الأم : تعال يا حبيبى يا برجاوى تعال يا ضنايا
برجاوى : نعم يا امااااااا
الأم : لبست هدوم العيد يا ضنايا؟
برجاوى : ايوه يا أما دى فانتاستيك
الأم : اهئ اهئ يا حبيبى يا ضنايا
برجاوى : مالك يا أما ليه النكد ده إحنا فى أيام مفترجة
الأم : شبه أبوك الله يقحمه مطرح ما راح
برجاوى : ليه يا أما بس بتدعى على أبويا
الأم : اهئ اهئ كان عنده 3 لآلئ خاف عليهم من الحرامية فخباهم
برجاوى : لآلئ ؟ فين يا أما؟ خباهم فين؟
الأم : هو أنا لو كنت اعرف كان ده بقى حالنا ده ربنا خده قبل ما يقول وطلع السر
الالهى
برجاوى : يعنى متعرفيش حاجة عنهم خالص؟
الأم : يمكن فى الانتريه يمكن فى المطبخ يمكن فى الحمام يمكن فى الدوار كله أو
يمكن فى الباركنج بره
برجاوى : يطلع إيه ده الباركنج يا أما؟
الأم : دى الزريبة اللى بره يا واد بس بالعنجليزى يا خايب
برجاوى : يعنى يوم ما يطلع فى بيتنا مغارة على بابا منعرفش كلمة السر ... طب ما
نجرب ونقول سمسم يمكن حاجة تظهر
الأم : صدقنى يا بنى جربت كل البهارات سمسم فلفل كمون حتى الشطة .... اهئ
اهئ ربنا ريحك يا حبيبى بدرى ده أنت لو كنت لسه قاعد كنت ريحتك أنا
اهئ اهئ
(تخرج الأم)
برجاوى : يا سلام يا وادى يا برجاوى لو الاقى اللآلئ دى اجيب كمبيوتر وموبيل بكاميرا وش وضهر
وعربية بباب واحد وأغير للجاموسة النمر وادهنها احمر.. بس لا لا كده غلط أنى أفكر فى نفسى وبس ... وربنا يسوع راح فين؟ أنا لازم أفكر صح .. اللآلئ دى مش لازم تبقى ليا ... دى لازم تبقى لربنا يسوع هدية هو مين اللى كان قدمله هدايا؟ آه المجوس مع أنى مش فاكر هداياهم كانت ايه...بس يا سلام لو كنت معاهم وأديله هديتى هما كانوا تلاتة أول واحد لابس .... ايه ده الله ده ظهر واحد طب نشوف التانى كان لابس ... الله الله ده التانى اهو وتالت واحد لابس ... الله ده التلاتة هنا
(يظهر الثلاثة مجوس وهما ناظرين للسماء)
مجوسى 1 : ياه بصوا شايفين
مجوسى 2 : ايه اللى فى السما ده ؟
مجوسى 3 : ده أكيد النجم بتاع الملك ملك اليهود
مجوسى 1 : يبقى لازم نروح له ونسجد له
مجوسى 2 : ونقدم هدايا غالية كمان
مجوسى 3 : يا ه ده احنا مستنين النجم ده من سنين ... أتولد الملك العظيم
برجاوى : أنا لازم اجبله أحسن هدية فى الدنيا
مجوسى 1 : أنا هجبله دهب
برجاوى : لالا يا عم الدهب بقى موضة قديمة
مجوسى 1 : وهو الملك يليق بيه ايه أحسن من الدهب
مجوسى 2 : أنا هجيب لبان بخور
برجاوى : بخور؟ أنت رايح لملك مش لكاهن
مجوسى 2 : وماله ملك كاهن الاتنين عملهم عظيم
مجوسى 3 : أنا عن نفسى هجيب مر أعشاب
برجاوى : ايه ده ؟ حد يجيب مر لملك؟
مجوسى 3 : آه عشان يطلع راجل جامد ويستحمل ويشيل عن الناس
مجوسى 1 : إنما أنت قولنا أنت مين و ناوى تجيب ايه اللى يسمع كده يقول هتجيب
قصر
