بسم الأب والابن والروح القدس الإله الواحد . أمين
كنيسة الشهيد العظيم مارجرجس
بعين شمس الشرقية
( في بيت أبى منازل كثيرة .................) " يو 14 : 2 "
عن أمثال السيد المسيح
( لذلك يشبه ملكوت السماوات أنسانا ملكا أراد ان يحاسب عبيده ......................... و اذ لم يكن له ما يوفي .......................................................... فتحنن سيد ذلك العبد وأطلقه و ترك له الدين ) " مت 18: 24-27 "
( كان لمداين مديونان على الواحد خمس مئة دينار و على الأخر خمسون و اذ لم يكن لهما ما يوفيان سامحهما جميعا ..................... ) " لوقا 7 : 42-43 )
قصة وسيناريو واخراج
الخادم / ماجد بطرس
الأشخاص
1/ المقدس فادى :- صاحب الحيّ
رجل كبير في السن وقورا له هيبة في صوته وتصرفاته عطوفا وهادى ووديعا
2/ مصباح :- صاحب مطعم الشجعان للفول والطعمية متخفي عن الناس واسمه الحقيقي نبيل
3/ محب :- صاحب مطعم اسماك المحبة له صفات الإنسان المسيحي الحقيقي محب لكل الناس شجاع ومتواضع
4/ عم ذكرى :- صاحب صالون الحلاقة كبير في السن يساعد المقدس فادى في إدارة الحيّ له صورة التقوى الظاهرية يحب مديح الناس ويعشق المال
5/ شديد :- شاب صعيدي ذو لهجة صعيدية جاء إلى مصر بحثا عن ثار جده الكبير
6/ غريب :- هو رجل غريب عن الحي لا يعلم احد من أين أتى يستثمر أمواله ويستغل غيره لنوال أغراضه
7/ ضابط شرطه
( يأتي الصوت والستارة مغلقة )
يا سلام .... يا سلام عليكم يا بشر يا أولاد ادم وحواء فاكرين أنى أنا ... أنا بعلزبول العظيم رئيس الشياطين هادخل الجحيم لوحدى وهايكون مصيري الهلاك الابدى ، من غير ما يكون معايا كل البشرية ..... لاء تبقوا غلطنين ، معقول برضه الكلام ده ، د الجحيم مايحلاش من غيركم ... هاهاهاها
إيه مش مصدقين طبعا انا هاثبت لكم كلامي ، هانزل وسطيكم من غير ما تعرفوني وهاتحبونى وهاتمشوا ورايا وهاتهلكوا معايا ، وهانشوف انا ولا انتو يا اولاد ادم .
( تفتح الستارة على حي به أربع محلات متجاوره )
1/ مطعم الشجعان :- مطعم فول وطعميه فى أقصى يسار المسرح ويملكه مصباح
2/ مطعم اسماك المحبة :- مطعم سمك بجوار مطعم الشجعان والى اليمين قليلا ويملكه محب
3/ محل فارغ بدون عنوان مغلق وبجوار مطعم المحبة والى اليمين قليلا فى وسط المسرح تقريبا
4/ صالون المظاهر ألجميله :-أقصى يمين المسرح كوافير رجالي يملكه عم ذكرى
( يدخل مصباح من ناحية محله شمال المسرح ويدخل المطعم ويبداء فى ترتيب الكراسي أمام المطعم وهو يردد )
يا رب يا مسهل .... عليك يا رب توكلت نفسي فلا تهملني يا ربى والهي
( فى أثناء ذلك يدخل محب من نفس المكان ويقف أمام مطعم مصباح )
صباح الخير يا مصباح .
صباح الفل يا جار ألهنا .
( يتحرك محب ناحية مطعمه ويبداء فى ترتيب الكراسى امام مطعمه )
( عندما ينتهى مصباح من ترتيب مطعمه يجلس امامه وكذلك يفعل محب
ويستمر الحديث بينهم )
ايه اخبارك النهارده .
اخبارى تمام الحمد لله أنا كويس طول ما أنت كويس يا شريك المستقبل ، لسه برضه محجر دماغك ومش عاوز تشاركني .
إحنا ابتدينا الموال ده تانى انت ما بتزهقش .
تانى وتالت وعاشر ماهو لو فى سبب مقنع أنا هاسكت ومش ها أتكلم لكن أنت حاطط شرط صعب وما لوش اى لازمه .
مش ممكن أشارك واحد بيكدب على الناس كلها ومخبى حقيقته واصله عنهم
وبيتعامل معاهم باسم واحد تانى وعايش فى خوف ورعب طول حياته .
هيه الناس عاوزه أصلى تعمل بيه ايه هما ليهم الظاهر اللى قدامهم لكن الباطن بتاعى انا لوحدى وانا حر فيه .
امال مسمى المطعم بتاعك بالشجعان ليه لما انت خايف تواجه الناس .
وبعدين معاك انا قلت لك على حقيقتي لانى حبيتك وأمنت لك لكن انا معرفش باقى الناس لما تعرف ها تعملنى ازاى ، سيبك من كل ده عارف يا محب إحنا لو أخدنا المحل اللي جنبك وضمينا التلات محلات على بعض وخليناهم مطعم واحد يقدم كل أصناف الأكل اللي تخطر على بالك هانكسب دهب .
المقدس فادى رافض يدى المحل ده لاى واحد واخد مكان قبل كده وعم ذكرى طلب منه نفس المحل قبل كده ورفض يدهوله .
