المكان :- "سنتر في الكنيسة"
(يدخل جون عن يسار المسرح وهو يتكلم فى الموبايل)
جون لا يا مايكل انا هنا من بدري ولسة محدش جه ..... يا بني بقولك هنا من بدري ؛ طيب يالا متأخرش علشان استاذ عماد زمانه جي بسرعة ... بيس يا مان , الحمد لله أنا أول واحد جيت >>>>(تدخل ماريان من يمين المسرح)
ماريان مش بالظبط يا سي جون
جون مين .... ماريان >>>>> (تدخل راندا) وراندا كمان الله الله هو انتو دخلتوا هنا أزاي دة انا المفروض معايا مفاتيح السنتر
راندا ما احنا عارفين عمايلك يا سي جون وهتلطعنا زي المرة اللي فاتت
ماريان فروحنا عادينا علي تاسوني كرستين وأخدنا منها المفاتيح
جون وطبعاً زي العادة عاطيتكم محاضرة عن النظام
راندا وأن احنا منجيش عند حاجة
ماريان ومالناش دعوة بكمبيوترات بتاعت السنتر
راندا والباقي أنت عارفه
جون عارفه وحافظة >>>> (تدخل نانسي)
نانسي هو أية دة اللي حافظة يا سي جون
جون هه نانسي النص طبعاً يا بنتي .... طيب دة أنا امبارح سهرت أكتبه هنا في المركز لحد الساعة 2 الصبح
ماريان يا سلام الكنيسة فضلت مفتوحة لحد الساعة 2 الصبح
جون لا مهما اقفلوا عليا وفضلت قاعد لغاية ما حضرت القداس وروحت
راندا يا فشــــــــــــــــــــــــــــار
جون مش مصدقاني طيب وحيااااااااااااة
ماريان بس بس خلاص مصدقينك
نانسي هو أستاذ عماد لسة مجاش
راندا لسة
نانسي ولا مايكل
ماريان ولا مايكل ... أنا عارفة أية مخرجين الأيام دي اللي بيجوا متأخريين ... الله يرحمك يا أستاذ اسحق كان بيجي قبل الكل
جون ربنا يرحمه ونسافر زيــه أمريكا !!!!
مايكل ها يا جماعة .... أخرت عليكوا ؟
جون أنت جيت بسرعة يعني؟؟؟؟
مايكل أنا طبيعي كنت قريب وقلت أتأكد أنك هنا علشان متلطعنيش زي كل مرة
جون طيب يا سيدي أدينا هنا كلنا
مايكل وأستاذ عماد لسة مجاش
نانسي لسة ......... أدينا مستنيين
راندا بقولكوا أية .... أنا لازم أروح بسرعة حاكم أنتوا متعرفوش قانون 8.5
مايكل أية قانون 8.5
راندا أة ده قانون عندنا في البيت " راندا ممنوع تأخري عن 8.5 ">>>>>( تقلد والدتها)
الأب لو أخرتي عن 8.5هتعرفي شغلك
راندا طب ما أخواتي الولاد بيأخروا وبيسهروا
(الأب والأم يشيرون إليها بأصابعهم " أنتي بنت ")
راندا أنا بنت ... وعلشان بنت في كتير من المحظورات عليا ... ممنوع آخر حتي ولو في الكنيسة
الأب ممنوع تجيبي صحباتك البيت
الأم ممنوع تلبسي دة أو دة
راندا ليه
الأم دة مش لبس بناتنا
راندا ما هو كل البنات لابسينه
الأب أحنا مش زي البنات دول
ماريان ومايكل أنتي بنت المسيح >>>> "يشيرون إليها بأصبعهم "
ماريان وفيها أيه يعني يا ست راندا أشكري ربنا أن في حد بيسأل فيكي من أصله أو يتكلم معاكي
نانسي لية يا ست ماريان .... قاعدة مع خرس ؟؟؟؟
ماريان يا ريت ... ده أنا قاعدة مع طرش
جون أيه...... طرش
ماريان آة ... الوحيدة اللي ممكن أحكي معاها هي تيتة وتيتة طبعاً سمعها تقيل تسمع كلمة وتهنج عشرة
مايكل وأبوكي وأمك
ماريان بابا .... راجل البيت معندوش تفاهم , الحوار شيء مش في قاموسة وحاسس أنه لو أتفاهم معايا مرة واحدة مش هيقدر يمشي كلامه تاني
راندا وماما
ماريان ماما دي ربنا يساعدها هتسمع مين ولا مين البيت كبير والحمل تقيل وبابا عامل رعب في البيت اجي أتكلم و أقول لا
الأم أخرسي ابوكي لو سمعك هيطين عشتك وعشتي حرام عليكي أتهدي
ماريان حرام عليا ... لية أنا مش أنسانه وليا رأي
الأب رأي.... رأي أية يا ست ماريان هو أحنا ودناكي المدارس علشان يبقا ليك رأي
ماريان أسمع الكلام دة وأجري علي طول علي السرير وأعيط ... مخدتني دى هي صدقتي الوحيدة
نانسي غبية أيوة غبية مبتصوليش كتير انا غبية وعارفة كدا كويس بس هعمل اية أنا كدا ربنا خالقني كده
شخص 1 خسارة ... البت دي بتذاكر كتير فعلاً ناحرة نفسها علي الكتاب بس غبية
شخص 2 البت دي لو عندها شوية ذكاء كانت تبقي من الأوائل
نانسي غبية في المدرسة بذاكروأذاكر وأذاكر ... بس كل الناس بتقول عليا غبية ممكن أجيب صفر من عشرين والشهر التاني خمسة من عشرين والناس تقول
الكل برضه غبية
نانسي صدقوني يا ناس أنا ذكرت أنا حاولت ولكن
شخص 1 الغبي غبي متحاوليش
نانسي نيجي بقي للبيت
الأم البت دي غبية أنا عارفة هتتجوز أزاي ولا مين هيرضى بيها
الأب اية اللي عاملتيه ده هي ناقصه غباءك
الأم أنتي طول ما أنتي كدا بتعقديني من حياتي أنا عارفة اللي هيتجوزك هيبصلك علي أية
نانسي بس لية يا ربي حرمتني من الذكاء ... بس لو كان عندي شوية ذكاء بس
مايكل ولو كنت اذكى بني أدم في الكون برضه مش زي أبانوب أبن خالتك"مقلدا امه " ياماما ابانوب حاجة وأنا حاجة تاني
الأم أبانوب حاجة وأنا حاجة ولية متبقاش زي أبانوب تقل أية عن أبانوب
الأب يا اخي نقصك أية عنه أكل وأكلك أحسن منه لبس وأحسن لبس عندك مدرسين بيجولك لحد البيت ناقصك أية
مايكل يا بابا
الأم يا أخي حس علي دمك دا أنا مش قادرة أوري وشي لخالتك من يوم ما ظهرت النتيجة
مايكل يا ماما .... أنا أحسن من ناس كتير
الأب فين يا خويا هاتلي واحد بس أنت أحسن منه ... دا أنت حتي محصلتش مينا أبن عمتك
مايكل يووه زهقتوني بين مينا وأبانوب حرام عليكوا
الأم وعلي أيه دا البنت نفين جيرانا
مايكل كفاية ... كفاية أنا مش زي حد
جون "يا أخي حاول تتغير .... حاول تبقي زي أصحابك" (مقلداً والده) أنا حاجة وهما حاجة ... أنا ربنا خلقتني كده
الأم ماله هدر صاحبك متبقاش زييه ليه
جون ياماما هدرا حاجة وأنا حاجة ... وبعدين هدرا فيه حاجات كتير وحشة أنتي متعرفيهاش
الأم خد الحلو منه وسيب الوحش
جون أنا مش هاتغير أنا كده ليه بتحاولوا تغيروني
الأب حد يكره أنه يكون أحسن
جون يا بابا يا حبيبي مفيش إنسان خالي من العيوب ... أنا زي ما في مساؤي في حاجات كتير حلوة
الأم يا جون يا بني احنا عاوزينك أحسن واحد في الدنيا
جون أنا فعلاً أحسن واحد لو فضل جون هو جون
الأب أنت عنيد يا جون
الأم ومسيرك يوم تحس وتعرف غلطتك
الأب بس بعد ما يكون عدي الوقت
ماريان هو فعلاً عدي الوقت وأنا أبتدبت أمل ... هنقعد كده مستنيين
راندا ايوة فعلاً الوقت هيروح والساعة 8.5 هتيجي
مايكل طب هنعمل أيه يعني
جون أيه رأيكم نشغل الكومبيوترات
راندا لأ يا عم جون نتاسوني كرستين تزعل
نانسي آه وبعدين متدخلناش هنا تاني هنا
مايكل وهي ايه اللي هيعرفها بس
ماريان أفرض جت ياسي مايكل
جون مالكوش دعوة أنا بخدم هنا في السنتر ومحدش هايكلمني
راندا طب وبعدين هنعمل أية علي الكمبيوتر ... أنا زهقانه ومش عاوزه أسمع حاجة
جون تعرفوا تلعبو ميدل ... لا طبعاً ... طب أية رايكوا ندخل نت ؟؟؟
نانسي نت
جون آيوة نشيت يعني ...
