زغلول .. اخرستوس انستي المسيح قام اليسوس انستي بيقه قام . كل
سنه وانتوا طيبين يا اصحابي .ايه بتقولوا ايه يا اصحابي علوا
صوتكم اصل انا نظري ضعيف ما بسمعش كويس هاقولكم تاني كل سنه وانتوا طيبين. اعرفكم بقي بنفسي انا زعلول. انا مين؟؟ زعلول مش سحلول النهارده يا اصحابي زي منتوا عارفين عيد القيامه عشان كده انا رايح اتفسح والعب مع صحبي مفجوع نادوا معايا عليه عشان نومه تقيل. يا مفجوع يا مفجوع
مفجوع..ايه يا حبيبي في ايه انت ايه الي مصحيك من الفجر كده عايز حاجه
زغلول.. فجر؟ فجر ايه يا مفجوع احنا بقينا الظهر اصحي بقي
مفجوع..اصحي ليه عايز ايه بس مني
زغلول.. النهارده العيد
مفجوع..بجد الف مبروك يا زعلول . منا عارف يا بني ان النهارده العيد جي تصحيني من النوم عشان تقولي النهارده العيد
زغلول.. هو انت ادتني فرصه اكمل كلامي انا عايز اقولك اننا عايزين نخرج ونلعب مش النهارده العيد
مفجوع..حاضر يا زعلول العيد الجي انشاء الله اوعدك اننا نخرج ونلعب زي منتا عايز .
زغلول.. العيد الجي ايه يابني دي انت زهقتني خالص فوق بقي يلا
مفجوع.. انا كنت احب العب معاك يا زعلول بس انا تعبان قوي
زغلول.. تعبان ؟ سلمتك يا مفجوع حاسس بايه
مفجوع.. حاسس زي متكون الحرب العالميه التالته قامت في بطني وحاسس بوجع جامد قوي في بطني
زغلول.. ومن ايه الوجع ده؟ اوعي تكون عملتها واكلت كتير بليل يا مفجوع اصل انا عارفك مفجوع
مفجوع.. اهو انت دايما كده تظلمني يا زعلول ولا اكلت كتير ولا حاجه وانا يدوبك اكلت تلت فراخ ونص بس
زغلول.. اه يا ني اه كل ده وتقول بس ماكلتش اربعه ليه يا مفجوع لا لا انت لازم تاخد بالك من صحتك وتتغذا كويس مش ملاحظ انك خسيت شويه
مفجوع.. كده يا زعلول بتتريق علي طيب انا مش حقولك علي حاجه تاني
زغلول.. خلاص خلاص متزعلش
مفجوع.. مش زعلان
زغلول.. اصل انا عايز اقولك اننا هدفنا في العيد مش ناكل فراخ ولحمه بس لكن ...
مفجوع.. عارف عارف وناكل كمان شيكولاته وجاتوه و................
زغلول.. حرام عليك بقي جبتلي الضغط مش بتفكر في حاجه غير الاكل
مفجوع.. وحفكر في ايه تاني ؟
زغلول.. تفكر في ربنا يسوع اللي قام من الاموات بعد ما اتصلب واتعذب علشانا ومادام بقي انت تعبان ومش حنعرف نلعب انا هاحكي لك انت واصحابي علي حدوته جميله خالص
مفجوع.. طيب لغاية ما تحكي لهم انا ها ادخل اكل خمس او ست سندوتشات كده علي الماشي
زغلول.. تعالي هنا رايح فين مش هاتسمع الحدوته يا مفجوع . دي طنط كان عندها حق لما سمتك مفجوع
مفجوع.. خلاص خلاص ها اقعد وامري لله
زغلول.. كان يا ما كان كان فيه زمان سلطان والسلطان كان عنده بنت جميله اسمها فرفوره لكن للاسف كانت فرفوره مريضه
(ويبداء التمثيل في المسرحيه من هنا)
السلطان .. بقي دي اسمه كلام يا حكيم القصر بنتي بقي ليها مده كبيره عيانه ومش لقي ليه علاج يشفيها
الحكيم.. يا مولاي دوا بنتك معروف لكن المشكله انها محتاجه دم بلبل ابيض ومفيش في الدنيا دي كلها غير بلبل واحد بس ابيض ومحدش عارف هو فين
السلطان .. نزل اعلان قول فيه اني عامل مكافاء ثلاثين من الفضه للي يلاقي البلبل الابيض ويجيبه لينا
زغلول.. وفعلا نزل اعلان في كل البلد يقول ان الي يلاقي بلبل ابيض ويسلمه للسلطان ليه مكافاء ثلاثين من الفضه
