حُرّاس الجنة
* يفتح الستار علي حجرة بها كمبيوتر في الجانب الأيسر يجلس عليه جندي بملابس عسكرية ويميزه جناحان صغيران يخرجان من ظهره، بجوار الكمبيوتر جهاز لاسلكي وتوجد ترابيزة في منتصف المسرح، الجندي يبدو شديد التركيز في جهاز الكمبيوتر وكأنه يبحث عن شيء حتي يقاطعه صوت معدني صادر من اللاسلكي
صوت: قيادة ...قيادة...القوة التانية من حرّاس الجنة تنادي .....قيادة ...قيادة.....
* يمسك الجندي اللاسلكي ويتكلم
جندي 1 : هنا القيادة ...أيوه يا قوة تانية....اتكلم....
صوت: قمنا بتمشيط القطاع السادس كله يا فندم .
جندي1 : اديني تقريرك...لقيتوا ايه؟؟
صوت: لا يوجد أي أثر للجناة يا فندم....ملقيناش أي حاجة ....كل حاجة في قطاع السادس من الجنة ماشية عادي جدا ولا كأن فيه حاجة حصلت.
جندي 1: خلاص ...كمل البحث .
صوت: نتنقل للقطاع السابع يا فندم؟؟
جندي 1: لأ...القوة الرابعة موجودة في القطاع السابع....روح علي قطاع تمانية ....واديني تقرير كل 10 دقايق.
صوت: تمام يا فندم.
يغلق الجندي اللاسلكي ويضعه مكانه ويعود للتركيز في شاشة الكمبيوتر وهو يكلم نفسه
جندي 1: هيكونوا اختفوا فين بس؟؟
* يدخل القائد بخطوة سريعة في زي عسكري وأجنحته أكبر قليلا، وهو يمسك بنظارة معظمة في يده وهناك سيف معلق علي جانبه، وخلفه جندي 2 شبيه بجندي 1 في الزي
القائد: اللي سمعته ده حصل بجد؟؟
جندي 1(يهب واقفا ويؤدي التحية العسكرية): تمام يا فندم....التقرير اللي وصل حضرتك صحيح يا فندم.
القائد(يرد التحية ويتجه للكمبيوتر ليتفحص شاشته): امتي حصل الكلام ده؟؟
جندي 1 : من حوالي تلت ساعة بس يا فندم.
القائد(ينظر من خلال النظارة المعظمة علي المشاهدين): البشر دول مفيش أغبي منهم.....وأنا قلت الكلام ده من ساعة ما ربنا خلقهم...بس هنعمل ايه بقي ..هو خالقهم وبيحبهم..(يستدير لينظر لجندي 1)....أنتوا لسه ممسكتوهمش؟؟
جندي1 : جاري البحث عنهم يا فندم ...القوات منتشرة في كل قطاعات الجنة وبيوصلني منهم تقرير كل 10 دقائق.
القائد: هات لي خريطة الجنة بسرعة.
جندي1 : تمام يا فندم. (يخرج)
* يترك القائد النظارة المعظمة علي ترابيزة المنتصف ويتجه للكمبيوتر لينظر فيه فيأخذها جندي 2 ويتأمل المشاهدين بها بتمهل ثم يقول
جندي2: هو حضرتك ناوي تعمل معاهم ايه؟؟
القائد(بسخرية): ناوي أعمل معاهم ايه؟؟ هو الموضوع محتاج تفكير؟؟ أنا ملاك الموت ....هعمل ايه يعني؟؟ هلاعبهم استغماية؟؟
جندي2: يعني آدم وحوا هيموتوا يا فندم ...دا حرام!!!
القائد(يشخط): حرام!!؟ حرام يعني إيه يا عسكري؟؟ آدم وحوا كسروا أوامر الله..القائد الأعلي ...يبقي لازم يموتوا.
جندي2: بس يافندم.القائد الأعلي هو بنفسه اللي خلقهم علي صورته ومثاله...يبقي إزاي يسمح بموتهم بسهولة كده؟؟ ...دا حتي احنا يا ملايكة بكل أنواعنا ودرجاتنا مفيش حد منا مخلوق علي صورته!!