راندا لا يا عم أبونا قال مش أي موقع شات تدخلوه
جون استنوا بس الموقع اللي هقولكوا علية مضمون ميه في الميه
نانسي إيه هو ده
جون أسمه "liberty of kingdom"
ماريان أيه يعني أيه
جون يعني مملكة الحرية
مايكل الله اسم جميل
ماريان ويا تري بقي أيه حكاية الموقع ده ؟؟؟
جون الموقع ده عبارة عن مدينة تخيلية
نانسيتخيلية ... ازاي يعني !!جونيعني مش في الواقع .... حاجة كده علي النت وبسرانداها وبعدين ..... كمل
جون وهناك ممكن تاخد أي دور يعجبك في الحياة وتعيشه
ماريان يعني أيه ..... أي دور أي دور؟؟؟
جون أي دور من أول الكينج أو الكوين اللي هو الملك أو الملكة لحد عامل النظافة في المدينة
مايكل وعلي كده ايه الشروط ؟؟
جون مفيش أي شروط المكان هناك كله حرية
نانسي طب وهندخل ازاي
جون بسيطة أنتي ما عليكي غير إنك تملي شوية بيانات وتجاوبي علي كام سؤال وساعتها هتبقي citizenأو مواطنة في مملكة الحرية ...... الله أنتوا رحتوا فين طب أستنوني هندخل كلنا مع بعض
++ نهاية المشهد الأول ++
المشهد الثاني
المكان :- "القصر الملكي"
ماريان أعزائي مشاهدي ومستمعي قنوات وإذاعات ليبرتي كينج دم معكم ماريان مراد من القصر الملكي لمملكتنا السعيدة الليبرتي كنج دم حيث ننقل المؤتمر الخامس عشر للحزب الدكتاتوري والذي ترأسه ملكتنا الهنية ذات الطلعة البهية الملكة المفترية ... عفواً الديمقراطية الملكة راندا
نانسي تـــــعيــــــش الــــملـــــكة رانــــــدا >>>>>> " يرددون"
أنطون لا كــــويــــــــــن ألا رنـــــــــــــــــدا >>>>>> " يرددون"
جانيت راندا هي الكوين والكوين هي راندا >>>>>> " يرددون"
راندا شكراً .... شكراً ... شعبي الحبيب شعب ليبرتي كنج دم >>> " وتصمت "
توم في ايه هي سكتت لية ؟؟
ديانا مش عارفه
راندا أنتوا مبتصقفوش لية ؟؟
نانسي يالا يابني صقفوا صقفوا
راندا شكراً شكراً .... أنتوا عارفين طبعاً انا بحبكم قد أيه
جون هيه .. هيه عظمة علي عظمة >>>> " تشير إلي أثنان يأخذونه "
راندا وعارفين طبعاً أنا بتعب علشان خاطر المملكة
نانسي ايه نصقف ؟؟؟
راندا أيوة طبعاً
نانسي يالا يابني صقفوا صقفوا
راندا شكراً شكراً وعشان كدا أنا قررت وده طبعاً بعد ما أخدت رأيكم
هيلين أخدت رأينا في أيه ... هو حد خد رأينا في حاجة ؟
راندا مش مهم تعبروا عن رأيكم ..... أنا واحده من الشعب وعارفة أيه هو رايكم ... علشان كده أنا أكتر واحده مصلحتكم
روما أيه ده هو تسلط
راندا أعتبروه كده ... عشان أنا بحبكم وعامله علي مصلحتكم قررت تعديل شوية مواد في الدستور
جانيت دستور .... دستور أيه ؟
ديانا الدستور ........ الدستور بتاعنا طبعاً
جانيت هو أحنا عندنا دستور؟
ديانا أخرسي بقي أنت عاوزة تودينا في داهية وخلاص
راندا أولاً مادة 1 عكس قانون 8.5
انطون عكس قانون 8.5 أزاي يعني ؟
جانيت طب وليه ما أحنا كده كويسين وطول عمرنا ماشيين عليه
ديانا يا بنتي أسكتي إحنا هنعرف أكتر من الكوين
توم أكيد المواعيد أتغيرت وممكن نفضل بره بيوتنا لحد 10أو11 بالليل مش صح كده
راندا لأ ... قانون 8.5 تعكس يعني انت بعد 8.5 من حقك تطلع برة البيت تخرج تتفسح تشم هوا أخر زي منتا عاوز لكن قبل 8.5 مفيش خروج من البيت
هيلين أيه ده ... هنام في النهار ونطلع في الليل
روما هو نظام الحاكم بأمر الله
راندا لأ نظامي أنا .... انا راندا يعني الكوين ... وما دام الكوين أمرت يبقى
نانسي يبقي الأمر لازم يتنفذ
راندا وبعدين انا مش فاهمة انتوا زعلانين ليه ... المهار ده بيبقي حر وملل وزهق ودبان
ديانا دبان ... دبان أيه؟؟
راندا لكن في الليل نشم نفسنا هوا ومتعة وسهر .... يالا اطلعوا اسهروا كله يطلع يخرج ويتفسح
نانسي تعيش الكوين "لا احد يردد وراءها "
راندا مادة 2 مفيش حد يدخل البيت لوحديه كله يدخل مع اصحابه ... محدش يمنع حد من أنه يجيب أصحابه كلنا لازم نزور بعض
جانيت ايه ده فين الخصوصيه؟
ديانا يا بنتي أنتي ناوية تضيعيانا
راندا مادة 3 من حق كل واحد يلبس اللي هو عاوزة محدش يمنع حد أنه يلبس أي حاجة ... البسوا كل اللبس ... ألبسوا
هيلين أي لبس .... أي لبس؟؟
راندا أة أي لبس
ماريان والأن أعزائي المشاهدين ودلوقت هايكون لينا لقاء مع الكوين ... تفتكري يا فندم ان الشعب هيرضي عن القوانين دي
راندا هو بصراحة
ماريان خصوصاً يا فندم أن تعديل الدستور تم بموافقة حضرتك والوزرا بس من غير رأي الشعب
راندا مين اللي قال أن
ماريان ما هو يا فندم كمان الشعب عمره ما هيرضي انه يكون منظر وخلاص وخصوصاً أن حضرتك مخليتوش يتكلم او يعبر عن رأيه
راندا انا قصدي اقول
ماريان انا عارفة طبعاً ان حضرتك عاملة علي مصلحة الشعب وإلا مكنتيس برضه وافقتي علي قانون تعديل الثانوية العامة مش صحيح برضه!!