بقلظ..اه لو اقدر القي البلبل ده دي انا كنت اشتري الي في نفسي فيه
زغلول.. ومش بقلظ وهو بيفكر ازاي يلاقي البلبل وروح بقلظ علي البيت وهناك لقي المفاجاء
بقلظ.. معقول حلمي اتحقق ولقيت البلبل الابيض انا بقيا غني ... غني
البلبل.. ازيك يا بقلظ تسمحلي ابات هنا عندك ونبقي اصحاب وانا كل يوم اغنيلك اغنيه جميله ماشي يا صحبي
بقلظ.. طبعا طبعا يا صحبي "(ويقول لنفسه سرا) هتغنيلي كل يوم اغنيه دي تطلع بكام فاضه انا لازم اسلمك وقبض المكافاء علشان ابقي غني
بقلظ.. (يكلم الجنود) هو ده هو ده البلبل الابيض امسكوه انا عايز المكافاء بتعتي ثلاثين من الفضه بالتمام والكمال
الحكيم.. يا جناب السلطان بشره يا جناب السلطان لقينا البلبل الابيض
السلطان .. الحمد الله احسنت يا حكيم القصر
(يكلم نفسه)(الحمد الله اخيرا بنتي فرفوره حتاخد دواها وتخف) يلا بينا يا حكيم القصر نروح نفرحها بالخبر ده
فرفوره.. اهلا يابابا
السلطان .. ازيك يا فرفوره دلوقتي احنا اخيرا لقينا دواكي الي حيخليكي تخفي وترجعي تجري وتلعبي زي زمان
فرفوره.. ياه يا بابا اخيرا حرجع العب من تاني وقف علي رجلي
جندي.. رئيس الجند جه يا مولاي ومعاه البلبل الابيض
السلطان .. خليه يدخل
(ويدخل رئيس الجند ومعه البلبل الابيض)
فرفوره.. الله دي بلبل جميل جدا انا اول ما شفته حبيته وحسيت اني خفيت سيبه هنا انا عايزه العب معاه
السلطان .. ماشي خليه معاكي بس اوعي يجراله حاجه احسن كل الي عملناه يروح علي الارض
البلبل..
علشان الاميره الحلوه فرفوره بنت السلطان
ترجع ليها صحتها تجري وتلعب كمان
لازم انا اموت عشان تاخد دواها
قبل فوات الاوان عشان انا بحبها
هموت عشنها وانا فرحان اصل مفيش غير دمي
الدواء الشافي للمريض والتعبان
فرفوره.. انا مش فهما معنا كلامك ده لكن انا مبسوطه قوي اني لقيت صديق يتكلم معايا واتكلم معاه اصل انا علطول لوحد وبابا مشغول وانا محبش اضايق حد بمرضي
الحكيم.. لو سمحتي يا مولاتي لازم ناخد البلبل دلوقتي عشان نجهز الدواء لمولاتي
فرفوره.. حترجعهولي تاني امتي
الحكيم.. مش حينفع يا مولاتي ارجعهولك تاني لاننا لازم نموته عشان ناخد دمه ونعمل منه الدواء لمولاتي
فرفوره.. (وهي تحتضن البلبل)لا ده مش ممكن يحصل ابدا انا مش هسمح ان حد يخدوا مني ده صحبي تعالي ني يا بابا
السلطان .. في ايه مالك يا فرفوره يا حببتي بتعيطي ليه ؟
الحكيم.. الاميره مش عوزانا نموت البلبل
السلطان ..
(وهو يهمس في اذن الحكيم) خلاص متزعلهاش استني لغاية لما تنام وبعد كده خده منها
فرفوره.. (وهي تحدث نفسها) بابا فكرني مسمعتهمش وهما بيتكلموا انا لازم افكر في طريقه اهرب بيها البلبل من هنا
السلطان ..خلاص يا فرفوره محدش هيخده منك
زغلول.. وبعد ما السلطان وحكيم القصر مشيوا قررت فرفوره انها تتصرف
فرفوره.. يلا ياصحبي انا لازم انقذك
(وتقوم فرفوره من علي السرير )
البلبل.. انتي مش مفروض تقومي من علي السرير انتي تعبانه واي حركه خطر عليكي
فرفوره.. انا مش ممكن اسمح بكده ابدا انا مش ممكن اخليهم يموتوك علشاني...........دي حرام
البلبل.. مش ممكن يا فرفوره انا اتولدت عشان اموت بدالك لازم دمي يشفيكي عشان انتي تخفي وترجعي تعيشي حياتك في سلام وتاني تقدري تلعبي وتجري زي ماانتي عايزه .....................
