تفتح الستارة علي مجموعة من العرائس وكأ، حبالها معلقة
موسيق هادئة
صوت النجار
ياللا يا حبايبي ...ياللا يا عرائس ..ياللا يا صنعةايدي ..مبروك عليكم حياتكم الجديدة ..بصوا بقي انا عملت الل يعلي وصنعتكم بكل الاشكال والالوان المختلفة ...ودلوقتي جه دوركم انتو علشان تعيشوا في المدينة بتاعتكوا دي ...ووروني هاتعملوا ايه وتعيشوا ازاي مع بعض وخلوا بالكم انا سامع وشايف وحساس بكل واحد فيكم ..قدامكم 3 شهور بس وبعدها ها جيلكم تاني واشوف كل واحد فيكم عمل ايه ...وعلي العموم اي حد فيكم هيعوزني انتوا عارفين مكاني ..تعالولي انا مستني وهاكون فحران بيكم خلوا بالكم 3 شهور بس ..وادي كتاب اهه لله وصايا لازم تتنفذ قبل ما اجيلكوا ..سامعين
1
سامعين ..سامعين ...سامعين
2
ايه بقي الدوشة اللي انت عملاها دي يا
1
سامعين ده كان صوت النجار اللي صنعنا
2
ايوه تبقي هي دي المدينة الل قال لنا عليها
3
الله دي جميلة اوي ..دي بتاعتنا ..هنعيش فيها لمدة 3 شهور ..الله
1
ياه دي انا تعبانه اوي عاوزه انام
4
بصوا البيوت الجميلة اللي هناك دي ياللا كل واحد فينا يروح يدور وينقي بيت يسكن فيه وبعدها نستريح شوية نرجع نتقابل تاني ..خلاص
3
طبعا لازم نتقابل تاني علشان نتفق ازاي هانعيش في المدينة دي وعلشان بقي نبتدي حياتنا
5
يا 3 يعني ايه حياتنا
اه باتدت الاسئلة .حاضرها قولك بعدين
(من داخل الكواليس) الله البيت ده جميل جدا ..انا هاعيش هنا وانا هنا ، اما البيت ده هنا جميل اوي وانا وانا
(ثم يعود 2 للمسرح)
2
اما انا نمت لي شوية كتير اوي ..ياللا يا جماعة ياللا صح النوم ..كفايةكسل
1
ياه ده انا كنت تعبان اوي
3
المهم يا جماعة ..ما اتفقناش ها نعيش ازاي بقي في المدينة دي وها نبتدي نعمل ايه
4
اول حاجة ناكل وتاني حاجة نشرب وتالت حاجة ننام ورابع حاجة نلعب وووبس
1
يا سلام وبعد ما ناكل ونشرب ويخلص الاكل والشرب ها نجيب تاني منين ..لازم يا فالح نشتغل علشان نقدر نعيش
3
ايوه صح لازم نشتغل ..الله امال هاتلعب امتي .زونلعب ايه ..وتسلي ازاي
2
اه صحيح ..ازاي نتسلي ازاي ..ازياي ..امال فين توتي
3
مش عارف ..يا توتي يا توتي
5
بصوا ..بصوا انا لقيت ايه ؟
4
ايه اللي معاك ده ..وجبته منين
5
مش عارف ..مرة واحدة لقيت الباب بيخبط وقمت فتحت مالقيتش حد ..ولقيت العلبتين دول لكن لسه معرفش فيهم ايه ..بصراحة خفت افتحهم لوحدي
2
هات كده ايه ده دي فيها نجوم ذهبية جميلة جدا
4
ودي فيها دوائر سوداء شكلها وحش قوي
3
خلاص اتحلت يا جماعة انا جات لي فكرة
1
وايه بقي الفكرة يا حكيم زمانك
5
فكرة ح...حكيم زمانك ..يعني ايه الكلام ده ..زي معني كلمة حياتنا
3
الظاهر انك انت اول واحد هاطبق عليه فكرتي
2
متقول ..بق يا 1 ايه هي الفكرة بتاعتك
3
ابدا هي دي التسلية بتاعتنا اننا نلزق لبعض النجوم والدواير دي
5
ايه ده ..يعني ايه .زحد فاهم يا جماعة
1
ها فهمكم يعني العروسة اللي شكلها حلو وبتعمل حاجات كويسة زي كده نلزق لها نجمة ذهبية ..والعروسة اللي مش شاطره وما بتفهامش هه (ينظر لـ ) وشكلها مش حلو نلصق لها دايرة سودا هه ايه بقي رايكوا في الفكرة دي
3
حلوة جدا ...انا موافق ..ها هذيكوا لصق
4
ماشي فكرة كويسة طالما فيها لعب
5
طب احنا هنلزق ايه وامتي ؟
4
بص مرة الصبح ومرة بالليل
5
اه يعني اول ما اصحب الزق واحكدة وقبل ما انام الزق التانية
(الكل يضحك)
1
ها ها ادي اول دايرة من نصيبك
3
استني يا 1 خلينا نفكر بجد ..علي اساس ايه نلزق النجوز والدواير دي (لحظة تفكير)
ايوه صح فاكرين الكتاب الي اداهولنا النجار ..اللي فيه الوصايا وقال انه مهم جدا ..أحنا نقراه ونلزق علي اساسه
2
اه اه صح كلامك ..عداك العيب
4
يا سيدي كبر دماغك لسه هنقرا ..الزق زي ما يعجبك
2
برضه كلامك صح ...اه انت بقي اللي عداك العيب
1
ايه يا ابني انت كل الناس عندك عداهم العيب النهارده
(ينظر 5 حواليه)
3
ايه يا 5 تعالي تعالي بتدور علي ايه ؟؟؟
5
ايه ..بادور علي العيب اللي عدي عليهم ..اصله معدلش علي
(الكل يضحك)
4
يا جماعة خلينا بس في موضوعنا إقرا يا 3 الكتاب وسمعنا الوصابا اللي فيه
2
ايوهن صح ...ياللا اقرا انت بقي
الجميع
عداك العيب ...ها ها ها
3
اول صفحة في اهداء بيقول "الي حبايبي وصنعة ادي اتمني لكم حياة سعيدة في مدينتكم مدينة العرائس وياريت تقرأوا الوصايا كويس وتمشوا بيها وبعد 3 شهور هاكون عندكم واشوف كل واحد فيكم عمل ايه
1
3 شهور ...4 شهور ..مش مشكلة مادام الواحد واثق من نفسه
4
وبعدين معاك يا 1 مش هتبطل غرور بقي ..لو فضلت مغرور كده هنا خد دايرة سوده ..انت حر
5
يعني المغرور يا خد دايرة سوده كويس اديني فهمت حاجة
2
المهم يا 1 بعد الاهداء مكتوب ايه ؟
3
بص يا سيدي ..الوصايا المكتوبة في الكتاب عبارة عن مجموعة آيات
1
يعني نفسر الايات ونفهم معناها هي دي الوصايا
3
بالضبط كده ..اول ايه بتقول "استطيع كل شئ في المسيح الذي يقويني"
4
يعني معني كده اننا لازم نتشجع وما نبقاش خايفين مادام ربنا معانا وهانقدر نعمل حاجات كتير
3
ثاتي واحدة "تعلموا مني لاني وديع ومتواضع القلب تجدون راحة لنفوسكم"
5
معني كده ان الوداعة والتواضع شئ مهم جدا علشان نبقي كويسين
1
بإسم الصليب عليك يا توتي ودي عرفتيها لوحدك كده
3
ثالت ايه ط ليقل الضعيف بطل انا"
2
اه سهلة دي يعني معناها اننا دايما نكون واثقين في نفسنا واننا نقدر نعمل حاجات حلوة كتير ونساعد غيرنا حتي لو كان سننا صغير او ضعفاء
4
اه ..زي داود وجليات كده
3
بالضبط ...رابع اية
(ان سرت في وادي ظل الموت ......................... ..
1
ماشي ادينا قرانا الكتاب وعرفنا الوصايا اللي فيه وكمان شفنا المدينة ما تيجوا نطلع بره نتفرج فيه ايه ..
