(مشهد قاعة قصر وكرسى عرش ومنضدة عليها صينية طعام)
(يدخل الامبراطور ثم يجلس وينظر للاكل امامه بقرف)
حارس.. (صوت) مولاى الامبراطور طيباريوس قيصر امبراطور روما
قيصر... فين الطباخة جوليا ؟ ايه الاكل ده؟
جوليا.. صباح الخير يا مولاى
قيصر.. خير وهو هيجى منين الخير؟ ايه الفطار ده؟
جوليا.. يا مولاى ده فطار صحى
قيصر.. لحمة انا عايز افطر لحمة هاتيلى لحمة
جوليا.. ده عشان صحة عظمتك فطار خفيف
قيصر.. انتى ناقص تجيبلى فول
جوليا.. الفول مش من مقام سيدى القيصر
قيصر.. خلاص خلاص هاتيلى لحمة ادبحى خروف
جوليا.. خروف يا مولاى على الفطار؟
قيصر.. اه خروووف مش الفطار ده؟ ايه ده؟ لبن معيز؟
جوليا.. اصل كل بقر الامبراطورية عنده جفاف يا مولاى
قيصر.. وايه ده جبنة رومى... اوف .. دى بقالها اد ايه فى المطبخ؟
جوليا.. مش كتير يعنى 15 سنة ونص
قيصر.. بس لا قليليين خالص
جوليا.. لازم كده يا مولاى عشان تتعتق
قيصر.. تتعتق ده انا اللى مش هعتقك... طب فين الجبنة البيضا بتاعتى
جوليا..خلصت يا مولاى عظمتك كل يوم تاكل بال 5 صفايح
قيصر.. انتى هتبصيلى فى الاكل كمان ...خلى الفراخ تنزل جبنة مع البيض
جوليا.. مفيش فراخ بتجيب جبنة يا مولاى
قيصر.. يا جوليا اضربيها هتجيب جبنة مش كفاية كل يوم بيض بيض بس
جوليا.. حاضر يا مولاى
قيصر.. وكمان البيض ده نص سوا انا بحبه مسلوق او بيض عيون
جوليا.. يا مولاى عظمتك طلبت الفطار فى 3 دقايق واى بيض عشان يكون مسلوق لازم عايز 7 دقايق
قيصر.. مش مشكلتى ابقى حطى الفرخة على النار هتجيب بيض مسلوق علطول اتصرفى يا جوليا
جوليا.. حاضر يا مولاى
قيصر.. ياللا خليهم فى المطبخ يعملوا الخروف.. (تاخذ جوليا الصينية ) استنى سيبى ده اتسلى فيه على ما الاكل يخلص (يبدا بالاكل) ايه ده هتبصولى فى اللقمة حاجة تغيظ
(يدخل الحارس)
الحارس.. مولاى امبراطور روما
قيصر.. نعم انت كمان هو الواحد ميتهناش على لقمة
الحارس.. فيه واحدة ست عايزة تقف امام عظمتك عشان تبحث فى قضية رفعتها امام عظمتك
قيصر.. قضية على الصبح هتسدوا نفسنا ....ايوه مين الست دى
الحارس.. دى سيدة غنية من اليهودية من مجدل واسمها مريم المجدلية
قيصر.. وعايزة ايه مريم المجدلية؟
الحارس.. رافعة قضية على والى رومانى امام عظمتك
قيصر... بقى واحدة يهودية رافعة قضبية على والى رومانى يا ليلة الوان
الحارس.. بتقول انها قضية مهمة جدا
قيصر.. مين اللى يتجرا ويرفع قضية على والى رومانى قصادى دى مجنونة مجنونة
الحارس..ادخلها يا مولاى
قيصر.. دخلها دخلها ما هو مش باينلها فطار
(يخرج الحارس ويدخل هو ومريم)
مريم.. سلام ونعمة لمولاى قيصر روما
قيصر.. سلام ايه ونعمة ايه؟ انتى جاية رافعة قضية وماله سلامين ونعمة وحتة .. سلام الالهة كمان
مريم..انا معرفش الا اله واحد بس
قيصر.. المهم خلصينا عايزة ايه؟
مريم...فيه ظلم حصل فى مملكتك يا مولاى
قيصر.. ظلم ..ظلم ايه؟
مريم.. عظمتك معين والى على اليهودية والوالى ده امر بحكم ظالم وصلب شخص برئ
قيصر.. مين؟ بيلاطس البنطى صلب شخص برئ ؟ ده مين؟
