الشخصيات : الاب , الام , مريم (الابنه) , كمال (المهندس)
يبدأ المشهد ببيت تظهر عليه علامات البساطة و تجلس الأم و هي
تخيط وحدها .. ثم تدخل ابنتها مريم.(يبدو عليها علامات البله
قليلا)
مريم:يا
ماما.....يا ماما......عايزة المورجيحة اللي قولتلي عليها يا
ماما.
الأم:هانت.هانت
يا بنتي قولي بس يا رب و المكافأة بتاعة أبوكي يأخذها و نجيب
اللي احنا عايزينه
مريم:مكافأة..مكافأة
ايه دي يا ماما
الأم:دي
المكافأة اللي أبوكي مستنيها من زمان علشان خدمة عملها في شغله
و دي مكافأة كبيرة قوي
مريم:وهاجيب
لبس كده كتير و شنط و جزم و اللي هاعوزه.
الأم:بس
يصرفوهاله الأول و بعد كده نفكر في الكلام ده كله.هو على حسب
كلام أبوكي انها المفروض تتصرف اليومين دوول.
مريم:و
انتي نفسك في ايه يا ماما.
الأم:أنا
نفسي بقى أغير البيت ده كله و ابني بيت جديد بدال الزنقة و
القرف اللي احنا عايشين فيه.
مريم:يا
رب فك القيود و ابعت النقود يا رب
(يسمع طرقات بالباب سريعة و متتالية)
مريم:ده
مين ده اللي بيخبط كده يا ماما
الأم:مش
عارفة يا بنتي شوفي كده مين على الباب
مريم:حاضر
يا ماما.
يدخل الأب و هو تبدو عليه علامات السعادة و الفرح
الأم:ايه
بتخبط ليه كده و انت معاك مفتاح أصلا
الأب:ياااه
صحيح نسيت من الفرحة...يا سعاد خلاص كل اللي بنحلم بيه
هايتحقق،كل مشاكلنا هاتتحل باذن الله
الأم:قصدك
ايه..قصدك انك خلاص أخذت المكافأة...صرفوهالك
الأب:ايوه
تمام...كل حاجة نقدر نعملها دلوقت...كل اللي اتفقنا عليه مش
كده و بس ده أنا كمان شفت حتة أرض لكن ايه في مكان ممتاز و
سعرها جميل جدا و اتفقت عليها و هادفع الفلوس بكرة ان شاء
الله.
الأم:أخيرا...أخيرا
هانغير البيت القديم ده و نعيش في بيت واسع و جديد.يا
سلام...يا سلام مين كان يصدق
مريم:و
أنا يا بابا...يا بابا...يا بابا هاتجيبلي لعب يا بابا.
الأب:كل
اللي عايزاه يا مريم.
مريم:أنا
عايزة أوضة لوحدي بدل الزنقة مع البت كوكي أختي دي اللي
جبتوهالي تكتم على نفسي.
الأب:انتي
تأمري يا مريم
مريم:
( تضحك )ها هي هي هي ها ها ها.أنا هأدخل أنام بقى شوية
الأب:المهم
دلوقتي احنا لازم نتصل بمقاول علشان نشوف موضوع البنا ده هيكلف
كام و نبدأ بقى بسرعة.
الأم:في
المهندس كمال اللي بنى لجارتنا بيقولوا عليه راجل شاطر و الناس
كلها بتشكر فيه و معايا نمرته كمان.
الأب:الحقيني
بيها علشان نتفق على معاد يجي يقابلنا فيه.
الأم:خد
يا سيدي
الأب:أيوه
تمام كده و يمسك سماعة التليفون 2356790.......ألو أيوه
المهندس كمال أنا الأستاذ محسن.....أن كنت عايز حضرتك في موضوع
مهم بخصوص حتة أرض و عايز أبني عليها بيت.....أيوة و عايزك انت
اللي تقوملي بالموضوع ده.....انهاردة الساعة 6.حلو قوي..مناسب
جدا....أنا في انتظارك
الأب:ياللا
اجهزي يا مديحة المهندس هايجي الساعة 6 عايزين نحاول نقص معاه
في السعر.العملية مش ناقصة مصاريف كتير.
