ وكلنا تلاميذك ( من تحت درسه )
دكتور : ايوة كدة ... وانتي عملتي ايه ؟
طالبة1: انااا .... ( تديه الاسكتش ) ربنا يستر
دكتور : وااااو شغلك تحفة
طالبة1: ميرسي يادكتور
دكتور : لا فعلا برافو يستاهل يتحط جنب اي لوحة من اللوح اللي هنا
طالبة1 : ربنا يخليك ليا يادكتور
طالب : يادكتور ديه اللوحة فاضية
دكتور : مالكش دعوة انت ... لا بجد شغلك واضح من قبل لما تبتديه 10 من 10 استمري يابنتي علي بال لما اشوف زميلتكم اللي هناك عاملة ايه
( يذهب للطابة الاخري )
دكتور : واااو برافوو عليكي حلو قوي
طالبة2: ميرسي يادكتور
دكتور : لا بجد برفوا
طالبة2: بس هية ديه يادكتور تترسم ازاي ؟
دكتور : وريني قلمك كدة
طالب : شوفتي اهوه بيرسملها وانا يقولي من بعيد يبني مش ناقصه قرف
طالبة1: هانعمل ايه طيب ؟ اقولك ضفر شعرك هاهاها
طالب : اضحكي انتي التانيه ماهي نقصاكي ... طب تصدقي مش هاجي جنب اللوحة ومش هاظبط حاجة واللي يحصل يحصل
طالبة1: طب اسكت اسكت واعمل نفسك شغال احسن ده شكله جي
طالب : مش هاشتغل
طالبة1: طيب اسكت بقي
طالبة2: ايه ده يادكتور؟ حضرتك خلصتها كلها
دكتور : طبعا بس شغلك واضح فيها
طالبة2: بجد تعبت حضرتك معايا
دكتور : تعبك راحة ياحببتي
طالبة2: نعم؟
دكتور : احم انا نسيت احطلك الدرجة 10 من 10
طالبة2: ميرسييييي
(يرجع للطلبة التانيين)
دكتور: ها وريني عملتوا ايه ؟
طالب : احم
دكتور: اووه شفت لما ميلت دراع التمثال شويه زي ما انا قلتلك بقي احسن ازاي؟
طالبة1: ايه ؟؟
دكتور : كده ممكن اديك 2 من 10 علشان سمعت كلامي
طالب : طبعا يادكتور ده انت استاذنا واحنا كلنا تلامذتك
دكتور : طبعا ياابني وعلشان الكلمة الحلوة ديه هديك 5 من 10.. علي فكرة انت كنت ساقت وانا نجحتك كدة من عندي
طالب : هوة حضرتك امتي ممكن تديني امتياز
دكتور: ( يتخض ) امتياااز ؟؟ ( باستغراب ) .. بص يابني الامتياز للاه وانا ماجبتش جيد جدا ومفيش حد احسن من استاذه فاخرك معاية المقبول
طالبة1: يمهل ولا يهمل
امن2 : ايوة ..ايوه .. خلاص في الطريق ؟ .. حاضر تحت امرك يا فادي باشا .. تحت امرك ..... طب معلش ياجماعة علشان خلاص هانقفل
دكتور : طب يااولاد اشوفكوا بكرة في الكلية بقي
(يبدأ الامن في اخراج الكل من الباب اللي في النص )
امن3: ها المكان فضي؟
امن1: القاعات كلها فضيت
امن2: والصالة كمان فضيت
امن3: ايو يا أ/فادي مفيش حد في المتحف وكلنا مستعدين لاستقبال ضيوف حضرتك يافندم
امن1: ناس مين دول اللي هانستقبلهم؟
امن3: دول الجماعة المهمين اللي مستضفهم ا/ فادي في القصر
امن2: ياتري دول ملوك ولا رؤساء ولا ايه بالظبط علشان يبقوا مهمين؟
امن3: لا ده ولا ده بس ذي اي حد بيجي القصر ده بيكون مهم بالنسبة لينا كلنا
( يدخل فادي )
فادي : مساء الخير
امن1وامن2: مساء النور يافادي باشا
فادي: كل حاجة تمام ؟
امن3: كله تمام يا أ/فادي قاعات الاثار فضيت ووضبنا أوض الضيوف وكله تمام
فادي : ممم الناس دول اول مرة يجو هنا عايزكم تسبوهم يعملوا كل اللي هما عايزينه ومتجبروهمش علي حاجة ومتفرقوش في المعاملة بين اي واحد والتاني
امن1: حاضر دول هاينبسطوا قوي هنا ياباشا
( صوت من الخارج )
امن2: واضح انهم وصلوا
(يبدأ الكل يدخل )
عادل: الصوت يااولاد ... الصوووووت
شادي: هوة الراجل ده مش هايهمد بقي ويبطل زعيق ولا ايه ؟
امير : معلش يا شادي هوة شوية وهايتهد ويفصل لوحده
شادي : لا اصله لو مش هايبطل صوته العالي ده هابطلهوله
عادل : هوة مش انا قلت مش عايز صوت؟
شادي : الكلام ده ليا انا ياعادل؟
عادل : ايوه ليك ياشادي و اسمي استاذ عادل وانا المسؤول عنكم هنا و المفروض تسمع كلامي وتعمل لي احترام
امير : ايه ياجماعة في ايه ؟ فك عليهم شوية ياأ/عادل دول في رحلة
عادل : محدش طلب منك انك تتكلم دلوقتي ياامير واتفضلوا خشوا من غير صوت
امن3 : من هنا ياجماعة واالي معاه اي حاجة معدن يقلعها علشان الجهاز ميصفرش
سارة : يصفرلي ليه ؟ هوة بيحكم ماتش؟
سامح : لا اصله لطيف شويه ... خشي خشي منه لله اللي كان السبب .