هوه طالب فيه كتير .
هوه مش بيتكلم فى فلوس كل ما حد يسأله يقوله صاحبه جاى وهاياخده لكن محدش يعرف مين صاحبه ولا جاى ايمته .
مش مهم كفايه المطعمين بتوعنا نفتحهم على بعض ويبقى مطعم واحد .
كل ده مش هايحصل قبل ما تقول للناس على حقيقة شخصيتك وتواجههم وتعرفهم ان اسمك الحقيقى هو نبيل عزيز مخلص اللى جاى هربان من الصعيد من عيلة شمشون علشان التار اللى بين عيلة جدك مخلص وعيلة شمشون .( فى اثناء كلام محب يتلفت مصباح حوله فى خوف )
وطى صوتك الحيطان ليها ودان .
شفت لسه خايف دا انت فى امن مكان فى البلد والناس بتحسدنا على المكان اللى احنا فيه وعلى المقدس فادى صاحب الحى عاوز ايه تانى .
انت اللى عاوز ايه ، عاوزنى اقول ان جدى قاتل ، قتل صاحبه واخوه .
ده كان من زمان بعيد لكن دلوقتى خلاص كل حاجه بقت جديده ليه حارم نفسك من الحياه اللى انت عايشها وبتفكر فى ذنب قديم عامي عنيك عن النعيم اللى انت فيه .
ومين اللى يسدد دين عيلة شمشون ويرفع حكم الموت عنى .
انت حكيت للمقدس فادى على انت فيه .
لاء مجبتلوش سيره يعنى المقدس فادى هايعمل ايه .
انت أول ما عرفته مش قالك لو فى اى مشاكل مستعد يساعدك وانك طالما بقيت فى المساكن بتاعته يعنى ابنه بالظبط .
اهوه كلام بيجامل بيه الساكنين فى بيته .
يا راجل ده بيساعد الغريب اللىحتى ما يعرفوش يبقى مش ها يساعد ولاده .
الموضوع فيه موت وقتل مش مجرد مساعده ها يقدمها لواحد ولا يديله قرشين مزنوق فيهم .
انت قصدته فى حاجه قبل كده وهوه قصر معاك .
بصراحة انا عمري ما طلبت منه حاجه نهائى . وبعدين انا ما فيّش دماغ اتكلم مع حد ( يقترب منه وفى صوت منخفض ) أنا وصلتنى اخبار من البلد ان حفيد شمشون بيدور عليه وعاوز ياخد بتار جده ، ألمشكله انى لا عارف شكله ولا حتى اسمه ربنا يسترها .
طيب جرب تتكلم مع المقدس فادى وشوف هايساعدك ولا لاء .
بعدين لما افوق شويه ، ( فترة صمت قصيره ) هوه عم ذكرى لسه موصلش
يعنى عم ذكرى لسه ما ظهرش .
النهارده الاحد تلاقيه في الكنيسة .
هوه بيروح أساسا الكنيسه .
حرام عليك انا لسه جاى من هناك وشفته اول واحد فى الصف من قدام الهيكل ، بلاش تدين الناس يا مصباح .
يمكن لكن أنا مش بارتحله وحاسس انه منافق وبوشين مش عارف ليه .
خلاص كفايه كلام لحسن الراجل وصل ومش عاوزين مشاكل .
( يظهر عم ذكرى من الجانب الأيمن من المسرح ويتكلم معهم وهو يتجه ناحيتهم وهو ممسك بجريده فى يده )
صباح الخير يا محب أنا عارف انك رحت الكنيسة لكن تعاله خد لقمة بركه دى من الحمل ...... يا مصباح تعاله أنت كمان خد البركة بتاعتك .
(يقوم مصباح ويتجه إلى عم ذكرى )
صباح الخير يا عم ذكرى أنت بتوزع بركه اليومين دول .
يا وله بطل تريقه ( ويمد يده ويعطيه القربان )
( يتجه كل واحد ويجلس أمام الدكان الخاص به ويتكلم عم ذكرى أثناء سيره إلى دكانه )
النهارده ميعاد المقدس فادى صاحب الحيّ هايجى يلم الأقساط بتاع المساكن والمحلات عاملين حسابكم ( ويبداء فى قراءة ألجريده )
موجود الحمد لله والخير كتير لما أقوم أجهز القسط ( يدخل الى المحل )
( وهو يكلم نفسه ويعطى ظهره لعم ذكرى حتى لا يسأله ) آه صحيح النهارده أول الشهر . دا أنا معييش ولا مليم وبعدين .....................
ما فيش غير عم ذكرى وامرى لله هايسلفنى بالفوائد وهاتزيد الديون عنده ....... يا عم ذكرى ما تيجى تشرب الشاي معايا وتنورني شويه.
( يقوم ذكرى ويتجه الى مصباح وهو يحدثه ) ماشى يا مصباح مقبوله منك العزومه ... ( يجلس بجوار مصباح ويكمل كلامه )
قولي يا مصباح هو أنت ليه مش بتروح الكنيسة ولا بتحضر القداس وبتتناول زى محب صاحبك .
ما أنا بقرا الكتاب المقدس فى البيت وباسمع وعظات حلوه خالص طب دا انا لسه سامع وعظه عن داود النبى لكن جميله جدا .
ياه ....... طب ما تقولنا كلمة منفعة تفيدنا فى حياتنا .