القائد(بنبرة حازمة): الكلام ده ملوش لازمة دلوقتي...احنا عندنا أوامر ولازم ننفذها...روح بسرعة هات لي دليل التشغيل.
جندي2 : بس يا فندم...
القائد(يقاطعه بغضب): قلت لك ...هات دليل التشغيل.
جندي2(يعتدل في وقفته ويصيح): تمام يا فندم. (يتجه للخروج ويتقابل مع جندي1 وهو داخل يحمل خريطة كبيرة يفرشها علي ترابيزة المنتصف ويتقدم القائد لينظر إليها)
جندي1 : ده القطاع الخامس اللي فيه شجرة معرفة الخير والشر....هنا كان آخر مكان آدم وحوا موجودين فيه...(يشاور علي أماكن في الخريطة وهو يتكلم).....
القائد: ادي أوامر بزيادة الحراسة علي حدود الجنة كلها ...خصوصا هنا (يشاور)...وهنا ...(يشاور)...وعلي كل البوابات كمان.
جندي1 : تمام يا فندم (يمسك اللاسلكي ويبدأ يتكلم).....القوة الرابعة من حرّاس الجنة ...القوة الرابعة...(يبتعد للخلف ويتلاشي صوته بينما تظهر حركات يديه وهو يتكلم ويدخل في نفس الوقت الجندي2 وفي يده كتاب أسود كبير)
جندي2: دليل التشغيل أهه يا فندم.....(يتردد قليلاً).....هو حضرتك متأكد إن القائد الأعلي قال إنهم لازم يموتوا؟؟
القائد: البشر غلطوا ...كان فيه عندهم أوامر واضحة ومحددة وهما طنشوها...أنت عارف ده معناه ايه؟
ج2: يا فندم دا الموضوع كله قطمة واحدة...هي قطمة اللي أكلوها ...مش حكاية يعني.....
القائد(باستنكار): مش حكاية ؟؟.....كان عندهم أكتر من500 فدان مليانين أشجار من كل نوع ولون وممكن يأكلوا براحتهم منها ...وهما حبكت معاهم وزنقت عليهم يقوموا يأكلوا من الشجرة اللي الله منعهم يأكلوا منها.....تسمي ده إيه؟؟
ج2: عندك حق طبعاً يا فندم .....دي طفاسة .....بس برضه عقوبة الموت دي قاسية شوية.
القائد: احنا ماشيين حسب أوامر القائد الأعلي الموجودة في دليل التشغيل ...اقرأ كده المكتوب عندك..
ج2 : حاضر يا فندم (يفتح الكتاب ويقلب الصفحات بينما يقترب جندي1 من القائد في هذه الأثناء)
ج1: تمام يافندم...الحدود كلها اتئمنت ...وزودنا الحراسة علي كل البوابات كمان.
القائد: كويس قوي ....حد شاف الاتنين الهربانين؟؟
ج1: لغاية دلوقتي يا فندم محدش شافهم...بس دورية الحراسة اللي في القطاع الخامس بلغوني انهم شافوا تعبان بيهرب من القطاع.
ج2: تعبان؟؟؟؟؟ ...مستحيل!!!
القائد: ومستحيل ليه؟؟ التعابين موجودة في كل حتة علي كوكب الأرض.
ج2: أنا عارف يا فندم انها كتيرة علي الأرض.....بس أنا بنفسي اللي راجعت كل طلبات واستمارات الكائنات اللي كانت مقدمة عالسكن في الجنة.....مكنش فيه أي تعابين .
القائد وجندي 1 (بصوت واحد وهما مذهولين وينظران لبعض): إبليس .
القائد: أنا من ساعة ماسمعت حكاية آدم وحوا دي وأنا بقول إن ليه علاقة بالموضوع.
ج2: علاقة ؟؟ علاقة إيه؟؟ ابليس دا ملاك ...ايه علاقته بالتعبان اللي ظهر في الجنة؟؟
ج1 : هو أنت مسمعتش باللي حصل؟؟
ج2: لأ مسمعتش ....فيه إيه؟؟
ج1: الملاك ده اتكبر واتمرد علي إلهنا...القائد الأعلي..كان فاكر نفسه أحسن من ربنا ..تخيل؟؟..والنتيجة إنه سقط واتطرد من السما.