(يعدي الجميع ماعدا وحيد تصفر الالة)
امن1 : طلع اي مفاتيح , موبيل ,كاميرا
وحيد : انا جي اتقلب هنا ولا ايه ؟ معيش حاجة من الحجات ديه
امن1 : طب هات شنتطك نفتشها
(يطلع سندوتش من الشنطة )
سامح : ايه ده ؟ سندوتش ايه ده؟ وجبته منين؟
وحيد : ده سندوتش كفته اخدته من البت ساره ... تاخد حتة ؟
سامح : اه هات
وحيد : لأ سائع ومش هايعجبك
امن2 : مفيش حاجة في الشنطة ... انت لابس حزام فيه حاجة معدن؟
وحيد : اه ... ورخصي سليمة كمان لو عايز تشوفها
امن2 : انت داخل لجنة مرور؟ اقلع الحزام
وحيد : نعم ؟ البنطلون يقع
امن3 : معلش مش هايقع .. ديه اجراأت امن
وحيد : اشمعني البنات يعني .. اووف (يقلع الحزام ) .. اهوه
امن3 : الاجراأت ده بتمشي علي الكل مفيش فرق بين ولد او بنت
فادي : معلش ياجماعة علي الاجراأت ديه
مارتينا: بس ليه كل ده يعني؟ انا ماتعودتش علي النظام ده اوووف
فادي : مفيش حد بيخش المكان ده يامرتينا ومعاه حاجة او بيطلع ومعاه حاجة ولازم ترضي باللي هايجيلك ان كان حلو او وحش
امل : انت عرفت اسمها ازاي ؟
مارتينا: اكيد شاف مسرحية من مسرحياتي ما انا دايما بكون البطلة
فادي : القصر ده كان بتاع والدي الملك ومفيش حد بيخشه غير بعد لما اعرف عنه كل حاجة قبل ما ييجي علشان كدة اعرفكم كلكم واحد واحد واعرف عنكم كل حاجة يعني ده شادي و ده سامح و ده اخوه وحيد و ديه سارة ودول أ/عادل المسؤول عن الرحلة وأ/امير المساعد بتاعه وانتي امل وعلي فكرة انا عجبني قوي دورك في المسرحية اللي فاتت ياامل
مارتينا: شوفتي ياسارة عاجبه دور امل مع انها كانت حتيت كومبارس وماقالش حاجة علي دوري مع اني كنت البطلة .. حاجة تغيظ بجد
سارة : لا ياتوتا ماتقوليش كدة ده دورك كان يجنن بجد
مارتينا: طبعا ده انا نجمة المسرح
سارة : طبعا ياتوتا انتي هاتقوليلي
شادي : هوة انتي شفتي المسرحية اصلا
سارة : ايوة طبعا من طأطأ لسلامو عليكو
شادي : اني متأكدة ؟؟
سارة : ايوة حتي بالامارة كانت طالعة في دور برد
مارتينا: شفت ياشادي بتتريق عليا ازاي؟
شادي : انتي هاتهزري معايا ولا ايه ؟؟ ( يمسكها من قفاها )
سارة : اخر مرة بجد بس هدي انت اعصابك واوعي تتهور ( بخوف )
شادي : ايوة كدة اتعدلي معاية وبطلي كذب وتريقة علي الناس
سارة : حاضر حاضر
امل : سامح شكل التمثال اللي هناك ده يخوف قوي
سامح : وانتي خايفة ليه؟ مااحنا كلنا مع بعض اهوه
امل : اصله مرعب قوي
سامح : مرعب قوي؟ يختي كميلة
امل : لا انا خايفة
سامح : انتي هاتعيطي؟ ده تمثال ياامل صدقيني تمثال ومبيخوفش (يقف جانبه) شوفتي؟ اهوه واقف جانبه ومعضنيش اهه
(يبص عليه ويتأمل زيادة ويفضل ثابت وباصص عليه باستغراب ويقرب منه اكتر)
عادل : يلا ياجماعة علشان أ/فادي هايفرجنا علي الاثار اللي هنا
امير : سامح ... سامح؟ تعالي يلا ... صدقني هانرجعله تاني .. انت نمت ولا ايه ؟... هيا الساعة كام ؟(بيص في الساعة ) .. 10 ونص الا 5 ؟ اه طاب يدوب تلحق تتفرج علي حلم 10 ونص... طب احجزلك صالة ولا بلكون ؟؟ واضح اني هاحجزلك سرير .... ( ينظر اليه ويستغرب ) سامح
عادل : سامح ( يزعق )
سامح : هاه؟
عادل : ايه هانتفضل مستنينك كتير؟ يلا
سامح : حاضر
امير : يعني انا بقالي ساعة بندهلك ولا انت هنا وهوة من كلمة واحدة رديت عليه وسبت فقرة الاعلانات اللي قبل الحلم؟ ... ما علينا
فادي : ابدأ ؟
عادل : اتفضل
فادي : ديه اول قاعة وهية القاعة الرئيسية وبنشوف فيها هنا لوحة " قلع عين شمشون "
ولوحة " داوود وجليات " و لوحة " طرد ادم وحوة من الجنة "
امير : وايه ده؟
فادي : ده ؟ ده " خاتم الملك " ويعتبر من اهم الحجات اللي هنا في المتحف لأنه خاتم المُلك .. وده من الذهب الخالص ويعتبر غالي جدا
مارتينا: واو ده وهمي
فادي : بيقولوا ان عقاب اي حد هايخده هايكون قاسي قوي
وحيد : هايكون عقابه ايه ؟
فادي : هايكون عقابه ... الموت
امل : الموت ؟؟
مارتينا: واااو
فادي : في المتحف ده من حققكوا تعملوا اي حاجة ماعدا انكوا تلمسوا الخاتم ده اوتقربوا من التمثال اللي هناك ده
امل : هوة تمثال مين ده؟
سارة : اه بتاع مين ده
امير : هاتموتوا وتعرفوا؟
امل : اه الفضول هاياكلنا
امير : خليه ياكلكوا يمكن ياكل لسان سارة وتبطل اللوك لوك بتاعها
سارة : الله بقي ياأ/امير
امير : استاذ؟ هوة بقي فيها استاذ؟ مانا ذيي ذيوكم هنا اهوه
فادي : التمثال ده يبقي تمثال " ابليس "
عادل : وده ايه حكايته ؟
فادي : ده كان خادم من خدام الملك وغروره خلاه يفتكر انه ممكن يبقي مكان الملك وعمل انقلاب فطرده الملك هوة وانصاره وبقي ذي قطاع الطرق .. موت كتير وسرق كتير وبقي ليه اتباع كتير قوي لدرجة انهم سموه ملك الشر
امل : ايه ده انا خايفة قوي
فادي : ودلوقتي تعالوا اوريكم بقيت القاعات
(يخرج الكل ماعدا وحيد فيرجع له سامح )
سامح : وحيد ( ينظر وحيد للقيلادة ) وحيد اوعي تكون بتفكر.... لا ياوحيد ارجوك
وحيد : لا ليه ؟
سامح : انت مسمعتش هوة قال ايه ؟
وحيد : طبعا سمعت خاتم الملك وغالي جدا يعني ناخدها ونبيعها وشوف هانعيش ازاي هانعيش زي الملوك يا سامح
سامح : انت ده كل اللي سمعته ؟ انت بتفكر ازاي ؟ انت ماسمعتوش وهوة بيقول ان عقاب اللي هايسرقها هوة الموت ؟ وهلاك الكل ؟
وحيد : سمعت بس تفتكر ان الكلام ده صح ؟
سامح : اكيد صح امال هايكذب عالينا ليه ؟ ارجوك بلاش .. لو مش هامك نفسك فكر في الناس اللي معانا دول .. ذنبهم ايه يضيعوا بسببك ؟ خاف عليهم