اه طبعا اقولك يا سيدى .... انت عارف طبعا ان شاول الملك كان بيضطهد داود علشان المملكه ( يكون هناك تجاوب من عم ذكرى ومن محب وهو جالس اما م المحل الخاص به )
وفى يوم خرج شاول وراء داود علشان يقتله واخد معاه الجنود والحراس وبعدين وهو ماشى فى الطريق ظهره له داود وقاله شاول شاول لماذا تضطهدنى صعب عليك ان ترفص مناخس .
حاسب عندك الكلام ده كان لشاول الطرسوسى مش شاول الملك
ازاى بقى انا سامع الكلام ده بودنى .
هيه الوعظه كانت عن شاول الملك ولا شاول الطرسوسى .
كانت عن شاول وخلاص بلاش نمسك فى الحرف الكتاب بيقول الحرف يقتل وبعدين المفروض منحطش تفرقه بين الناس علشان ربنا ما يزعلش مننا .
ايه الكلام اللى مالوش معنى ده
طيب اسمعنى للاخر وبعدين شوف اذا كان كلامى له معنى ولا لاء .
اتفضل كمل بس من غير ما تعك الدنيا .
داود كان قدامه فرصه انه يقتل شاول لكن رفض فلما شاول عرف بكى وقال لداود أنت ابني انا اليوم ولدتك سلني فأعطيك الأمم ميراث.
لالا ده مش وعظه عن داود ده شريط كوكتيل بقى كلام داود النبي فى المزامير تخليه كلام لشاول الملك .
مش كله كلام في الكتاب وله يعنى جايبه من البيت عندنا
يا ريت يا مصباح تروح الكنيسه علشان تصحح المعلومات اللى عندك وتعرف الإيمان الارثوذكسى المستقيم .
ماشى يا عم ذكرى كل اللى تامرنى بيه . المهم النهارده اول الشهر زى ما انت عارف والحقيقه المطعم مكنش شغال كويس يعنى زى ما انت فاهم .
( يقاطع مصباح ) المختصر المفيد عاوز ايه من الأخر .
يعنى لو ممكن تسلفنى القسط بتاع الشهر ده يبقى كتر خيرك .
ايوه يا ابنى لكن زى ما انت عارف الفلوس دى انا بحطها فى البنك وباشتغل من الفوائد بتاعتها وشوف الفايده وصلت كام النهارده .....)
( يقاطعه مصباح ) مفهوم يا عم ذكرى هاتسلفنى بالفوائد ماشى انا موافق .
طيب انت عارف حسابك وصل كام النهارده .
عارف يا عم ذكرى مش لازم تشترى وتبيع فيه علشان هاتسلفنى الفلوس .
ما تقلش كده يا ابنى انا بس بفكرك .
فاكر كويس وحاسبهم بالمليم وها سددهم لك اول ما ربنا يفرجها .
ماشى يا مصباح لولا انك غالى عليه انا مكنتش طلعت مليم من جيبى اتفضل يا سيدى ( يمد يده فى جيبه ويخرج فلوس يعطيها لمصباح ويقوم ذكرى ويتجه الى داخل المحل الخاص به )
( فى سره ) وعامل نفسه بتاع الكنيسه وهوه بيسلف الفلوس بالربا وبينصحنى اروح الكنيسه واتعلم ............... اه .......... ربنا يرحمنا
( يختفى مصباح داخل المحل الخاص به وبعد ثوانى يظهر محب ومن جانب المسرح ناحية محل محب يدخل المقدس فادى صاحب الحى )
صباح الخير يا محب .
صباح الخير يا مقدس فادى . انا جاهز والقسط موجود وخير ربنا كتير والحمد لله
طول عمرك جاهز يا محب وعلى طول مستعد ربنا يبارك حياتك
( يأخذ منه الإيجار ويتجه إلى عم ذكرى ويدخل محب داخل محله )
صباح الخير يا عم ذكرى .( يخرج عم ذكرى على صوت المقدس فادى)
صباح الخير يا مقدس فادى أهلا وسهلا الحى كله نور بوجودك فيه
متشكر يا عم ذكرى طول عمرك لسانك حلو .
وذي كل شهر القسط جاهز وفلوس الكهربا والميه اللي بألمها لك من سكان الحى كلها موجودة معايا ومظبوطه بالمليم هوه الواحد يطول يخدم المقدس فادى أتفضل . ( يمد يده بالفلوس ويأخذها المقدس فادى )
متشكر لخدماتك يا عم ذكرى لكن متنساش انك اخدت اجرك على اللى بتعمله يعنى مش خدمه ولا حاجه ده شغل بمقابل .
انا اخدت مقابل منك يا مقدس فادى ايمتى حصل الكلام ده .
انت ناسي انك مابتدفعش فى الكهربا ولا فى المياه اللي أنت بتلمها وحتى اى مصاريف تانى انت مش بتشارك مع باقي السكان يعن بتخدمن علشان تستفيد منى يا عم ذكرى .
اللا اللا اللا جرى ايه با مقدس فادى أنت جاى النهارده علشان تحاسبني .
لاء ابدا انا حبيت أنبهك قبل وقت الحساب ما ييجى وتلاقى نفسك مديون رغم كل اللى بتعمله .
لاء بقى معلش انا مداين كل اللى فى الحى ومحدش له عندى حاجه .
مداينهم بالفوائد .
أأأأأ بالفوائد .......... اه ... مش حقى ما انا لو حطيتهم فى البنك ........