3
بس خلي بالكوا ان النجار العظيم حذرنا اننا منقربش من وادي الظلام
5
ايه وادي الظلام ده اسم يخوف قوي ..يا ماما ..يا ماما انا مش هراوح معاكوا
4
اه ادي دايرة اه علشان جبان
1
طب نتفرج من بره بس ..مش هندخل
2
اه اه نتفرج من بره بس ...انا موافق
3
علي العموم يا جماعة ان حذرتكم ...انا هاجي معام في كل حتة لكن وادي الظلام لا ..مش هاروح معاكم
5
طب وانا هراوح فين
3
ما تخافش تعالي معايا
1
ماشي ياللا نبتدي رحلتنا ..استنوا ..ايه الصوت ده ؟ مين اللي جاي هناك ..انت مين ..؟
(موسيقي رعب)
الساحر
ها ها ها ..انا الساحر ازعرينا ..انا سمعت كل كلامكم ..كلامك عجبني اوي يا 1 ده انتو اهتشرفونا هناك بس تعالو
1
هناك فين ؟
ازعرينا
هناك في وادي الظلام هتنبسطوا اوي بس تعالوا و ..
3
لأ ...انا قلت لأ ..النجار العظيم قال لأ ...,احنا لازم نسمع كلامه
الساحر
الله الله ما تشخطش في كده (ينظر لـ ) بقولك ايه هو هلي طله كده علي العموم مالكش دعوة بيه ..هاتهم وتعالي انا مستنيكم ها ها ها
2
ايه ده ..مين ده ..شكله كده غريب اوي
1
ويخوف كمان
3
بصوا يا جماعة احنا قلنا كلنا مع بعض نتفرج ومالناش دعوة بالمكان ده سامع يا 1 والاليك دايرة سوده
1
اه ..اه ماشي بس يا للا بينا
(تبدأ الرحلة ..منظر اشجار)
4
الله شفتوا الشجر الحلو ده ..الله التفاح جميل ...ما تيجي ناكل منه
2
اه دانا حت يجعان اوي (ثم يقطف من الشجرة)
الشجرة1
اي اي ..انت يا كابتن ..بتشد في ايه ؟ جبتلي صداع اه يا راسي حرام عليك
2
انا اسف بس اصلي جعان
الشجرة 1
انتوا مين ؟
3
احنا صنعنا النجار العظيم اللي ساكن فوق الجبل وجايين من مدينة العرائس
الشجرة 1
طب وايه اللي جابكوا هنا ؟
1
احنا قولنا نتمشي شوية ونتفرج علي ابلد من بره
4
ايوه وبالمرة نعدي علي وادي الظلام
1
هش ..بس اسكت انت
الشجرة 1
ايه ؟ ؟ وادي الظلام ..انتوا رايحين وادي الظلام
1
عاجبك كده ..شفت عملت ايه ياللا دايره سوده اهه علشان بعد كده تمسك لسانك شوية
الشجرة 1
بلاش ..بلاش بلاش وادي الظلام
شجرة 2
احنا مالنا ..اسكتي احسن ازعرينا يسمعك وانت عرافه هو شديد قد ايه
شجرة 1
علي العموم انا قلت وخلاص انتوا حدين بس خلو بالكو ..ياللا خدوا مني شوية تفاح علشان تاكلوه
5
Merci يا طنط شجرة انا بحبك جدا جدا
1
ها ها merci يا طنط شجرة علي التفاح
3
انت بتتريق عليها ..خد بقي دايرة سوده علشان تبطل تريقه
4
يلالا بينا نكمل لحسن رجلي وجعتني من الوقفة
(صوتهم من الخارج)
1
الله المكان ده جميل اوي ما تيجوا نلعب فيه شويه
2
ايوه عندك حق بس نلعب ايه ..ايوه نلعب مساكه
4
ماشي ..ماشي انا موافق
3
يبقي انت اللي تمسكنا ..يلا للا غمض عينيك
5
(تدخل المسرح)
لما استخبي هنا ما حدش هيشوفني ..بس استخبي فين ..ايه ده ..ده في بير ..ايوه ها ستخبي هنا فيه ياللا 1 ...2 ...تا...
المنقذ
استني خلي بالك انت رايحة فين
5
أأأنا داخلة استخبري في البير اصل احنا بنلعب مساكه ..وبعدين انت مين ؟
المنقذ
انت متعرفيش ان البيره ده عميق جدا ولو وقعت فيه مش هتعرفي تطلعي تاني ابدا
5
اه صح عندك حق ....انااسفة ..بس انت مين ؟
المنقذ
انا المنقذ بعتني النجار العظيم ليك انت واصحابك علشان اساعدكم
(الكل ينادي علي توتي)
يا توتي انت رحت فين ؟
المنقذ
وقت ما تحتاجو مساعدة هتلاقوني جنبكمك قولي كده لاصحابك بس انتوا نادو وقولوا با منقذ (يختفي المنقذ)
1
ايه يا بنتي انت رحت فين افتكرناكي تهت و
5
(مذهولة)
3
ايه يا توتي مالك ..فيه ايه ..مبلحقه كده ليه
5
اصل انا كنت هاقع في البير لكن المنقذ انقذني ذ
2
منقذ ...انت كنت بتحلمي والا ايه ؟
5
صدقوني ده حتي قالي لو محاجين اي حاجة نادوا وقولوا يا منقذولازم نكون واثقين انه فعلا هينقذنا
1
ايه ده ...شامين ريحة الشياط ..دي توتي سخنة اوي ..باين الخشب بتاعها بيشيط ها ها ها ..يا بنتي بطلي هلوسة يوه ..احنا هنفضل نتكلم فيا لموضوع ده كتير ماتياللا بينا نكمل الفرجة بتاعتنا
2
ايوه صح نكمل بقي الفرجة
1
بصوا ..بصوا اليافطة المكتوبة هناك دي ايه ؟
3
دي مكتوبة عليها الي وادي الظلام ..ياللا نبعد بسرعة
5
انا خايفة قوي وخشبي بيخبط في بعض وبيزيق
1
مالكو كده خايفين ليه ؟ مش ده مكان زي اللي فاتوا ما ندخ لنشوف في ايه
3
لأ ..النجار العظيم قال بلاش وادي الظلام
4
وفاكرين كمان كلام الشجرة عنه
2
ايوه صح انا فاكر كلامها كويس دي كانت خايفة اوي
1
احنا هندخل شويه صغيريه وهنطلع علي طول ..ما تخافوش
3
لأ ...انا مش هادخل ..يا جماعة بلاش تدخلوا
ازعرينا
اهلا...أهلا ...انتواوصلتوا ....ازيكو يا كتاكيت مالكوا واقفين بره ليه ما تدخلوا تنورونا بدل الظملة اللي احنا فيها دي
5
لو سمحت يا طنط ازعرينا هو جوه ظلمة اوي
ازعرينا
لا ابدا تعالي وانت تشوفي ده انت عينك هتوجعك من النور
1
طيب طيب احنا هندخل بس علي شرط شوية صغيرين ما تجي معايا يا 2
2
اه ماشي اجي وماجيش ليه صغير والا صغير
1
وانت يا 4طبعا موافق دول 5 دقائق بس
4
مش فارقة معايا اجي
3
لأ لأ انتوا نسيتوا كلام النجار العظيم
ازعرينا
النجار العظيم ...لا لا دي كلها 5 قائق وبعدين مش لازم تقولوا له
3
لأ مش ممكن نكدب عليه ..احنا بنحبه جدا لانه هو اللي صنعنا وعلي العموم انا مش داخل
1
يا 5 عارفة لو جبتي معايا هاديكي نجمةوالا اقولك نجمتين
5
بجد ..بجد خلاص انا جاية
ازعرينا
ياللا ادخلوا بسرعة ..اهلا بيكوا ...وانت بقي ها تندم انك مدخلتش
3
علي العموم انا مستنيكم بره ...ما تتأخروش وخلوا بالكم من نفسكم لكن انا هامش ورا كلام النجار
(في وادي الظلام)
2
ايوه صح ما يخوفش ...بس هو ما فيش ناس هنا ولا ايه يا طنط ازعرينا
ازعرينا
ناس ها ها ها طبعا في ناس وها تقبلوهم بس ما تستعجلوش
4
الله شايفين الشجرة اللي هناك دي حلوة اد ايه شايفين التفاح اللي فيها احمر ازاي ..اكيد طعمه حلواوي ..