نانسي ايوة صحيح لأن
ماريان أنا عارفة أن القوانين الجديدة دي هتحاول تصلح التعليم لكن مش ممكن تكون مساؤها اكتر من مميزاتها؟؟
نانسي لأ طبعاً لأن التجربة أثبتت
ماريان عارفة طبعاً يا فندم أ، حضرتك هتقولي ان التجربة اثبتت ان النظام ده اصلح نظام لكن بالعكس هيشجع اكتر علي الدروس الخصوصية
نانسي مش ممكن لأن
ماريان ولا أنتوا رأيكم أيه ... ماتتكلمي حضرتك يا فاندم ..طب حضرتك يا سيادة الوزيرة
نانسي عاوزة تعرفي رأينا
ماريان أه طبعا
راندا طيب
الاثنان معا أنتي مرفوده
ماريان أيه!!!
نانسي يالا طلعوا المذيعة دي بره
راندا المذيعة دي فاشلة ... ازاي تدخل التليفزيون
نانسي مش عاوزة أشوف وشك في أي قناة تاني
راندا خلاص يا ابني اطفي النور مفيش تصوير ..... بقولك أطفي النور "اظلام "
++ نهاية المشهد الثاني ++
المشهد الثالث
المكان :- "في بيت جون"
جون الحمد لله مفيش حد لما اجرب الدور الجديد .. أنت مش أبني ودي مش أبوك وده مش أمك أطلع بره بيتي احنا لامنك من الشوارع وفصاصيح الزبالة .... ميه ميه هخرب الدنيا
انطون يدخل إلي أرض المسرح ومعه هيلين ويصفقون
جون أنتوا هنا من أمته ؟؟
انطون أحنا هنا من ساعت الشوارع وفصاصيح الزبالة
هيلين يا جون صدقني التغير هو الحل
جون لا يعني لا أنا جون رأفت وهفضل زي مانا جون رأفت
هيلين تبعني يا جون كله ده لمصلحتك الفنية
جون لا
هيلين ما تتكلم يا سي انطون
انطون أنا ماليش دعوة بالكلام ده المهم عندي نبدأ تصوير الفيلم
هيلين هنصوره ازاي وهو منشف دماغه كده
انطون يا عم جون ابوس علي دماغك أسمع الكلام
جون لأ يعني لأ ... وبعدين أنا مش عارف أنتوا عاوزين تغيروني ليه ... أنا كده وهافضل كده أنا جون رأفت اللي الشباب كلها بيحبوه وبيدخلوا مخصوص الفيلم علشان أنا موجود فيه حتيلو كنت بمثل مشهد واحد
هيلين ماشي يا عم النجم بس ده كان زمان
جون كان زمان ... يعني أيه أنا هفضل النجم .. أنا جون رأفت .... ما تتكلم يا عم المنتج !!
انطون بصراحه يا سي جون هي ليها حق
جون ليها حق
هيلين دا حتى مراتك ماريان وبنتك روما زهقوا
جون إزاي يا ناصح
انطون آه .... شكلك الملخبط ده وتسريحة شعرك اللي من أيام جدي ولبسك ده اللي ما أتغيرش من أول مرة طلعت مثلت فيها
جون ما هي هي دي الحاجات اللي حببت الجمهور فيّا
هيلين كان يا أستاذ كان وبعدين شوف فيلمك الأخير حضره كام واحد
جون كتير
انطون كتير مين يا أستاذ ده محضروش غير أنت ومراتك وبنتك .... وبس
جون كفاية ... ثم أن الجمهور مكانش فاهم الفيلم مش غلطتي
هيلين لأ الجمهور زهق منك .... أتغير
انطون وبعدين أنت خايف من التغير ليه دي الطبيعة نفسها بتتغير
هيلين صيف بعديه خريف شتا ربيع برد حر ... الدنيا كلها بتتغير
انطون وبعدين هنروح بعيد ليه شوف الواحد ده المغني اللي لسه طالع جديد
جون مين ده ؟؟
انطون اللي أسمه عمرو دياب
جون ماله ده كمان ؟؟
انطون أهو ده لو مطلعش كل مرة بشكل جديد يموت محدش يسمعه
جون برضه أنا مش مقتنع
هيلين لازم تقتنع
انطون لازم تصلح من نفسك
الاثنان معا لازم تتغير لازم تتغير
جون خلاص ماشي هتغير هاجرب وأمري لله ... هاحط جيل في شعري وهالبس بنطلون فانكي هامشي بسلاسل في صدري ... ارتحتوا هو ده اللي عاوزينه
انطون يووه شوفي فهم ايه
هيلين المهم أن اسلوبك يتغير
جون ماله أسلوبي بقي يا ست هيلين
هيلين أسلوب قديم مفيش حد بيعمل اللي بتعمله دلوقت ... لازم تعبر عن الناس ... تتكلم عن اللي بيحيوه
جون انتوا خلاص مبقاش عاجبكم أي حاجة فيّا ؟؟
انطون بصراحه ... أه
جون خلاص بلاش أمثل تاني .... واقعد في البيت جنب المدام
هيلين يا جون انت ممثل كويس بس عيبك الوحيد انك مش عاوز تتغير ... تحسن من نفسك يا اخي بص على نفسك في المرايا
جون ماله شكلي ماهو قلنا هانغيره
انطون واسلوبك
جون ماله اسلوبي ... قلولي ماله اسلوبي
هيلين قديم من زمن يوسف وهبي
انطون يا ريت دا حتي يوسف وهبي لوقام وشافه هايقوله ياقديم
جون هو التمثيل فيه قديم وجديد
هيلين ايوه
جون أزاي
انطون أقولك أنا ... أفترض إنك انت بتحب واحده هتعمل أيه .. هتقولها ايه ؟؟؟
جون أقولها .. أقولها ... هيلين أني أحبك حباً شديداً .. حباً لم يعرفه إنسان من قبل ... أنا ببعتلك كل يوم جواب مع عم عبده السفرجي وانتي مكنتيش بتردي عليّا وابوكي الباشا محرج عليّا اقرب من شباكك .... بصيلي أنظري إلي نظره >>>>>> ( تدخل ماريان وروما من خلفه )
هيلين طب خلاص .... خلاص قوم يا جون كفايه
جون لسه مكملتش .... علشان تعرفي أناعندي قد أيه لسه مطلعتوش
هيلين يا جون كفايه الله يخليك
جون لأ ... أنا لسه جوايا طاقة كتير وعاوزها تتطلع
ماريان ماتطلع يا خويا الطاقة .... طلع يا حبيبي .... طبعاً ما هو أن غاب القط ألعب يا فار
جون يا ماريان انت مش فاهمه حاجة
هيلين يا فندم الموضوع مش زي ما انتي فاهمه
ماريان ماتفهمني انت يا حبيبتي فهمنيي ... يمكن انا غبيه مبفهمش
جون يا ماريان انتي جيتي في وسط الكلام
ماريان وسط الكلام وكنت عاوزني اجي في اخر الكلام .... عال عال