برجاوى : أنا برجاوى عوضين خلف عبد المسيح لا أنا هجيب اللى أغلى من القصر
أنا هجيب لآلئ ورثتها بلا فخر عن المرحوم أبويا عوضين خلف عبد
المسيح عمدة كفر أبو طشت تابع قرية طوخ دلكا مركز تلا منوفية .. الله
يرحمك يا أبا
مجوسى 1 : بقى كل ده وهتجيب حاجة قديمة بتاعة أبوك خلف ابن دلكا؟
برجاوى : اسمه عوضين خلف عبد المسيح عمدة كفر أبو طشت تابع قرية طوخ
دلكا مركز تلا منوفية.. الله يرحمك يا أبا وبعدين دى غالية عليا أوى أنا
لسه هدور عليها بس الاقيها وساعتها هديله أغلى حاجة عندى
مجوسى 1 : خلاص يبقى نسافر كلنا كمان ساعتين ورا النجم
(يخرج الجميع ثم يدخل برجاوى وحيدا )
برجاوى : الله الله هما باين عليهم مشيوا وسابونى ... طب اعمل ايه مش على بال ما
لقيت الهدية ده المرحوم أبويا طلع بيشيل حاجته فى حتت غريبة بشكل .. أول لؤلؤة لقيتها تحت السرير أصل المرحوم أبويا كان بيعز النوم وتانى لؤلؤة لقيتها فى المطبخ أصل المرحوم أبويا كان بيعز الأكل أما تالت لؤلؤة لقيتها فى الحمام لالا متفهموش غلط أصل المرحوم أبويا كان بيعز الحموم الله يرحمك يا أبا أنا هسافر وحدى بقى ورا النجم وامرى لله
(يجد برجاوى فى الطريق شيخ مريض جدا )
الشيخ : آه يانى آه
برجاوى : مالك يا عم ؟ تعبان ؟ حاسس بايه؟
الشيخ : آه يا بنى هموت .. كح كح .. ده أنا غلبان وفقير ومليش حد ده أنا يتيم أبويا
وامى ماتوا وسابونى
برجاوى : أبوك وأمك ؟ يا راجل ده أنت اد جد جدى عبد المسيح ... طب ايه بيوجعك؟
الشيخ : بطنى آه يا بطنى
برجاوى : هنا كده ؟
الشيخ : راسى آه يا راسى
برجاوى : بطنك ولا راسك؟
الشيخ : ضهرى آه يا ضهرى
برجاوى : ايه الخربطة دى من الآخر كلك بيوجعك ولازم تروح التوكيل
الشيخ : بتقول حاجة يا بنى ؟ كح كح
برجاوى : بقول لازم تروح لدكتور
الشيخ : ازاى بس ومين هيودينى ومين هيرعانى ده انا يتيم
برجاوى : طب قوم معايا
الشيخ : على فين يا بنى ؟
برجاوى : هوديك اقرب فندق وهخليهم يجبولك دكتور ويهتموا بيك وعلى الفلوس متقلقش هديهم لؤلؤة وعوضى على الله فى لؤلؤة المرحوم أبويا عوضين خلف عبد المسيح ... الله يرحمك يا أبا
الشيخ : ربنا يخليك يا بنى
برجاوى : طب اسند عليا بالراحة
(ياخد برجاوى الشيخ ويخرج)
(يدخل رجل يضرب امرأة ويقابلهم برجاوى )
برجاوى : ايه ده يا راجل ؟ حرام عليك بتتشطر على حرمة؟
الرجل : وأنت مالك دى الجارية بتاعتى وأنا حر فيها وبفلوسى وبضربها بفلوسى
برجاوى : حرام عليك دى بنى أدمة وبتحس فين الرحمة؟
الرجل : بقولك جاريتى دى حتى جاية بخسارة عليا ملهاش لزمة مع أنى دفعت فيها
كتير
برجاوى : طب قولى هى عملت ايه بس عشان تبهدلها البهدلة دى كلها؟
الرجل : تصور يا أخينا أقولها تعمل كشرى بدل ما تحط عدس بجبة تحط عدس
اصفر
برجاوى : لا كده ميبقاش كشرى كده يبقى بامية
الرجل : أكل انا ازاى الكشرى كده؟ ذنب مشاعرى الرقيقة ايه لما ابص للكشرى