(ويقطف التفاحة ويأكلها ويجده مره جدا)
4
ايه ده مالها مره اوي كده ليه
ازعرينا
لا لا ..انت لسه ما ختش علي طعمها
1
المهم بس خلونا نتفرج ها نبتدي من فين يا ازعرينا
ازعرينا
من الحته اللي تريحكوا ما هي كلها مولة لبعضيها ها ها ها
4
خلاص نبتدي من عند الشجرة دي
5
بصوا بصوا اللي هناك ده ..تعالوا نشوف ده ايه ده
(ويخرجوا من المسرح ويظهر 3)
3
اف بقي ..يا تري بيعملوا ايه جوه ؟ انا قلت لهم بلاش تدخولا ..علي العموم انا مش هامشي غير لما يطلعوا
الحارس
برافو عليك يا 3 ان مبسوطه منك
3
ايه ده ؟ حضرتك مين
الحارس
انا اسمي الحارس وجيت يمكن تحتاج مساعدتي
3
انا فعلا محتاج لمساعدة ...اصل اصحابي دخلوا وادي الظلام مع ان النجار العظيم قال لنا بلاش ندخل ومش عارف ايه اللي بيحصل لهم جوه
الحارس
ما تخافش تعالي معايا و انا هاخليك تشوفهم وتطمن عليهم ومن غير ما تدخل
3
ازاي ومن غير ما ادخل
الحارس
تعالي معايا بس
(ويخرجوا من المسرح ويدخل الباقي)
توتي
انتوا شايفين النجوم الكثيرة دى .. لما اروح اخذ فى كام نجمة منهم بدل الدواير اللى على دى .
"و تذهب توتى الى النجوم و تقع فى حفرة"
توتى
اه اه الحقونى .. انقذونى .. خشبى باين عليه اتكسر .. اه اه .
1
يا ازعرينا الحقينا .. توتى وقعت فى حفرة .. يا جماعة تعالوا نطلعها .
4
يوه بقى .. احنا ناقصين شغل اطفال .. ما احنا قلنا نسبها بره احسن
2
و ده وقته يا اخى تعالى ساعدنا .. ياللا يا توتى امسكى ايدى كويس .
1
هبه ياللا شد .. هاتطلع اهه .. هيه هيه الحمد لله انت بخير ؟
توتى
يعنى .. رجلى بتوجعنى شوية .
4
مش تبقى تغدى بالك .. لازم يعنى نجوم .. اديكى ما طلعتيش بولا واحدة .. علشان تبطلى طمع .
ازعرينا
الكركبة دى ؟ هو فى ايه ؟
2
ابدا اصل توتى وقعت و الحمد لله طلعناها .
ازعرينا
ها ها ها (بينها و بين نفسها) ادى اول فخ ها ها ها (بصوت عالى) ماعلش يا كتاكيتى بس خلوا بالكوا بعد كده .. ياللا نكمل رحلتنا (بينها و بين نفسها) و ياما هتشوفوا .
الله حلو اوى اللى انتوا مازقينوا ده
"كل واحد يمسك النجوم الذهبية اللى عليه"
ازعرينا
لا لا .. انا بتكلم على الدواير السودة .. اصل بحب الدواير السودة اوى .
توتى
بس انا عايزة اخذ نجوم ذهبية كثير .
1
يوه بقى ماسكتى شوية .. خلينا نعرف نتفرج وط تزوديهم دايرة .
ازعرينا
هو بيزعلك كده ليه ؟ .. و كلهم بيعملوكى كده ليه ؟
توتى
ياللا بقى ما هم اكبر منى .
ازعرينا
طب و فيها ايه ؟ دا انت حلوه و جميلة .. اوعى تخليهم يعاملوكى كده تانى .. وا انت احسن منهم كلهم .
توتى
فعلا .. انا لازم اخليهم يعاملونى احسن من كده الا هو مافيش حاجة مثيرة هنا .
ازعرينا
لا مش دلوقتى .. اكيد هتوصله بس فى الاخر .. بعد الفرجة (فى سرها ده لو وصلتوا) عن عن اذنكوا ثوانى و راجعة .
2
هو مافيش ميه هنا الواحد عطشان قوى .
1
اكيد تعالى ندور و احنا هنلاقى .
"يظهر الحارس و 3"
الحارس
لا بلاش الميه يا ريت مايلقوهاش .
3
ليه هو فيه ايه ؟
الحارس
اصل الميه .. اوعى تشرب .. اصلها مسمومة .
2
اه اه بطنى .. مغص جامد اوى فى بطنى .. مش قادر .. الحقونى .
1
ايه اللى حصل لله .. نعمل ايه ؟ يا ازعرينا انت رحت فين تعالى .
"يظهر الحارس و 3"
3
طب ما تيجى ندخل علشان تنقذهم .
الحارس
لا .. احنا ماندخلش لكن ماتخافش .. الحل فى ايديهم بس يفتكروه .
3
الحل هو ايه ؟
"فى وادى الظلام"
توتى
اه فاكرين يا جماعة المنقذ اللي حيكتولوكوا عليه نادي عليه يا 2
4
وده وقته شغل الاطفال بتاعك ..احلمي بعيد عننا
توتي
نادي يا 2 قول يا منقذ وهتشوف ..جرب ..قول
2
يا ..اه اه مش قادر يا ممنقذ
المنقذ
انا اهه ..مين نادي علي وايه اللي حصل ؟
توتي
الحقنا 2 شرب ميه ومش عارفين ايه اللي حصله
المنقذ
ماتخافوش اناهعالجه واصحيه قبل ما السم يموته
1
ايه سم هي الميه فيها سم ..طب عالجه بسرعة
المنقذ
(يطلع كأس ماء من جيبه ويعطيه لـ2 ) اصحي اشربي ياللا علشان تقومي
2
انا فين وايه اللي حصللي ؟
4
حمد الله علي سلامتك ده انت كنت هاتضيع خالص لولا المنقذ
2
شكر ..الله هو راح فين ..علي العموم شكرا
توتي
صدقتوا بقي كلامي
4
يا جماعة المكان ده بقي بيخوف اوي ..كل شوية تحصل لنا حاجة ز.ما تيجي نطلع بقي
ازعرينا
ايه يا كتاكيتي ..رايحين فين ..الرحلة لسه ما خلصتش
2
اصل احنا اتأخرنا ولازم نطلع
ازعرينا
تطلعوا ..طيب الكنز مين اللي هيأخذه هه يا 1
1
ايوه صح الكنز ..انا لازم اوصلله
توتي
بس انا بقيت خايفة اوي من هنا
4
وبعدين هنستني ايه تاني ..كفاية اوي ماللي حصلنا
1
وبعدين بقي انا قلت كلمة ..تبقي هي الكلمة ولا لازم تسمعوا كلامي
4
ليه يعني كنت الرئيس بتاعتنا
1
طبعا في حد فيكوا في ذكائي ولا فيجمالي ولا انا غلطان يا 2
2
ايه لا طبعا انت احسن منهم
4
وانت هتقول ايه غير كده ما نت علي طول ماشي ورا كلامه ..منقاد ..منقاد
2
منقاد ..ايوه صح عنك حق
ازعرينا
صح كده الخطة ماشية تمام التمام ..لازم كلكوا تكرهوا بعض ..يا جماعة جه وقت الكنز بقي
1
مين مين الكنز قولي بسرعة
ازعرينا
تعالوا ورايا من هنا ....اتفضلوا
(يظهر 3 والحارس)
3
يا تري ايه الكنز ده
الحارس
انت فاكر انه كنز بجد ده مجرد فخ
3
طب ما تيجي نحذرهم دول برضه اصحابي
الحارس
لا انت عارف ان الحل في ايديهم
(مظهر وادي الظلام)
1
اه اليافطة ..يبقي احنا كده وصلنا صح
ازعرينا
بالضبط كده بس لازم واحد بس اللي يخش
1
انا طبعا انا
2
ايه ده اشمعنا انت اللي تدخل ..ليه ما يكنش انا
1
ايه ده بقي ليك شخصية وما تقدرش تتحكم في تاني
4
مادام وصلنا بقي للجد يبقي انا اللي المفروض ادخل ..انا اكبركم سنا
توتي
لا انا عايزة ادخل اشمعنا انتوا
ازعرينا
وبعدين بقي ما ترسيلكوا علي بر ..حين اللي ها يدخل
1
انا طبعا ...ياللا بينا و ...ما تخافوش هبقي اديكوا شوية من الكنز
ازعرينا
ياللا بينا يا 1 الكنز مستنيك
1
هاه اعمل ايه يا ازعرينا ...اخذ الكنز ازاي
ازعرينا
شايف الذراع اللي هناك ده ..شده بس كويس ز.هتلاقي الكنز فيايدك ..يا للا شد
1
حاضر يا للا هوب
(يقع قفص عليه)
ازعرينا
ها ها ها اخيرا وقعت في الفخ يا مغرور
1
فخ ..فخ ايه ..ده انا معاكي علي طول الخط ..ده انا للي خلتهم يدخلوا هنا
ازعرينا
وانت فاكر ان اللي انت عاملته ده صح ..مين اللي قال لك ما تسمعش كلام النجار
1
بقي دي اخرتها يا ازعرينا
ازعرينا