هيلين يا هانم انتي مش عارفه ايه اللي بيحصل
ماريان ماتفهميني انتي يا اختي ... وانت يا سي انطون بيه يا منتج قاعد تعمل ايه ... توضبلهم القعدة
جون هاها
انطون لأ لحد هنا وكفايه ... اللي انا عاوزك تفهميه
جون ايوه ... فهمها
انطون ان هيلين مش هي اللبتحب جوزك ده جوزك اللي
جون ايوة ... طينها طينها
انطون انا قصدي اقول ان هما الاتنين مش بيحبوا بعض
ماريان يا سلام واللي انا شوفته ده يبقى ايه
هيلين يبقي مشهد في الفيلم الجديد
ماريان يا سلام ... هبله انا
انطون يا ماريان صدقيني هي دي الحقيقة ... احنا كنا بنحاول نخليه يغير من نفسه يتطور يطلع لقدام 15 سنة
ماريان يتغير ... جون .. غريبة دي !! دي لو كل الدنيا اتغيرت هو مش هيتغير .. أسألوني أنا
جون هاتغير بقي في عندك يا ماريان هحط جيل في شعري وهالبس بنطلون فانكي
ماريان واسلوبك
جون ايه
انطون اسلوبك
جون هغيره ... بس عالله يعجب في الأخر
ماريان يا جماعه متحاولوش جون خلاص حط نفسه في قوقعه ومش هيطلع منها وجون رأفت هيفضل طول عمره جون رأفت
جون لأ .... هتغير وهتشوفي
ماريان يا ريت ... اتمني ... يالا يا روما
روما يا بابا عاوزه اقولك حاجة
جون في ايه يا حبيبي
روما الناس دلوقتي بتحب بالموبيل يابابا !!!!
جون البت دي تقصد أيه
هيلين المهم اسيبكم دلوقت علشان عندي تصوير
جون طب باقي المشهد .... قصدي التغيير
أنطون من الناحيه دي أطمن انا عندي الحل
هيلين خلاص الأستاذ أنطون هيتصرف ..... سلام
جون هيتصرف أزاي فهمني
أنطون مالكش دعوة هاجيبلك احسن واحد ممكن يغيرك ... واحد مفيش منه اثنين في العالم مينفعش تقارنه بحد
جون مين ده شوقتني
أنطون عيب ده مفاجأتي هجيبهولك وهاجي
جون طيب مستنيك متأخرش
أنطون مسافة السكة وجاي
ماريان هي مشيت حبيببت القلب
جون يووه بدأنا ... يا بنتي أنا نجم بطلي الغيرة اللي فيكي دي
ماريان غيرة .... لا متخفش عارف ليه لأنك ممثل فاشل مين هيعجب بممثل فاشل زيك
جون مذيعة فاشلة مثلاً
ماريان بطل هزار أنا بتكلم جد
جون يا ماريان فيه أيه بس ماهو أنا خلاص هتغير
ماريان مصدقش جون رأفت هيفضل طول عمره جون رأفت
جون صدقيني انا هتغير ... صدقيني المرة دي بس
ماريان لما نشوف >>>>> " يرن جرس الباب " مش هتفتح الباب
جون الله ... وأنتي رايحة فين!!!
ماريان رايحة أذاكر مع بنتك .... ما أنت مش دريان بحاجة
جون تذاكري مع روما ... غريبة دي .. أيوة طيب .... طيب هي الدنيا >>> " تدخل جانيت " حلوة بشكل
جانيت أفندم ... حضرتك بتقول حاجة ..؟
جون أة بقول الدنيا حلوة بشكل
جانيت دا فيلم لجون رأفت .... الله مش حضرتك برضه ياه يا فندم متتصورش حضرتك أنا كنت من أشد المعجبين بيك أزاي
جون الله يخليكي
جانيت مش هو دا الفيلم اللي كنت واقف فيه قدام البطلة لما كانت بتقولك ... أستني أستني همثلهولك >>>> " تقلد البطلة " لا يا نور مقدرش اقول لبابا كده.. مقدرش اقول أني بحبك
جون أنتي عارفة لو مقولتيهاش هعمل ايه ... هاموت نفسي>>> "تدخل ماريان" قوليلي بحبك وانا اكسر الدنيا ...ابيع الدنيا كلها علشانك هانسي مراتي وعيالى علشانك بس قوليها
ماريان ماتقوليها ياختى خلينا نشوف هيسيب مراته وبنته ازاي
جون يادى النيله ......يامريان
ماريان ايه هاتصور مشهد جديد ودى البطله
جانيت لا دا مشهد قديم يا فندم
ماريان مشهد قديم هو فعلا مشهد قديم وكل شوية بشوفه مع واحده شكل
جون يا ماريان صدقينى دا مشهد من فيلمى الدنيا حلوه بشكل
ماريان حلوه >>>> "تلف حول جانيت " مش احلى منى برضه
جانيت الدنيا يافندم الدنيا
ماريان وانت تطلعى مين بقي
جانيت انا جانيت جورج وحضرتك .....ماريان مراد المذيعة المشهورة صح
ماريان أيوة
جانيت ياة يا فاندم متتصوريش حضرتك أنا كنت من أشد المعجبين بيكي أزاي
ماريان صحيح ... متشكرة
جانيت متتصوريش يا فاندم أنا كنت بحب برنامجك بتاع حديث الناس أزاي ... وخصوصاً وأنتي ماسكة الضيف وهرياة أسئلة لدرجة أنه مبيعرفش يتكلم
ماريان طبعاً يا جانيت الضيف مبيبقاش لاقي حاجة يقولها
جانيت لا وخصوصاً أنه كل ما يجي يتكلم حضرتك تهجمي عليه بسؤال جديد
ماريان طبعاً الهجوم خير وسيلة للدفاع
جون هو ماتش كورة ... هو حضرتك مين بالظبط
جانيت ما انا قولت لحاضرتك أنا جانيت جورج
جون وأيه يعني
جانيت يا فاندم أنا بقول لحضرتك أنا جانيت جورج
جون وأنا بقول لحضرتك وأيه يعني ؟؟
جانيت هي روما ما قالتش لحضرتك
جون روما تقولي ... تقولي أيه
ماريان أة تكونيش حضرتك مدرسة الألعاب بتاعتها
جانيت لو سمحتي أسمها تربية رياضية
ماريان أنا أسفة علي العموم ... روما جوه ... يا روما يا روما
روما أيوة يا ماما مين مس جانيت أزيك يا مس
جانيت أزيك يا حبيبتي أنا جيت أهوة علي حسب الميعاد
جون معاد .... معاد أيه؟
ماريان أسكت أنت ... أهلاً أهلاً أتفضلي حضرتك
جون تتفضل فين الساعة 12 بعد نص الليل ؟
جانيت وفيها أيه
جون وفيها أيه فيها كتير
جانيت يا فاندم ده شغل .. أنا مش فاهمة حضرتك مزعل نفسك ليه
جون شغل ... شغل ايه ؟ ... ده اللي في أنصاص اليالي !