وحيد : ناس؟؟ ناس مين ؟ من امتي وانا ليا علاقة بيهم ولا من امتي وهما بيهتموا بيا ولا بيحسوا بيا ؟.. انا من يوم لما عرفتهم وانا مش عارف انسجم معاهم حاسس انهم كلهم جروبات وشلل مقفلة علي بعض ومش عايزين حد زيادة عليهم .. وكل واحد منهم بيبصلي باستحقار اكيد علشان افقر منهم
سامح : يا وحيد ماتبصلهاش بالطريقة ديه ماانا اخوك اهوه وبيتعاملوا معايا عادي
وحيد : ماتحاولش ترجعني انا خلاص اخدت قراري
سامح : تعالة ياوحيد تعالة ربنا يهديك تعالة احسن هانتوه منهم
وحيد : هاجي دلوقتي لكن راجع تاني .. راجعلك وهاتكون ملكي وهغتني ومش هايهمني حد من الناس اللي بيستحكروني دول وهدوس عليهم كلهم كلهم كلهممم
( ستار )
المشهد الثاني
( يفتح الستار علي منظر القصر وامل وسارة واقفين )
امل : اخيرا اتفرجنا علي المتحف كله ... بس بجد عاجبني قوي ان المكان كله منور علشان بخاف من الضلمة
سارة : انتي في ايه اصلا مابتخافيش منه ؟
امل : بجد مش عارفة كل حاجة بخاف منها مفيش حاجة مش بتخوفني بخاف من اهلي ومن المدرسين والدكاترة بخاف من الموت والضلمة بخاف من التماثيل والناس مبقاش عندي ثقة في نفسي او في اي حد حتي في المسرح بخاف وانا طالعة علي خشبة المسرح حتي في توزيع الادوار بكون شايفة مارتينا واثقة من نفسها لكن انا بكون خايفة اني ماخدش حتي دور كومبارس
سارة : طبعا لازم تكون واثقة انها هاتاخد دور ودور بطولة كمان مش اي دور
امل : انتي بتقولي ليه كدا ؟
سارة : اصلك متعرفيش بقالي فترة بشوفها بتقف مع المخرج وعلي طول معاه وياعاليم بقي في ايه بنهم
امل : انتي متأكدة من الكلام ده ؟
سارة : طبعا ده انا شيفاهم بنفسي... اسكتي اسكتي احسن دول جايين
(يدخل شادي وبعد لما يعدي يبص علي التمثال و يرجعله )
امل : دلوقتي بس انا عرفت جابت الثقة اللي فيها منين
شادي : بقي ده موت ناس كتير .. ده انا ممكن افعصه بايدي .. كان نفسي تكون حي قدامي علشان اتحداك وأواري الناس كلهم انك ضعيف جدا
( تدخل مارتينا )
مارتينا: انت بتكلم نفسك ولا ايه ياشادي؟
شادي : لا طبعا كنت بكلم التمثال ... ابليس .. ملك الشر
مارتينا: يالهوي .. انت اتجننت ؟ انا بقول تطلع تنام احسن
شادي : مش لما نعرف مكان الأواض فين الاول ؟
عادل : (صوت ) يلا بسرعة ومش عايز صوت
( يدخل الكل )
شادي : يوووووووه ياعم من غير الزعيق بتاعك ده احسن بنخاف
فادي : طيب ياجماعة انا شايف انكوا خلاص تعبتوا وعايزين تناموا
مارتينا: اه ده انا خلاص رجلي اتكسرت مش متعودة علي كدة
امير : هوة خلاص كده مفيش حاجة هانشوفها تاني في المتحف؟
فادي : في حاجة مهمة جدأ هية عبارة عن سلاح بيحمي من اي شر .. ناس كتير عرفينه لكن بينسوه ويسيبوه في المخزن .. بس ساعات بيفتكروه في وقت الحروب تعالوا اوريهولكوا
وحيد : عايز اناااااااااااااام
عادل : خلاص خليها بعدين يا أ/فادي ... يلا ياجماعة أ/ فادي هايوريكم مكان الأوض
( يخرج الكل وبعدها بشوية يدخل شخص يلبس اسود ومغطي وشه .. ينظر للخاتم .. يمسك الخاتم الانوار تطفي والباب يتقفل )
الشخص : هااه ( استغراب وخوف )
ابليس: هاهاهاها
( يسمع الصوت فيطلع يجري ) ( تدخل سارة وامل في الظلام )
امل : هوة في ايه ؟ ايه صوت الضحكة العالية ديه ؟ المكان مكانش ضلمة كدة اكيد في حاجة حصلت وفين بتوع الامن؟ اااااااااااااه ( صويت )
( يدخل الكل ماعدا وحيد )
شادي : في ايه ؟
مارتينا: ايه اللي حصل ؟
عادل : ايه الصوت العالي ده ؟
( يضاء النور فجأة وامل واقعة علي الارض وجنبها سارة لابسة اسود وتتخض اول لما تشوفهم وتبتدي تتلغبط في الكلام)
سارة : امل امل .. فوقي يا امل
فادي : امل اني كويسة ؟
سارة : ديه مابتنطقش .. اتصرفوا أ/امير اتصرف
امير : وانا مالي... خالوا أ/عادل يبقي يتصرف
عادل : انا عايز اعرف ايه اللي حصل بالظبط
سارة : احنا سمعنا صوت ضحكة عالية قوي .. واحنا ماكناش عارفين ننام فاقمنا نشوف مين ده اللي لسة صاحي وبيضحك كدة ... لاقينا ضلمة في المكان كله وفي وسط الضلمة ديه شوفنا.....
شادي : شوفتوا ايه؟
سارة : شوفنا راس التمثال اتحركت وبصت علينا ورجعت مكانها تاني
عادل : نعم ؟؟ راس التمثال بتتحرك ؟ انتي هاتهرجي ؟
شادي : سيبك منها ديه كذابة ياعم والكل عارف كدة
سارة : صدقوني اتحركت صدقوني والله اتحركت
شادي : قال للحرامي احلف
عادل : كمان بتكذبي ؟ .. اكيد انتي اللي عملتي فيها حاجة ؟؟ مفيش اي دكتور قريب يا أ/فادي؟ أ/فادي ..(ميردش وباصص علي الخاتم ) أ/فادي؟
(يبص الكل علي الخاتم فجأة)
مارتينا: الخاتم !!
عادل : دلوقتي بقي واضح قوي اللي حصل ... حاولتي تسرقي الخاتم ولما شافتك حاولتي تقتليها
(يسبهم فادي ويمشي في حزن فينظر الكل لسارة )
سارة : لأ ماحصلش صدقوني لأ مش انا وراس التمثال اتحركت بجد
امير : انتي يا ترجعي السلسلة ياهانبلغ البوليس
فادي : ماحدش يبلغ
سارة : انا مسرقتش حاجة يا أ/فادي صدقني
فادي : مصدقق يابنتي
( يخرج في حزن )
شادي : يعني ايه اللي قاله الراجل ده دلوقتي؟
مارتينا: يعني التمثال بيتحرك بجد ؟
عادل : ده مش ممكن .. انا لا يمكن اقتنع بالكلام ده .. فادي طول عمره بيهدي الامور .. اكيد هية اللي سرقته ( يشاور علي سارة )
سارة : صدقوني اتحرك
شادي : انا هاكسر التمثال ده ( يجري علي التمثال فيلحقة سامح )
سامح : اعقل يا شادي أ/فادي قالنا منقربش منه ... وكمان ماهي باينة اهيه مين الي سرق
(ينزل سامح )
وحيد: ايه ياجماعة في ايه ؟ صوتكوا عالي مش عارف انام