مريم.. يسوع الناصرى
قيصر.. اه افتكرت الحادثة دى ..بس ده اليهود هما اللى كانوا عايزين يصلبوه
مريم.. ايوه وبيلاطس وافق على طلبهم
قبصر..هو بعتلىتقرير قالى انه حاول يهدى الوضع معرفش واليهود اصلا شعب همج
مريم.. بس فى الاخر برضه كان حاكم ظالم وخاف منهم
قيصر.. مفيش رومانى بيخاف بس كل الحكاية مش عايزين صداع
مريم.. لكن ليه يحكم بظلم على يسوع اللى معملش اى خطية خالص
قيصر.. مفيش بنى ادم مش بيغلط ازاى معملش خطية خالص؟
مريم.. لانه الله والله قدوس مش بيعمل اى خطية
قيصر.. ايه اللخبطة دى ازاى الله يعنى؟
مريم.. يسوع المسيح هو الله جه بقى بنى ادم زينا واتولد من العدرا بنت صغيرة متجوزتش واتولد من غير اب
قيصر.. فيه مولود من غير اب ؟ فيه مولود من بنت صغيرة متجوزتش؟ وايه كمان؟
مريم.. عمل معجزات كتيرة اوى
قيصر.. وايه يعنى اعظم السحرا عندنا بيعملوا اجدع معجزات
مريم.. لكنه قوم موتى من الاموات
قيصر..ايه؟ قوم موتى من الاموات .. غريبة وايه كمان؟
مريم.. اتصلب عشانا ومات وقام من الاموات
قيصر.. (يكح من الاكل) لالا استنى بقى ايه حكاية قام من الاموات دى؟ مين اللى قومه؟
مريم.. هو قوم نفسه لانه الله
قيصر.. قوم نفسه ازاى يعنى؟ انا مش فاهم منك حاجة
مريم.. عظمتك بتاكل ايه يا مولاى؟
قيصر.. باكل ايه يعنى مش شايفة؟ باكل بيض
مريم.. البيضة دى يا مولاى جواها ايه؟
قيصر.. البيضة دى جواها كتكوت
مريم... (تاخذ البيضة) والكتكوت ده لما بيجى وقته عشان يطلع من البيضة حد بيطلعه؟
قيصر.. لا طبعا بيطلع لوحده
مريم.. اهو برضه الهنا يسوع المسيح طلع من القبر وقام لوحده
قيصر... لكن ازاى يعنى ربنا وبقى بنى ادم زينا يعنى بطل شغله ربنا عشان يكون بنى ادم؟
مريم... لا هو ربنا وفى نفس الوقت بنى ادم زينا
قيصر.. ازاى يعنى ربنا وبنى ادم سوا؟
مريم.. بيشتغل كل اعمال بتاعته بتاعة ربنا زى انه يحكم الكون ويراعينا كلنا لكن برضه وقتها كان بنى ادم بياكل ويشرب زينا
قيصر.. انتى ناوية تجنينى؟
مريم.. له صفات ربنا ولما اتولد كانسان بقت معاها صفات بنى ادم زينا
قيصر..كلام جميل كلام معقول لكن مقدرش احكم على بيلاطس عشان الهك المصلوب
مريم.. يا مولاى الهى المصلوب هو برضه الهك
قيصر.. القضية اتقفلت اطلعى بره.. استنى هاتى البيضة بتاعتى واطلعى بره
مريم.. الهى المصلوب هو اللى خلقك
قيصر.. متبوظيش دماغى مع السلامة انا هطلع الجنينة سديتوا نفسى يمكن تتفتح
(يخرج قيصر وتدخل جوليا)
جوليا.. سيدة مريم
مريم.. ايوه انا مريم
جوليا.. انا جوليا رئيسة الطباخين فى مطبخ القيصر وسمعت كل كلامك عن يسوع انتى تعرفيه؟ شوفتيه؟
مريم.. انا حياتى مبداتش الا لما عرفت يسوع
جوليا.. ازاى احكيلى
مريم.. كان عليا 7 شياطين وكنت متعذبة ومنبوذة رغم انى كنت غنية ومعروفة لقيته فى الطريق شفانى ومن ساعتها وانا وراه فى كل خطوة
جوليا... هو فعلا قام من الاموات؟
مريم.. فىفجر يوم الاحد الدنيا كانت ضلمة رحت القبر ملقتش الجسد جريت على بطرس ويوحنا الحقوا الحقوا اختفى جسد ربنا رجعوا معايا لقوا القبر فاضى الكل مشى بحزن وخوف وقفقت مكانى بعيط عايزة جسده