(ثم تقع فرفوره علي الارض مغمي عليها)
البلبل.. الله الله مالك يا فرفوره
زغلول.. وعلشان فرفوره تعبانه مكنش المفروض تقوم من علي السرير وهي عيانه ووقعت علي الارض وهي مغمي عليها
البلبل.. فرفوره ...........فرفوره
زغلول.. وفكر البلبل انه لازم يجري بسرعه ويروح للسلطان عشان ينقذ فرفوره قبل فوات الاوان
البلبل.. يا جناب السلطان فرفوره تعبانه قوي
السلطان .. فرفوره...............فرفوره.......... ملها يا حكيم القصر
الحكيم.. لازم يا مولاي الاميره تاخد دواها دلوقتي لان حلتها بقت خطيره قوي
السلطان .. (وهو يحدث نفسه) يعني مفيش حل تاني غير ان البلبل يموت ؟ معقول اموته وهو الي مرضيش يهرب لما بنتي تعبت واغمي عليها وجري وبلغني دي لولاه كانت ماتت بس برضك لو مامتش واخدنا دمه بنتي حتموت اعمل ايه يارب
البلبل.. متفكرش كتير يا مولاي انا مستعد اموت عشان خاطر فرفوره عشان بحبها قوي بحبها اكتر من حبك لها لدرجة اني مستعد اموت علشنها
السلطان .. خد البلبل يا حكيم القصر موته واعمل دوا بنتي
(ياخذ الحكيم البلبل لكي يحضر الدواء ثم يرجع مره اخره)
الحكيم.. الدواء يا مولاي
(السلطان يسقي فرفوره الدواء )
زغلول.. وفرفوره اخدت دواها وفاقت وبقت كويسه
فرفوره.. في البلبل يا بابا .......... فين البلبل مش ممكن يكون مات عشاني انا انا مستحقش الحب ده كله
السلطان .. متعيطيش يا فرفوره البلبل مات عشان خطرك عشان تخفي وترجعي تجري وتلعبي تاني فكري قد ايه هو بيحبك لدرجة انه فضل انه يموت علشانك ومفيش حب في الدنيا اكبر ولا اعظم من الحب ده
(ثم نرجع الي زعلول ومفجوع ويتكلموا عن القصه شويه وتختم القصه)
سنه وانتوا طيبين يا اصحابي .ايه بتقولوا ايه يا اصحابي علوا
صوتكم اصل انا نظري ضعيف ما بسمعش كويس هاقولكم تاني كل سنه وانتوا طيبين. اعرفكم بقي بنفسي انا زعلول. انا مين؟؟ زعلول مش سحلول النهارده يا اصحابي زي منتوا عارفين عيد القيامه عشان كده انا رايح اتفسح والعب مع صحبي مفجوع نادوا معايا عليه عشان نومه تقيل. يا مفجوع يا مفجوع
مفجوع..ايه يا حبيبي في ايه انت ايه الي مصحيك من الفجر كده عايز حاجه
زغلول.. فجر؟ فجر ايه يا مفجوع احنا بقينا الظهر اصحي بقي
مفجوع..اصحي ليه عايز ايه بس مني
زغلول.. النهارده العيد
مفجوع..بجد الف مبروك يا زعلول . منا عارف يا بني ان النهارده العيد جي تصحيني من النوم عشان تقولي النهارده العيد
زغلول.. هو انت ادتني فرصه اكمل كلامي انا عايز اقولك اننا عايزين نخرج ونلعب مش النهارده العيد
مفجوع..حاضر يا زعلول العيد الجي انشاء الله اوعدك اننا نخرج ونلعب زي منتا عايز .
زغلول.. العيد الجي ايه يابني دي انت زهقتني خالص فوق بقي يلا
مفجوع.. انا كنت احب العب معاك يا زعلول بس انا تعبان قوي
زغلول.. تعبان ؟ سلمتك يا مفجوع حاسس بايه
مفجوع.. حاسس زي متكون الحرب العالميه التالته قامت في بطني وحاسس بوجع جامد قوي في بطني
زغلول.. ومن ايه الوجع ده؟ اوعي تكون عملتها واكلت كتير بليل يا مفجوع اصل انا عارفك مفجوع
مفجوع.. اهو انت دايما كده تظلمني يا زعلول ولا اكلت كتير ولا حاجه وانا يدوبك اكلت تلت فراخ ونص بس
زغلول.. اه يا ني اه كل ده وتقول بس ماكلتش اربعه ليه يا مفجوع لا لا انت لازم تاخد بالك من صحتك وتتغذا كويس مش ملاحظ انك خسيت شويه
مفجوع.. كده يا زعلول بتتريق علي طيب انا مش حقولك علي حاجه تاني
زغلول.. خلاص خلاص متزعلش
مفجوع.. مش زعلان
زغلول.. اصل انا عايز اقولك اننا هدفنا في العيد مش ناكل فراخ ولحمه بس لكن ...