الاقى فيه اصفر
برجاوى : عندك حق ده حتى اللون الأصفر مش رومانسى فى الكشرى
الرجل : مشاعرى المرهفة متقدرش تستحمل الجريمة البشعة دى فى الكشرى
برجاوى : يعنى من الآخر البت دى مضايقاك أوى؟
الرجل : دى مش بتعرف البصل من التوم يا أخينا
برجاوى : طب هقولك انا هديك لؤلؤة وتسيبهالى وتروح أنت تجيب طباخة بريمو أو
هات كتاب ابلة نظيرة أحسن
الرجل : دى جاية عليا بخسارة خدها .. بس هتعمل بيها ايه دى ملهاش لزمة
برجاوى : خد اللؤلؤة انت بس وعليه العوض فى لؤلؤة المرحوم أبويا عوضين خلف
عبد المسيح الله يرحمك يا أبا ... تعالى يا بنت قوليلى
البنت : نعم يا سيدى
برجاوى : تعرفى تعملى محشى؟
البنت : ايوه يا سيدى
برجاوى : والملوخية أخبارها ايه؟
البنت : تمام يا سيدى
برجاوى : والطشة بتاعة الملوخية بتطشيها كويس؟
البنت : أطش ايه يا سيدى؟
برجاوى : استكفينا
البنت : مش فاهمة يا سيدى
برجاوى : بتفكرينى بالبت استكفينا جارتنا نفس النباهة .. امشى يالا انتى مبقتيش
جارية عند حد انتى حرة اهو ترحمى الناس من أكلك واياكى تطبخى لحد
البنت : ربنا يخليك يا سيدى ربنا يجبر بخاطرك
(تخرج البنت وهى تهلل له )
(يقابل برجاوى طفل صغير يبكى )
برجاوى : مالك يا حبيبى بتعيط ليه؟
الطفل : ماما تاهت منى
برجاوى : بقى ماما هى اللى تاهت منك ... طب تعرف بيتكم فين؟
الطفل : معرفش
برجاوى : طب انت اسمك ايه ؟
الطفل : معرفش
برجاوى : طب ماما اسمها ايه؟
الطفل : معرفش
برجاوى : طب اجبلك حاجة تاكلها؟
الطفل : معرفش
برجاوى : طب حاجة تشربها؟
الطفل : معرفش
برجاوى : طب اجبلك ملبس؟
الطفل : ايوه
برجاوى : الحمد لله كنت بدأت افقد الأمل فيك ... طب تعال معايا يمكن يطلعلك
صاحب
(يدخل صياد فقير )
الصياد : ايه ده يا واد يا يعقوب .. ده أمك قالبة الدنيا عليك
برجاوى : انت تعرفه؟
الصياد : آه ده ابن أم يعقوب عندنا فى القرية بس انت لقيته فين؟
برجاوى : شكل أمه كانت تايهة منه اقصد هو تاه من أمه وأنا لقيته على الطريق بيعيط
الصياد : كده يا يعقوب ده أمك قلبها بيتقطع عليك
برجاوى : طب ممكن ترجعه بيته بقى وكفاية قطعت قلبى انا
الصياد : يا سيد انا مش فاضى
برجاوى : عشان خاطر أمه الغلبانة طيب
الصياد : يا سيد انا كمان عندى عيال وطالع اجيبلهم رزق من البحر وممكن أغيب
فى البحر بالشهر مش فاضى ارجع عيال تايهة عيالى انا هيموتوا من
الجوع
برجاوى : طب اسمع خد اللؤلؤة دى بدل شغل البحر وغيبة الشهر بس بشرط ترجع
الولد لامه توصله لحد البيت هوم دليفيرى يعنى وأبقى هاتله أكل وملبس
فى السكة وعليه العوض فى لؤلؤة المرحوم ابويا عوضين خلف عبد
المسيح الله يرحمك يا أبا
(يخرج الصياد بالطفل )
برجاوى : انا قربت على بيت لحم زى ما النجم ماشى تمام بس هدخل ازاى وأورى