قبل ما تكمل انت مش كنت في الكنيسه النهارده .
أه طبعا وكل يوم احد لازم اروح الكنيسه .
كويس قوى ، والآية بتاع النهارده كانت بتقول ايه .
مش فاهم قصدك يا مقدس فادى
كانت بتقول من سخرك ميلا فاذهب معه اثنين ومن أراد ان يخاصمك ويأخذ ثوبك فأعطيه الرداء أيضا ، يا ريت كمان تقرا المثل بتاع العشار والفريسي .
انا مش فاهم انت عاوز منى ايه انت كلامك غريب قوى النهارده .
انت اخر واحد بتطلع من الكنيسة بعد ما كل اللي فيها يشوفوك ويعرفوا انك جيت اليوم ده لكن حاول انت تشوف صاحب البيت عاوز منك ايه ، فكر فى كلامي وخلى بالك لحسن تسمع الصوت اللى بيقول انك اخذت أجرك كاملا .
( يتركه المقدس فادى وهو ينظر الى أسفل فى انكسار ويدخل الى داخل المحل الخاص به ويتجه المقدس فادى الى محل مصباح )
صباح الخير يا مصباح ( يخرج مصباح من داخل المحل )
صباح الخير يا مقدس فادى ، انا جهزت الفلوس بتاعتى أتفضل .
لو مش معاك خلى دلوقتى وبعدين ابقى اخد منك .
متشكر بلاش انت كمان تداينى كفايه الديون اللى عليه للناس مش ناقص ديون جديده . ( ياخذ المقدس فادى الايجار وهو يكمل حديثه ) .
صوتك حزين ونفسك مكسوره ليه يا مصباح .
من الهم والدين والتفكير .
يا ابني ما أنا بقولك خلى الفلوس معاك سدد بيها ديونك مش راضى تقبل مساعدتى وبتدور على مساعدة الغريب .
يا ريتها تيجى على الفلوس وبس كانت تهون لكن ده كتير قوى يا مقدس فادى الهم ما يتلم .
طيب ما تحكيلى يمكن اقدر أساعدك .
كفايه عليك هموم الحى وسكانه وخليني انا ادبرها بمعرفتي
هو انا اشتكتلك من الحى ولا همومه وبعدين دانتوا كلكم ولادى واللى يحزنكم يحزنى انا كمان .
كتر خيرك يا مقدس فادى خليها وقت تانى .
براحتك يا ابنى انا مش هاجبرك لكن انا دايما مادد ايدى بالمساعدة وفى اى وقت احتجتني ها تلاقينى ، احسن ما تتكل على دراع حد غريب
سلام يا مصباح يا ابنى .
مع السلامه يا مقدس فادى
( قبل خروجه يظهر عم ذكرى )
يا مقدس فادى لو سمحت ( يتجه ناحية المقدس فادى الذى يقف لسماعه )
كنت عاوز أسالك على الدكان الفاضى اللى جنبى ده لسه مش لاقى حد ياخده .
متشلش هم يا عم ذكرى هاييجى اللى يستاهله وها يبقى جاركم واخوكم .
طب ما تدهولى اعمله كوافير حريمى وهاشغل فيه واحد قريبى .
ما ينفعش يا عم ذكرى كل واحد له مكان واحد بس على قده وفيش واحد ينفع ياخد مكان واحد تانى .
براحتك يا مقدس انا حبيت اخدم .
كتر خيرك كفايه خدماتك الكتير ، أشوفكم على خير مع السلامة .
( يخرج المقدس فادى وكل واحد يدخل الى داخل المحل الخاص به ويكون المسرح فارغا لثواني )
( يدخل شديد الرجل الصعيدى فى ملابس الصعايده ويجلس امام محل مخلص ويصفق بيده فيخرج له مخلص )
اهلا وسهلا يا بلدينا امرنى .
هات واحد فول وفحل بصل وكتر الطحينة .
وعندك واحد فول صعيدى لبدينا . ( يدخل ويخرج سريعا ومعه السندوتش )
( يجلس مصباح بجوار شديد ويقدم له السندوتش ) اتفضل يا عمده
بالسرعة دى جبت الوكل صحيح عمار يا مصر
اسم الكريم
شديد .
لاء واضح ...... منين يا معلم شديد .
من الصعيد الجوانى
أحسن ناس فى خدمه اقدر أقدمها لك
كتر خيرك انا مش عاوز خدمه انا عاوز بنى ادم
بنى ادم مش فاهم
بدور على واحد صاحبى من زمان وعرفت انه موجود فى الحى ده
اسمه ايه وساكن فين وعاوز منه ايه .
به ... انت كلامك كتير ليه يا ولد مالك انت بيه فز قوم شوف اكل عيشك روح قبر يلمك .
( يقوم مصباح ويدخل محله وهو يقول ... ) براحتك انا حبيت اخدم .
متشكرين يا خويا .......... ( يكلم نفسه ) يا مين يلايمنى عليك يا نبيل يا ولد مخلص ..... وانا كنت اغرس سكينى فى قلبك يمكن يرتاح قلبى وارجع رافع راسى .... تلاتين سنه هربانين انت وابوك ... ومات ابوك من غير مناخد بتارنا والدور عليك .... بس اه لو اعرف شكلك كنت خلصت عليك ....... لكن معلش هانت يا نبيل وأخرتك قربت على ايدى .