الأم:أيوة
ما احنا عايزين نشيل كمان قرشين للزمن.
تبهت أضواء المسرح و الأب يقرأ في الجرائد ثم ينظر الى
الساعة و يقول
الأب: تلاقي المهندس على وصول خليكي قاعدة معايا علشان
نقدر نتفاهم معاه
تسمع طرقات الباب ثم يذهب الأب ليفتح للمهندس كمال
الأب:ده
أكيد المهندس كمال وصل
يذهب ليفتح.....أهلا و سهلا يا بشمهندس.منور البيت.
م/كمال:الله
يخليك يا أستاذ محسن ده بس من زوقك.
الأم:اتفضل
يا بشمهندس.بيتك
م/كمال:شكرا....شكرا
الأب:نخش
في الموضوع على طول...زي ما قلتلك أنا عايز أبني بيت على الأرض
بتاعتي و كنت عايز حضرتك تتولى الموضوع دة و نشوف مع بعض
الحسبة و التكلفة
م/كمال:بس
الموضوع ده هايكلفك كثير.
الأم:ما
شطارتك بقى معانا يا بشمهندس و الأمور هاتبقى ذي الفل.
م/كمال:على
العموم أنا هاقولوكم على الأسعار و نشوفها مع بعض
يعني مثلا هانجيب 5 طن أسمنت 60 ألف جنية
الأب:بصوت
عالي.. و ليه ده كله ده كفاية 3 طن و العملية هاتمشي احنا
هانبني السد العالي و أبقى نزود الباقي زلط و رملة
م/كمال:بس
اللي أنا بأقولى ده مهم جدا و لازم يتجاب أصل أهم حاجة الأساس.
الأب:الأساس،المهم
الإزاز.ثم ان الأساس أكيد هايستحمل دة حتة بيت صغير يا هندسة
مش عمارة.
م/كمال:براحتكم(بكل
استغراب).... بس الحديد المسلح بقى غالي و ده مافهوش كلام.يعني
تقريبا 4 طن حديد ب 30 ألف جنية
الأم:يا
بشمهندس.. يا هندسة احنا هانرمي فلوس في الأرض و بس.مانستغل
الفلوس الكتير دي في الديكورات و التحف و تزيين البيت.
م/كمال:في
الأرض....!!في الأرض!!ايه يا هانم دة اللي بتقوليه ده أسمه
الأساس يعني أهم حاجة في البيت.
الأب:برضه
هايقوللي الأساس.ما كل الناس بتبني أبراج و لا في حاجة
بتحصل احنا بس اللي بنكبر المواضيع.يا راجل خليهم طن و نص
و العملية هاتمشي.
م/كمال:بس
ده هايبقى خطر على البيت
الأم:و
لا خطر و لا حاجة و الفلوس اللي هانوفرها نعرف نستغلها زي ما
قلنالك في الزينة و الديكورات
الأب:أقولك
أنا بقى..احنا عايزيين الطوب من برة طوب فرعوني و....(يقطع
المهندس)
م/كمال:فرعوني
ايه و صيني ايه بس يا أستاذ.خلينا دلوقتي في الأساس احنا لسة
ماخلصناش.
هانعوز تقريبا 10 عربيات رملة ب 2000 جنيه
الأم:أدفع في رملة 2000 جنيه.دة حتى يبقى حرام.رملة يا عالم
أدفع فيها 2000 جنيه.
م/كمال:بس
دة مهم جدا في الأساس.
الأب:أساس...أساس...أساس
ماقولتلك المهم الإزاز يا بشمهندس.
يعني نجيب منين للدهانات و الخشب و السيراميك و التحف و
اللى..و اللى... و اللى.كفاية 5 عربيات رملة
م/كمال:يووه
اللي تشوفوه بس أنا بأحذر أهه.ان أهم حاجة الأساس.
الأم:طبعا..
طبعا و احنا عارفين و مقدرين كده كويس
تدخل مريم الصالة
مريم:هى
هى هى هى اوعى تكون نسيت تقوله على المورجيحة يا بابا
م/كمال:مورجيحة...