ج2: قصدك يعني إنه لما سقط ..نزل هنا عالأرض؟؟..وليه دخل في مشكلة آدم وحوا؟؟ ومين اللي سمح له بكده؟؟
القائد: متبصليش أنا ...أنا مكنتش موافق علي كده بس القائد الأعلي سمح بكده عشان البشر يكون عندهم حرية الاختيار بين الخير والشر.
ج1: فعلاً ....ماهو لو فيه خير بس عالأرض ....يبقي الإنسان معندوش حرية ومش هيختار الخير بمزاجه. (يأتي صوت من اللاسلكي فيتجه إليه ويستمع ويبتعد للخلف)
القائد: وأهم في الآخر استغلوا الحرية واختاروا الشر.
ج2: هو حضرتك يا فندم شايف إن إبليس هو اللي اتنكر لهم في صورة تعبان؟؟
القائد: من خلال اللي سمعته عن الملاك ده أقدر أستنتج إنه عمل كده فعلاً.
ج1 (يتقدم وفي يده اللاسلكي) : القوة التانية من حراس الجنة شافوا آدم وحوا بيهربوا من القطاع التامن في الطريق اللي بيطلع علي القطاع التاسع يافندم.
القائد(ينظر للخريطة ويشاور بيده): هما هنا كده ....وبيتحركوا الناحية دي...يبقي لازم هيعدوا من الطريق ده....كويس .....هما كده حبسوا نفسهم بنفسهم....(يتوجه بالحديث لجندي 1)....بلغ كل القوات تتوجه للمكان ده ويحاصروه ...وقول لهم إن ملاك الموت في الطريق ليهم (يسحب سيفه ويلتفت ليخرج)
ج1 (في اللاسلكي): كل القوات تتقدم للطريق بين القطاعين التامن والتاسع وتحاصره .....الجناة في الطريق ده .....الطريق يتحاصر ..وملاك الموت في الطريق....
ج2 (متردداً): يافندم ...هو....
القائد(يلتفت): نعم؟؟ فيه حاجة؟؟
ج 2 : هو مفيش طريقة تانية نعالج الموضوع بيها غير الموت...مش ممكن يعني حضرتك تتكلم مع القائد الأعلي؟؟
القائد(يتنهد): هو أنا مش قلت لك إن هوه اللي إدي الأوامر...اقرأ اللي في الكتاب وأنت تعرف ....ايه اللي مكتوب عندك؟؟
ج 2 (ينظر للكتاب ويقرأ بصوت عالي ): أجرة الخطية هي موت.
القائد: يبقي الموضوع كده منتهي.....موت يعني موت.
ج2 (يعود لينظر في الكتاب ثانيةً): ثواني يا فندم....فيه ملحق هنا ....مكتوب اضافة هنا....
القائد(باستغراب): إضافة ؟ أنا مشفتش هنا أي اضافات قبل كده....بتقول إيه الإضافة دي؟؟
ج2 (يقرأ ): وأما هبة الله فهي حياة أبدية.
القائد: هبة الله؟؟ إيه هبة الله دي؟؟ أنا عمري ماسمعت عن حاجة زي كده...
ج2 : واضح إن القائد الأعلي سبق الأحداث يا فندم....بص حضرتك هنا(يشاور علي جملة في الكتاب)....واضح إن فيه حد تاني هو اللي هيموت بدل آدم وحوا....وهما هيعيشوا.
القائد: حد هيموت بدالهم؟؟!! ......مش ممكن ....فين الكلام ده؟؟
ج2 (شاور علي جملة في الكتاب): هنا يا فندم أهه
القائد(يقرأ في سره): إيه ده ؟؟ بس الكلام دا هيحصل بعد أكتر من 4000 سنة ....إزاي ده يحصل؟؟ إزاي العقاب يتأجل آلاف السنين.
ج2 : متهيألي إذا كان اللي أجّل الحكم هو نفسه اللي اخترع الوقت يبقي كل شيء ممكن.
القائد: المشكلة انه لما يعدي الوقت ده هيكون عدد البشر بقي ملايين ويمكن أكتر..