( يدخل غريب فى ذى رجل اعمال وهو ينظر حوله )
كويس كويس ...... مكان جميل وفيه شغل كتير ( يتجه الى محل مصباح ويجلس بجوار شديد ) رغم ان سكانه قليلين لكن محتاجين مجهود علشان يرضوا يسيبوا ألاماكن بتاعتهم ( ينظر إلى شديد ) أنت من سكان الحيّ .
لاء انا ماليش دعوه بالحى .
امال بتعمل ايه هنا يا عمده .
انا بدور على واحد بلدياتى وعرفت انه ساكن فى الحي ده لكن للأسف لأعرف شكله ولا ساكن فين .
طيب ماتشتغل معايا وأنا هاساعدك توصل لقريبك .
اشتغل ايه يعن وتساعدني كيف .
انا مستثمر كبير وجاى هنا علشان اخلى الناس تبيع نصيبها فى الحي ده ويسيبوه وهحوله لمجمع تجارى كبير وصالات ديسكو والذي منه .
وأنا هاشتغل معاك إيه إنشاء الله فى الديسكو إياك
أنت هاتساعدنى فى إقناع الناس انها تبيع نصيبها وطبعا هانقابل كل سكان الحي هاتشوفهم وتكلمهم وممكن تعرف قريبك من وسطيهم .
ايوه ايوه عندك حق دانت شيطان بصحيح ، لكن مقلتيليش انت اسمك ايه.
اسمي غريب والناس بتقولي يا غريب بيه
وانا خدامك شديد ، انا موافق يا غريب بيه ومش هانختلف على المرتب
انا هاديلك كل اللى نفسك فيه ............... ( يقف وسط المسرح ويكلم نفسه ) ادى اول واحد ضمنا ولائه لينا والبقيه تاتى وكل واحد وله نقطة ضعف ندخله منها ...هاهاهاها ...
( يخرج عم ذكرى من المحل الخاص به وينظر الى غريب وشديد )
مين دول ، الحىّ بقى يدخله ناس غريبه وانا ماعرفش ولا ايه .
مساء الخير يا ريس .
مساء الخير اسمي ذكرى مش يا ريس والناس هنا بتقولى يا عم ذكرى
طيب ما تزعلش يا عم ذكرى يعنى انت عمهم كلهم .
لاء ابدا اصل انا اقدم ساكن هنا وكمان بعمل بعض الخدمات لصاحب الحىّ .
ياه يعنى تعتبر وكيل صاحب الحىّ وبتخدمه .
تقريبا ...... هو ايه الموضوع ومين سيادتك .
( وهو يتمشى على المسرح بفخر ) أنا غريب بيه اكبر مستثمر فى العالم كله أكيد سمعت عنى .
غريب بيه ... غريب بيه .... اه فعلا عمري ما سمعت عنك .
مش مهم ، المهم انى انا بنفسى جيت للحىّ بتاعكوا ونويت وقررت انى اعمل مشروعاتى هنا .
مشروعات ايه ده حى صغير وسكانه محدودين وأكيد وأنت جى شفت ان الطريق ضيق وضلمه وكله حفر ومطبات و كمان الطريق طويل يعنى محدش هايجيلك أبدا ولا هاتكسب حاجه من المشروعات بتاعتك .
ده شغلي انا بقى اسهل الطريق للناس وأشيل الحفر والمطبات واوسعه وانوره كمان ، ماتشيلش هم أحنا عاوزينك فى شغل اكبر من كده بكتير .
شغل ايه خير .
طالما ان كل الناس عارفاك وبتحبك طبعا يبقى تساعدني فى اقناعهم إنهم يبيعوا نصيبهم فى الحىّ
يبيعوا نصيبهم انت أكيد مجنون عاوزنى أخون الامانه اللي ادهالى المقدس فادى بنفسه وأمنّى عليها وعلى سكان الحى ده مش ممكن ابدا .
احنا بندفع كويس قوى وبنقدر اللى بيخدمنا .
هه..... بتدفعوا كويس .... لاء مش ممكن يعنى هاتكونوا بتدفعوا كام يعنى .
( يقترب منه ويتكلم فى اذنه مباشرتا ) بندفع ضعف تمن الأرض غير ألنسبه اللي على كل واحد تخليه يبيع .
نسبه كام يعنى .
النسبة اللى أنت تحددها أنا موافق عليها .
لكن فى حاجه مهمه انا لسه مديون للمقدس فادى صاحب الحى وبسدد لسه فى الديون بتاعتى .
متشلش هم حاجه ابدا خلاص هانخلصك من ديونك ونخليك راجل حر .
وها تعمل إيه بالمحلات والمساكن بتاعتنا .
هاعمل مول كبير وهاديلك فيه محل على أحدث موديل وزباينك يكونوا ناس راقيه ومستويات عاليه مش زى العالم اللى حواليك .
موافق . ومن اللحظة دي أنا تحت أمرك وخدامك .
( يتحرك غريب وسط المسرح ويكلم نفسه ) وأدى كمان واحد اشتريته بالفلوس ولسه ، كل واحد له نقطة ضعف ندخله منها ...هاهاهاها .....
( يدخل مصباح ومعه الشاي لشديد )
الشاي المظبوط لعمدتنا , مع انك مطلبتوش لكن إحنا برضه ولاد بلد وبفهم في الأصول .
( ينظر الى غريب ويكمل كلامه ) ايه الحلاوة دى الحى بتاعنا بقى يدخله بهوات
( يوجة الكلام الى غريب ) اهلا وسهلا سعادة البيه اتفضل هنا واقف ليه .