مفجوع.. عارف عارف وناكل كمان شيكولاته وجاتوه و................
زغلول.. حرام عليك بقي جبتلي الضغط مش بتفكر في حاجه غير الاكل
مفجوع.. وحفكر في ايه تاني ؟
زغلول.. تفكر في ربنا يسوع اللي قام من الاموات بعد ما اتصلب واتعذب علشانا ومادام بقي انت تعبان ومش حنعرف نلعب انا هاحكي لك انت واصحابي علي حدوته جميله خالص
مفجوع.. طيب لغاية ما تحكي لهم انا ها ادخل اكل خمس او ست سندوتشات كده علي الماشي
زغلول.. تعالي هنا رايح فين مش هاتسمع الحدوته يا مفجوع . دي طنط كان عندها حق لما سمتك مفجوع
مفجوع.. خلاص خلاص ها اقعد وامري لله
زغلول.. كان يا ما كان كان فيه زمان سلطان والسلطان كان عنده بنت جميله اسمها فرفوره لكن للاسف كانت فرفوره مريضه
(ويبداء التمثيل في المسرحيه من هنا)
السلطان .. بقي دي اسمه كلام يا حكيم القصر بنتي بقي ليها مده كبيره عيانه ومش لقي ليه علاج يشفيها
الحكيم.. يا مولاي دوا بنتك معروف لكن المشكله انها محتاجه دم بلبل ابيض ومفيش في الدنيا دي كلها غير بلبل واحد بس ابيض ومحدش عارف هو فين
السلطان .. نزل اعلان قول فيه اني عامل مكافاء ثلاثين من الفضه للي يلاقي البلبل الابيض ويجيبه لينا
زغلول.. وفعلا نزل اعلان في كل البلد يقول ان الي يلاقي بلبل ابيض ويسلمه للسلطان ليه مكافاء ثلاثين من الفضه
بقلظ..اه لو اقدر القي البلبل ده دي انا كنت اشتري الي في نفسي فيه
زغلول.. ومش بقلظ وهو بيفكر ازاي يلاقي البلبل وروح بقلظ علي البيت وهناك لقي المفاجاء
بقلظ.. معقول حلمي اتحقق ولقيت البلبل الابيض انا بقيا غني ... غني
البلبل.. ازيك يا بقلظ تسمحلي ابات هنا عندك ونبقي اصحاب وانا كل يوم اغنيلك اغنيه جميله ماشي يا صحبي
بقلظ.. طبعا طبعا يا صحبي "(ويقول لنفسه سرا) هتغنيلي كل يوم اغنيه دي تطلع بكام فاضه انا لازم اسلمك وقبض المكافاء علشان ابقي غني
بقلظ.. (يكلم الجنود) هو ده هو ده البلبل الابيض امسكوه انا عايز المكافاء بتعتي ثلاثين من الفضه بالتمام والكمال
الحكيم.. يا جناب السلطان بشره يا جناب السلطان لقينا البلبل الابيض
السلطان .. الحمد الله احسنت يا حكيم القصر
(يكلم نفسه)(الحمد الله اخيرا بنتي فرفوره حتاخد دواها وتخف) يلا بينا يا حكيم القصر نروح نفرحها بالخبر ده
فرفوره.. اهلا يابابا
السلطان .. ازيك يا فرفوره دلوقتي احنا اخيرا لقينا دواكي الي حيخليكي تخفي وترجعي تجري وتلعبي زي زمان
فرفوره.. ياه يا بابا اخيرا حرجع العب من تاني وقف علي رجلي
جندي.. رئيس الجند جه يا مولاي ومعاه البلبل الابيض
السلطان .. خليه يدخل
(ويدخل رئيس الجند ومعه البلبل الابيض)
فرفوره.. الله دي بلبل جميل جدا انا اول ما شفته حبيته وحسيت اني خفيت سيبه هنا انا عايزه العب معاه
السلطان .. ماشي خليه معاكي بس اوعي يجراله حاجه احسن كل الي عملناه يروح علي الارض
البلبل..