عادل : في ايه ؟! طبعا ماانت نايم .. الخاتم اتسرق ياأستاد... واتسرق واحنا في المتحف ومكنش في حد غيرنا هنا
شادي : قصدك ايه ؟
عادل : انت عارف قصدي كويس
شادي : وانا ماسمحلكش انك توجه اتهام ذي ده لاي واحد منا
عادل : اللي سرق الخاتم يطلعه
وحيد : خاتم ايه اللي اتسرق ؟
امير : خاتم الملك
(تبدأ تفوق امل )
وحيد : ايه ؟ امتي ؟ وازاي ؟ ومين اللي سرقه ؟ ( باستغراب )
امير : لسة مش عارفين اي حاجة
امل : اااه
سارة : امل كويس انك ابتديتي تفوقي
عادل : الخاتم ده اللي سرقه واحد مننا .. ولازم قبل بكرة الخاتم ده اللي يرجع او هاتكون ديه نهايتنا كلنا .. انتوا فهمين ؟ .. يلا كل واحد علي اودته ومش عايز اشوف اي حد هنا .. ولغاية لما نعرف فين الخاتم انتي المسؤولة عن سرقته ( ينظر لسارة )
( ظلام )
( يضئ النور ويظهر امير وهو قاعد علي الارض وباصص علي الباب وتدخل مارتينا من اليمين )
مارتينا: امير!! قاعد كدة ليه ؟
امير : عادي
مارتينا: عادي؟ عليا انا يا امير ؟ بتخبي عليا انا ؟ امال لو ماكوناش بنحب بعض وكنت عملت ايه ؟
امير : مارتينا انا بجد اتخنقت ... انا مالي ومال اللي بيحصل ده ؟
مارتينا: مافيش حد فينا ليه ذنب في اللي بيحصل . ده حد غلط وكلنا بنتعاقب بسببه
امير : بنتعاقب بسببه ؟ ده احنا محبوسين هنا كل الابواب مقفولة ومافيش حد هايعرف يخرج
مارتينا: تفتكر بعد اللي حصل ده في امل ان احنا نعيش ؟ ولا فعلا هانموت كلنا هنا ؟
امير : مش عارف .. بجد مش عارف .. بس اللي اعرفه انه اكيد فادي مش هايسبنا كده
مارتينا: مش هايسبنا ؟ ده اكيد هوة اللي هايموتنا علشان الخاتم
امل : الله الله ايه مالكوا واقفين لوحدوكوا كدة ليه ؟
مارتينا: لا عادي كنا بنتكلم علي اللي احنا غيه
امل : علي اللي انتوا فيه ولا علي حاجة تانية ؟
امير : قصدك ايه ؟
امل : هيا عارفة قصدي ايه كويس ... مش كفاية المخرج ؟ هايبقي المخرج واميركمان ؟
امير : مخرج ؟ مخرج ايه ؟
امل : المخرج اللي هية طول النهار خارجة معاه وانا بقول بتاخدي ادوار بطولة دايما ليه؟ كنت هاتجنن واعرف لحد لما سارة كشفتك
مارتينا: ايه ؟
امير : نعم ؟
مارتينا: امير ماتصدقهاش ارجوك ده كدابة
امير : ماصدقهاش؟وهية هاتكذب ليه يعني انا فعلا شفتك اكتر من مرة واقفة مع المخرج .. ياتري في مين تاني ياانسة ؟ ... واضح اني كنت مغفل فعلا
( يخرج فتحاول تمسكه من ايده )
مارتينا: امير استني
امير :اوعي ( يزقها يخرج )
مارتينا: امير امير .... ساررررررررة ......... ساررررررررررة
( تدخل سارة بسرعة )
سارة : ايه؟ في ايه ؟
مارتينا: انتي ايه اللي قولتيه ده ؟
سارة : قولت ايه ؟
امل : مش انتي قولتيلي انك شوفتيها مع المخرج ؟
سارة : هوة انا ناقصة مشاكل ؟ ( في سرها ) انا ؟ محصلش طبعا
امل : محصلش؟ ازاي ده انتي قولتيلي كدة امبارح
سارة : اكيد انتي بيتهيقلك
مارتينا: ليه ؟ ليه تعملوا فيا كدة ؟..لييه ؟ حرام عليكم ؟ احنا كنا بنحب بعض بجد ليه تطلعوا كلام يضيع كل اللي بنا ؟ لييييييه ؟.
( يدخل الكل ماعدا امير )
الكل : اييه في ايه ؟
سارة : مفيش ؟
مارتينا: مفيش؟ ازاي مفيش انتي مش حاسة باللي عملتيه ؟ انتي فعلا حقيرة وحرامية و معندكيش دم
( ظلام )
ابليس : هاهاهاهاهاهاها
(نور ويختفي التمثال )
عادل : التمثال اختفي؟
سامح : ازاي ؟ ماتفهمنا يا أ/فادي
فادي : التمثال مااختفاش لكن قوته زادت وقدر يتحرك من مكانه
امل : قوته ازاي زادت؟
فادي : قوى ابليس هية غلطاتكم كل لما بتغلطوا كل لما بتعتبروا من انصاره واتباعه وقوته بتزيد
عادل : المشاكل كلها ابتدت من ساعة لما الخاتم اتسرق
( يدخل امير بيجري )
شادي : في ايه ؟
امير : كنت داخل الاوضة وانا متعصب قوي سمعت صوت ضحك ابليس وشفته بيجري وهوة فرحانك
امل : انا خايفة قوي بجد
فادي : ماتخفوش انا مش هاسبكم وهاقف جنبكم ... دلوقتي كل واحد يطلع يصلي ( يخرج الكل ) مارتينا استني
مارتينا: ايوة يا أ/فادي
فادي : ماليك ؟
مارتينا: مالي ؟ انا خسرت كل حاجة .. كل حاجة... انا طول عمري حاسة ان انا النجمة لكن اول لما جيت هنا حسيت اني بجد ولا حاجة كأني واحدة عادية .. حتي انت لاقيتك بتقول لامل ان دورها عجبك وانا لا .. رغم ان انا كنت البطلة ودلوقتي بعد الكلام اللي طلع عليا امير عمره ما هايبصلي تاني رغم اننا كنا بنحب بعض وكان خلاص هايتقدملي بجد
فادي : قوليلي انتي بتحبيه بجد ؟
مارتينا: قوي
فادي : يبقي ماتخفيش .. صلي ولو ربنا عايزكم تكونوا لبعض يبقي هاتكونوا لبعض مهما حصل ومهما بعدتم عن بعض او حاول الناس يفرقوا بينكم ولازم تثقي في كدة
مارتينا: بس في كلام اتقال عليا واكيد هوة اتضايق وفاكر اني كنت بخدعه وبلعب بيه .. وكمان الكلام ده لو وصل للمخرج ده هايضيع نجوميتي اللي عملتها في مسرح الكنيسة ده لو قدرت اوريهم وشي تاني اصلا
فادي : مممم ... وانتي داخلة المتحف هنا اكيد عديتي علي الجنينة اللي تحت وشفتي الشجر مليان ثمار وورود .. تفتكري ايه احلي حاجة في الشجر ده وليه ؟؟
مارتينا: اكيد الورد علشان شكله حلو ورحته حلوة
فادي : لأ
مارتينا: لأ؟ مم يبقي اكيد الثمار علشان طعمها حلو وكل الناس بتحبها
فادي : برضه لأ
مارتينا: لأ ؟ امال ايه ؟
فادي : انتي بصيتي علي الشكل والريحة والمنظر الخارجي لان ده اللي يهمك , نجوميتك وشكلك قدام الناس وشهرتك وان كانوا بيحبوكي ولا لأ علشان كدة عمرك ما هاتعرفي ايه احسن حاجة في الشجرة
مارتينا: طيب هية ايه احسن حاجة ؟
فادي : احسن حاجة تبقي جزر الشجرة ..