شكرا شكرا . ( يجلس غريب امام المطعم ) انت صاحب المطعم ده
خدامك مصباح خير انشاء الله
أنا عاوز اشترى المحل بتاعك
تشترى المحل ............ بس انا مش عاوز أبيعه
أنا هاشتريه بضعف السعر اللى ماشى فى السوق
مش مسألة فلوس ، انا سعيد ومرتاح فى الحى ده وبعدين انا لسه عليه أقساط لصاحب الحى المقدس فادى .
مرتاح منين هو انت بتشتغل أساسا وبعدين يا عم حتى ديونك هانخلصك منها ونخليك راجل حر وتبعد عن الطريق الصعب والضيق اللى انت فيه .
لكن الناس هنا عشرة عمر .
( يرد عليه عم ذكرى من امام المحل الخاص به ) الناس كلها هاتبيع يا مصباح وانا كمان هابيع خلاص .
طيب ادينى فرصه افكر وارد عليك .
ماتتاخرش الفرصة بتيجى مره واحده .
يا غريب بيه كل واحد بيدور على مصلحته وبتراضي الناس كلها وناسينى انا ليه ، ده مكنش اتفاقنا لازم تساعدنى الاقى اللى بدور عليه .
متستعجلش يا شديد دورك قرب خلاص
( يقوم عم ذكرى من مكانه ويتحرك ناحية شديد وهو يحدثه )
انت بتدور على حد فى الحى بتاعنا .
ايوه واحد بلدياتى واحشنى ونفسى اشوفة من زمان
انا عارف تقريبا كل اللى فى الحى قولى اسمه يمكن اعرفه
اسمه نبيل عزيز مخلص
ايه ( يظهر الخوف والارتباك عليه ) بتقول نبيل عزيز مخلص
( ســــــــــــــــــــــــــــــــــــــــــــــــــــتار )
نهــــــــــــــاية الفصــــــــــــل الأولـــــــــــــــــــــــ
تفتح الستارة على نفس المنظر ويكون محب ومصباح جالسين امام محل محب وسط المسرح
( فى انفعال وصوت مرتفع ) بقولك هوه شديد اللى من عيلة شمشون . خلاص وصل لغاية عند وكان بينى وبينه خطوه واحده ولولا انه ما يعرفش شكلى كان خلص عليه .
ده مش سبب علشان تبيع المكان بتاعك وتسيب الحى .
مظبوط استنى لما يخلص عليه واهو ساعتها ايقى اسيب الحى مش كده .
لاء طبعا مش قصدى لكن المكان ده مش اى حد بيدخله ولازم تقاوم وتجاهد علشان ما تخسروش انا سمعت ان المقدس فادى دفع فيه تمن غالى قوى علشان انا وانت وغيرنا يسكن فيه انت ناسي ان العقد اللي بينك وبينه مالوش تاريخ ينتهى فيه يعنى عقد ابدى عاوز إيه اكتر من كده .
والمطلوب اعمل ايه ، برضه مفهمتش .
أنا هاكلم المقدس فادى ونحاول نصالحكم على بعض ونعيش كلنا فى سلام ومحبه .
واذا ما وافقش على الصلح هابقى اتعرفت عنده والله يرحمني . ( ينظر خارج المسرح ) قفل على الكلام دلوقتى لحسن دول وصلوا .
( يدخل غريب وذكرى )
جاهز يا مصباح علشان نكتب العقد .
لاء مش جاهز ومفيش عقود هاتتكتب ومحدش هايبيع .
انت موافق على الكلام ده يا مصباح ، هوه مش فيه اتفاق بينا .
اتفاق باطل ومالوش معنى ، انا عاوز افهم انت مين وعاوز ايه بالظبط أشمعنا الحى بتاعنا اللى اخترته علشان مشاريعك عمال تلف وتدور على كل واحد وتدخله من كل الطرق علشان تميل دماغه انت ايه حكيتك .
انا بادور على سعادتكم وراحتكم وكل ده هايتحقق لكم لما تسيبوا المكان ده .
ولما السعاده في مكان تانى غير هنا ليه هاتدفع في المكان ده كل المبالغ اللى انت بتعرضها ليه الحى ده بالذات .
( يتكلم مع نفسه ) صحيح اكيد الحى ده اغلى من فلوسك وثروتك كلها يا غريب بيه انا ازاى مخدتش بالى ............. اكيد فى سر انا مش عارفه .
يا مصباح يا ابنى انت رحت فين ما لكش دعوه بكلام محب هوه اكل ولا بحلقه انت عليك تاخد الفلوس وما لكش دعوه هوه هايعمل ايه فى الحى .
وانت بعت ولا لسه يا عم ذكرى .
لاء لسه لكن لما نتفق على السعر هابيع طبعا .
وهانت عليك عشرة السنين دى كلها وهان عليك المقدس فادى ، ده عمره ما سابك ليه انت تسيبه ايه اللى عمله وحش معاك علشان تسيبه .
( يصمت عم ذكرى ويضع وجهه فى الأرض )
( فى عصبيه ) وبعدين معاك شكلك هاتتعبنى لكن على مين بس لما افضالك كلكم فى الاول بتعملوا كده ( ينظر الى مصباح ) خلصنى يا مصباح هاتبيع ولا لاء .
يا ريت تبيع يا مصباح علشان تسدد لي الديون اللى عليك .