جوليا... والجسد راح فين؟
مريم.. كان فيه بستانى قالى بحنية بتعيطى ليه عايزة مين؟ قولتله جسد ربى يسوع
جوليا.. وجابهولك؟
مريم...اول ما قالى يا مريم عرفته هو هو يسوع قصادى وبيكلمنى هو هو قام من الموت
جوليا... لكن هو قام من الموت ليه؟
مريم.. عشان يعرفنا انه غلب الموت غلب الشيطان غلب الخطية هو قام وادانا القوة اننا نغلب معاه نغلب الشيطان نغلب الخطية هو الهنا حبيبنا يسوع
جوليا.. انتى ماشية؟
مريم.. هروح اكلم كل الناس هروح اقولهم يسوع قام (تخرج مريم)
جوليا.. قام عشان يغلب الموت يغلب الشيطان ويخلينا نغلب معاه؟ لالا اكيد مريم دى بتخرف محدش يقدر يغلب الموت والشيطان شاطر محدش بيقدر يغلبه(يدخل ضابط)
ضابط... لا الشيطان مش شاطر واللى بيغلب الموت اقوى منه هو ربنا
جوليا.. انت تعرف يسوع؟
ضابط.. كانت خدمتى من كام سنة فى اورشليم كنت لسه عسكرى وبالصدفة جت نوبة حراسة بليل على قبر
جوليا.. قبر يسوع المسيح؟
ضابط.. ايوه اليهود خافوا حطوا حجر كبير عليه وختموه وجابونا نحرسه لحسن حد يسرقه
جوليا.. ياه حجر كبير للدرجة دى خايفين؟
ضابط..فى فجر الاحد والدنيا كانت لسه ضلمة فجاة الارض اتزلزلت ونور جامد اوى من القبر ضرب فى عينى وجعتنى مش قادر اشوف مش قادر اقف وقعت على وشى ويسوع قام كان قام
جوليا.. والحجر هو شاله؟
ضابط.. لا يسوع قام والحجر محطوط بصيت بطرف عينيا وانا مرمى لقيت ملاك دحرجه بعدين
جوليا.. طب عملتوا ايه بعدها؟
ضابط.. جرينا على كهنة اليهود ادونا فلوس وقالولنا قولوا ان تلاميذه سرقوه
جوليا.. وعملتوا كده؟ عيب عليكم
ضابط.. بس انا مش قادر اكدب تانى مش قادر اخبى الحقيقة يسوع قام قام من الاموات( يخرج الضابط)
جوليا.. طب هو قام لكن ليه كان لازم يموت اصلا؟ (يدخل عامل )
عامل.. عشان كلنا كان لازم نموت وهو مات بدالنا
جوليا.. انت كمان تعرفه؟
عامل.. انتى عارفة انى يهودى نزلت فى وقتها عشان اعيد مع اهلى
جوليا.. الوقت اللى كان فيه يسوع؟
عامل .. ايوه كان وقت عيد الفصح اليهودى
جوليا.. شفته ازاى؟
عامل.. كنت معدى على الجلجثة لقيت تلاتة مصلوبين وناس كتيرة بتتفرج لكن المصلوب فى النص مكنش شبه المجرمين
جوليا.. امال شكله كان عامل ازاى؟
عامل...شبه الملوك سالت عنه قالوا ده يسوع وفجاة فى عز الضهر الشمس اختفت الدنيا بقت زى ليل الناس صرخت كله خاف من اللى بيجرى
جوليا.. ضلمة فى عز الضهر؟
عامل.. كنت حاسس انه مكنش واحد عادى صرخ بصوت عظيم وطى راسه ومات
جوليا .. مات ؟
عامل.. ايوه شفته مات مشيت من هناك ومنظر الصليب كان دايما فى دماغى
جوليا.. بس كان خلاص مات ودفنوه
عامل.. ايوه بس سمعت بعد كده انه قام بعد 3 ايام انا مصدق ده حتى قبره لسه فاضى يعنى هو قام يسوع قام من الاموات(يخرج العامل)
جوليا.. اله جه على الارض زينا عشان بيحبنا
اتصلب ومات عننا عشان يشيل مكان حكمنا
لكنه قام وانتصر عشان ينصرنا معاه ولحضنه يضمنا
مفيش غيره هو يسوع المسيح الهنا كلنا