ج 1: وايه المشكلة في كده؟؟
القائد: يعني القائد الأعلي هيجيب منين كذا مليون بديل عشان يموتوا بدل البشر؟؟
ج 1 : فعلا ...وخصوصا إن الأجيال اللي جاية مش هتبقي مضمونة ....إذا كان آدم وحوا أكلوا من الشجرة ...أكيد ولادهم وأحفادهم هيعملوا حاجات أسوأ بكتير.
ج 2 (ينظر في الكتاب): بص هنا يا فندم .....دليل التشغيل بيقول حاجة غريبة قوي.
القائد: بيقول ايه ؟؟ اتكلم....
ج 2 : بيقول إن القائد الأعلي بنفسه هو اللي هيكون البديل للبشر
القائد(تبدو علي وجهه الدهشة الشديدة والاستغراب): القائد الأعلي بنفسه....مش ممكن ...مش معقول...
* ينظر جندي2 للكتاب ويهم بقراءة شيء لكن يوقفه جرس تليفون غريب يجعلهم جميعا يخرون ساجدين علي الأرض في خشوع وهم يهتفون
الكل : القائد الأعلي!!!!
يتناول جندي 1 السماعة ويعطيها للقائد الذي يرد بكل خضوع
القائد: نعم يا فندم....تحت أمرك...(يصمت ويسمع)......لتكن مشيئتك....(يصمت ويسمع)....حاضر هننفذ حالاً.....لتكن مشيئتك يا سيدي....لتكن مشيئتك ...لتكن مشيئتك....(يظل يكررها حتي يضع السماعة ثم يتنهد ويقومون جميعاً)
القائد: الله هينزل لآدم وحوا بنفسه.
ج 1 : هيروح يموتهم بنفسه؟؟
القائد: لأ هيروح ينقذهم بنفسه.
ج 1 : هيروح لغاية عندهم عشان ينقذهم...إزاي ؟؟ أنا مش قادر أفهم....دول بشر خاينين ملهمش أمان وميستهلوش ده كله.
ج2 : متنساش إن الله محبة ....ومش أي محبة ..دي محبة للي يستاهلوا واللي ميستاهلوش.
ج1 : وايه اللي يضمن إنهم هيقدروا الجميل اللي ربنا عمله معاهم.
ج2 : هما أحرار .... زي ما اختاروا مرة انهم يعصوا ربنا ويسيبوه ...ممكن يختاروا تاني إنهم يرجعوا له...
ج 1 : والكلام ده هيبقي لآدم وحوا بس ولا هيبقي لكل البشر؟؟
القائد: أكيد طبعاً هيكون للكل ....المحبة لكل البشر في كل زمان ومكان...ومهما كان حجم وعدد ونوع خطاياهم.
ج1 : دي حاجة غريبة قوي يا فندم......دي أول مرة أشوف فيها الموت ....(يكرر الكلمة ويؤكد عليها)...الموت يتهزم.
ج2 (ينظر في الكتاب): لأ مش غريبة ولا حاجة...دا الكلام ده برضه موجود في دليل التشغيل في أماكن كتير ... (يبدأ يقرأ بصوت جهوري في وجود صدي صوت لكلماته)....." لان المحبة قوية كالموت ....... مياه كثيرة لا تستطيع ان تطفئ المحبة و السيول لا تغمرها.....محبة ابدية احببتك من اجل ذلك ادمت لك الرحمة.. بهذا قد عرفنا المحبة ان ذاك وضع نفسه لاجلنا"
القائد: فعلاً ....المحبة هي الحاجة الوحيدة اللي تقدر تغلب الموت....(يضع السيف في غمده ويوجه كلامه لجندي 1 )...إدي أوامرك بالإنسحاب...وجودنا هنا مبقلوش لازمة.(يؤدي التحية العسكرية ويرد الجنديان له التحية ثم يخرج وخلفه جندي2 )
ج1 (في اللاسلكي): جميع القوات تنسحب ....القوات تنسحب إلي مواقعها الأصلية...المهمة اتلغت.....القوات تنسحب ......المهمة اتلغت..
صوت : عُلم وينفذ يا فندم....عُلم وينفذ.