جانيت شغلي مدرسة
جون يا بنتي وأهلك أزاي سمحولك تنزلي في الوقت ده من البيت
جانيت لو سمحت متتكلمش عن أهلي
جون هم فين أهلك دول وأنا أكلمهم ... أزاي يسمحوا لوحدة تنزل في الوقت ده
جانيت لا ده أنت زوتها خالص لمواخذة اصلة كدة دايما مدب
روما يا بابا ماهو انت مش دريان
جون لا يا بنتي ولا دريان ولا ماريان
روما اصل الدنيا اتقلب حالها والليل بقي نهار والنهار بقي ليل
جون الليل بقي نهار والنهار بقي ليل أزاي بقي يا فصيحة عصرك
روما يعني الناس بقت تشتغل باليل وتنام بالنهار
جون يا سلام وأنهي حمار اللي عمل كده هو مين قولولي؟؟
روما هي يا بابا هي...
جون مين الحمارة اللي عملت كده
روما الكوين
جون الكو... كو... ين وليه بس تعمل كده ؟
روما أهو بقي روح أسئلها
معلش بقي صدقيني هو ميقصدش
جانيت لا لا يا فندم لا يمكن ده أهني وأهان أهلي كمان
ماريان طيب خلاص هيعتذرلك ..... أنا هخليه يعتذرلك
جانيت لا يمكن
ماريان طب أيه بس اللي يرضيكي ؟
جانيت ينشر أعتذار رسمي في الجرنان في الصفحة الأولي كمان
جون أيه ليه غلط في الوزير؟؟ ربنا يخليكي لينا يا كوين .... أمال دي لو عرفت أني غلط فيها هتخليني هعتذر فين ؟؟؟
جانيت أنا قلت أعتذار رسمي يعني أعتذار رسمي .... سلام بقى يا حضرة الممثل الفاشل .... سلام يا حضرة المذيعة المرفوده؟
روما عاجبك كده أهي هتسقطني هعيد السنة بسببك
جون هو أيه اللي بيحصل بالظبط تسقطها أزاي
ماريان طبعاً يا أستاذ مهو أنت مش دارى
جون لا مش داري دريني أنتي
ماريان مهو نظام التعليم دلوقتي أتغير
جون يا سلام أزاي يعني
ماريان دلوقت مبقاش في حاجة أسمها أمتحانات
جون نعم
ماريان أة كل مدرس ومدرسة يقيموا الأولاد علي حسب مجهودهم
جون والتقييم ده يطلع أزاي
ماريان أهو بقي حسب كل واحد وتقديرة
جون وهو دة عدل
ماريان من وجه نظر صاحب الفكرة
جون أنهي غبي هو اللي عمل الفكرة دي ؟؟؟
ماريان قصدك غبية
جون مين
ماريان نانسي نسيم وزيرة التعليم
جون هي غبية حتى في دي
ماريان المهم دلوقت هتعمل اية >>>"يرن جرس الباب" أستنه لما أشوف يمكن رجعت بقولك أية أبقي اعتذرلها
جون حاضر صدقيني أنا مكنش قصدي ... أنا كان قص...قص
انطون هو فيه أيه ؟
ماريان أبداً يا سيدي غلط في مدرسة روما وهي مصرة أنه يعتذر لها في الجرنان
انطون وده طبعاً هيهز من صورته قدام الجمهور
ماريان هي لسة متهزتش ؟؟؟
جون أنا لا يمكن أعتذر ... أنا عمري ما أعتذرت لحد
ماريان لازم تعتذر
جون لا مش هعتذر أنا هو أنا ومش هتغير
ماريان لا هتتغير
جون يوووه كفاية تغيير هو ايه اللي حصل لده كله
ماريان حصل اية..... بنتك هتعيد السنة بسببك وتقولي حصل اية
جون تعيد السنة علشان مدرسة الألعاب
ماريان طبعاً مش هي دي اللي هتحط الدرجات .... أمال انت كنت فاكر هي جية لية
جون انا عارف مهو انا اخر من يعلم
ماريان علشان تديها درس خصوصي طبعاً
جون في الألعاب
ماريان في الألعاب
جون يا عالم أنتوا عاوزيين تجننوني..... درس خصوصي في المراجيح
ماريان المهم لازم تصلح غلطتك
جون يعني أيه اتجوزها
ماريان أحترم نفسك وألا.....
جون مهو أنتوا كمان بتقولو كلام مش معقول
ماريان انت لازم تتصرف وتشوف حل؟؟
انطون يوووه أزاي نسيته
ماريان هو ايه
انطون الحل .... قصدي البني ادم اللي زمانه مرمي قدام الباب عن أذنكم
جون انتي فاهمة حاجة
ماريان ابدا
انطون اتفضل يا دكتور مايكل
جون مين ده
انطون ده الدكتور مايكل كمال تلاتة دكتورة وخمسة ماجستير وهو الوحيد اللي حصل علي جائزة نوفل 3 مرات علي التوازي علشان كده من حقة الأحتفاظ بيها للأبد
ماريان البني ادم ده
انطون ايوة اتفضل يا دكتور سلم علي الفنان العظيم جون رأفت مش ده يا دكتور دي مراته المذيعة المشهورة ماريان مراد يوووه لا مؤخذة يا جماعة اصله مبيشوفش من غير النضارة .... هي فين تفضل البس
جون ايه ده هو مش بيتكلم ؟؟
ماريان واضح أنه أخرس
مايكل انا عارف ان شكلي ومنظري كده ميقولوش علي حاجة خالص لكن لأ ده انا مايكل كمال العالم المشهور مفيش مني اتنين في العالم ... أنا مايكل كمال غير قايل للمقارنة!
جون هو ايه ده .... هو كده علي طول؟؟
مايكل وانت تحت ايدي
جون تحت ايدك مين يا عم
مايكل انت تحت ايدي هتبقي نجم النجوم هترجعلك شهرتك
جون ازاي بقي قولي هنا الراجل ده مش دكتور؟؟؟
انطون اه
جون وهو ماله بقي بشغلنا؟؟
انطون دا موسوعة .... راجل بتاع كله
جون يا سلام
ماريان علي كده بقي حضرتك تفهم في شغل السينما والبروبجاندا
مايكل عيب يا ماما دا انتي قدام مايكل كمال اللي مينفعش تقارنيه بحد ... انا في رسالة الماجستير الرابعة بتاعتي وفي الفصل رقم 7777وبالتحديد صفحة رقم 165 كنت بتكلم علي ان الممثل لازم يغير من نفسه
انطون امال احنا جايبينك ليه ؟؟
مايكل وانا هنا عشان كده
جون يعني فكرك هيرجعلي جمهوري ؟؟
مايكل عيب يا بابا دا انت قدام مايكل كمال اللي مينفعش تقارنه بحد ... انا في رسالة الدكتوراه التانية وفي الفصل رقم 5555وبالتحديد في صفحة 165 كنت بتكلم عن ان الجمهور لازم يشوف في النجم بتاعه البطل اللي بيجسد احتياجاته واحلامه
جون ياه دا انت فعلاً موسوعة يا دكتور
مايكل ولسه ياما هتشوفوا
انطون وطبعاً الدكتور هيعيش هنا معاكوا علشان يتابعكوا خطوة بخطوة
ماريان دا يشرفنا .... يا روما .... يا روما
مايكل ايه دا هي بتنادم علي ايطاليا؟؟
انطون لا دا روما اسم بنتهم
مايكل يا راجل ما انا عارف دا انا كنت بهزر دا انا مايكل كمال
جون عارف اللي مينفعش يتقارن بحد
روما ايوة يا ماما ..... الله ..... مين ده يا ماما السفرجي الجديد!!