انت كمان عاوز تستغل الفرصه وتاخد حقك .
أديك قلتها حقي وعاوزه ودلوقتى ولا هاتنكره .
لاء مش بانكر ، لكن الصبر طيب .
وليه الصبر وانت فى ايدك تكون من اغنياء البلد .
الفلوس مش كل حاجه يا عم ذكرى ولا نسيت كلامك .
بس كفايه انت وهوه انا مش فاضى للكلام الفارغ ده رد عليه يا مصباح هاتبيع ولا لاء دلوقتى حالا عاوز الرد .....(فى اسلوب تهديد )ولا اقول يا نبيل احسن .
( فى زعر ) ايه ..... انت .... انت .... عرفت منين اسم نبيل ده .
هوه مش ده برضه اسمك الحقيقى نبيل عزيز مخلص ولا نسيت اصلك .
انا ماليش دعوه بالكلام ده كله انا عاوز الديون اللى عليك دلوقتى .
ماتخفش يا نبيل محدش يقدر يعملك حاجه .
ومين يقدر يسدد ديونى . والتار اللى عليه مين اللى هايموت بدالى .
( لحظة صمت ....................... يدخل المقدس فادى )
( عند دخول المقدس فادى يصاب غريب بالزعر وينسحب من المسرح ......)
وانا رحت فين يا نبيل خلاص نسيتنى .
المقدس فادى .
اخص عليك يا نبيل كام مره حاولت افهمك انى عارف ديونك وكتير حاولت اساعدك لكن انت كنت بترفض ، وبعدين عاوز تبيع ميراثك للغريب وانت ابنى .
ميراثى ...... وابنك .
ازاى هوه انا استاهل كل ده
ومين فينا يستاهل يا نبيل لكن المقدس فادى محبته كبيره قوى ده هوه ابونا وهوه اللى مقدم لنا المساكن بتاعته للابد وهوه اللى دايما يسدد ديونا وحاجات كتير قوى هاتعرفها وتحسها لما تقرب منه وتقبله .
( ينظر الى المقدس فادى وهو يبكى ) سامحنى يا ابويا يا فادى نفسى ( يلقى نفسه فى احضانه ) .
( يدخل شديد فى خطوات بطيئه وهو ينظر الى مصباح فى كراهية )
بقى انت نبيل ولد عزيز . كنت قدام عينى وانا معرفش واصل . جالك الموت يا ولد عزيز .
( يخرج السكين من وسط ملابسه )
بلاش يا ابنى هاتضيع نفسك ومستقبلك
بلاش كيف يا مقدس دانا قضيت عمري كله مستني اللحظة دي وتقولي بلاش ، كيف يبقى .
كفاية اللى ضاع من عمرك في الأوهام ويلاش تضيع اللى باقي في العذاب
وارجع البلد اقولهم ايه كان ولد اللى قتل جدى قدامى وهملته وراجع كيف الحريم ، لاء تار جدى لازم اخده منه زى ما جده قتل جدى وكان اخوه وصاحبه .
وعاوز تكرر نفس غلطة جده اللى قتل اخوه عاوز انت كمان تقتل اخوك .
انا زنبى ايه فى غلطه عملها جدى
زنبك انك من عيلته ولده من صلبه اللى فى بيجرى فى عروقك هو دمه زى ما انت شايل اسمه شايل كمان ذنبه .
انا يا ابنى مستعد اعوضك باللى انت عاوزه .
0 يتحرك شديد ناحيه مصباح ويوجه السكين ناحيته )
ما يغسلش الدم غير الدم وحكم الموت لازم يصير .
( يصوب السكين ناحية نبيل فيتلقى المقدس فادى الطعنة عوض عنه )
( يسرع محب الى المقدس فادى ويسنده لكى لا يسقط )
( يقف شديد وسط المسرح مذهول وغير مصدق وتسقط السكين من يده )
حرام عليك تقتل إنسان بريء علشان ذنب هوه معملوش .
لو كنت سمعت الكلام كنا عشنا كلنا بالمحبة فى سلام .
( يدخل ضابط شرطه ) ( يوجه الكلام الى المقدس فادى )
مين اللى عمل فيك كده .
مافيش حاجه يا حضرة الضابط بسيطه .
ازاى بسيطه انت دمك سايل ومطعون وفى جرح كبير .
دى جراح احبائى ، وانا مش بادين حد .
لكن انتوا عرفتوا منين وجيتوا بالسرعه دى ازاى ، مع انوا مش عوايدكم .
إحنا جالنا بلاغ من شخص اسمه غريب بيقول ان فى جريمة قتل حصلت فى حي الفادى .
بلاغ كاذب يا حضرت الضابط .
غريب اللى كان عامل صاحبي هوه اللى بلغ عنى دانا كنت أعمى بصحيح.
ده طلع قليل الأصل بصحيح ومالوش صاحب .
انتو مستنين ايه بسرعة على المستشفى .
( يحملوه جميعهم ويخرجوا مسرعين )
( يبقى المسرح فارغ لمدة ثوانى )
( يدخل شديد معه شنطة ملابسه ( بوهجه) ويتحرك ببطء ويظهر محب خلفه)
على فين يا شديد
خلاص يا محب مابقاش ليّه مكان هنا ، هارجع البلد أقولهم ملاقيتوش .....
لاء هقولهم لاقيته ولاقيت حاجات تانى كتير كانت غايبه عنى ، لاقيت الحب اللى يغفر والقلب اللى يسامح لاقيت النور اللى فتح لى عينى هاروح احكيلهم على كل حاجه وأعلمهم ازاى يحبوا ويسامحوا ويغفروا .