وزى ما قام قومنا معاه وبدل الموت ادانا حياة
(يدخل الامبراطور ثم يجلس وينظر للاكل امامه بقرف)
حارس.. (صوت) مولاى الامبراطور طيباريوس قيصر امبراطور روما
قيصر... فين الطباخة جوليا ؟ ايه الاكل ده؟
جوليا.. صباح الخير يا مولاى
قيصر.. خير وهو هيجى منين الخير؟ ايه الفطار ده؟
جوليا.. يا مولاى ده فطار صحى
قيصر.. لحمة انا عايز افطر لحمة هاتيلى لحمة
جوليا.. ده عشان صحة عظمتك فطار خفيف
قيصر.. انتى ناقص تجيبلى فول
جوليا.. الفول مش من مقام سيدى القيصر
قيصر.. خلاص خلاص هاتيلى لحمة ادبحى خروف
جوليا.. خروف يا مولاى على الفطار؟
قيصر.. اه خروووف مش الفطار ده؟ ايه ده؟ لبن معيز؟
جوليا.. اصل كل بقر الامبراطورية عنده جفاف يا مولاى
قيصر.. وايه ده جبنة رومى... اوف .. دى بقالها اد ايه فى المطبخ؟
جوليا.. مش كتير يعنى 15 سنة ونص
قيصر.. بس لا قليليين خالص
جوليا.. لازم كده يا مولاى عشان تتعتق
قيصر.. تتعتق ده انا اللى مش هعتقك... طب فين الجبنة البيضا بتاعتى
جوليا..خلصت يا مولاى عظمتك كل يوم تاكل بال 5 صفايح
قيصر.. انتى هتبصيلى فى الاكل كمان ...خلى الفراخ تنزل جبنة مع البيض
جوليا.. مفيش فراخ بتجيب جبنة يا مولاى
قيصر.. يا جوليا اضربيها هتجيب جبنة مش كفاية كل يوم بيض بيض بس
جوليا.. حاضر يا مولاى
قيصر.. وكمان البيض ده نص سوا انا بحبه مسلوق او بيض عيون
جوليا.. يا مولاى عظمتك طلبت الفطار فى 3 دقايق واى بيض عشان يكون مسلوق لازم عايز 7 دقايق
قيصر.. مش مشكلتى ابقى حطى الفرخة على النار هتجيب بيض مسلوق علطول اتصرفى يا جوليا
جوليا.. حاضر يا مولاى
قيصر.. ياللا خليهم فى المطبخ يعملوا الخروف.. (تاخذ جوليا الصينية ) استنى سيبى ده اتسلى فيه على ما الاكل يخلص (يبدا بالاكل) ايه ده هتبصولى فى اللقمة حاجة تغيظ
(يدخل الحارس)
الحارس.. مولاى امبراطور روما
قيصر.. نعم انت كمان هو الواحد ميتهناش على لقمة
الحارس.. فيه واحدة ست عايزة تقف امام عظمتك عشان تبحث فى قضية رفعتها امام عظمتك
قيصر.. قضية على الصبح هتسدوا نفسنا ....ايوه مين الست دى
الحارس.. دى سيدة غنية من اليهودية من مجدل واسمها مريم المجدلية
قيصر.. وعايزة ايه مريم المجدلية؟
الحارس.. رافعة قضية على والى رومانى امام عظمتك
قيصر... بقى واحدة يهودية رافعة قضبية على والى رومانى يا ليلة الوان
الحارس.. بتقول انها قضية مهمة جدا
قيصر.. مين اللى يتجرا ويرفع قضية على والى رومانى قصادى دى مجنونة مجنونة
الحارس..ادخلها يا مولاى
قيصر.. دخلها دخلها ما هو مش باينلها فطار
(يخرج الحارس ويدخل هو ومريم)
مريم.. سلام ونعمة لمولاى قيصر روما
قيصر.. سلام ايه ونعمة ايه؟ انتى جاية رافعة قضية وماله سلامين ونعمة وحتة .. سلام الالهة كمان
مريم..انا معرفش الا اله واحد بس
قيصر.. المهم خلصينا عايزة ايه؟
مريم...فيه ظلم حصل فى مملكتك يا مولاى
قيصر.. ظلم ..ظلم ايه؟
مريم.. عظمتك معين والى على اليهودية والوالى ده امر بحكم ظالم وصلب شخص برئ
قيصر.. مين؟ بيلاطس البنطى صلب شخص برئ ؟ ده مين؟
مريم.. يسوع الناصرى