ماريان هاها هي كده تحب تهزر دا يا روما الدكتور مايكل كمال العالم المشهور
روما اللي حرق معمله
جون ايه هو صحيح انت حرقت معملك؟؟
مايكل هه دي كانت ازمة نفسية بسيطة وعديتها خلاص
جون انت متأكد انك عديتها
مايكل عيب يا بابا انت بتكلم مايكل كمال .... انا في رسالة الماجستير الرابعة وفي الفصل رقم 6666وبالتديد في صفحة رقم 165
جون ايه دا هو كل رسايل الماجستير مفيهاش غير صفحة واحده؟؟
انطون اظاهر انها صفحة طويلة حبتين
مايكل عارفين كنت بقول ايه
كلهم ايه
مايكل كنت بقول ان الواحد لازم يتغلب علي ازماته النفسية بسرعة علشان يعرف يواصل حياته
جون يا سلام ..... دا ايه الفصاحه دي
مايكل هاها انتوا شوفتوا حاجة
انطون علي العموم الدكتور عندكم اهوه وخلوة يتصرف .... دا حتى ممكن يفيدكم في موضوع روما
ماريان موضوع روما؟؟!!
مايكل اه موضوع روما ومدرسة الألعاب
ماريان ايه ده انت عرفت؟؟
مايكل عيب يا ماما دا انتي قدام مايكل كمال اللي مينفعش انك تقارنية بحد
جون يا عم اسكت انت اكيد سمعته وانت مرمي بره قدام الباب
ماريان وانت هتعرف تتصرف ؟؟؟
مايكل اكيد انا في رسالة الدكتوراة التالتة وفي الفصل 4444وبالتحديد في صفحة
كلهم 165
مايكل مظبوط هو انتوا قريتوا الرسالة ولا اية
انطون المهم دلوقت يا دكتور شوف شغلك ورينا هتعمل ايه
مايكل هتشوفوا
انطون علي فكرة يا ماريان احنا في النقابة حاولنا نتوسطلك ونرجعك الشغل لكن
ماريان لكن ايه
انطون لكن الكوين ووزيرة التعليم منشفين دماغهم قوي من ناحيتك
ماريان بس هاعمل ايه يا ربي اكتر من اللي عملته .... اعتذار واعتذرت
انطون انتي كمان لازم تغيري من نفسك
ماريان انا كمان ليه هالبس بنطلون فانكي وهحط جل في شعري
انطون لا .... لازم تغيري من اسلوبك زي ما انتي عاوزة تسمعك لازم تسمعي الناس لازم تنتبهي لكلام الناس مش تعمل ودن من طين وودن من عجين
ماريان اسمع الناس ... انا مصدقت جيت هنا علشان الاقي حد يسمعني
انطون صدقيني لو مسمعتيش الناس عمر ما حد هيسمعك
ماريان فيلسوف حضرتك
انطون علي العموم في حل اقترحته هيلين
ماريان وعاوزة ايه الست هيلين؟؟
انطون اسمعي بس دي عاوزة مصلحتك
ماريان فيها الخير
انطون هي اقترحت انك تعملي حوار مع الكوين ووزيرة التعليم
ماريان تاني
انطون المرة دي لازم تغيري اسلوبك وساعتها هيروا عنك
ماريان وارجع للكاميرا والاضواء والشهرة
انطون والناس تسمعك زي زمان
ماريان اوكي انا موافقة
انطون بس زي ما اتفقنا
ماريان حاضر حاضر اطمن خالص
انطون تحبي امتي نصور
ماريان أي وقت انا جاهزة دلوقت لو حبيت
انطون للدرجة دي مستعجلة
ماريان متتصورش وحشتني الكاميرا ازاي عاوزة حد يسمعني هاموت يا عالم حاسة اني هتخنق
انطون خلاص خلاص انا هاتصرف .... الو ايوة يا هيلين انا انطون المنتج بصي ماريان مراد موافقه انها تعيد التصوير مع الكوين ووزيرة التعليم امتي دلوقت لو تقدري ايوة باسرع وقت سلام ايه رأيك يا ستي
ماريان متشكرة جداً يا انطون
انطون بس عالله النجم بتاعنا يركز في الفيلم "يرن جرس الباب "
ماريان اطمن .... عن اذنك اشوف مين " يدخل بعض الاشخاص الملثمين ويرتدون ملابس سوداء "
توم اوعي من هنا ... خش بشرعة منك له .. انتشروا .. خد لك ساتر منك له .. استعدوا للهجوم ... هجوم " يهجمون على انطون الموجود في عمق المسرح
ديانا برافو برافو
ماريان هو ايه اللي بيحصل بالظبط .. انتو مين
ديانا احنا حركة حرام من اجل التغيير
انطون حرام .. حرام ايه
المجموعة كفاية حرام .. كفاية حرام
انطون بس خلاص هتعملوا مظاهرة هنا ولا ايه
ماريان انتوا عايزين ايه بالظبط
المجموعة هنفجر المكان
ديانا احنا هنا لما عرفنا ان الكوين ووزيرة التعليم جايين هنا النهارده
توم علشان يصوروا البرنامج معاكي
ماريان ايه ده للدرجة دي الاخبار وصلتلكوا
ديانا انت ناسية اننا عالنت و مفيش اخبار بتستخبى
انطون طب ممكن بقى تلخصوا وتقولوا انتوا عاوزين ايه
المجموعة هنفجر المكان
ماريان ايه تفجروا ايه
ديانا احنا مستعدين نعوضكوا عن كل اللي هيحصل
ماريان ايه
توم هنديكوا 5 جيجا زيادة
ماريان نعم
ديانا 7 جيجا و رامتين 256
ماريان انتوا بتتكلموا ازاي
توم اخر كلام 7 جيجا و رامتين 256 وكمان لعبتين بالكراك بتاعهم
انطون انتوا اكيد بتهزروا
ماريان استنى بس يا انطون العرض ممكن يحلو
انطون يحلو ازاي
ماريان يعني
روما ماما
ماريان استني بس يا روما
روما استني ايه دا غلط .... اللي انتي بتعمليه ده غلط دول اصحابك
ماريان بس هما اللي رفدوني .... واحده بواحده
توم احنا هنختفي هنا وسط الحديث هنشاورلك وساعتها
ديانا ساعتها تختفي انت واحنا لأننا
المجموعة هنفجر المكان
ماريان وانا هاختفي ازاي
ديانا تتحجيجي بأي حجه
توم تعدلي الميكاب
ديانا تذاكري لروما
توم تشوفي جوزك
ديانا أي حجة المهم ساعة ما نشاورلك تمشي لأننا
المجموعة هنفجر المكان
ديانا عظيم خالص ....فهمتي
ماريان ايوة بس انتوا مقولتوليش عاوزين تتخلصوا منهم ليه
توم عاجبك القوانين الغلط اللس طلعتها الكوين
ديانا عاجبك نظام التعليم الفاشل اللي عملتها وزيرة التعليم
روما بس متوصلش للتفجير
انطون ممكن تعبروا عن رأيكم من غير ما حد يتأذي
روما التفجير والدمار مبيحلوش مشاكل بالعكس دي المشاكل بتزيد
توم مين دي
ماريان دي بنتي روما
ديانا بس دي عيلة علي الكلام ده
توم عندها كام سنة دي