النهاية
* يفتح الستار علي حجرة بها كمبيوتر في الجانب الأيسر يجلس عليه جندي بملابس عسكرية ويميزه جناحان صغيران يخرجان من ظهره، بجوار الكمبيوتر جهاز لاسلكي وتوجد ترابيزة في منتصف المسرح، الجندي يبدو شديد التركيز في جهاز الكمبيوتر وكأنه يبحث عن شيء حتي يقاطعه صوت معدني صادر من اللاسلكي
صوت: قيادة ...قيادة...القوة التانية من حرّاس الجنة تنادي .....قيادة ...قيادة.....
* يمسك الجندي اللاسلكي ويتكلم
جندي 1 : هنا القيادة ...أيوه يا قوة تانية....اتكلم....
صوت: قمنا بتمشيط القطاع السادس كله يا فندم .
جندي1 : اديني تقريرك...لقيتوا ايه؟؟
صوت: لا يوجد أي أثر للجناة يا فندم....ملقيناش أي حاجة ....كل حاجة في قطاع السادس من الجنة ماشية عادي جدا ولا كأن فيه حاجة حصلت.
جندي 1: خلاص ...كمل البحث .
صوت: نتنقل للقطاع السابع يا فندم؟؟
جندي 1: لأ...القوة الرابعة موجودة في القطاع السابع....روح علي قطاع تمانية ....واديني تقرير كل 10 دقايق.
صوت: تمام يا فندم.
يغلق الجندي اللاسلكي ويضعه مكانه ويعود للتركيز في شاشة الكمبيوتر وهو يكلم نفسه
جندي 1: هيكونوا اختفوا فين بس؟؟
* يدخل القائد بخطوة سريعة في زي عسكري وأجنحته أكبر قليلا، وهو يمسك بنظارة معظمة في يده وهناك سيف معلق علي جانبه، وخلفه جندي 2 شبيه بجندي 1 في الزي
القائد: اللي سمعته ده حصل بجد؟؟
جندي 1(يهب واقفا ويؤدي التحية العسكرية): تمام يا فندم....التقرير اللي وصل حضرتك صحيح يا فندم.
القائد(يرد التحية ويتجه للكمبيوتر ليتفحص شاشته): امتي حصل الكلام ده؟؟
جندي 1 : من حوالي تلت ساعة بس يا فندم.
القائد(ينظر من خلال النظارة المعظمة علي المشاهدين): البشر دول مفيش أغبي منهم.....وأنا قلت الكلام ده من ساعة ما ربنا خلقهم...بس هنعمل ايه بقي ..هو خالقهم وبيحبهم..(يستدير لينظر لجندي 1)....أنتوا لسه ممسكتوهمش؟؟
جندي1 : جاري البحث عنهم يا فندم ...القوات منتشرة في كل قطاعات الجنة وبيوصلني منهم تقرير كل 10 دقائق.
القائد: هات لي خريطة الجنة بسرعة.
جندي1 : تمام يا فندم. (يخرج)
* يترك القائد النظارة المعظمة علي ترابيزة المنتصف ويتجه للكمبيوتر لينظر فيه فيأخذها جندي 2 ويتأمل المشاهدين بها بتمهل ثم يقول
جندي2: هو حضرتك ناوي تعمل معاهم ايه؟؟
القائد(بسخرية): ناوي أعمل معاهم ايه؟؟ هو الموضوع محتاج تفكير؟؟ أنا ملاك الموت ....هعمل ايه يعني؟؟ هلاعبهم استغماية؟؟
جندي2: يعني آدم وحوا هيموتوا يا فندم ...دا حرام!!!
القائد(يشخط): حرام!!؟ حرام يعني إيه يا عسكري؟؟ آدم وحوا كسروا أوامر الله..القائد الأعلي ...يبقي لازم يموتوا.
جندي2: بس يافندم.القائد الأعلي هو بنفسه اللي خلقهم علي صورته ومثاله...يبقي إزاي يسمح بموتهم بسهولة كده؟؟ ...دا حتي احنا يا ملايكة بكل أنواعنا ودرجاتنا مفيش حد منا مخلوق علي صورته!!