قيصر.. اه افتكرت الحادثة دى ..بس ده اليهود هما اللى كانوا عايزين يصلبوه
مريم.. ايوه وبيلاطس وافق على طلبهم
قبصر..هو بعتلىتقرير قالى انه حاول يهدى الوضع معرفش واليهود اصلا شعب همج
مريم.. بس فى الاخر برضه كان حاكم ظالم وخاف منهم
قيصر.. مفيش رومانى بيخاف بس كل الحكاية مش عايزين صداع
مريم.. لكن ليه يحكم بظلم على يسوع اللى معملش اى خطية خالص
قيصر.. مفيش بنى ادم مش بيغلط ازاى معملش خطية خالص؟
مريم.. لانه الله والله قدوس مش بيعمل اى خطية
قيصر.. ايه اللخبطة دى ازاى الله يعنى؟
مريم.. يسوع المسيح هو الله جه بقى بنى ادم زينا واتولد من العدرا بنت صغيرة متجوزتش واتولد من غير اب
قيصر.. فيه مولود من غير اب ؟ فيه مولود من بنت صغيرة متجوزتش؟ وايه كمان؟
مريم.. عمل معجزات كتيرة اوى
قيصر.. وايه يعنى اعظم السحرا عندنا بيعملوا اجدع معجزات
مريم.. لكنه قوم موتى من الاموات
قيصر..ايه؟ قوم موتى من الاموات .. غريبة وايه كمان؟
مريم.. اتصلب عشانا ومات وقام من الاموات
قيصر.. (يكح من الاكل) لالا استنى بقى ايه حكاية قام من الاموات دى؟ مين اللى قومه؟
مريم.. هو قوم نفسه لانه الله
قيصر.. قوم نفسه ازاى يعنى؟ انا مش فاهم منك حاجة
مريم.. عظمتك بتاكل ايه يا مولاى؟
قيصر.. باكل ايه يعنى مش شايفة؟ باكل بيض
مريم.. البيضة دى يا مولاى جواها ايه؟
قيصر.. البيضة دى جواها كتكوت
مريم... (تاخذ البيضة) والكتكوت ده لما بيجى وقته عشان يطلع من البيضة حد بيطلعه؟
قيصر.. لا طبعا بيطلع لوحده
مريم.. اهو برضه الهنا يسوع المسيح طلع من القبر وقام لوحده
قيصر... لكن ازاى يعنى ربنا وبقى بنى ادم زينا يعنى بطل شغله ربنا عشان يكون بنى ادم؟
مريم... لا هو ربنا وفى نفس الوقت بنى ادم زينا
قيصر.. ازاى يعنى ربنا وبنى ادم سوا؟
مريم.. بيشتغل كل اعمال بتاعته بتاعة ربنا زى انه يحكم الكون ويراعينا كلنا لكن برضه وقتها كان بنى ادم بياكل ويشرب زينا
قيصر.. انتى ناوية تجنينى؟
مريم.. له صفات ربنا ولما اتولد كانسان بقت معاها صفات بنى ادم زينا
قيصر..كلام جميل كلام معقول لكن مقدرش احكم على بيلاطس عشان الهك المصلوب
مريم.. يا مولاى الهى المصلوب هو برضه الهك
قيصر.. القضية اتقفلت اطلعى بره.. استنى هاتى البيضة بتاعتى واطلعى بره
مريم.. الهى المصلوب هو اللى خلقك
قيصر.. متبوظيش دماغى مع السلامة انا هطلع الجنينة سديتوا نفسى يمكن تتفتح
(يخرج قيصر وتدخل جوليا)
جوليا.. سيدة مريم
مريم.. ايوه انا مريم
جوليا.. انا جوليا رئيسة الطباخين فى مطبخ القيصر وسمعت كل كلامك عن يسوع انتى تعرفيه؟ شوفتيه؟
مريم.. انا حياتى مبداتش الا لما عرفت يسوع
جوليا.. ازاى احكيلى
مريم.. كان عليا 7 شياطين وكنت متعذبة ومنبوذة رغم انى كنت غنية ومعروفة لقيته فى الطريق شفانى ومن ساعتها وانا وراه فى كل خطوة
جوليا... هو فعلا قام من الاموات؟
مريم.. فىفجر يوم الاحد الدنيا كانت ضلمة رحت القبر ملقتش الجسد جريت على بطرس ويوحنا الحقوا الحقوا اختفى جسد ربنا رجعوا معايا لقوا القبر فاضى الكل مشى بحزن وخوف وقفقت مكانى بعيط عايزة جسده