مارتينا: بس ده الحاجة الوحيدة اللي مدفونة في الارض ومفيش حد شايفه
فادي : بس لولاه مفيش ماية هاتوصل للشجرة والشجرة هاتموت ومش هايبقي في لا ورد ولا ثمار...علشان كدة ده اهم حاجة .. اتعلمي تخدمي في الخفاء مش لازم تظهري نفسك دايما علشان يبان انك احسن واحدة .. بصي لنفسك كبطلة وبصي للكومبرس اللي واخد اصغر دور وشوفي لو في مشهد هوة ماطلعش او مكانش في حد يفتح الستارة او مفيش اضاءة ايه اللي يحصل؟
مارتينا: هاتبوظ المسرحية
فادي : وهوة ده اللي عايز اوصلهولك ان ممكن يكون بتاع الديكور او اوالاضاءة اوالصوت او حتي اللي بيفتح الستارة دورهم صغير او مش ظاهرين لكنهم بيخدموا برضوا واللي بيعملوه بيكون في نفس اهمية الممثل اللي عامل اكبر دور
مارتينا: بس المسرح نشاط مش خدمة
فادي : المسرح نشاط وفن بنقدمه لكنه عبارة عن رسالة او كلمة بنقدمها للناس بطريقة حلوة ناس كتير مش بيخشوا الكنيسة ولا بيسمعوا وعظات او كلام ربنا وبيجوا يحضروا مسرحية علشان يضيعوا وقت فلما احنا نوصلهم كلمة ربنا في الوقت ده تعتبر ديه خدمة ونشاط روحي ... لكن لازم تعرفي كويس انت علي المسرح زي قطعة الشطرنج هاتفضلي ثابتة ومش عارفة تعملي حاجة غير لوايد ربنا اتمدت وساعدتك
مارتينا: انا دلوقتي فهمت قصدك وفهمت يعني ايه الخدمة في المسرح وازاي ربنا هوة اللي بيقف جنبنا فيها
فادي : ده كويس قوي ودلوقتي اطلعي صلي وارجوكي بلاش تزعلي من سارة وان شاء الله كل حاجة هاتبقي كويسة تاني ولو ربنا اراد هاتبقي انتي وامير لبعض
مارتينا: حاضر ومتشكرة قوي
( تخرج من الشمال )
فادي : معقولة؟ واحد بس يغلط والكل هايموت بسببه ؟ طيب الكويسين فيهم ذنبهم ايه ؟
( يدخل عادل )
عادل : أ/فادي انا أسف قوي بجد علي الحصل . انا هافتش أود الأولاد واللي هالاقي معاه السلسلة هايكون عقابه مني قاسي قوي
فادي : عادل بالراحة علي الاولاد شوية .. اسلوبك غلط
عادل : غلط أزاي ؟
فادي : انت عصبي قوي وبتحب ان كلامك هوة اللي يمشي ولاغي رأي بقيت اللي معاك
عادل : طبعا علشان انا المسؤول عنهم وكلمتي هية اللي لازم تمشي علشان اي غلط هايحصل هايكون في وشي انا . فلازم اتعامل معاهم كدة علشان يكونوا كويسين
فادي : بالعكس .. انت عارف انت عامل زي ايه ؟... زي راعي الغنم اللي الملك يديله غنمه ويقوله ارعي غنمي ... لكن علشان عايز كل اللي في المملكة يقول انك راعي كويس .. تبقي قاسي اوي علي الغنم ومش مديهم حريتهم علشان يكونوا منظمين والذئب مايوصلهمش .. لكن قسوتك ديه هاتكرهم فيك وهاتخوفهم منك فاهايهربوا وممكن يروحوا للذئب بنفسهم وياكلهم
عادل : وايه اللي اقدر اعمله علشان احببهم فيا وفي نفس الوقت احافظ عليهم ؟
فادي : سيبلهم حريتهم .. دول عملين زي الاطفال الصغيرين طول ما انت قافل عليهم الباب هايكونوا عايزين يخرجوا يعرفوا ايه برة .. لغاية لما هايخرجوا من وراك وهايتوهوا منك ... افتحلهم انت الباب بنفسك سيبهم ياخدوا حريتهم لكن في نفس الوقت مايبعدوش عن عينك وخلي بالك منهم .. سيب المساعدين اللي معاك ياخدوا حريتهم ويقولوا رأيهم ممكن يكون في رأي كويس وتتعلم منه انت
عادل : بس دول لسة صغيرين وممكن تكون الافكار اللي في دماغهم غلط
فادي : ساعت لما يقولوا رأيهم ويطلع غلط ده كويس غلشان هاتقدر تصححهلهم مش هاتسيب غلطهم جواهم من غير لما تصلحهلهم ... عادل ماتخلهمش يضيعوا دول ذي اولادنا
عادل : اتطمن اولادنا مش هايضيعوا يا أ/فادي .انا خلاص فهمت ايه اللي المفروض يتعمل .. عن اذنك انا هاطلع افتش الأود
فادي : وانا هانزل المخزن في حاجة مهمة لازم اعملها تحت
( يخرج عادل )
فادي : انا سبته يطلع يفتش الأود رغم اني عارف مين اللي سرق ... انا مش محتاج الخاتم في حاجة لأني عارف ان رجوعها مش هايأثر في حاجة انا عايز بس اللي سرقه يعترف علشان اقدر اساعده واسامحة... ارجوك يارب قويني وساعدني وخليني اقدر اساعدهم
( يخرج ويدخل شادي ويتجه الي الباب )
شادي : اوووووف كفاية بقي اللي بيحصل ده
(ظلام واول لما النور يولع يكون ابليس قدام الباب )
ابليس : رايح علي فين
شادي : خارج
ابليس : بالسهولة ديه ؟
شادي : وايه اللي هايمنعني
ابليس : انا
شادي : انت ؟ انت مين اصلا
ابليس : انا ابليس ... ملك الشر
شادي : هاها ملك ؟
ابليس : ايوة ملك ومفيش حد يقدر يخرج من الباب ده غير لما يتحداني ويهزمني
( يسيبه شادي يحاول يخرج )
ابليس : قلتلك لازم تتحداني علشان تخرج من هنا... ولا انت خايف احسن ضعفك يظهر
شادي : ضعف ؟
ابليس : ايوة ... انت ضعيف ... وجبان
شادي : انا مش ضعيف ( بعصبية )
ابليس : لو ماكنتش ضعيف ماكنتش هاتخاف انك تتحداني ( يطلع سيف )
شادي : انا مش خايف ( ياخد سيف من علي الحيطة )
ابليس : جبان وهاتخسرحياتك
شادي : مش هايحصل
( تبدأ مبارزة بينهم )
ابليس : مفيش حد يقدر يهزمني وهاتموتوا كلكم هنا
شادي : انت مغرور( يجري عليه ويفلت ابليس ويضربه في كتفه بعد كدة في رجله فيقع علي الارض ويقع منه السيفيحاول يمسك السيف تاني لكن ابليس يذقه برجله و يمسك شادي من شعره )
ابليس : كنت فاكرك قوي لكنك طلعت اضعف مما تخيلت علشان كدة هاتكون اول واحد يموت فيهم
شادي : آآآآآه
ابليس : ودلوقني جت نهايتك ( يرفع السيف )
فادي : استني
ابليس : هاه
فادي : بلاش تقتله .. انا مستعد اعمل اي حاجة بس بلاش يموت
ابليس : هوة اختار طريقه واتحداني وخسر علشان كدة لازم يموت
فادي : اعمل اي حاجة بس سيبه يعيش
ابليس : اي حاجة؟ ... ممممم ( تفكير ) هاهاهاها .. لو انت عايزه يعيش ييبقي مفيش غير حل واحد بس
فادي: ايه هوة ؟
ابليس : انك تموت مكانه
شادي : لأ ماتوافقش
فادي : ..... موافق
ابليس : هاهاهاها
شادي : لا يا فادي بلاش ... ليه تموت ؟
فادي :علشان انقذك انت و البقيين واحميكم من الموت
شادي : بس احنا اللي غلطنا وغلطنا فيك وسرقنا الخاتم بتاعك كمان .. لكن انت عمرك ما غلطت
فادي : لازم اللي يفديكم لازم يكون بلا خطية
ابليس : دلوقتي .. معادك جه ( يبدأ يشده ناحية الباب اللي في النص )
فادي : شديد .. بص حوليك وانت هاتعرف السبب الحقيقي لقوتك
شادي : لا يافدي بلاش تروح معاه بلاش تموت .. لأ يافادي لأ لأ لأاااااااا
( ستار )
الفصل الثاني
المشهد الاول
( ترنيمة في الدخول والتعذيب )
ابليس : ان ملك ؟ هاهاها
مارتينا : حرااام .. كفاية تعذيب فيه
ابليس : هاهاهاها
امير : ليه يافادي تموت علشانا ليه ؟
( يبدأ ابليس يدق المسامير )
فادي : آآآآآآآآه
سارة : كفايييييييييية
ابليس : اخيرا يافادي هاتموت وهاخلص منك
سامح : لا بلاش يموت .. ارجوك
ابليس : هاهاهاها
( يبدأ يرفع الصليب )
وحيد : خد السلسلة اهيه وسيبه بلاش تموته
فادي : آآآآآآآآآآه ......... آآآآه
( سكوت )
مارتينا : ماتسيبناش يافادي
فادي : ماتخفوش ... هافضل دايما معاكم
امل : ليه تموت واحنا محتاجنلك ؟
فادي : خليكوا مستعدين .... انا هارجع تاني .... دوروا في المخزن علي سلاحكم
شادي : سلاح ؟؟
فادي : آآآآآآآآآه ( الم ) .... عادل ... امير .... ارعوا خرافي ( يموت )
ابليس :هاهاهاهاها
الكل : لاااااااااااااااااا
عادل : فعلا كنت انت الملك
( ستار )
المشهد الثاني
سارة : احنا هانفضل محبوسين هنا لغاية امتي ؟ الباب اهوه اتفتح بس برده لازم نتحدي ابليس علشان نخرج وكل ده علشان واحد سرق الخاتم.. يمكن لو صليت ربنا يساعدنا ونخرج من اللي احنا فيه ده (ترقع )... بسم ال..........