وشى للملك ازاى ؟ انا جاى متأخر ومن غير هدية ... لا انا لازم اروحله
واحكيله عن كل اللى حصل يمكن يسامحنى أنى ضيعت هديته ... هركع
قصاده وأقوله سامحنى يا ملكى على التأخير سامحنى يا ملكى أنى مجبتش
هدية سامحنى يا ملكى ضيعت هديتك فى السكة سامحنى يا ملكى أنى
معنديش حاجة اقدمهالك سامحنى يا رب
(يخرج برجاوى وتدخل 3 لآلئ جميلة )
ال3 لآلئ : احنا لآلئ الطيب برجاوى
لؤلؤة 1 : احنا جينا نقولكم حاجة مهمة أوى
لؤلؤة 2 : ونعرفكم حاجة حلوة أوى
لؤلؤة 3 : احنا مضعناش فى السكة زى ما برجاوى قال
لؤلؤة 1 : احنا بالعكس كان تمنا غالى أوى
لؤلؤة 2 : عشان كنا هدية رحمة
لؤلؤة 3 : ممكن تقدم لبابا يسوع كل حاجة حلوة بس أغلى حاجة عايزها منك ربنا هو
عمل الرحمة
لؤلؤة 1 : الجعان تديله طعام
لؤلؤة 2 : العطشان تديله ميه
لؤلؤة 3 : الغريب تساعده
لؤلؤة 1 : العريان تديله هدوم
لؤلؤة 2 : المريض تزوره
لؤلؤة 3 : المحبوس والمظلوم تسال عنه
لؤلؤة 1 : اى عمل رحمة تعمله كأنك بتعمله فى ربنا بالظبط
لؤلؤة 2 : زى ما قال ربنا فى إنجيل متى 25
لؤلؤة 3 : لانى جعت فاطعمتمونى عطشت فسقيتمونى كنت غريبا فاويتمونى عريانا
فكسوتمونى مريضا فزرتمونى محبوسا فأتيتم إلى ... بما أنكم فعلتموه بأحد
اخوتى هؤلاء الاصاغر فبى قد فعلتم
لؤلؤة 1 : وهى دى أعظم هدية لربنا
لؤلؤة 2 : عشان كده لما برجاوى يروح لربنا ربنا هيفرح بيه ويقوله
ال3 لآلئ : أريد رحمة لا ذبيحة
برجاوى : نعم يا امااااااا
الأم : لبست هدوم العيد يا ضنايا؟
برجاوى : ايوه يا أما دى فانتاستيك
الأم : اهئ اهئ يا حبيبى يا ضنايا
برجاوى : مالك يا أما ليه النكد ده إحنا فى أيام مفترجة
الأم : شبه أبوك الله يقحمه مطرح ما راح
برجاوى : ليه يا أما بس بتدعى على أبويا
الأم : اهئ اهئ كان عنده 3 لآلئ خاف عليهم من الحرامية فخباهم
برجاوى : لآلئ ؟ فين يا أما؟ خباهم فين؟
الأم : هو أنا لو كنت اعرف كان ده بقى حالنا ده ربنا خده قبل ما يقول وطلع السر
الالهى
برجاوى : يعنى متعرفيش حاجة عنهم خالص؟
الأم : يمكن فى الانتريه يمكن فى المطبخ يمكن فى الحمام يمكن فى الدوار كله أو
يمكن فى الباركنج بره
برجاوى : يطلع إيه ده الباركنج يا أما؟
الأم : دى الزريبة اللى بره يا واد بس بالعنجليزى يا خايب
برجاوى : يعنى يوم ما يطلع فى بيتنا مغارة على بابا منعرفش كلمة السر ... طب ما
نجرب ونقول سمسم يمكن حاجة تظهر
الأم : صدقنى يا بنى جربت كل البهارات سمسم فلفل كمون حتى الشطة .... اهئ
اهئ ربنا ريحك يا حبيبى بدرى ده أنت لو كنت لسه قاعد كنت ريحتك أنا
اهئ اهئ
(تخرج الأم)
برجاوى : يا سلام يا وادى يا برجاوى لو الاقى اللآلئ دى اجيب كمبيوتر وموبيل بكاميرا وش وضهر