علشان الاميره الحلوه فرفوره بنت السلطان
ترجع ليها صحتها تجري وتلعب كمان
لازم انا اموت عشان تاخد دواها
قبل فوات الاوان عشان انا بحبها
هموت عشنها وانا فرحان اصل مفيش غير دمي
الدواء الشافي للمريض والتعبان
فرفوره.. انا مش فهما معنا كلامك ده لكن انا مبسوطه قوي اني لقيت صديق يتكلم معايا واتكلم معاه اصل انا علطول لوحد وبابا مشغول وانا محبش اضايق حد بمرضي
الحكيم.. لو سمحتي يا مولاتي لازم ناخد البلبل دلوقتي عشان نجهز الدواء لمولاتي
فرفوره.. حترجعهولي تاني امتي
الحكيم.. مش حينفع يا مولاتي ارجعهولك تاني لاننا لازم نموته عشان ناخد دمه ونعمل منه الدواء لمولاتي
فرفوره.. (وهي تحتضن البلبل)لا ده مش ممكن يحصل ابدا انا مش هسمح ان حد يخدوا مني ده صحبي تعالي ني يا بابا
السلطان .. في ايه مالك يا فرفوره يا حببتي بتعيطي ليه ؟
الحكيم.. الاميره مش عوزانا نموت البلبل
السلطان ..
(وهو يهمس في اذن الحكيم) خلاص متزعلهاش استني لغاية لما تنام وبعد كده خده منها
فرفوره.. (وهي تحدث نفسها) بابا فكرني مسمعتهمش وهما بيتكلموا انا لازم افكر في طريقه اهرب بيها البلبل من هنا
السلطان ..خلاص يا فرفوره محدش هيخده منك
زغلول.. وبعد ما السلطان وحكيم القصر مشيوا قررت فرفوره انها تتصرف
فرفوره.. يلا ياصحبي انا لازم انقذك
(وتقوم فرفوره من علي السرير )
البلبل.. انتي مش مفروض تقومي من علي السرير انتي تعبانه واي حركه خطر عليكي
فرفوره.. انا مش ممكن اسمح بكده ابدا انا مش ممكن اخليهم يموتوك علشاني...........دي حرام
البلبل.. مش ممكن يا فرفوره انا اتولدت عشان اموت بدالك لازم دمي يشفيكي عشان انتي تخفي وترجعي تعيشي حياتك في سلام وتاني تقدري تلعبي وتجري زي ماانتي عايزه .....................
(ثم تقع فرفوره علي الارض مغمي عليها)
البلبل.. الله الله مالك يا فرفوره
زغلول.. وعلشان فرفوره تعبانه مكنش المفروض تقوم من علي السرير وهي عيانه ووقعت علي الارض وهي مغمي عليها
البلبل.. فرفوره ...........فرفوره
زغلول.. وفكر البلبل انه لازم يجري بسرعه ويروح للسلطان عشان ينقذ فرفوره قبل فوات الاوان
البلبل.. يا جناب السلطان فرفوره تعبانه قوي
السلطان .. فرفوره...............فرفوره.......... ملها يا حكيم القصر
الحكيم.. لازم يا مولاي الاميره تاخد دواها دلوقتي لان حلتها بقت خطيره قوي
السلطان .. (وهو يحدث نفسه) يعني مفيش حل تاني غير ان البلبل يموت ؟ معقول اموته وهو الي مرضيش يهرب لما بنتي تعبت واغمي عليها وجري وبلغني دي لولاه كانت ماتت بس برضك لو مامتش واخدنا دمه بنتي حتموت اعمل ايه يارب
البلبل.. متفكرش كتير يا مولاي انا مستعد اموت عشان خاطر فرفوره عشان بحبها قوي بحبها اكتر من حبك لها لدرجة اني مستعد اموت علشنها
السلطان .. خد البلبل يا حكيم القصر موته واعمل دوا بنتي
(ياخذ الحكيم البلبل لكي يحضر الدواء ثم يرجع مره اخره)
الحكيم.. الدواء يا مولاي
(السلطان يسقي فرفوره الدواء )
زغلول.. وفرفوره اخدت دواها وفاقت وبقت كويسه
فرفوره.. في البلبل يا بابا .......... فين البلبل مش ممكن يكون مات عشاني انا انا مستحقش الحب ده كله
السلطان .. متعيطيش يا فرفوره البلبل مات عشان خطرك عشان تخفي وترجعي تجري وتلعبي تاني فكري قد ايه هو بيحبك لدرجة انه فضل انه يموت علشانك ومفيش حب في الدنيا اكبر ولا اعظم من الحب ده
(ثم نرجع الي زعلول ومفجوع ويتكلموا عن القصه شويه وتختم القصه)