القائد(بنبرة حازمة): الكلام ده ملوش لازمة دلوقتي...احنا عندنا أوامر ولازم ننفذها...روح بسرعة هات لي دليل التشغيل.
جندي2 : بس يا فندم...
القائد(يقاطعه بغضب): قلت لك ...هات دليل التشغيل.
جندي2(يعتدل في وقفته ويصيح): تمام يا فندم. (يتجه للخروج ويتقابل مع جندي1 وهو داخل يحمل خريطة كبيرة يفرشها علي ترابيزة المنتصف ويتقدم القائد لينظر إليها)
جندي1 : ده القطاع الخامس اللي فيه شجرة معرفة الخير والشر....هنا كان آخر مكان آدم وحوا موجودين فيه...(يشاور علي أماكن في الخريطة وهو يتكلم).....
القائد: ادي أوامر بزيادة الحراسة علي حدود الجنة كلها ...خصوصا هنا (يشاور)...وهنا ...(يشاور)...وعلي كل البوابات كمان.
جندي1 : تمام يا فندم (يمسك اللاسلكي ويبدأ يتكلم).....القوة الرابعة من حرّاس الجنة ...القوة الرابعة...(يبتعد للخلف ويتلاشي صوته بينما تظهر حركات يديه وهو يتكلم ويدخل في نفس الوقت الجندي2 وفي يده كتاب أسود كبير)
جندي2: دليل التشغيل أهه يا فندم.....(يتردد قليلاً).....هو حضرتك متأكد إن القائد الأعلي قال إنهم لازم يموتوا؟؟
القائد: البشر غلطوا ...كان فيه عندهم أوامر واضحة ومحددة وهما طنشوها...أنت عارف ده معناه ايه؟
ج2: يا فندم دا الموضوع كله قطمة واحدة...هي قطمة اللي أكلوها ...مش حكاية يعني.....
القائد(باستنكار): مش حكاية ؟؟.....كان عندهم أكتر من500 فدان مليانين أشجار من كل نوع ولون وممكن يأكلوا براحتهم منها ...وهما حبكت معاهم وزنقت عليهم يقوموا يأكلوا من الشجرة اللي الله منعهم يأكلوا منها.....تسمي ده إيه؟؟
ج2: عندك حق طبعاً يا فندم .....دي طفاسة .....بس برضه عقوبة الموت دي قاسية شوية.
القائد: احنا ماشيين حسب أوامر القائد الأعلي الموجودة في دليل التشغيل ...اقرأ كده المكتوب عندك..
ج2 : حاضر يا فندم (يفتح الكتاب ويقلب الصفحات بينما يقترب جندي1 من القائد في هذه الأثناء)
ج1: تمام يافندم...الحدود كلها اتئمنت ...وزودنا الحراسة علي كل البوابات كمان.
القائد: كويس قوي ....حد شاف الاتنين الهربانين؟؟
ج1: لغاية دلوقتي يا فندم محدش شافهم...بس دورية الحراسة اللي في القطاع الخامس بلغوني انهم شافوا تعبان بيهرب من القطاع.
ج2: تعبان؟؟؟؟؟ ...مستحيل!!!
القائد: ومستحيل ليه؟؟ التعابين موجودة في كل حتة علي كوكب الأرض.
ج2: أنا عارف يا فندم انها كتيرة علي الأرض.....بس أنا بنفسي اللي راجعت كل طلبات واستمارات الكائنات اللي كانت مقدمة عالسكن في الجنة.....مكنش فيه أي تعابين .
القائد وجندي 1 (بصوت واحد وهما مذهولين وينظران لبعض): إبليس .
القائد: أنا من ساعة ماسمعت حكاية آدم وحوا دي وأنا بقول إن ليه علاقة بالموضوع.
ج2: علاقة ؟؟ علاقة إيه؟؟ ابليس دا ملاك ...ايه علاقته بالتعبان اللي ظهر في الجنة؟؟
ج1 : هو أنت مسمعتش باللي حصل؟؟
ج2: لأ مسمعتش ....فيه إيه؟؟
ج1: الملاك ده اتكبر واتمرد علي إلهنا...القائد الأعلي..كان فاكر نفسه أحسن من ربنا ..تخيل؟؟..والنتيجة إنه سقط واتطرد من السما.