طبعا ه انا كنت عايزه غير كده
1
طب انت ها تعملي في ايه
ازعرينا
ما تخافش ...تغيير بسيط وبعدها هتكون واحد مننا منكم ..انتوا مين
ازعرينا
ها ها ...احنا هتشوف احنا مين ..تعالوا يا ولادي
1
ايه ده . لأ مش عايز ابقي كده .زخذوانجومي خذوا اي حاجة بس سبيني اطلع
ازعرينا
تطلع بكل بساطة ...مش انت اللي اخترت تدخل هنا يا للا اتسمل بقي
(مظهر 3 والحارس)
3
عاجبك كده اللي بيحصلك ...بس انت اللي اخترت ..يا ما حذرتك ..والعمل دلوقتي يا حارس ..هنسيبوا يتحول ..يبقي زيهم
الحارس
ما انت عارف يا 3 مانقدرش ندخل والحل ف ايده
3
انا عارفه انه مغرور ومش هيحس انه مهزوم ولا هينادي علي المنقذ
الحارس
علي العموم هو عارف الحل وعليه انه يختار
(مظهر وادي الظلام)
1
الحقوني ..انتو فين يا اصحابي ..انقذوني
2
ننقذك ما انت شايف الوحوش مسكانا ازاي
4
طب وبعدين ..هنعمل ايه دلوقتي ؟
توتي
ايه يا جماعة ..هو انا هفضل افكركوا علي طول باله
ازعرينا
منقذ ..مين اللي قال اكلمة دي اوعوا سامع حد فيكم يقولها تاني ...يللا يا وحوش خلصوني بسرعة
توتي
يا 1 مالكش دعوة بيها ..قول يا منقذ ياللا بسرعة
1
مش قادر ..مش قادر يقولها معقولة هيايجيني
4
وليه لأ ..ما هو جالنا كلنا
1
انا اسف يا جماعة ..انا السبب في كل ده ..حاولوا تهربوا واما انا انتهيت خلاص
4
لأ مش ممكن نسيبك احنا دخلنا كلنا مع بعض وهه برضه كلنا مع بعض
توتي
خليك واثق انه فعلا هينقذك ..قول بصوت عالي واحنا معاك
كلهم
ياللا 1 قول يا منقذ
1
يا يا يا لا مش قادر
كلهم
حاول
1
يا مممنقذي يا منقذ يا منقذ (وكلهم معاه) يا
ازعرينا
لا لا ..ليه تنادي ..أنا هاوريك
المنقذ
انا هو لا تخافوا ..انا جيت علشان اخلصكوا
1
اشكرك اشكرك انك سمعتني وجيت
(المنقذ يفتح السجن ويطلع 1 ويدخل ازعرينا واتباعها وهي تصرخ)
المنقذ
ياللا بينا ..بس قبل ما نطلع اقرأوا الورقة بس ازعرينا قالت لنا بلاش الورقة دي بالذات اقرأوها وبس وهانطلع علي طول
2
(ويذهب ويأتي بها) اعطيتكم سلطان ان تدوسوا الحيات والعقارب وكل قوات العدو
ازعرينا واتباعها
لا لا ...
المنقذ
ياللا اجروا بسرعة ..اهربوا ..الكهف هيقع عليكوا اجروا محدش يبص وراه ..ياللا بسروعة
(الكل يجري ويطلع لـ 3 والحارس)
3
ياه اخيرا طلعتوا ..حمد لله علي السلامة شفتوا اخر عدم طاعتكوا لكلام النجار العظيم
1
ايه ده انت كنت شايفنا ..ومين اللي معاك ده ؟
3
الحارس الي بعته النجار علشان يحرسنا ما هو اللي خلاني اشفكوا
4
ياجماعة انتوا ملاحظين ان المنقذ ما طلعش
توتي
ايوه صح اخر مرة شفته كان ساند باب الكهف
2
يبقي اكيد وقع عليه ومات ..مات علشان ينقذنا
3
خسارة ..طب وهو ذنبه ايه
1
صح المفروض كان احنا اللي نموت ..مش هو ..انا زعلان جدا
الحارس
باقولكوا ايه ارجعوا المدينة بسرعة علشان ميعادكوا مع النجار العظيم خلاص قرب
4
ايوه صح دول الـ 3 شهو رعدوا خلاص ياللا بينا نرجع بسرعة
الحارس
عن اذنكوا انا بقي
2
رايح فين ..أنت مش جاي معانا ؟
الحارس
لا طبعا ..أنا ورايا حاجات تانية ...عن اذنكم
توتي
ياللابسرعة ...احسن النجار العظيم ييجي ومايلقيناش
(ويذهبوا الي المدينة)
3
ياللا يا جماعة تعالوا نتجمع هنا ..خلاص هو جاي حالا
1
واديني جبت الكتاب اهه معايا
2
بس اوعي حد يقول له علي وادي الظلام ..اتفقنا
كلهم
ماشي ماشي
(ويأتي النجار العظيم) او (المنقذ)
4
ايه ده المنقذ ..انت مش مت في وادي الظلام
توتي
علي العموم انا فرحانة اوي انك ما متش ..تعالي بقي استني معانا النجار العظيم
(الحارس يدخل)
3
الحارس كمان ..الها وسهلا بيك في مدينتنا
الحارس
انتا مستنيين مين ؟
2
مستنيين مين ؟ ما انت عارف ..مستنيين النجار العظيم
الحارس
الله طب ما هو واقف قدامكوا اهه
4
ايه ؟ يعني المنقذ هو النجار العظيم
توتي
يعني النجار العظيم هو اللي نزل وانقذنا من وادي الظلام
1
يعني كنت عارف اننا رايحين وادي الظلام
المنقذ
طبعا ..كنت عارف ..بس كنت مديلكوا حرية الاختيار وكنت علي طول جنبكوا حتي لما غلطوا جيت انقذتكم بس انا كنت مستني تنادوني من قلبكم
3
ياه ...با منـ... قصدي يا نجار يا عظيم قد ايه اانت حنين ..أحنا كلنا اسفين
المنقذ
طب انا عايز اعرف دلوقتي كل واحد فيكوا اتعلم ايه
توتي
انا اتعلمت اني ما اقلدش الكبار في كل حاجة ...كل حاجة ي وقتها وكمان الاية اللي قرأتها في الكتاب "ليقل الضعيف بطل انا" يعني مهما كنت صغيرة وضعيفة بإيدك وبقوتك هابقي بطلة كبيرة اوي merci اوي يا بابا النجار العظيم ..وانا بقي اتعلمت اني لازم اهتم واخلي بالي من كل حاجة حواليا ..مش تبقي كل حاجة مش فارقة معايا ..يعني الغلط زيالصح ..لا لازم افكر وافرق بين الغلط والصح وكمان الاية اللي بتقول
2
ايوه ..أنا برضه اتعلمت حاجة ..ان مش اي حد يقول كلمة امشي وراه ...زي ما هما عندهم عقل انا كما عندي عقل ولازم افكر زيهم ..ما ابقاش زي البغبان وعجبتني اوي الاية اللي بتقول "العقل يحفظك والفهم ينصرك"
1
اما انا بقي فمكسوف اوي ...غروري كان هيضيعني وطمعي كمان .. يا ريتني كنت سمعت كلامك منالاول يا بابا النجار وعرفت ان مش كل حاجة الشكل والجمال بالعكس ده بالمحبة والتواضع والوداعة هبقي انسان كويس جدا وكل الناس تحبني وكمان الاية اللي بتقول "تعلموا مني لاني وديع ومتواضع القلب تجدون راحة لنفوسكم" شكرا يا بابا النجار
3
وانا اتعلمت اني لازم برضه اساعد اصحابي مش اقف من بره وافترج عليهم ..كان لازم اقنعهم انهم مايدخلوش ...دول اخواتي حبايبي واني اقدر اعمل كل حاجة مادام انت جانبي وفي ايه عجبتني اوي"استطيع كل شئ في المسيح الذي يقويني"
النجار
انا فرحان اوي منكوا ومسامحكوا كلكوا يا اولادي يا حبايبي ودلوقتي جه الوقت اللي اشيل فيه كل الدواير السوده واحط بدلها نجوم كثيره تلمع عليكوا .ونلطع فوق عندي
توتي
عندك فين طب والمدينة دي حلوة اوي
النجار
مش دي مدينتكوا ..مدينتكوا الاصلية فوق وبعدين فوق مالم تره عين وما لم تسمع به اذن وانتوا كمان يا حبايبي يا اولادي ما تخافوش انامعاكوا واديتكوا سلطان انكوا تدوسوا الحيات والعقارب بس ما تنسوش لواحتجتوني نادوا من قلوبكم ...اطلبوني وساعتها جنبك هلتلاقوني
"ما تفوت يا زمان"
الي هنا اعاننا الرب
شكرا ليك يا رب
موسيق هادئة
صوت النجار