روما مالكوش دعوة
ماريان ها هتعملوا ايه دلوقت قررتوا ايه هتستخبوا فيين؟؟
ديانا سبينا نفكر شوية
ماريان ليه
توم واضح أننا هنغير الخطة .... أنسحاب .... أما أحنا فهنقعد هنا شوية
المجموعة انسحاب ..... انسحاب ..... انسحاب
ماريان عاجبك كده بوظتي كل حاجة
روما ياماما
ماريان بسي مفيش ماما ... ادخلي جوه
روما حاضر " تهم بالدخول لتفاجأ بجون و قد طلي وجهه بالمساحيق بشكل ساخر ويرتدي ملابس غاية في السوء " تصرخ .... آااااااااااااااه
ماريان في أيه .... في أيه
روما با ... با... با
ماريان با أيه
مايكل المفاجأة الكبيرة هاها جون رأفت بعد التعديل أيه رأيكم عبقري مش كده
ماريان ايه ده
انطون مين ده
مايكل دا جون رأفت بعد لمسات دكتور مايكل كمال السحرية
توم هو ده جون رأفت الممثل
ديانا و ماله ملخبط كده ليه
جون مين دول مصورين ... صحافة .. تلفزيون .. انا انا رجعت مشهور تاني ..جايلك يا مسرح جايلك يا سيما جايلك يا تلفزيون
مايكل يا جماعة من فضلكوا التجربة لسه موصلتش للمرحلة النهائية وممكن يبقى ليها اثار جانبية خطيرة
جون اثار
مايكل ايوه اثار تدمرك كلك
جون اثار ايه يا دكتور
انطون هو انت عملت فيه ايه بالظبط يا دكتور
مايكل من فضلكم انا هعمل مؤتمر صحفي هعلن فيه عن التجربة
جون جرا ايه يا دكتور انت فاكرني فار تجارب
مايكل هس ولا كلمة انت عاوز التجربة تفشل ولا ايه .. عاوز ترجع ممثل فاشل تاني
جون لا لا خلاص خلاص
مايكل يبقى تسمع كلامي من غير أي نقاش " يرن جرس الباب"
جون طب عن اذنكوا اشوف مين عالباب
الكوين "تدخل الكوين ومعها نانسي وهيلين و ما ان تنظر الى جون حتى تصرخ " وحش وحش
نانسي فين الامن فين الحراس
ماريان اهدي اهدي يا فندم دا جوزي جون رأفت
نانسي ده جون رأفت الممثل
الكوين و ماله عامل في نفسه كده ليه
نانسي اكيد بيمثل دور وحش في فيلم
هيلين ولا يمكن بيمثل دور شمبانزي
ماريان سامع الفضايح دي .. عن اذنكوا اروح اوضب الميكب .. يا اخي فضحتنا
جون سامع الناس كلها عاملة تتريق عليا
مايكل و لا يهمك دول ناس ميفهموش في الروشنة و الاستايل .. انا في رسالة الدكتوراة الخامسة
جون يا اخي كفاية بقى رسايل وماجستير ورطني و ضحكت الناس علي
مايكل عيب عليك انت معايا دا انا مايكل كمال
جون عارف اللي مينفعش تقارنه بحد .. وبعدين
مايكل انا عارف انا هصلحك ازاي .. تعال معايا " ياخذه الى طرف المسرح "
الكوين انا بقى اللي عاوزة اعرف مين دول
انطون دول يبقوا
ديانا ديانا دميان الاستايليست الجديدة بتاع استاذ جون
مايكل ايه استايليست ... ايه هو ده
جون اه انا عاوز دي
مايكل استنى هنا
جون يا اخي استنى انت بقى .. انا انا عاوز الاستايليست دي
مايكل انت عارف دي هتعمل فيك ايه
جون يا اخي سيبني اعمل حاجة واحدة في حياتي على نفسي .. انا عاوز الاستايليست دي .. قولتيلي اسمك ايه
ديانا ديانا دميان
جون طب يالا يا ديانا دميان " بغزل "
ديانا عن اذنك يا يا كوين
الكوين اتفضلي .. البت دي شكلها مش مريحني
نانسي ولا يهمك يا فندم دي حشرة من حشرات المجتمع
مايكل هه استايلست خليها تنفعك الاستايلست
ماريان الحقونى ..........الحقونى
نانسي في ايه ... في ايه أستخبي يا فاندم فين الامن فين الحراس
انطون اهدي اهدي يا حضرة الوزيرة
ماريان المية ... قصدي الحنفية اتكسرت وغرقتني ميه
الكوين يا دي العطلة هي ناقصة
نانسي وبعدين
مايكل ولا يهمك انا هنا دكتور مايكل كمال في خدمتكم ... انا هنا علشان راحتكم
هيلين وانت هاتعرف تصلح الحنفية
مايكل عيب عليكم انا في رسالة الدكتوراة الاولي بتاعتي وفي الفصل 1111 وبالتحديد في صفحة
كلهم 165
مايكل مظبوط دا اظاهر ان كلكم حافظين الرسالة ... انا كنت بتكلم عن ان الحنفية هي المصدر الاساسي للمية ومن غيرها مفيش ميه
الكوين يا سلام
نانسي دا ايه النصاحة دي
انطون مش بقولكم موسوعة
هيلين المهم دلوقت هتعرف تصلحها ولا نجيب سباك
مايكل عيب يا ماما دا انا مايكل كمال اللي مينفعش انك تقارنية بحد وعلي اخر الزمن تقارنيني بحته سباك عيب عيب
الكوين وانت
توم انا هنا علشان الامن يا فاندم
الكوين طيب خليك هنا متتحركش
هيلينانا شايفة يا فاندم ان كل الظروف متهيأة علشان نصفي الخلافالكوينخلاف ... خلاف مع مين بالظبط مع دي
نانسي دي اقل من اننا نختلف معاها
الكوين دي واحدة من الشعب وانا الكوين
انطون معلش يا فاندم ... انا شايف اننا نحاول نعيد التصوير من جديد
الكوين اذا كان كده معنديش مانع
هيلين سكوت هنصور ......... أكشن
ماريان أعزائي مشاهدي حديث الناس معنا اليوم الشمس التي تشع بنورها في حياتنا والقمر الذي ينير ظلمة ليالينا معنا اليوم راندا رامز الكوين أوف ليبرتي كينج دم
الكوين شكراً
ماريان جلالتك نحب نعرف أيه رأي حضرتك في اللي بيقولوه الناس عن القوانين
الكوين هو بصراحة
ماريان أنا عارفة ان راي حضرتك حيادي وطبعاً هتقولي ان زي ما القوانين ليها سلبياتها ليها كمان ايجابيتها لكنا مش شايفة حضرتك ان سلبيتها اكتر؟؟
الكوين انا شايفة
ماريان وانت كمان حضرتك يا سيادة الوزيرة مش شايفة ان قانون تطوير التعليم دا قانون فاشل
نانسي مين اللي قال ان
ماريان هو بصراحة كل الناس بتتكلم وتقول دا حتي بنتي روما يا حرام مش قادرة تفك عن نفسها من المذاكرة
نانسي هو بس المشكلة