وعربية بباب واحد وأغير للجاموسة النمر وادهنها احمر.. بس لا لا كده غلط أنى أفكر فى نفسى وبس ... وربنا يسوع راح فين؟ أنا لازم أفكر صح .. اللآلئ دى مش لازم تبقى ليا ... دى لازم تبقى لربنا يسوع هدية هو مين اللى كان قدمله هدايا؟ آه المجوس مع أنى مش فاكر هداياهم كانت ايه...بس يا سلام لو كنت معاهم وأديله هديتى هما كانوا تلاتة أول واحد لابس .... ايه ده الله ده ظهر واحد طب نشوف التانى كان لابس ... الله الله ده التانى اهو وتالت واحد لابس ... الله ده التلاتة هنا
(يظهر الثلاثة مجوس وهما ناظرين للسماء)
مجوسى 1 : ياه بصوا شايفين
مجوسى 2 : ايه اللى فى السما ده ؟
مجوسى 3 : ده أكيد النجم بتاع الملك ملك اليهود
مجوسى 1 : يبقى لازم نروح له ونسجد له
مجوسى 2 : ونقدم هدايا غالية كمان
مجوسى 3 : يا ه ده احنا مستنين النجم ده من سنين ... أتولد الملك العظيم
برجاوى : أنا لازم اجبله أحسن هدية فى الدنيا
مجوسى 1 : أنا هجبله دهب
برجاوى : لالا يا عم الدهب بقى موضة قديمة
مجوسى 1 : وهو الملك يليق بيه ايه أحسن من الدهب
مجوسى 2 : أنا هجيب لبان بخور
برجاوى : بخور؟ أنت رايح لملك مش لكاهن
مجوسى 2 : وماله ملك كاهن الاتنين عملهم عظيم
مجوسى 3 : أنا عن نفسى هجيب مر أعشاب
برجاوى : ايه ده ؟ حد يجيب مر لملك؟
مجوسى 3 : آه عشان يطلع راجل جامد ويستحمل ويشيل عن الناس
مجوسى 1 : إنما أنت قولنا أنت مين و ناوى تجيب ايه اللى يسمع كده يقول هتجيب
قصر
برجاوى : أنا برجاوى عوضين خلف عبد المسيح لا أنا هجيب اللى أغلى من القصر
أنا هجيب لآلئ ورثتها بلا فخر عن المرحوم أبويا عوضين خلف عبد
المسيح عمدة كفر أبو طشت تابع قرية طوخ دلكا مركز تلا منوفية .. الله
يرحمك يا أبا
مجوسى 1 : بقى كل ده وهتجيب حاجة قديمة بتاعة أبوك خلف ابن دلكا؟
برجاوى : اسمه عوضين خلف عبد المسيح عمدة كفر أبو طشت تابع قرية طوخ
دلكا مركز تلا منوفية.. الله يرحمك يا أبا وبعدين دى غالية عليا أوى أنا
لسه هدور عليها بس الاقيها وساعتها هديله أغلى حاجة عندى
مجوسى 1 : خلاص يبقى نسافر كلنا كمان ساعتين ورا النجم
(يخرج الجميع ثم يدخل برجاوى وحيدا )
برجاوى : الله الله هما باين عليهم مشيوا وسابونى ... طب اعمل ايه مش على بال ما
لقيت الهدية ده المرحوم أبويا طلع بيشيل حاجته فى حتت غريبة بشكل .. أول لؤلؤة لقيتها تحت السرير أصل المرحوم أبويا كان بيعز النوم وتانى لؤلؤة لقيتها فى المطبخ أصل المرحوم أبويا كان بيعز الأكل أما تالت لؤلؤة لقيتها فى الحمام لالا متفهموش غلط أصل المرحوم أبويا كان بيعز الحموم الله يرحمك يا أبا أنا هسافر وحدى بقى ورا النجم وامرى لله
(يجد برجاوى فى الطريق شيخ مريض جدا )
الشيخ : آه يانى آه
برجاوى : مالك يا عم ؟ تعبان ؟ حاسس بايه؟
الشيخ : آه يا بنى هموت .. كح كح .. ده أنا غلبان وفقير ومليش حد ده أنا يتيم أبويا
وامى ماتوا وسابونى
برجاوى : أبوك وأمك ؟ يا راجل ده أنت اد جد جدى عبد المسيح ... طب ايه بيوجعك؟