ياللا يا حبايبي ...ياللا يا عرائس ..ياللا يا صنعةايدي ..مبروك عليكم حياتكم الجديدة ..بصوا بقي انا عملت الل يعلي وصنعتكم بكل الاشكال والالوان المختلفة ...ودلوقتي جه دوركم انتو علشان تعيشوا في المدينة بتاعتكوا دي ...ووروني هاتعملوا ايه وتعيشوا ازاي مع بعض وخلوا بالكم انا سامع وشايف وحساس بكل واحد فيكم ..قدامكم 3 شهور بس وبعدها ها جيلكم تاني واشوف كل واحد فيكم عمل ايه ...وعلي العموم اي حد فيكم هيعوزني انتوا عارفين مكاني ..تعالولي انا مستني وهاكون فحران بيكم خلوا بالكم 3 شهور بس ..وادي كتاب اهه لله وصايا لازم تتنفذ قبل ما اجيلكوا ..سامعين
1
سامعين ..سامعين ...سامعين
2
ايه بقي الدوشة اللي انت عملاها دي يا
1
سامعين ده كان صوت النجار اللي صنعنا
2
ايوه تبقي هي دي المدينة الل قال لنا عليها
3
الله دي جميلة اوي ..دي بتاعتنا ..هنعيش فيها لمدة 3 شهور ..الله
1
ياه دي انا تعبانه اوي عاوزه انام
4
بصوا البيوت الجميلة اللي هناك دي ياللا كل واحد فينا يروح يدور وينقي بيت يسكن فيه وبعدها نستريح شوية نرجع نتقابل تاني ..خلاص
3
طبعا لازم نتقابل تاني علشان نتفق ازاي هانعيش في المدينة دي وعلشان بقي نبتدي حياتنا
5
يا 3 يعني ايه حياتنا
اه باتدت الاسئلة .حاضرها قولك بعدين
(من داخل الكواليس) الله البيت ده جميل جدا ..انا هاعيش هنا وانا هنا ، اما البيت ده هنا جميل اوي وانا وانا
(ثم يعود 2 للمسرح)
2
اما انا نمت لي شوية كتير اوي ..ياللا يا جماعة ياللا صح النوم ..كفايةكسل
1
ياه ده انا كنت تعبان اوي
3
المهم يا جماعة ..ما اتفقناش ها نعيش ازاي بقي في المدينة دي وها نبتدي نعمل ايه
4
اول حاجة ناكل وتاني حاجة نشرب وتالت حاجة ننام ورابع حاجة نلعب وووبس
1
يا سلام وبعد ما ناكل ونشرب ويخلص الاكل والشرب ها نجيب تاني منين ..لازم يا فالح نشتغل علشان نقدر نعيش
3
ايوه صح لازم نشتغل ..الله امال هاتلعب امتي .زونلعب ايه ..وتسلي ازاي
2
اه صحيح ..ازاي نتسلي ازاي ..ازياي ..امال فين توتي
3
مش عارف ..يا توتي يا توتي
5
بصوا ..بصوا انا لقيت ايه ؟
4
ايه اللي معاك ده ..وجبته منين
5
مش عارف ..مرة واحدة لقيت الباب بيخبط وقمت فتحت مالقيتش حد ..ولقيت العلبتين دول لكن لسه معرفش فيهم ايه ..بصراحة خفت افتحهم لوحدي
2
هات كده ايه ده دي فيها نجوم ذهبية جميلة جدا
4
ودي فيها دوائر سوداء شكلها وحش قوي
3
خلاص اتحلت يا جماعة انا جات لي فكرة
1
وايه بقي الفكرة يا حكيم زمانك
5
فكرة ح...حكيم زمانك ..يعني ايه الكلام ده ..زي معني كلمة حياتنا
3
الظاهر انك انت اول واحد هاطبق عليه فكرتي
2
متقول ..بق يا 1 ايه هي الفكرة بتاعتك
3
ابدا هي دي التسلية بتاعتنا اننا نلزق لبعض النجوم والدواير دي
5
ايه ده ..يعني ايه .زحد فاهم يا جماعة
1
ها فهمكم يعني العروسة اللي شكلها حلو وبتعمل حاجات كويسة زي كده نلزق لها نجمة ذهبية ..والعروسة اللي مش شاطره وما بتفهامش هه (ينظر لـ ) وشكلها مش حلو نلصق لها دايرة سودا هه ايه بقي رايكوا في الفكرة دي
3
حلوة جدا ...انا موافق ..ها هذيكوا لصق
4
ماشي فكرة كويسة طالما فيها لعب
5
طب احنا هنلزق ايه وامتي ؟
4
بص مرة الصبح ومرة بالليل
5
اه يعني اول ما اصحب الزق واحكدة وقبل ما انام الزق التانية
(الكل يضحك)
1
ها ها ادي اول دايرة من نصيبك
3
استني يا 1 خلينا نفكر بجد ..علي اساس ايه نلزق النجوز والدواير دي (لحظة تفكير)
ايوه صح فاكرين الكتاب الي اداهولنا النجار ..اللي فيه الوصايا وقال انه مهم جدا ..أحنا نقراه ونلزق علي اساسه
2
اه اه صح كلامك ..عداك العيب
4
يا سيدي كبر دماغك لسه هنقرا ..الزق زي ما يعجبك
2
برضه كلامك صح ...اه انت بقي اللي عداك العيب
1
ايه يا ابني انت كل الناس عندك عداهم العيب النهارده
(ينظر 5 حواليه)
3
ايه يا 5 تعالي تعالي بتدور علي ايه ؟؟؟
5
ايه ..بادور علي العيب اللي عدي عليهم ..اصله معدلش علي
(الكل يضحك)
4
يا جماعة خلينا بس في موضوعنا إقرا يا 3 الكتاب وسمعنا الوصابا اللي فيه
2
ايوهن صح ...ياللا اقرا انت بقي
الجميع
عداك العيب ...ها ها ها
3
اول صفحة في اهداء بيقول "الي حبايبي وصنعة ادي اتمني لكم حياة سعيدة في مدينتكم مدينة العرائس وياريت تقرأوا الوصايا كويس وتمشوا بيها وبعد 3 شهور هاكون عندكم واشوف كل واحد فيكم عمل ايه
1
3 شهور ...4 شهور ..مش مشكلة مادام الواحد واثق من نفسه
4
وبعدين معاك يا 1 مش هتبطل غرور بقي ..لو فضلت مغرور كده هنا خد دايرة سوده ..انت حر
5
يعني المغرور يا خد دايرة سوده كويس اديني فهمت حاجة
2
المهم يا 1 بعد الاهداء مكتوب ايه ؟
3
بص يا سيدي ..الوصايا المكتوبة في الكتاب عبارة عن مجموعة آيات
1
يعني نفسر الايات ونفهم معناها هي دي الوصايا
3
بالضبط كده ..اول ايه بتقول "استطيع كل شئ في المسيح الذي يقويني"
4
يعني معني كده اننا لازم نتشجع وما نبقاش خايفين مادام ربنا معانا وهانقدر نعمل حاجات كتير
3
ثاتي واحدة "تعلموا مني لاني وديع ومتواضع القلب تجدون راحة لنفوسكم"
5
معني كده ان الوداعة والتواضع شئ مهم جدا علشان نبقي كويسين
1
بإسم الصليب عليك يا توتي ودي عرفتيها لوحدك كده
3
ثالت ايه ط ليقل الضعيف بطل انا"
2
اه سهلة دي يعني معناها اننا دايما نكون واثقين في نفسنا واننا نقدر نعمل حاجات حلوة كتير ونساعد غيرنا حتي لو كان سننا صغير او ضعفاء
4
اه ..زي داود وجليات كده
3
بالضبط ...رابع اية
(ان سرت في وادي ظل الموت ......................... ..
1
ماشي ادينا قرانا الكتاب وعرفنا الوصايا اللي فيه وكمان شفنا المدينة ما تيجوا نطلع بره نتفرج فيه ايه ..
3
بس خلي بالكوا ان النجار العظيم حذرنا اننا منقربش من وادي الظلام
5
ايه وادي الظلام ده اسم يخوف قوي ..يا ماما ..يا ماما انا مش هراوح معاكوا
4
اه ادي دايرة اه علشان جبان
1
طب نتفرج من بره بس ..مش هندخل
2
اه اه نتفرج من بره بس ...انا موافق
3
علي العموم يا جماعة ان حذرتكم ...انا هاجي معام في كل حتة لكن وادي الظلام لا ..مش هاروح معاكم
5
طب وانا هراوح فين
3
ما تخافش تعالي معايا
1
ماشي ياللا نبتدي رحلتنا ..استنوا ..ايه الصوت ده ؟ مين اللي جاي هناك ..انت مين ..؟
(موسيقي رعب)
الساحر
ها ها ها ..انا الساحر ازعرينا ..انا سمعت كل كلامكم ..كلامك عجبني اوي يا 1 ده انتو اهتشرفونا هناك بس تعالو
1
هناك فين ؟
ازعرينا
هناك في وادي الظلام هتنبسطوا اوي بس تعالوا و ..