ج2: قصدك يعني إنه لما سقط ..نزل هنا عالأرض؟؟..وليه دخل في مشكلة آدم وحوا؟؟ ومين اللي سمح له بكده؟؟
القائد: متبصليش أنا ...أنا مكنتش موافق علي كده بس القائد الأعلي سمح بكده عشان البشر يكون عندهم حرية الاختيار بين الخير والشر.
ج1: فعلاً ....ماهو لو فيه خير بس عالأرض ....يبقي الإنسان معندوش حرية ومش هيختار الخير بمزاجه. (يأتي صوت من اللاسلكي فيتجه إليه ويستمع ويبتعد للخلف)
القائد: وأهم في الآخر استغلوا الحرية واختاروا الشر.
ج2: هو حضرتك يا فندم شايف إن إبليس هو اللي اتنكر لهم في صورة تعبان؟؟
القائد: من خلال اللي سمعته عن الملاك ده أقدر أستنتج إنه عمل كده فعلاً.
ج1 (يتقدم وفي يده اللاسلكي) : القوة التانية من حراس الجنة شافوا آدم وحوا بيهربوا من القطاع التامن في الطريق اللي بيطلع علي القطاع التاسع يافندم.
القائد(ينظر للخريطة ويشاور بيده): هما هنا كده ....وبيتحركوا الناحية دي...يبقي لازم هيعدوا من الطريق ده....كويس .....هما كده حبسوا نفسهم بنفسهم....(يتوجه بالحديث لجندي 1)....بلغ كل القوات تتوجه للمكان ده ويحاصروه ...وقول لهم إن ملاك الموت في الطريق ليهم (يسحب سيفه ويلتفت ليخرج)
ج1 (في اللاسلكي): كل القوات تتقدم للطريق بين القطاعين التامن والتاسع وتحاصره .....الجناة في الطريق ده .....الطريق يتحاصر ..وملاك الموت في الطريق....
ج2 (متردداً): يافندم ...هو....
القائد(يلتفت): نعم؟؟ فيه حاجة؟؟
ج 2 : هو مفيش طريقة تانية نعالج الموضوع بيها غير الموت...مش ممكن يعني حضرتك تتكلم مع القائد الأعلي؟؟
القائد(يتنهد): هو أنا مش قلت لك إن هوه اللي إدي الأوامر...اقرأ اللي في الكتاب وأنت تعرف ....ايه اللي مكتوب عندك؟؟
ج 2 (ينظر للكتاب ويقرأ بصوت عالي ): أجرة الخطية هي موت.
القائد: يبقي الموضوع كده منتهي.....موت يعني موت.
ج2 (يعود لينظر في الكتاب ثانيةً): ثواني يا فندم....فيه ملحق هنا ....مكتوب اضافة هنا....
القائد(باستغراب): إضافة ؟ أنا مشفتش هنا أي اضافات قبل كده....بتقول إيه الإضافة دي؟؟
ج2 (يقرأ ): وأما هبة الله فهي حياة أبدية.
القائد: هبة الله؟؟ إيه هبة الله دي؟؟ أنا عمري ماسمعت عن حاجة زي كده...
ج2 : واضح إن القائد الأعلي سبق الأحداث يا فندم....بص حضرتك هنا(يشاور علي جملة في الكتاب)....واضح إن فيه حد تاني هو اللي هيموت بدل آدم وحوا....وهما هيعيشوا.
القائد: حد هيموت بدالهم؟؟!! ......مش ممكن ....فين الكلام ده؟؟
ج2 (شاور علي جملة في الكتاب): هنا يا فندم أهه
القائد(يقرأ في سره): إيه ده ؟؟ بس الكلام دا هيحصل بعد أكتر من 4000 سنة ....إزاي ده يحصل؟؟ إزاي العقاب يتأجل آلاف السنين.
ج2 : متهيألي إذا كان اللي أجّل الحكم هو نفسه اللي اخترع الوقت يبقي كل شيء ممكن.
القائد: المشكلة انه لما يعدي الوقت ده هيكون عدد البشر بقي ملايين ويمكن أكتر..