جوليا... والجسد راح فين؟
مريم.. كان فيه بستانى قالى بحنية بتعيطى ليه عايزة مين؟ قولتله جسد ربى يسوع
جوليا.. وجابهولك؟
مريم...اول ما قالى يا مريم عرفته هو هو يسوع قصادى وبيكلمنى هو هو قام من الموت
جوليا... لكن هو قام من الموت ليه؟
مريم.. عشان يعرفنا انه غلب الموت غلب الشيطان غلب الخطية هو قام وادانا القوة اننا نغلب معاه نغلب الشيطان نغلب الخطية هو الهنا حبيبنا يسوع
جوليا.. انتى ماشية؟
مريم.. هروح اكلم كل الناس هروح اقولهم يسوع قام (تخرج مريم)
جوليا.. قام عشان يغلب الموت يغلب الشيطان ويخلينا نغلب معاه؟ لالا اكيد مريم دى بتخرف محدش يقدر يغلب الموت والشيطان شاطر محدش بيقدر يغلبه(يدخل ضابط)
ضابط... لا الشيطان مش شاطر واللى بيغلب الموت اقوى منه هو ربنا
جوليا.. انت تعرف يسوع؟
ضابط.. كانت خدمتى من كام سنة فى اورشليم كنت لسه عسكرى وبالصدفة جت نوبة حراسة بليل على قبر
جوليا.. قبر يسوع المسيح؟
ضابط.. ايوه اليهود خافوا حطوا حجر كبير عليه وختموه وجابونا نحرسه لحسن حد يسرقه
جوليا.. ياه حجر كبير للدرجة دى خايفين؟
ضابط..فى فجر الاحد والدنيا كانت لسه ضلمة فجاة الارض اتزلزلت ونور جامد اوى من القبر ضرب فى عينى وجعتنى مش قادر اشوف مش قادر اقف وقعت على وشى ويسوع قام كان قام
جوليا.. والحجر هو شاله؟
ضابط.. لا يسوع قام والحجر محطوط بصيت بطرف عينيا وانا مرمى لقيت ملاك دحرجه بعدين
جوليا.. طب عملتوا ايه بعدها؟
ضابط.. جرينا على كهنة اليهود ادونا فلوس وقالولنا قولوا ان تلاميذه سرقوه
جوليا.. وعملتوا كده؟ عيب عليكم
ضابط.. بس انا مش قادر اكدب تانى مش قادر اخبى الحقيقة يسوع قام قام من الاموات( يخرج الضابط)
جوليا.. طب هو قام لكن ليه كان لازم يموت اصلا؟ (يدخل عامل )
عامل.. عشان كلنا كان لازم نموت وهو مات بدالنا
جوليا.. انت كمان تعرفه؟
عامل.. انتى عارفة انى يهودى نزلت فى وقتها عشان اعيد مع اهلى
جوليا.. الوقت اللى كان فيه يسوع؟
عامل .. ايوه كان وقت عيد الفصح اليهودى
جوليا.. شفته ازاى؟
عامل.. كنت معدى على الجلجثة لقيت تلاتة مصلوبين وناس كتيرة بتتفرج لكن المصلوب فى النص مكنش شبه المجرمين
جوليا.. امال شكله كان عامل ازاى؟
عامل...شبه الملوك سالت عنه قالوا ده يسوع وفجاة فى عز الضهر الشمس اختفت الدنيا بقت زى ليل الناس صرخت كله خاف من اللى بيجرى
جوليا.. ضلمة فى عز الضهر؟
عامل.. كنت حاسس انه مكنش واحد عادى صرخ بصوت عظيم وطى راسه ومات
جوليا .. مات ؟
عامل.. ايوه شفته مات مشيت من هناك ومنظر الصليب كان دايما فى دماغى
جوليا.. بس كان خلاص مات ودفنوه
عامل.. ايوه بس سمعت بعد كده انه قام بعد 3 ايام انا مصدق ده حتى قبره لسه فاضى يعنى هو قام يسوع قام من الاموات(يخرج العامل)
جوليا.. اله جه على الارض زينا عشان بيحبنا
اتصلب ومات عننا عشان يشيل مكان حكمنا
لكنه قام وانتصر عشان ينصرنا معاه ولحضنه يضمنا
مفيش غيره هو يسوع المسيح الهنا كلنا
وزى ما قام قومنا معاه وبدل الموت ادانا حياة