أنا بأقول أساس و انتي بتقولي مورجيحة
الأب:أيوة
يا مريم هانقولله.هانقولله المهم يا بشمهندس عايزين نبدأ من
بكرة مشروعنا.
م/كمال:حاضر
يا أستاذ/محسن.في خلال 6 شهور انشاء الله هاسلمك البيت.
الأم:و
ماتنساش يا بشمهندس تجيب معاك مهندس ديكور يكون شاطر و على
زوقك علشان يفنن في البيت و أهم حاجة الشكل من برة و الجنينة و
الديكورات.و اوعى ينسى المورجيحة علشان مرمر العسولة.
مريم:ها
ها ها ها....
م/كمال:بس
م/الديكور ممكن ياخد فلوس كثير.
الأب:ياخد
اللي ياخده المهم عايزين حاجة شكلها حلو و جميل كده.
م/كمال
باستغراب و تعجب، و يضرب كف على كف)
ياخد اللي ياخده.... اللي تشوفوه و أنا هابقى أتابعكم(يخرج
المهندس).مع السلامة.
الأم:سلام
يا بشمهندس
مريم:سلام
يا عمو...المورجيحة يا عمو.
الأب:أخيرا...أخيرا
حلمنا هايتحقق و نبني بيت جميل يضمنا و نعيش فيه على طول.
الأم:امتى
بقى يجي اليوم اللي هانسكن فيه في البيت ده طول عمرنا (يظلم
المسرح)
يظهر مشهد و المهندس بالبيجامة في بيته و ممسك الجرائد
م/كمال:ياااه
أخيرا خلصت بنى البيت.ده الواحد تعب فيه قوي.بس ربنا يستر أهه
فات 3 شهور على البيت و ماحصلش حاجة.
(ينظر في الجرائد فترة ثم يقف مفزوعا).
يا ساتر يا رب... أنا كنت حاسس.أنا حذرته و قولتله أهم حاجة
الأساس...أهم حاجة الأساس.لكن للأسف ماكانش بيسمع كل اللي
بيفكر فيه الشكل من برة.جمال البيت من برة بس.لكن يا خسارة أهو
البيت وقع و كل اللي فيه ماتو... يا خسارة.. يا خسارة
النهاية
يبدأ المشهد ببيت تظهر عليه علامات البساطة و تجلس الأم و هي
تخيط وحدها .. ثم تدخل ابنتها مريم.(يبدو عليها علامات البله
قليلا)
مريم:يا
ماما.....يا ماما......عايزة المورجيحة اللي قولتلي عليها يا
ماما.
الأم:هانت.هانت
يا بنتي قولي بس يا رب و المكافأة بتاعة أبوكي يأخذها و نجيب
اللي احنا عايزينه
مريم:مكافأة..مكافأة
ايه دي يا ماما
الأم:دي
المكافأة اللي أبوكي مستنيها من زمان علشان خدمة عملها في شغله
و دي مكافأة كبيرة قوي
مريم:وهاجيب
لبس كده كتير و شنط و جزم و اللي هاعوزه.
الأم:بس
يصرفوهاله الأول و بعد كده نفكر في الكلام ده كله.هو على حسب
كلام أبوكي انها المفروض تتصرف اليومين دوول.
مريم:و
انتي نفسك في ايه يا ماما.
الأم:أنا
نفسي بقى أغير البيت ده كله و ابني بيت جديد بدال الزنقة و
القرف اللي احنا عايشين فيه.
مريم:يا
رب فك القيود و ابعت النقود يا رب
(يسمع طرقات بالباب سريعة و متتالية)
مريم:ده
مين ده اللي بيخبط كده يا ماما
الأم:مش
عارفة يا بنتي شوفي كده مين على الباب
مريم:حاضر
يا ماما.
يدخل الأب و هو تبدو عليه علامات السعادة و الفرح
الأم:ايه
بتخبط ليه كده و انت معاك مفتاح أصلا
الأب:ياااه
صحيح نسيت من الفرحة...يا سعاد خلاص كل اللي بنحلم بيه
هايتحقق،كل مشاكلنا هاتتحل باذن الله
الأم:قصدك
ايه..قصدك انك خلاص أخذت المكافأة...صرفوهالك
الأب:ايوه
تمام...كل حاجة نقدر نعملها دلوقت...كل اللي اتفقنا عليه مش
كده و بس ده أنا كمان شفت حتة أرض لكن ايه في مكان ممتاز و
سعرها جميل جدا و اتفقت عليها و هادفع الفلوس بكرة ان شاء
الله.