ابليس : انت صلي بجد ؟
سارة : أأأأأأأه ( صويت خوف )
ابليس : لا لا لااااااااا وطي صوتك ومتخافيش
سارة : انت عايز ايه مني ؟
ابليس : انا كنت جي اقولك علي حاجات مهمة جدا
سارة : لا ابعد عني وسيبني اصلي
ابليس : تصلي ؟ هاهاهاها تصلي ازاي ؟ انتي ازاي جالك الجرأة انك توري ربنا وشك رغم كل الخطاية اللي فيكي ديه ؟ ده انتي كذابة ولسة مفرقة بين اتنين بيحبوا بعض و.... سارقة الخاتم
سارة : انا ماسرقتش حاجة .. انت عايز ايه ؟
ابليس : عايز اساعدك .. الكل كارهك وماتنسيش انك لسة من المتهمين اللي بيشكوا انهم سرقوا الخاتم
سارة : لأ فادي قالوهم اني مش انا
ابليس : وفادي مات ومفيش دليل علي كلامه
سارة : وانت اللي قتلته
ابليس : هوة اللي طلب بإرادته مش ماحدش غصب عليه ونسي انه الوحيد اللي يقدر يبرأيك ودلوقتي هاتتعقبي وممكن تموتي الا اذا عرفوا منك مين اللي سرق الخاتم
سارة : وانا اعرفة ازاي؟
ابليس : انا هاقولك عليه ومستعد اخرجك من هما كمان لو عايزة
سارة : انت تعرف مين اللي سرقه ؟؟
ابليس : طبعا اعرفه سامح صاحبكم هوة اللي سرقه وهوة الوحيد اللي يقدر يخرج من هنا دلوقتي لكن لو بلغتي عنه هاخرجك من هنا بداله
سارة : انت كداب ... سامح عمره ما يعمل كدة ... انت عايز توقع بينا
ابليس : قولي ذي ماانتي عايزة لكن .. ماترجعيش تندمي بعد كدة لما تتأكدي ان الخاتم في الأوضة عنده
سارة : انت متأكد؟
ابليس : انا قلت اللي عندي ودلوقتي لازم امشي
سارة : لأ استني
( يسيبها ويخرج )
سارة : معقولة يكون سامح هوة اللي سرق ؟ اكيد لأ .. الاوضة فيها وحيد وسامح مش سامح بس ... ( يدخل سامح في نص كلامها وينظر للباب ) مين فيهم اللي سرق وليه ميكنش ابليس نفسه هوة اللي سرق؟ ( تنظر خلفها فتجد سامح ) ... واقف كدة ليه ؟ ماتخرج ؟
سامح : اخرج اروح فين ؟
سارة : اهرب
سامح : بالسهولة ديه ؟
سارة : طبعا ديه سهلة جدا ... الباب اهوه مفتوح قدامك ... ومحدش يقدر يخرج منه غير لو اتحدي ابليس او .... كان معاه الخاتم
سامح : انتي قصدك ايه ؟
سارة : انت عارف انا قصدي ايه كويس
سامح : لأ مش عارف
سارة : سرقت الخاتم ليه ؟
سامح : خاتم ايه اللي سرقته ؟ مين اللي قالك كدة ؟ انا مسرقتش حاجة
سارة : ابليس قالي كدة
سامح : وانتي بتصدقي ابليس وتتهميني ؟
سارة : ايوة
سامح : انت يا سارة اللي بتقولي كدة ؟ انتي اللي اعتبرتك من اقرب الناس ليا تقولي عليا حرامي ؟ انا ياسارة ؟ انا اسرق ؟ انا عملتلك ايه غلط علشان تقولي عليا كدة ؟ مش كفاية مارتينا اللي دمرتلها حياتها بسبب الكلام الغلط اللي قولتيه ؟ عايزة تدمريني انا كمان ليه ؟ هوة علشان مايقولوش انك سرقتي الخاتم تروحي قايلة اني انا اللي سرقته؟ حرام عليكي حرام عليكي ( بكاء )
سارة : ايه ده ؟.. انا اسفة بجد انا ماكنش قصدي .. بس انت عارف اللي احنا فيه وابليس اكدلي ان الخاتم في الاوضة عندك
سامح : (وشة يتقلب ويبطل بكاء) وتفتكري لو قلتلي لحد ان الخاتم في اوضتي هايصدقوكي؟
سارة : يعني ايه ؟ ..... انت قصدك ان انت ........
سامح : ايوة انا .... انا اللي سرقت الخاتم
سارة : انت ؟...... طيب ليه ؟.... ليه تسرق وتحطنا كلنا في اللي احنا فيه ده ؟ ليييه؟
سامح : اهوة ده اللي حصل واعملي اللي انت عايزاه ولو عايزة تقوللهم قوللهم ماحدش هايصدقك علشان انت كذابة والكل عارف كدة
سارة : انا فعلا هاقلهم ولو ماقلتش .. كدة كدة أ/عادل اكيد هايفتش الاوض وهايعرف
( تسيبه وتخرج )
سامح : طيب وبعدين؟ كدة هايعرفوا اني انا اللي سرقت ؟ واكيد هاموت زي ما فادي قال اوهاتسجن
ابليس : انت مش هاتتسجن لأنك فعلا مسجون في القصر ده
سامح : هاااه ( يتخض ) انت عايز ايه ؟
ابليس : انا عايز اساعدك واهربك من سجنك او هاسيبك تموت هنا
سامح : انت؟ تساعدني؟ امال لو ماكنتش قلت لامل ان الخاتم معاية كنت عملت ايه ؟
ابليس : انت انسان وهاتفضل بعقل انسان ومش هاتقدر تستوعب اني عملت كدة علشان اهربك انت
سامح : تهربني ازاي ؟ بانك تقولوهم ان الخاتم في الاوضة عندي؟
ابليس : وهوة في حد هايصدق واحدة كدابة ؟ .. كدة كدة هايفتشوا الاوضة وهايلاقوا الخاتم لكن لما هاتقول هية انك انت اللي سرقت الخاتم مش هايصدقوها علشان كدابة وهايقولوا ان وحيد هوة اللي سرق الخاتم .. مش انتوا الاتنين مع بعض في اوضة واحدة ولانسيت؟
سامح : وحيد ؟ اخويا ؟ بس انا سرقت الخاتم اصلا علشان هوة مايسرقوش ويضيع نفسه وكنت ناوي اول لما نيجي نمشي ارجعه تاني
ابليس: واستفدت ايه ؟ ولا حاجة ... غلط وسرقت وجبت الموت ليكم كلكم حتي اخوك هايموت .. حتي انت كمان ها تموت الا اذا سبتني اساعدك
سامح : وهاتساعدني ازاي ؟
ابليس : انا مستعد اسيبك تخرج من هنا بس بشرط ... انك تسيبهم يمسكوا اخوك علي انه هوة اللي سرق الخاتم
سامح : بس ده اخويا ازاي اسيبه يموت ؟ ... والباقيين هايكون مصيرهم ايه ؟ وكمان انا ايه اللي يضمنلي انك هاتخرجني من هنا ؟
ابليس : اللي يضمنلك هوة اني .. انا .. اللي ساجنكم في القصر ده والباب ده مفيش حد يقدر يخرج منه غير اللي انا عايزه يخرج حتي لو كان فادي فتحهلكم بموته .. ولما انت هاتخرج مش هاسيب حد يخرج بعدك ومفيش حد هايقدر يعاقبك حتي لو عرفوا انك انت اللي سرقت لأنهم كلهم هايموتوا هنا
وحيد : بس لو خرجت من هنا هابقي بخونهم وهابقي سبت اخويا يموت بدالي ... لأ انا مش هاوافق ... بس .. لو انا ماوافقتش هايعرفوا اني انا اللي سرقت الخاتم وعقابي منهم هايكون صعب قوي ... بس انا مش عايز اخونهم واسيبهم يموتوا واهرب ... اعمل ايه ؟ ( تفكير )...... كدة كدة الكل هايموت هنا حتي لو عرفوا ان انا اللي سرقت ... يبقي انتهز الفرصه واهرب ... واي حد مكاني كان قال يلا نفسي ... ابليس انا موافق علي شرطك
(ظلام )
(يضاء النور ويكون الكل واقف ماعدا سامح )
مارتينا: معقولة سامح يعمل كدة ؟ يعني لولا ان امير سمعة وهوة بيكلم ابليس كان زمانا متهمين وحيد في سرقة الخاتم؟
عادل : انا واثق ان في حاجة هية اللي خلته يعمل كدة