ج 1: وايه المشكلة في كده؟؟
القائد: يعني القائد الأعلي هيجيب منين كذا مليون بديل عشان يموتوا بدل البشر؟؟
ج 1 : فعلا ...وخصوصا إن الأجيال اللي جاية مش هتبقي مضمونة ....إذا كان آدم وحوا أكلوا من الشجرة ...أكيد ولادهم وأحفادهم هيعملوا حاجات أسوأ بكتير.
ج 2 (ينظر في الكتاب): بص هنا يا فندم .....دليل التشغيل بيقول حاجة غريبة قوي.
القائد: بيقول ايه ؟؟ اتكلم....
ج 2 : بيقول إن القائد الأعلي بنفسه هو اللي هيكون البديل للبشر
القائد(تبدو علي وجهه الدهشة الشديدة والاستغراب): القائد الأعلي بنفسه....مش ممكن ...مش معقول...
* ينظر جندي2 للكتاب ويهم بقراءة شيء لكن يوقفه جرس تليفون غريب يجعلهم جميعا يخرون ساجدين علي الأرض في خشوع وهم يهتفون
الكل : القائد الأعلي!!!!
يتناول جندي 1 السماعة ويعطيها للقائد الذي يرد بكل خضوع
القائد: نعم يا فندم....تحت أمرك...(يصمت ويسمع)......لتكن مشيئتك....(يصمت ويسمع)....حاضر هننفذ حالاً.....لتكن مشيئتك يا سيدي....لتكن مشيئتك ...لتكن مشيئتك....(يظل يكررها حتي يضع السماعة ثم يتنهد ويقومون جميعاً)
القائد: الله هينزل لآدم وحوا بنفسه.
ج 1 : هيروح يموتهم بنفسه؟؟
القائد: لأ هيروح ينقذهم بنفسه.
ج 1 : هيروح لغاية عندهم عشان ينقذهم...إزاي ؟؟ أنا مش قادر أفهم....دول بشر خاينين ملهمش أمان وميستهلوش ده كله.
ج2 : متنساش إن الله محبة ....ومش أي محبة ..دي محبة للي يستاهلوا واللي ميستاهلوش.
ج1 : وايه اللي يضمن إنهم هيقدروا الجميل اللي ربنا عمله معاهم.
ج2 : هما أحرار .... زي ما اختاروا مرة انهم يعصوا ربنا ويسيبوه ...ممكن يختاروا تاني إنهم يرجعوا له...
ج 1 : والكلام ده هيبقي لآدم وحوا بس ولا هيبقي لكل البشر؟؟
القائد: أكيد طبعاً هيكون للكل ....المحبة لكل البشر في كل زمان ومكان...ومهما كان حجم وعدد ونوع خطاياهم.
ج1 : دي حاجة غريبة قوي يا فندم......دي أول مرة أشوف فيها الموت ....(يكرر الكلمة ويؤكد عليها)...الموت يتهزم.
ج2 (ينظر في الكتاب): لأ مش غريبة ولا حاجة...دا الكلام ده برضه موجود في دليل التشغيل في أماكن كتير ... (يبدأ يقرأ بصوت جهوري في وجود صدي صوت لكلماته)....." لان المحبة قوية كالموت ....... مياه كثيرة لا تستطيع ان تطفئ المحبة و السيول لا تغمرها.....محبة ابدية احببتك من اجل ذلك ادمت لك الرحمة.. بهذا قد عرفنا المحبة ان ذاك وضع نفسه لاجلنا"
القائد: فعلاً ....المحبة هي الحاجة الوحيدة اللي تقدر تغلب الموت....(يضع السيف في غمده ويوجه كلامه لجندي 1 )...إدي أوامرك بالإنسحاب...وجودنا هنا مبقلوش لازمة.(يؤدي التحية العسكرية ويرد الجنديان له التحية ثم يخرج وخلفه جندي2 )
ج1 (في اللاسلكي): جميع القوات تنسحب ....القوات تنسحب إلي مواقعها الأصلية...المهمة اتلغت.....القوات تنسحب ......المهمة اتلغت..
صوت : عُلم وينفذ يا فندم....عُلم وينفذ.
النهاية