( يدخل مصباح مع اخر كلمات شديد )
يعنى خلاص سامحتني يا شديد .
انت مغلطش فى حاجه علشان اسامحك انا اللى كنت اعمى لكن الحمد لله دلوقتى شفت ورجعتلى بصيرتي ياريتك أنت اللي تسامحني .
( يتحرك مصباح ناحية شديد ويتعانقوا الاثنين اثناء كلام مصباح ) مسامحك من كل قلبى .
( فى هذه اللحظة يدخل عم ذكرى ) كلنا كنا غلطانين وكلنا اتخدعنا وجرينا ورا حب المال وشهوات العالم ، لكن نشكر ربنا اننا عرفنا غلطنا فى الوقت المناسب قبل ما نبيع اغلى ميراث اخدناه بالمجان .
ياه ..... شوف مين اللى بيتكلم انت يا عم ذكرى ، دا انت كنت عاوزهم يبيعوا قبلك ايه اللى حصل .
ما تستغربش يا شديد انا كمان كنت اعمى رغم انى عايش جوه بيته وساكن معاه فى نفس الحي لكن كنت أعمى وألان أبصر .
وايه اللى غيرك يا عم ذكرى مش كنت عاوزنى ابيع علشان اسدد لك ديونك ايه اللى حصل .
( فى بكاء ) اكتشفت يا مصباح انى انا مديون بكتير قوى للمقدس فادى وهو عمره ما طالبني بسداد ديونى انا اللى دينى اعظم من انى اقدر أسدده ، لكن رحت له المستشفى واترميت فى حضنه وبكيت بكيت كتير قوى وكان في جبل فوق ضهرى شالوا عنى وسامحني .... ياه...... دا انا كنت فاضى من جوه وكنت فاكر نفسى حاجه وانا ولا حاجه ، وطلب منى اسامحك على الديون اللى ليّه عندك وطبعا انا سامحتك .
سامحتنى خلاص يعنى مفيش عليه ديون لحد .
خلاص يا مصباح المقدس فادى سددها عنك .
المقدس فادى ده عظيم قوى لكن احنا مش مقدرين هوه بيحبنا قد ايه .
فعلا يا محب كان عندك حق انت اللى كنت صح وكلنا طلعنا غلطانين .
يا بختكم المقدس فادى سامحكم كلاتكم وسدد لكم ديونكم ، لكن انا مديون له بعمرى كله كان زماني دلوقتى مرمى فى السجن مستني حكم الموت لكن هوه انقذ حياتى ومش عارف ارد له ديونى ازاى .
المقدس فادى عمره ما طالب حد بديونه ، كل اللى بيطلبه هوه انك تحبه .
روح له يا شديد قوله انك غلط واترمى فى حضنه وسيب الباقى عليه هوه .
أروح له كيف عاد بعد ما طعنته فى جنبه اروح لحد عنده ازاى وهو هايقبلنى بعد عملتى دى ، دا انا السبب ان دمه سال وأتألم وبعد كل ده ممكن اروح له ويسامحنى ( يظهر المقدس فادى مع اخر الجمله ويتجه ناحيه شديد ) ( ينظر شديد فى ذهول الى المقدس فادى ) انت بنفسك جاى لحد عندى .
اتاخرت كتير عليه فنزلت ادور عليك وعرفت انك هنا .
وبتدور عليه كمان ، يعنى انت مسامحنى دا أنا ماستهلش حتى انى ...........
( يقاطعه المقدس فادى ) طبعا مسامحك دا انت ابنى ومكانك معايا فى المساكن اللى بانتهالكم من زمان ( يتعانق الاثنين ...................... ) ، عرفت يا عم ذكرى المحل الفاضى بتاع مين ( يشير بيده الى المحل الفارغ)
( يتوسط المقدس فادى المسرح ويتقدم الجميع بخطوات ويقول ...... )
ولسه في أماكن كتير مستنيه أصحابها يفوقوا ويرجعوا لبيتهم ولحضن أبوهم أوعى تكون مشغول ولاّ بتاجل الرجوع ، دى السما مستنياك وبتفرح ولو بخاطى واحد يتوب ، يا ريتك تكون سبب فرح للسما ولابوك السماوي .
( ســــــــــــــــــــــــــــــــــــــــــــــــــــتار )
( تمت بنعمه ربنا )
ليكن يا رب كل عمل لمجد اسمك القدوس
قصة وسيناريو وحوار
ماجد بطرس
رجاء التائبين
(1) لما تلقى سيف الخطيه بيقطع رجاء التائبين
والنفس تايه وسط غربه بتدور فيها على الحنين
والهم جوه القلب يصرخ انت للموت اسير
القرار
مد ايدك نجى روحى سمعنى صوتك ووعدك
انا على كفكى نقشتك جوه عنيه حفظتك
( 2) لما ابليس عدوى يغلب ويخنق فرحى بالف ايد
واسمع صوته جوايا يصرخ انت خلاص مستحيل
ويضيع منى الطريق والهم جوايا يفيض
(3) علمنى ربى انى فى دمك اصبحت ليك محمى ومفدى
وان صليبك علامة خلاصى نصرتى ورفع راسى
وانى ابنك مجدى وفرحى هما ميراثك ليا يا ربى
******************
ماجد بطرس سام