شديد : بس ايه الحاجة ديه اللي تخليه يسرق ويسبنا نموت ويهرب
وحيد : ياجماعى انا حاسس انه مظلوم ... الباب كان مفتوح قدامه والخاتم معاه . لوعايز يخرج مخرجش ليه
امل : اكيد عايز يخرج معانا
مارتينا: وهوة احنا هانتخرج من هنا ازاي اصلا ؟؟
امل : بالسلاح اللي في المخزن اللي قال عليه فادي .. يلا نروح نجيبه
سارة : استني ايه الحماس ده .. الطريق ضيق وضلمة ومخيف قوي
امل : مش مشكلة .. هانزل برضه
امير : انتي مش خايفة ؟
امل : واخاف ليه ؟
شادي : من امتي والشجاعة ديه عندك ؟
امل : من ساعة لما شفت قد ايه فادي كان بيحبنا ومخافش واستحمل الموت علشانا
وحيد : بس الطريق صعب قوي
امل : اول لما فادي مات علشانا الباب انفتح قدامنا ومباقاش قدامنا غير خطوة واحدة هيا ان احنا خرج من الباب ده والطريقة الوحيدة اللي تخرجنا منه هية ان احنا نمشي في الطريق الضيق ده مهما كان ضلمة او مرعب او مليان مخاطرونعرف ايه السلاح اللي قالنا عليه فادي ونهزم بيه ابليس
عادل : برافو يا امل فعلا احنا لازم نعرف ايه هوة سلاحنا اللي نهزم بيه ابليس .. ونكون مستعدين قبل لما يقتل اي حد فينا .. علشان كدة لازم مانتأخرش وننزل حالا
امل : ايوة هوة ده الكلام ولا بلاش .. انا نازلة ( تطلع تجري )
شادي : البنت ديه عملت زي باباي واكلت السبانخ ولا ايه؟ .. استني انا جي معاكي
امير : وانا
مارتينا: وانا كمان
وحيد : وانا معاكم بس.... سامح ( بحزن )
سارة : خليه هنا خسارة فيه انه يعيش اصلا
وحيد : سارة ( بعصبية )
عادل : انزل معاهم انت ياوحيد وانا هاتكلم مع سارة ونحصلكم وماتخفش سامح هايرجع ويجي معانا
( يخرج الكل ماعدا سارة وعادل )
سارة : ييجي معانا ليه ده خاين وحرامي وغلطه عمل مشاكل لينا كلنا مش ليه لوحده
عادل : وانتي كما .. غلطك عمل مشكلة لغيرك
سارة : انا ؟ .... عملت مشكلة لمين ؟
عادل : امير ومارتينا
سارة : انا ؟
عادل : كذبتك علي امل خلت الاثنين ينفصلوا عن بعض رغم حبهم لبعض
سارة : بس ديه كانت كذبة صغيرة
عادل : ممكن تكون غلطة صغيرة .. كذبة او نميمة .. حاجة بسيطة قوي لكن تأثرها بيكون قوي أوي .. كذبتي وقولتي لأمل كلام علي مارتينا وامل قالت لأمير ووصلت في الاخر لان الاتنين يسيبوا بعض .. تخيلي لو ماكناش محبوسين هنا وامل قالت لحد تاني و الحد ده قال لحد رابع .. تخيلي حياة مارتينا هايحصل فيها ايه ؟؟
سارة : ديه هاتتدمر خالص
عادل : وهوة ده اللي ابليس عايزه عايز يدمر حاياتها وحياتي وحياتك وحياه الناس كلها وعنده القدرة انه يعمل كدة وقدر يتغلك ويستغل كذبك وناميمتك علشان تدمري حب امير ومارتينا
سارة : هوة انا اقدر اعتذرلهم ؟ وافهم امير الموضوع ؟ ... بس دول اكيد مش هايسمحوني
عادل : هوة ده اللي المفروض يحصل انك تحاولي ترجعيهم لبعض واكيد هما هايسمحوكي ... يلا ننزل بقي علشان كلهم نزلوا
سارة : يلا
( ستار )
الفصل الثالث
المشهد الاول
(يفتح الستار علي مشهد المخزن ونور ضعيف والكل يبدأ يدخل )
وحيد : ششششششش
امير : ايه ياعم نظام جمس بوند اللي انت عامله ده ؟
وحيد : ششششششش
امير : حاضر ياعم
مارتينا: الدنيا ضلمة قوي
( يولع شادي النور )
امل : ماتخفيش ... مافيش حاجة تخوف ... آآآآآآه ( تصوت امل مرة واحدة )
شادي : ايه في ايه ؟
امل : صرصار
شادي : ( يموته شادي ) خايفة من صرصار ؟
امل : ( تبص عليه ) هوة مات ؟... ( تتطمن ) لأ طبعا ماخفتش ( بثقة )
مارتينا: واضح طبعا... المكان كله مكركب ومش باين فيه اي حاجة غير كراتين وصناديق
امير : آي ( يقع امير )
وحيد : في حد يتدلق كدة يا امير ؟ ... قوم قوم ... مش كنت تقولي انك هاتقع قبلها بخمس دقايق علشان الحقك ؟
امير : وهوة انا كنت اعرف اني هاتدلق الدلقة ديه ازاي يعني؟... ايه ده ؟
شادي : ده شكله صندوق .. بس مقفول بقفل
امل : مفيش مفتاح او اي حاجة واقعة جنبه ؟
امير : لأ
مارتينا: طب هانفتحه ازاي؟
امير : انا باقول نأجر حرامي شقق محترف يجي يفتحة
شادي : ياعم حرامي ايه انت التاني ؟... انا هاكسر الصندوق
وحيد : لأ استني .. انا عندي حل ... حد يجبلي بنسة شعر
امل : بنسة ؟ ماعيش خد من مارتينا
مارتينا: لأ شعري يبوظ
امير : انتي شايفانا قعدين في الهيلتون ؟ ده احنا في البدرووم .. اديهاله علشان نخلص
مارتينا: امسك عاللة يتمر
وحيد : هاتي
امل : انت هاتعمل بيها ايه ؟
وحيد : استني
امل : لأ بجد هاتعمل ايه ؟
وحيد: يابت اهمدي اهمدي اييييييييه بالعة راديو ؟؟ ...... اووووووووووووف امسكي
امل : ايه ده ؟
وحيد : هايكون ايه ياعني القفل اللي مقفول بيه الصندوق
شادي : يابن الاييه عملتها ازاي ديه ؟
مارتينا: انت كنت شغال حرامي قبي كدة ؟؟؟
سامح : حاجة زي كدة ... ايه ده ؟ ده صليب
( يدخل عادل وسارة )
امير : ايه اللي وقع ده ؟ ( يمسك ورقة )
سارة : مكتوب فيها ايه ( يتخض سامح )
وحيد : ايه يا امل مش قولنا نبطل نخاف بأة ؟؟
امير : استنوا ( يقرأ )
شادي : ياعم انت بتوشوش نفسك ؟ .. هات ( يشد الورقة )
عادل : مكتوب فيها ايه ياشديد؟
شادي :
( يااخوتي , "10" تقووه في الرب وفي شدة قوته . "11" البسوا سلاح الله الكامل لكي تقدروا ان تثبتوا ضد مكايد ابليس ."12" فان مصارعتنا ليست مع دم ولحم بل مع الرؤساء, مع السلاطين , مع ولاة العالم في ظلمة هذا الدهر , مع اجناد الشر في السماويات . "13" من اجل ذلك احملوا سلاح الله الكامل لكي تقدروا ان تقاوموا في اليوم الشرير, وبعد ان تتمموا كل شئ ان تثبتوا. "14" فاثبتوا ممنطقين اقاءكم بالحق , ؤلابسين درع البر . "15" وجاذين ارجلكم باستعداد انجيل السلام . "16" حاملين فوق الكل ترس الايمان , الذي به تقدرون ان تطفئوا جميع السهام الشريرة الملتهبة. "17" وخذوا خوذة الخلاص , وسيف الروح الذي هو كلمة الله. "18" مصليين بكل صلاه وطلبة كل وقت في الروح , وساهرين اهذا بعينة بكل مواظبة وطلبة , لأجل جميع القديسين ."19" ولأجلي, لكن يعطي لي كلام عند افتتاح فمي, لأعلم جهارا بسر الانجيل , "20" الذي لأجله انا سفير في سلاسل , لكني اجاهر فيه كما يجب ان اتكلم .)