3
لأ ...انا قلت لأ ..النجار العظيم قال لأ ...,احنا لازم نسمع كلامه
الساحر
الله الله ما تشخطش في كده (ينظر لـ ) بقولك ايه هو هلي طله كده علي العموم مالكش دعوة بيه ..هاتهم وتعالي انا مستنيكم ها ها ها
2
ايه ده ..مين ده ..شكله كده غريب اوي
1
ويخوف كمان
3
بصوا يا جماعة احنا قلنا كلنا مع بعض نتفرج ومالناش دعوة بالمكان ده سامع يا 1 والاليك دايرة سوده
1
اه ..اه ماشي بس يا للا بينا
(تبدأ الرحلة ..منظر اشجار)
4
الله شفتوا الشجر الحلو ده ..الله التفاح جميل ...ما تيجي ناكل منه
2
اه دانا حت يجعان اوي (ثم يقطف من الشجرة)
الشجرة1
اي اي ..انت يا كابتن ..بتشد في ايه ؟ جبتلي صداع اه يا راسي حرام عليك
2
انا اسف بس اصلي جعان
الشجرة 1
انتوا مين ؟
3
احنا صنعنا النجار العظيم اللي ساكن فوق الجبل وجايين من مدينة العرائس
الشجرة 1
طب وايه اللي جابكوا هنا ؟
1
احنا قولنا نتمشي شوية ونتفرج علي ابلد من بره
4
ايوه وبالمرة نعدي علي وادي الظلام
1
هش ..بس اسكت انت
الشجرة 1
ايه ؟ ؟ وادي الظلام ..انتوا رايحين وادي الظلام
1
عاجبك كده ..شفت عملت ايه ياللا دايره سوده اهه علشان بعد كده تمسك لسانك شوية
الشجرة 1
بلاش ..بلاش بلاش وادي الظلام
شجرة 2
احنا مالنا ..اسكتي احسن ازعرينا يسمعك وانت عرافه هو شديد قد ايه
شجرة 1
علي العموم انا قلت وخلاص انتوا حدين بس خلو بالكو ..ياللا خدوا مني شوية تفاح علشان تاكلوه
5
Merci يا طنط شجرة انا بحبك جدا جدا
1
ها ها merci يا طنط شجرة علي التفاح
3
انت بتتريق عليها ..خد بقي دايرة سوده علشان تبطل تريقه
4
يلالا بينا نكمل لحسن رجلي وجعتني من الوقفة
(صوتهم من الخارج)
1
الله المكان ده جميل اوي ما تيجوا نلعب فيه شويه
2
ايوه عندك حق بس نلعب ايه ..ايوه نلعب مساكه
4
ماشي ..ماشي انا موافق
3
يبقي انت اللي تمسكنا ..يلا للا غمض عينيك
5
(تدخل المسرح)
لما استخبي هنا ما حدش هيشوفني ..بس استخبي فين ..ايه ده ..ده في بير ..ايوه ها ستخبي هنا فيه ياللا 1 ...2 ...تا...
المنقذ
استني خلي بالك انت رايحة فين
5
أأأنا داخلة استخبري في البير اصل احنا بنلعب مساكه ..وبعدين انت مين ؟
المنقذ
انت متعرفيش ان البيره ده عميق جدا ولو وقعت فيه مش هتعرفي تطلعي تاني ابدا
5
اه صح عندك حق ....انااسفة ..بس انت مين ؟
المنقذ
انا المنقذ بعتني النجار العظيم ليك انت واصحابك علشان اساعدكم
(الكل ينادي علي توتي)
يا توتي انت رحت فين ؟
المنقذ
وقت ما تحتاجو مساعدة هتلاقوني جنبكمك قولي كده لاصحابك بس انتوا نادو وقولوا با منقذ (يختفي المنقذ)
1
ايه يا بنتي انت رحت فين افتكرناكي تهت و
5
(مذهولة)
3
ايه يا توتي مالك ..فيه ايه ..مبلحقه كده ليه
5
اصل انا كنت هاقع في البير لكن المنقذ انقذني ذ
2
منقذ ...انت كنت بتحلمي والا ايه ؟
5
صدقوني ده حتي قالي لو محاجين اي حاجة نادوا وقولوا يا منقذولازم نكون واثقين انه فعلا هينقذنا
1
ايه ده ...شامين ريحة الشياط ..دي توتي سخنة اوي ..باين الخشب بتاعها بيشيط ها ها ها ..يا بنتي بطلي هلوسة يوه ..احنا هنفضل نتكلم فيا لموضوع ده كتير ماتياللا بينا نكمل الفرجة بتاعتنا
2
ايوه صح نكمل بقي الفرجة
1
بصوا ..بصوا اليافطة المكتوبة هناك دي ايه ؟
3
دي مكتوبة عليها الي وادي الظلام ..ياللا نبعد بسرعة
5
انا خايفة قوي وخشبي بيخبط في بعض وبيزيق
1
مالكو كده خايفين ليه ؟ مش ده مكان زي اللي فاتوا ما ندخ لنشوف في ايه
3
لأ ..النجار العظيم قال بلاش وادي الظلام
4
وفاكرين كمان كلام الشجرة عنه
2
ايوه صح انا فاكر كلامها كويس دي كانت خايفة اوي
1
احنا هندخل شويه صغيريه وهنطلع علي طول ..ما تخافوش
3
لأ ...انا مش هادخل ..يا جماعة بلاش تدخلوا
ازعرينا
اهلا...أهلا ...انتواوصلتوا ....ازيكو يا كتاكيت مالكوا واقفين بره ليه ما تدخلوا تنورونا بدل الظملة اللي احنا فيها دي
5
لو سمحت يا طنط ازعرينا هو جوه ظلمة اوي
ازعرينا
لا ابدا تعالي وانت تشوفي ده انت عينك هتوجعك من النور
1
طيب طيب احنا هندخل بس علي شرط شوية صغيرين ما تجي معايا يا 2
2
اه ماشي اجي وماجيش ليه صغير والا صغير
1
وانت يا 4طبعا موافق دول 5 دقائق بس
4
مش فارقة معايا اجي
3
لأ لأ انتوا نسيتوا كلام النجار العظيم
ازعرينا
النجار العظيم ...لا لا دي كلها 5 قائق وبعدين مش لازم تقولوا له
3
لأ مش ممكن نكدب عليه ..احنا بنحبه جدا لانه هو اللي صنعنا وعلي العموم انا مش داخل
1
يا 5 عارفة لو جبتي معايا هاديكي نجمةوالا اقولك نجمتين
5
بجد ..بجد خلاص انا جاية
ازعرينا
ياللا ادخلوا بسرعة ..اهلا بيكوا ...وانت بقي ها تندم انك مدخلتش
3
علي العموم انا مستنيكم بره ...ما تتأخروش وخلوا بالكم من نفسكم لكن انا هامش ورا كلام النجار
(في وادي الظلام)
2
ايوه صح ما يخوفش ...بس هو ما فيش ناس هنا ولا ايه يا طنط ازعرينا
ازعرينا
ناس ها ها ها طبعا في ناس وها تقبلوهم بس ما تستعجلوش
4
الله شايفين الشجرة اللي هناك دي حلوة اد ايه شايفين التفاح اللي فيها احمر ازاي ..اكيد طعمه حلواوي ..
(ويقطف التفاحة ويأكلها ويجده مره جدا)
4
ايه ده مالها مره اوي كده ليه
ازعرينا
لا لا ..انت لسه ما ختش علي طعمها
1
المهم بس خلونا نتفرج ها نبتدي من فين يا ازعرينا
ازعرينا
من الحته اللي تريحكوا ما هي كلها مولة لبعضيها ها ها ها
4
خلاص نبتدي من عند الشجرة دي
5
بصوا بصوا اللي هناك ده ..تعالوا نشوف ده ايه ده
(ويخرجوا من المسرح ويظهر 3)
3
اف بقي ..يا تري بيعملوا ايه جوه ؟ انا قلت لهم بلاش تدخولا ..علي العموم انا مش هامشي غير لما يطلعوا
الحارس
برافو عليك يا 3 ان مبسوطه منك
3
ايه ده ؟ حضرتك مين
الحارس
انا اسمي الحارس وجيت يمكن تحتاج مساعدتي
3
انا فعلا محتاج لمساعدة ...اصل اصحابي دخلوا وادي الظلام مع ان النجار العظيم قال لنا بلاش ندخل ومش عارف ايه اللي بيحصل لهم جوه
الحارس
ما تخافش تعالي معايا و انا هاخليك تشوفهم وتطمن عليهم ومن غير ما تدخل
3
ازاي ومن غير ما ادخل
الحارس
تعالي معايا بس
(ويخرجوا من المسرح ويدخل الباقي)
توتي
انتوا شايفين النجوم الكثيرة دى .. لما اروح اخذ فى كام نجمة منهم بدل الدواير اللى على دى .