الأم:أخيرا...أخيرا
هانغير البيت القديم ده و نعيش في بيت واسع و جديد.يا
سلام...يا سلام مين كان يصدق
مريم:و
أنا يا بابا...يا بابا...يا بابا هاتجيبلي لعب يا بابا.
الأب:كل
اللي عايزاه يا مريم.
مريم:أنا
عايزة أوضة لوحدي بدل الزنقة مع البت كوكي أختي دي اللي
جبتوهالي تكتم على نفسي.
الأب:انتي
تأمري يا مريم
مريم:
( تضحك )ها هي هي هي ها ها ها.أنا هأدخل أنام بقى شوية
الأب:المهم
دلوقتي احنا لازم نتصل بمقاول علشان نشوف موضوع البنا ده هيكلف
كام و نبدأ بقى بسرعة.
الأم:في
المهندس كمال اللي بنى لجارتنا بيقولوا عليه راجل شاطر و الناس
كلها بتشكر فيه و معايا نمرته كمان.
الأب:الحقيني
بيها علشان نتفق على معاد يجي يقابلنا فيه.
الأم:خد
يا سيدي
الأب:أيوه
تمام كده و يمسك سماعة التليفون 2356790.......ألو أيوه
المهندس كمال أنا الأستاذ محسن.....أن كنت عايز حضرتك في موضوع
مهم بخصوص حتة أرض و عايز أبني عليها بيت.....أيوة و عايزك انت
اللي تقوملي بالموضوع ده.....انهاردة الساعة 6.حلو قوي..مناسب
جدا....أنا في انتظارك
الأب:ياللا
اجهزي يا مديحة المهندس هايجي الساعة 6 عايزين نحاول نقص معاه
في السعر.العملية مش ناقصة مصاريف كتير.
الأم:أيوة
ما احنا عايزين نشيل كمان قرشين للزمن.
تبهت أضواء المسرح و الأب يقرأ في الجرائد ثم ينظر الى
الساعة و يقول
الأب: تلاقي المهندس على وصول خليكي قاعدة معايا علشان
نقدر نتفاهم معاه
تسمع طرقات الباب ثم يذهب الأب ليفتح للمهندس كمال
الأب:ده
أكيد المهندس كمال وصل
يذهب ليفتح.....أهلا و سهلا يا بشمهندس.منور البيت.
م/كمال:الله
يخليك يا أستاذ محسن ده بس من زوقك.
الأم:اتفضل
يا بشمهندس.بيتك
م/كمال:شكرا....شكرا
الأب:نخش
في الموضوع على طول...زي ما قلتلك أنا عايز أبني بيت على الأرض
بتاعتي و كنت عايز حضرتك تتولى الموضوع دة و نشوف مع بعض
الحسبة و التكلفة
م/كمال:بس
الموضوع ده هايكلفك كثير.
الأم:ما
شطارتك بقى معانا يا بشمهندس و الأمور هاتبقى ذي الفل.
م/كمال:على
العموم أنا هاقولوكم على الأسعار و نشوفها مع بعض
يعني مثلا هانجيب 5 طن أسمنت 60 ألف جنية
الأب:بصوت
عالي.. و ليه ده كله ده كفاية 3 طن و العملية هاتمشي احنا
هانبني السد العالي و أبقى نزود الباقي زلط و رملة
م/كمال:بس
اللي أنا بأقولى ده مهم جدا و لازم يتجاب أصل أهم حاجة الأساس.
الأب:الأساس،المهم
الإزاز.ثم ان الأساس أكيد هايستحمل دة حتة بيت صغير يا هندسة
مش عمارة.
م/كمال:براحتكم(بكل
استغراب).... بس الحديد المسلح بقى غالي و ده مافهوش كلام.يعني
تقريبا 4 طن حديد ب 30 ألف جنية
الأم:يا
بشمهندس.. يا هندسة احنا هانرمي فلوس في الأرض و بس.مانستغل
الفلوس الكتير دي في الديكورات و التحف و تزيين البيت.