سارة : يعني ايه الكلام دة ؟
عادل : معناه اننا لازم نجاهد ونصلي علشان نهزم ابليس
امير : مااحنا بنجاهد اهوه ومش عرفين نهزمه
عادل : ده علشان جهادك ناقص
شادي : يعني ايه ؟
عادل : يعني جاهد وصلي بمواظبة وايمان وثق انك هاتكسب
مارتينا: ما احنا علي طول بنصلي و مفيش حاجة بتحصل
عادل : ده لانك مش بتصلي صح انتي بتقولي كلام حفظاه لكن مش حاسة بيه وسعات كتير بتكوني مش مركزة وانتي بتقوليه وبتكوني بتفكري في حاجة تانية ... الصلاة ديه سلاح مهم جدا علشان تهزمه ابليس.
سامح : و ازاي نهزمه؟
عادل : صلوا بايمان وتركيز ومواظبه و اتشفعوا بالقديسيين في صلاتكم .. اقرؤوا في اللانجيل ... توبوا و اعترفوا بغلطكم .. اغفروا و سامحوا غيركم علي غلاطاتتهم
امل : حتي لو كانت زي غلطه سامح؟
عادل : حتي لو كانت زي غلطته
مارتينا: نسامحه؟ بعد اللي حصلنا ده؟
عادل : وليه لأ؟
سارة : لانه سرق و حطنا كلنا في مشاكل
عادل : لكنه ممكن يتوب و يرجع و يطلب انكوا تسمحوه و تغفروله
شادي : بس ده صعب اننا نغفر
عادل : لو كان صعب ازاي بتقول وانت بتصلي . اغفر لنا ذنوبنا كما نغفر نحن ايضا للمذنبين الينا .ازاي بتقوله يغفرلك زي ما بتغفر للناس و انت مبتغفرش اذا كان ربنا الهنا بيغفر ازاي احنا مش قادرين نغفر ... اغفروا ليه فين روح المحبه اللي بينا.
وحيد : كفاية بقي .. حرام عليكم ... مالكم كلكم كارهينه ليه كدة ؟
مارتينا: علشان هوة اللي سرق الخاتم ؟
وحيد : سامح سرق الخاتم بسببي انا
امير : انت ؟
وحيد : ايوة انا .. سامح سرق الخاتم علشان انا ماسرقوش .. كنت فاكر اني لما هاسرقها هابقي غني هاقدر اعيش زي اي انسان عادي ... ماكنتش متخيل ان كل ده ممكن يحصل ... مكانش فارق معاية اي حد منكم علشان عمري ماحبتكم ولا عمري ماحسيت بيكم من يوم لما عرفتكم وانا حاسس انكوا مقفولين علي بعض .. مش قادر اندمج معاكم ... حاسيت انكم كارهني او بتستحكروني علشان مستوايا اقل منكم علشان كدة فكرت اني اسرق علشان ابقي احسن منكم واخليكم انتوا اللي تجوا لغايت عندي .. لكن لما سامح عرف .. من حبه ليا سرق الخاتم علشان ماسراقوش وتعقبوني
امير : فعلا ليك حق تكرهنا .. احنا طول عمرنا اصحاب مع بعض وبنسأل علي بعض لكن عمرنا مابنفكر نقرب منك وده مش بيحصل معاك انت لوحدك ده بيحصل مع ناس كتير .. ياما ناس كتير دخل جواهم الكراهية بسبب احساسهم بالوحدة وكره الناس ليهم
شادي : بس برده ده مش مبرر يخلي حد منكم يفكر يسرق .. انتوا باللي حصل ده جبتلنا الموت كلنا هنا .. بس خلاص اللي حصل حصل ودلوقتي فين الخاتم؟
وحيد : الخاتم مع سامح
عادل : يبقي لازم نندهله ونتكلم معاه ونفهمه ان كلنا مسمحينه ونرجع الخاتم ونخرج كلنا من هنا
امل : انا هاطلع اندهله
( تخرج امل )
سارة : بمناسبة اللي بيحصل ده ممكن اقول حاجة لامير ومارتينا ؟
مارتينا: ايه ؟
سارة : انا اسفة ... انا فعلا كذبت ... انا لا شفت مارتينا مع المخرج ولا حاجة
امير : نعم ؟
سارة : انا بجد اسفة .. ماكنتش فاكرة ان كذبة صغيرة ممكن تعمل مشاكل كتير قوي ... امير مارتينا بتحبك بجد
امير : انتي بتتكلمي بجد ؟
سارة : اسألها بنفسك ( يبتسم ويروح لمارتينا )
امير : مارتينا
مارتينا : ابعد عني وماتكلمنيش ( تديله دهرها )
سارة : اوبببببببببباااااااا شوفت دلع البنات ابتدي ازاي ؟ .. لما قبل الخطوبة وبتعمل كدة .. امال بعد الخطوبة هاتعمل ايه ؟ .. انا لو منك يا امير بالقلم وعلي وشها
شادي : يا بت اهمدي ايه بتاجاز قاعد معانا ؟ مفيش فايدة ؟
وحيد : الاه يا رب يقطعوا عنك الغاز لو انبوبتك تفضي
امير : مارتينا .. انا اسف بجد
مارتينا: بقي بتشك فيا ومابتثقش فيا ؟
امير : اعمل ايه بس؟؟ من كتر اللي بشوفه وبيحصلي مبقتش اثق في حد ولا حتي في نفسي
مارتينا: وليه ماتثقش في نفسك ؟
امير : لأني مش