الشيخ : بطنى آه يا بطنى
برجاوى : هنا كده ؟
الشيخ : راسى آه يا راسى
برجاوى : بطنك ولا راسك؟
الشيخ : ضهرى آه يا ضهرى
برجاوى : ايه الخربطة دى من الآخر كلك بيوجعك ولازم تروح التوكيل
الشيخ : بتقول حاجة يا بنى ؟ كح كح
برجاوى : بقول لازم تروح لدكتور
الشيخ : ازاى بس ومين هيودينى ومين هيرعانى ده انا يتيم
برجاوى : طب قوم معايا
الشيخ : على فين يا بنى ؟
برجاوى : هوديك اقرب فندق وهخليهم يجبولك دكتور ويهتموا بيك وعلى الفلوس متقلقش هديهم لؤلؤة وعوضى على الله فى لؤلؤة المرحوم أبويا عوضين خلف عبد المسيح ... الله يرحمك يا أبا
الشيخ : ربنا يخليك يا بنى
برجاوى : طب اسند عليا بالراحة
(ياخد برجاوى الشيخ ويخرج)
(يدخل رجل يضرب امرأة ويقابلهم برجاوى )
برجاوى : ايه ده يا راجل ؟ حرام عليك بتتشطر على حرمة؟
الرجل : وأنت مالك دى الجارية بتاعتى وأنا حر فيها وبفلوسى وبضربها بفلوسى
برجاوى : حرام عليك دى بنى أدمة وبتحس فين الرحمة؟
الرجل : بقولك جاريتى دى حتى جاية بخسارة عليا ملهاش لزمة مع أنى دفعت فيها
كتير
برجاوى : طب قولى هى عملت ايه بس عشان تبهدلها البهدلة دى كلها؟
الرجل : تصور يا أخينا أقولها تعمل كشرى بدل ما تحط عدس بجبة تحط عدس
اصفر
برجاوى : لا كده ميبقاش كشرى كده يبقى بامية
الرجل : أكل انا ازاى الكشرى كده؟ ذنب مشاعرى الرقيقة ايه لما ابص للكشرى
الاقى فيه اصفر
برجاوى : عندك حق ده حتى اللون الأصفر مش رومانسى فى الكشرى
الرجل : مشاعرى المرهفة متقدرش تستحمل الجريمة البشعة دى فى الكشرى
برجاوى : يعنى من الآخر البت دى مضايقاك أوى؟
الرجل : دى مش بتعرف البصل من التوم يا أخينا
برجاوى : طب هقولك انا هديك لؤلؤة وتسيبهالى وتروح أنت تجيب طباخة بريمو أو
هات كتاب ابلة نظيرة أحسن
الرجل : دى جاية عليا بخسارة خدها .. بس هتعمل بيها ايه دى ملهاش لزمة
برجاوى : خد اللؤلؤة انت بس وعليه العوض فى لؤلؤة المرحوم أبويا عوضين خلف
عبد المسيح الله يرحمك يا أبا ... تعالى يا بنت قوليلى
البنت : نعم يا سيدى
برجاوى : تعرفى تعملى محشى؟
البنت : ايوه يا سيدى
برجاوى : والملوخية أخبارها ايه؟
البنت : تمام يا سيدى
برجاوى : والطشة بتاعة الملوخية بتطشيها كويس؟
البنت : أطش ايه يا سيدى؟
برجاوى : استكفينا
البنت : مش فاهمة يا سيدى
برجاوى : بتفكرينى بالبت استكفينا جارتنا نفس النباهة .. امشى يالا انتى مبقتيش
جارية عند حد انتى حرة اهو ترحمى الناس من أكلك واياكى تطبخى لحد
البنت : ربنا يخليك يا سيدى ربنا يجبر بخاطرك
(تخرج البنت وهى تهلل له )
(يقابل برجاوى طفل صغير يبكى )
برجاوى : مالك يا حبيبى بتعيط ليه؟
الطفل : ماما تاهت منى
برجاوى : بقى ماما هى اللى تاهت منك ... طب تعرف بيتكم فين؟
الطفل : معرفش
برجاوى : طب انت اسمك ايه ؟