"و تذهب توتى الى النجوم و تقع فى حفرة"
توتى
اه اه الحقونى .. انقذونى .. خشبى باين عليه اتكسر .. اه اه .
1
يا ازعرينا الحقينا .. توتى وقعت فى حفرة .. يا جماعة تعالوا نطلعها .
4
يوه بقى .. احنا ناقصين شغل اطفال .. ما احنا قلنا نسبها بره احسن
2
و ده وقته يا اخى تعالى ساعدنا .. ياللا يا توتى امسكى ايدى كويس .
1
هبه ياللا شد .. هاتطلع اهه .. هيه هيه الحمد لله انت بخير ؟
توتى
يعنى .. رجلى بتوجعنى شوية .
4
مش تبقى تغدى بالك .. لازم يعنى نجوم .. اديكى ما طلعتيش بولا واحدة .. علشان تبطلى طمع .
ازعرينا
الكركبة دى ؟ هو فى ايه ؟
2
ابدا اصل توتى وقعت و الحمد لله طلعناها .
ازعرينا
ها ها ها (بينها و بين نفسها) ادى اول فخ ها ها ها (بصوت عالى) ماعلش يا كتاكيتى بس خلوا بالكوا بعد كده .. ياللا نكمل رحلتنا (بينها و بين نفسها) و ياما هتشوفوا .
الله حلو اوى اللى انتوا مازقينوا ده
"كل واحد يمسك النجوم الذهبية اللى عليه"
ازعرينا
لا لا .. انا بتكلم على الدواير السودة .. اصل بحب الدواير السودة اوى .
توتى
بس انا عايزة اخذ نجوم ذهبية كثير .
1
يوه بقى ماسكتى شوية .. خلينا نعرف نتفرج وط تزوديهم دايرة .
ازعرينا
هو بيزعلك كده ليه ؟ .. و كلهم بيعملوكى كده ليه ؟
توتى
ياللا بقى ما هم اكبر منى .
ازعرينا
طب و فيها ايه ؟ دا انت حلوه و جميلة .. اوعى تخليهم يعاملوكى كده تانى .. وا انت احسن منهم كلهم .
توتى
فعلا .. انا لازم اخليهم يعاملونى احسن من كده الا هو مافيش حاجة مثيرة هنا .
ازعرينا
لا مش دلوقتى .. اكيد هتوصله بس فى الاخر .. بعد الفرجة (فى سرها ده لو وصلتوا) عن عن اذنكوا ثوانى و راجعة .
2
هو مافيش ميه هنا الواحد عطشان قوى .
1
اكيد تعالى ندور و احنا هنلاقى .
"يظهر الحارس و 3"
الحارس
لا بلاش الميه يا ريت مايلقوهاش .
3
ليه هو فيه ايه ؟
الحارس
اصل الميه .. اوعى تشرب .. اصلها مسمومة .
2
اه اه بطنى .. مغص جامد اوى فى بطنى .. مش قادر .. الحقونى .
1
ايه اللى حصل لله .. نعمل ايه ؟ يا ازعرينا انت رحت فين تعالى .
"يظهر الحارس و 3"
3
طب ما تيجى ندخل علشان تنقذهم .
الحارس
لا .. احنا ماندخلش لكن ماتخافش .. الحل فى ايديهم بس يفتكروه .
3
الحل هو ايه ؟
"فى وادى الظلام"
توتى
اه فاكرين يا جماعة المنقذ اللي حيكتولوكوا عليه نادي عليه يا 2
4
وده وقته شغل الاطفال بتاعك ..احلمي بعيد عننا
توتي
نادي يا 2 قول يا منقذ وهتشوف ..جرب ..قول
2
يا ..اه اه مش قادر يا ممنقذ
المنقذ
انا اهه ..مين نادي علي وايه اللي حصل ؟
توتي
الحقنا 2 شرب ميه ومش عارفين ايه اللي حصله
المنقذ
ماتخافوش اناهعالجه واصحيه قبل ما السم يموته
1
ايه سم هي الميه فيها سم ..طب عالجه بسرعة
المنقذ
(يطلع كأس ماء من جيبه ويعطيه لـ2 ) اصحي اشربي ياللا علشان تقومي
2
انا فين وايه اللي حصللي ؟
4
حمد الله علي سلامتك ده انت كنت هاتضيع خالص لولا المنقذ
2
شكر ..الله هو راح فين ..علي العموم شكرا
توتي
صدقتوا بقي كلامي
4
يا جماعة المكان ده بقي بيخوف اوي ..كل شوية تحصل لنا حاجة ز.ما تيجي نطلع بقي
ازعرينا
ايه يا كتاكيتي ..رايحين فين ..الرحلة لسه ما خلصتش
2
اصل احنا اتأخرنا ولازم نطلع
ازعرينا
تطلعوا ..طيب الكنز مين اللي هيأخذه هه يا 1
1
ايوه صح الكنز ..انا لازم اوصلله
توتي
بس انا بقيت خايفة اوي من هنا
4
وبعدين هنستني ايه تاني ..كفاية اوي ماللي حصلنا
1
وبعدين بقي انا قلت كلمة ..تبقي هي الكلمة ولا لازم تسمعوا كلامي
4
ليه يعني كنت الرئيس بتاعتنا
1
طبعا في حد فيكوا في ذكائي ولا فيجمالي ولا انا غلطان يا 2
2
ايه لا طبعا انت احسن منهم
4
وانت هتقول ايه غير كده ما نت علي طول ماشي ورا كلامه ..منقاد ..منقاد
2
منقاد ..ايوه صح عنك حق
ازعرينا
صح كده الخطة ماشية تمام التمام ..لازم كلكوا تكرهوا بعض ..يا جماعة جه وقت الكنز بقي
1
مين مين الكنز قولي بسرعة
ازعرينا
تعالوا ورايا من هنا ....اتفضلوا
(يظهر 3 والحارس)
3
يا تري ايه الكنز ده
الحارس
انت فاكر انه كنز بجد ده مجرد فخ
3
طب ما تيجي نحذرهم دول برضه اصحابي
الحارس
لا انت عارف ان الحل في ايديهم
(مظهر وادي الظلام)
1
اه اليافطة ..يبقي احنا كده وصلنا صح
ازعرينا
بالضبط كده بس لازم واحد بس اللي يخش
1
انا طبعا انا
2
ايه ده اشمعنا انت اللي تدخل ..ليه ما يكنش انا
1
ايه ده بقي ليك شخصية وما تقدرش تتحكم في تاني
4
مادام وصلنا بقي للجد يبقي انا اللي المفروض ادخل ..انا اكبركم سنا
توتي
لا انا عايزة ادخل اشمعنا انتوا
ازعرينا
وبعدين بقي ما ترسيلكوا علي بر ..حين اللي ها يدخل
1
انا طبعا ...ياللا بينا و ...ما تخافوش هبقي اديكوا شوية من الكنز
ازعرينا
ياللا بينا يا 1 الكنز مستنيك
1
هاه اعمل ايه يا ازعرينا ...اخذ الكنز ازاي
ازعرينا
شايف الذراع اللي هناك ده ..شده بس كويس ز.هتلاقي الكنز فيايدك ..يا للا شد
1
حاضر يا للا هوب
(يقع قفص عليه)
ازعرينا
ها ها ها اخيرا وقعت في الفخ يا مغرور
1
فخ ..فخ ايه ..ده انا معاكي علي طول الخط ..ده انا للي خلتهم يدخلوا هنا
ازعرينا
وانت فاكر ان اللي انت عاملته ده صح ..مين اللي قال لك ما تسمعش كلام النجار
1
بقي دي اخرتها يا ازعرينا
ازعرينا
طبعا ه انا كنت عايزه غير كده
1
طب انت ها تعملي في ايه
ازعرينا
ما تخافش ...تغيير بسيط وبعدها هتكون واحد مننا منكم ..انتوا مين
ازعرينا
ها ها ...احنا هتشوف احنا مين ..تعالوا يا ولادي
1
ايه ده . لأ مش عايز ابقي كده .زخذوانجومي خذوا اي حاجة بس سبيني اطلع
ازعرينا
تطلع بكل بساطة ...مش انت اللي اخترت تدخل هنا يا للا اتسمل بقي
(مظهر 3 والحارس)
3
عاجبك كده اللي بيحصلك ...بس انت اللي اخترت ..يا ما حذرتك ..والعمل دلوقتي يا حارس ..هنسيبوا يتحول ..يبقي زيهم