م/كمال:في
الأرض....!!في الأرض!!ايه يا هانم دة اللي بتقوليه ده أسمه
الأساس يعني أهم حاجة في البيت.
الأب:برضه
هايقوللي الأساس.ما كل الناس بتبني أبراج و لا في حاجة
بتحصل احنا بس اللي بنكبر المواضيع.يا راجل خليهم طن و نص
و العملية هاتمشي.
م/كمال:بس
ده هايبقى خطر على البيت
الأم:و
لا خطر و لا حاجة و الفلوس اللي هانوفرها نعرف نستغلها زي ما
قلنالك في الزينة و الديكورات
الأب:أقولك
أنا بقى..احنا عايزيين الطوب من برة طوب فرعوني و....(يقطع
المهندس)
م/كمال:فرعوني
ايه و صيني ايه بس يا أستاذ.خلينا دلوقتي في الأساس احنا لسة
ماخلصناش.
هانعوز تقريبا 10 عربيات رملة ب 2000 جنيه
الأم:أدفع في رملة 2000 جنيه.دة حتى يبقى حرام.رملة يا عالم
أدفع فيها 2000 جنيه.
م/كمال:بس
دة مهم جدا في الأساس.
الأب:أساس...أساس...أساس
ماقولتلك المهم الإزاز يا بشمهندس.
يعني نجيب منين للدهانات و الخشب و السيراميك و التحف و
اللى..و اللى... و اللى.كفاية 5 عربيات رملة
م/كمال:يووه
اللي تشوفوه بس أنا بأحذر أهه.ان أهم حاجة الأساس.
الأم:طبعا..
طبعا و احنا عارفين و مقدرين كده كويس
تدخل مريم الصالة
مريم:هى
هى هى هى اوعى تكون نسيت تقوله على المورجيحة يا بابا
م/كمال:مورجيحة...
أنا بأقول أساس و انتي بتقولي مورجيحة
الأب:أيوة
يا مريم هانقولله.هانقولله المهم يا بشمهندس عايزين نبدأ من
بكرة مشروعنا.
م/كمال:حاضر
يا أستاذ/محسن.في خلال 6 شهور انشاء الله هاسلمك البيت.
الأم:و
ماتنساش يا بشمهندس تجيب معاك مهندس ديكور يكون شاطر و على
زوقك علشان يفنن في البيت و أهم حاجة الشكل من برة و الجنينة و
الديكورات.و اوعى ينسى المورجيحة علشان مرمر العسولة.
مريم:ها
ها ها ها....
م/كمال:بس
م/الديكور ممكن ياخد فلوس كثير.
الأب:ياخد
اللي ياخده المهم عايزين حاجة شكلها حلو و جميل كده.
م/كمال
باستغراب و تعجب، و يضرب كف على كف)
ياخد اللي ياخده.... اللي تشوفوه و أنا هابقى أتابعكم(يخرج
المهندس).مع السلامة.
الأم:سلام
يا بشمهندس
مريم:سلام
يا عمو...المورجيحة يا عمو.
الأب:أخيرا...أخيرا
حلمنا هايتحقق و نبني بيت جميل يضمنا و نعيش فيه على طول.
الأم:امتى
بقى يجي اليوم اللي هانسكن فيه في البيت ده طول عمرنا (يظلم
المسرح)
يظهر مشهد و المهندس بالبيجامة في بيته و ممسك الجرائد
م/كمال:ياااه
أخيرا خلصت بنى البيت.ده الواحد تعب فيه قوي.بس ربنا يستر أهه
فات 3 شهور على البيت و ماحصلش حاجة.
(ينظر في الجرائد فترة ثم يقف مفزوعا).
يا ساتر يا رب... أنا كنت حاسس.أنا حذرته و قولتله أهم حاجة
الأساس...أهم حاجة الأساس.لكن للأسف ماكانش بيسمع كل اللي
بيفكر فيه الشكل من برة.جمال البيت من برة بس.لكن يا خسارة أهو
البيت وقع و كل اللي فيه ماتو... يا خسارة.. يا خسارة
النهاية