الطفل : معرفش
برجاوى : طب ماما اسمها ايه؟
الطفل : معرفش
برجاوى : طب اجبلك حاجة تاكلها؟
الطفل : معرفش
برجاوى : طب حاجة تشربها؟
الطفل : معرفش
برجاوى : طب اجبلك ملبس؟
الطفل : ايوه
برجاوى : الحمد لله كنت بدأت افقد الأمل فيك ... طب تعال معايا يمكن يطلعلك
صاحب
(يدخل صياد فقير )
الصياد : ايه ده يا واد يا يعقوب .. ده أمك قالبة الدنيا عليك
برجاوى : انت تعرفه؟
الصياد : آه ده ابن أم يعقوب عندنا فى القرية بس انت لقيته فين؟
برجاوى : شكل أمه كانت تايهة منه اقصد هو تاه من أمه وأنا لقيته على الطريق بيعيط
الصياد : كده يا يعقوب ده أمك قلبها بيتقطع عليك
برجاوى : طب ممكن ترجعه بيته بقى وكفاية قطعت قلبى انا
الصياد : يا سيد انا مش فاضى
برجاوى : عشان خاطر أمه الغلبانة طيب
الصياد : يا سيد انا كمان عندى عيال وطالع اجيبلهم رزق من البحر وممكن أغيب
فى البحر بالشهر مش فاضى ارجع عيال تايهة عيالى انا هيموتوا من
الجوع
برجاوى : طب اسمع خد اللؤلؤة دى بدل شغل البحر وغيبة الشهر بس بشرط ترجع
الولد لامه توصله لحد البيت هوم دليفيرى يعنى وأبقى هاتله أكل وملبس
فى السكة وعليه العوض فى لؤلؤة المرحوم ابويا عوضين خلف عبد
المسيح الله يرحمك يا أبا
(يخرج الصياد بالطفل )
برجاوى : انا قربت على بيت لحم زى ما النجم ماشى تمام بس هدخل ازاى وأورى
وشى للملك ازاى ؟ انا جاى متأخر ومن غير هدية ... لا انا لازم اروحله
واحكيله عن كل اللى حصل يمكن يسامحنى أنى ضيعت هديته ... هركع
قصاده وأقوله سامحنى يا ملكى على التأخير سامحنى يا ملكى أنى مجبتش
هدية سامحنى يا ملكى ضيعت هديتك فى السكة سامحنى يا ملكى أنى
معنديش حاجة اقدمهالك سامحنى يا رب
(يخرج برجاوى وتدخل 3 لآلئ جميلة )
ال3 لآلئ : احنا لآلئ الطيب برجاوى
لؤلؤة 1 : احنا جينا نقولكم حاجة مهمة أوى
لؤلؤة 2 : ونعرفكم حاجة حلوة أوى
لؤلؤة 3 : احنا مضعناش فى السكة زى ما برجاوى قال
لؤلؤة 1 : احنا بالعكس كان تمنا غالى أوى
لؤلؤة 2 : عشان كنا هدية رحمة
لؤلؤة 3 : ممكن تقدم لبابا يسوع كل حاجة حلوة بس أغلى حاجة عايزها منك ربنا هو
عمل الرحمة
لؤلؤة 1 : الجعان تديله طعام
لؤلؤة 2 : العطشان تديله ميه
لؤلؤة 3 : الغريب تساعده
لؤلؤة 1 : العريان تديله هدوم
لؤلؤة 2 : المريض تزوره
لؤلؤة 3 : المحبوس والمظلوم تسال عنه
لؤلؤة 1 : اى عمل رحمة تعمله كأنك بتعمله فى ربنا بالظبط
لؤلؤة 2 : زى ما قال ربنا فى إنجيل متى 25
لؤلؤة 3 : لانى جعت فاطعمتمونى عطشت فسقيتمونى كنت غريبا فاويتمونى عريانا
فكسوتمونى مريضا فزرتمونى محبوسا فأتيتم إلى ... بما أنكم فعلتموه بأحد
اخوتى هؤلاء الاصاغر فبى قد فعلتم
لؤلؤة 1 : وهى دى أعظم هدية لربنا
لؤلؤة 2 : عشان كده لما برجاوى يروح لربنا ربنا هيفرح بيه ويقوله
ال3 لآلئ : أريد رحمة لا ذبيحة