الحارس
ما انت عارف يا 3 مانقدرش ندخل والحل ف ايده
3
انا عارفه انه مغرور ومش هيحس انه مهزوم ولا هينادي علي المنقذ
الحارس
علي العموم هو عارف الحل وعليه انه يختار
(مظهر وادي الظلام)
1
الحقوني ..انتو فين يا اصحابي ..انقذوني
2
ننقذك ما انت شايف الوحوش مسكانا ازاي
4
طب وبعدين ..هنعمل ايه دلوقتي ؟
توتي
ايه يا جماعة ..هو انا هفضل افكركوا علي طول باله
ازعرينا
منقذ ..مين اللي قال اكلمة دي اوعوا سامع حد فيكم يقولها تاني ...يللا يا وحوش خلصوني بسرعة
توتي
يا 1 مالكش دعوة بيها ..قول يا منقذ ياللا بسرعة
1
مش قادر ..مش قادر يقولها معقولة هيايجيني
4
وليه لأ ..ما هو جالنا كلنا
1
انا اسف يا جماعة ..انا السبب في كل ده ..حاولوا تهربوا واما انا انتهيت خلاص
4
لأ مش ممكن نسيبك احنا دخلنا كلنا مع بعض وهه برضه كلنا مع بعض
توتي
خليك واثق انه فعلا هينقذك ..قول بصوت عالي واحنا معاك
كلهم
ياللا 1 قول يا منقذ
1
يا يا يا لا مش قادر
كلهم
حاول
1
يا مممنقذي يا منقذ يا منقذ (وكلهم معاه) يا
ازعرينا
لا لا ..ليه تنادي ..أنا هاوريك
المنقذ
انا هو لا تخافوا ..انا جيت علشان اخلصكوا
1
اشكرك اشكرك انك سمعتني وجيت
(المنقذ يفتح السجن ويطلع 1 ويدخل ازعرينا واتباعها وهي تصرخ)
المنقذ
ياللا بينا ..بس قبل ما نطلع اقرأوا الورقة بس ازعرينا قالت لنا بلاش الورقة دي بالذات اقرأوها وبس وهانطلع علي طول
2
(ويذهب ويأتي بها) اعطيتكم سلطان ان تدوسوا الحيات والعقارب وكل قوات العدو
ازعرينا واتباعها
لا لا ...
المنقذ
ياللا اجروا بسرعة ..اهربوا ..الكهف هيقع عليكوا اجروا محدش يبص وراه ..ياللا بسروعة
(الكل يجري ويطلع لـ 3 والحارس)
3
ياه اخيرا طلعتوا ..حمد لله علي السلامة شفتوا اخر عدم طاعتكوا لكلام النجار العظيم
1
ايه ده انت كنت شايفنا ..ومين اللي معاك ده ؟
3
الحارس الي بعته النجار علشان يحرسنا ما هو اللي خلاني اشفكوا
4
ياجماعة انتوا ملاحظين ان المنقذ ما طلعش
توتي
ايوه صح اخر مرة شفته كان ساند باب الكهف
2
يبقي اكيد وقع عليه ومات ..مات علشان ينقذنا
3
خسارة ..طب وهو ذنبه ايه
1
صح المفروض كان احنا اللي نموت ..مش هو ..انا زعلان جدا
الحارس
باقولكوا ايه ارجعوا المدينة بسرعة علشان ميعادكوا مع النجار العظيم خلاص قرب
4
ايوه صح دول الـ 3 شهو رعدوا خلاص ياللا بينا نرجع بسرعة
الحارس
عن اذنكوا انا بقي
2
رايح فين ..أنت مش جاي معانا ؟
الحارس
لا طبعا ..أنا ورايا حاجات تانية ...عن اذنكم
توتي
ياللابسرعة ...احسن النجار العظيم ييجي ومايلقيناش
(ويذهبوا الي المدينة)
3
ياللا يا جماعة تعالوا نتجمع هنا ..خلاص هو جاي حالا
1
واديني جبت الكتاب اهه معايا
2
بس اوعي حد يقول له علي وادي الظلام ..اتفقنا
كلهم
ماشي ماشي
(ويأتي النجار العظيم) او (المنقذ)
4
ايه ده المنقذ ..انت مش مت في وادي الظلام
توتي
علي العموم انا فرحانة اوي انك ما متش ..تعالي بقي استني معانا النجار العظيم
(الحارس يدخل)
3
الحارس كمان ..الها وسهلا بيك في مدينتنا
الحارس
انتا مستنيين مين ؟
2
مستنيين مين ؟ ما انت عارف ..مستنيين النجار العظيم
الحارس
الله طب ما هو واقف قدامكوا اهه
4
ايه ؟ يعني المنقذ هو النجار العظيم
توتي
يعني النجار العظيم هو اللي نزل وانقذنا من وادي الظلام
1
يعني كنت عارف اننا رايحين وادي الظلام
المنقذ
طبعا ..كنت عارف ..بس كنت مديلكوا حرية الاختيار وكنت علي طول جنبكوا حتي لما غلطوا جيت انقذتكم بس انا كنت مستني تنادوني من قلبكم
3
ياه ...با منـ... قصدي يا نجار يا عظيم قد ايه اانت حنين ..أحنا كلنا اسفين
المنقذ
طب انا عايز اعرف دلوقتي كل واحد فيكوا اتعلم ايه
توتي
انا اتعلمت اني ما اقلدش الكبار في كل حاجة ...كل حاجة ي وقتها وكمان الاية اللي قرأتها في الكتاب "ليقل الضعيف بطل انا" يعني مهما كنت صغيرة وضعيفة بإيدك وبقوتك هابقي بطلة كبيرة اوي merci اوي يا بابا النجار العظيم ..وانا بقي اتعلمت اني لازم اهتم واخلي بالي من كل حاجة حواليا ..مش تبقي كل حاجة مش فارقة معايا ..يعني الغلط زيالصح ..لا لازم افكر وافرق بين الغلط والصح وكمان الاية اللي بتقول
2
ايوه ..أنا برضه اتعلمت حاجة ..ان مش اي حد يقول كلمة امشي وراه ...زي ما هما عندهم عقل انا كما عندي عقل ولازم افكر زيهم ..ما ابقاش زي البغبان وعجبتني اوي الاية اللي بتقول "العقل يحفظك والفهم ينصرك"
1
اما انا بقي فمكسوف اوي ...غروري كان هيضيعني وطمعي كمان .. يا ريتني كنت سمعت كلامك منالاول يا بابا النجار وعرفت ان مش كل حاجة الشكل والجمال بالعكس ده بالمحبة والتواضع والوداعة هبقي انسان كويس جدا وكل الناس تحبني وكمان الاية اللي بتقول "تعلموا مني لاني وديع ومتواضع القلب تجدون راحة لنفوسكم" شكرا يا بابا النجار
3
وانا اتعلمت اني لازم برضه اساعد اصحابي مش اقف من بره وافترج عليهم ..كان لازم اقنعهم انهم مايدخلوش ...دول اخواتي حبايبي واني اقدر اعمل كل حاجة مادام انت جانبي وفي ايه عجبتني اوي"استطيع كل شئ في المسيح الذي يقويني"
النجار
انا فرحان اوي منكوا ومسامحكوا كلكوا يا اولادي يا حبايبي ودلوقتي جه الوقت اللي اشيل فيه كل الدواير السوده واحط بدلها نجوم كثيره تلمع عليكوا .ونلطع فوق عندي
توتي
عندك فين طب والمدينة دي حلوة اوي
النجار
مش دي مدينتكوا ..مدينتكوا الاصلية فوق وبعدين فوق مالم تره عين وما لم تسمع به اذن وانتوا كمان يا حبايبي يا اولادي ما تخافوش انامعاكوا واديتكوا سلطان انكوا تدوسوا الحيات والعقارب بس ما تنسوش لواحتجتوني نادوا من قلوبكم ...اطلبوني وساعتها جنبك هلتلاقوني
"ما تفوت يا زمان"
الي هنا اعاننا الرب
شكرا ليك يا رب