ماريان انا شايفة يا فاندم ان المشكلة كبيرة جداًولا انت رايك ايه يا فاندم طبعا المشكلة كبيرة لان الموضوع خطير ميتسكتش عليه
نانسي هو فعلاً الموضوع ده ميتسكتش عليه
الكوين انتي مش تستاهلي الرفد انتي تستاهلي الحرق ... الشنق
نانسي بس خلاص انت وهو بس كفاية بطل تصوير
ماريان يا فاندم انا
الكوين بس من غير ولا كلمة وده ايه ده كمان
مايكل الميه ... اقصدي الماسورة باظت مواسير الصرف كلها بتاعتكوا اظاهر انها بايظة
انطون وعاملي فيها ابو العريف وانت مش نافع في حاجة
مايكل انا هعمل اية هم اللي بيتهم عامل زي القش
توم تسمحولي انا اصلحها انا كنت شغال سباك قبل كده
مايكل اتفضل يا نبيه عصرك ...فكرك يعني هتعمل اللي مايكل كمال معرفش يعمله
هيلين يا فاندم صدقيني اخر مرة ... الموضوع ده مش هيتكرر
نانسي لا يعني لا
الكوين نعيد التصوير تاني دي مهزلة
نانسي قصدك تالت
الكوين وبعدين انا اصدرت قرار ... دي مش هتطلع تذيع تاني ابدا ... مبقاش انا الكوين ان مخليتك تنسي التلفزيون
ماريان ايه ده هو تسلط
الكوين ايوة انا الكوين وفي ايدي السلطة واقدر اعمل أي حاجة
روما حرام عليكي غيري النظام التعليم الفاشل ده
نانسي لأ لا يمكن لا يمكن دا احسن نظام محدش ماشي بيحس فيه لنه لنسلن غبي كلنا زي بعضينا يا ننجح سوا يا نسقط سوا
روما بس دا ظلم
نانسي وهو مش ظلم اني اتحاسب علي ليلة واحدة وساعة واحدة من حياتي ... أفرض تعبت ليلة الامتحان ولاحصلي حاجة .. مش كل حياتي هتضيع .. يبقي كله لازم يضيع
ديانا ودلوقت المفاجأة .. جون رأفت بعد التعديل
انطون ايه دا كله ... ايه دا كله
هيلين فعلاً ادي العيش لخبازة
ديانا هو ده جون رأفت 2007
مايكل هه عاملين الزيطة دي كلها ليه يعني ... دول ...دول
انطون دول ايه
مايكل شوية جيل علي كام منظر كده اتعملوا
هيلين المنظر مبقاش هو المنظر يا دكتور
مايكل مهما ان كان بقي حتة استايلست هتفهم ولا تعرف احسن مني ده انا مايكل كمال دي...دي.. اقل مني في حاجات كتير
ديانا انا جايز اقل في حاجات كتير ... بس في حاجات كتير عندي مش عندكم ومتحاولش تقارن نفسك بيا كتير
مايكل انا مينفعش اقارن نفسي بيكي لأني انا مايكل كمال
توم الحمد لله صلحت الماسورة والحنفية
ماريان هايل.... كان فيهم ايه
توم شويه حاجات بسيطة ميفهمهاش غير سباك زيي
مايكل والله عال ... حته سباك يفهم اكتر مني عال .. عال عال قوي دي اكيد نهاية العالم هي الدنيا جرا فيها ايه دا انا مايكل كمال
توم يا دكتور مايكل عيبك مش بس انك مغرور لأ كمان لأنك مبتحبش تقارن نفسك بحد
مايكل انا مايكل كمال .... انا متقارنش بحد
ديانا لازم تقارن نفسك قبل ما حد يقارنك
توم لازم تعرف ايه الصح عندك
ديانا وايه الغلط
توم وقبل ماحد يقولك
ديانا لازم تصلح من نفسك
مايكل خلاص كلكم بقيتوا وعاظ وفلاسفة ... نسيتوا اني انا اللي علمتكم الفلسفة ... حته سباك وستايلست يعلموا راسهم براسي لا دي تبقي خربت ... لكن لأ انا هاوريكم مين هو مايكل كمال هاوريكم كلكم مين هو مايكل كمال
هيلين اجري وراه يا انطون لا يعمل في نفسه حاجة
انطون متخافيش اللي زيه ميقدرش يعمل حاجة دا كبيره هيقعد مع نفسه ويعرف غلطه ويمشي من سكات بس بصراحة انا معجب بالتغيير الكبير اللي حصلك يا جون
هيلين يالا بقي نخش علي الخطوة اللي جاية انك تغير اسلوبك
جون لأ كفاية تغيير كفاية انا اتخنقت انا مش حاسس اني جون
انطون يعني ايه
جون يعني لحد كده وكفاية ادي الجيل اهوه واللبس اهوة انا هارجع زي ما انا انا جون رافت وهفضل طول عمري جون رافت
هيلين خسارة يا جون... كنت قربت تبقي علي الطريق الصح لكن خسارة
انطون ودلوقتي بقي يا استاذ استعد للشرط الجزائي بتاع العقد 1500جيجا بايت
جون شرط جزائي 1500جيجا بايت ازاي والفيلم
هيلين مش ممكن نصور الفيلم
انطون انا مرميش بايتاتي في الأرض
جون لكن دا انا جون رافت نجم الجماهير
هيلين كنت نجم الجماهير لكن دلوقت
انطون انت ممثل فاشل
ماريان طب وانا؟؟
انطون انتي مذيعة انانية عاوزة الكل يسمعك من غير ما تسمعي حد
هيلين لكن لحد هنا وكفاية
صوت من الداخل كفاية ... حرام
الكوين هو ايه اللي يحصل بره بالظبط؟؟
نانسي يا فندم الشعب ثاير بره وعامل مظاهرة وليه مطلبين
الكوين أيه هما
جانيت انك تسيبي ليبرتي كينج دم
جون جانيت
ديانا نحب نعرفكم جانيت جورج
توم رئيس حركة حرام
ماريان انتي
جانيت أو تبقي مواطنة عادية يعني normal citizen
الكوين وان موافقتش
جانيت مفيش حل غير الاتنين دول
ديانا الشعب كله بره
توم ومش هاتقدري تطلعي
الكوين وايه هو المطلب التاني
جانيت دا قرار وهنفذه
الكوين أيه هو
ديانا اننا نشيلك يا نانسي من الوزارة
نانسي ايه لأ حرام ... انا ماليش دعوة انا حتة وزيرة ... يمكن اكون غلط لكن اعذروني انا غبية
ديانا مترميش كل حاجة علي الشماعة دي
توم انتي عندك ذكاء وانتي اللي فشلتي انك تستغليه صح
جانيت علشان كده احنا قررنا عزل الكوين واقاله نانسي من الوزارة
مايكل حرقتها ... حرقتها
ماريان هي أيه اللي حرقتها!!!
مايكل الفيلا دي كلها حرقتها وروني بقي مين هيقدر يحرقها احسن مني ..هاهاهاها
جون لا ... لا .... النار.... النار
راندا يا ماما يا ماما ..... انا خايفة
نانسي النار لا مش عاوزة اموت
مايكل انا لسة في عز شبابي ليه كده يا رب
ماريان لا انا عاوزة اعيش شوية لسة لسة فاضل كتير
نانسي غبية ذكية ميهمش المهم اني اعيش
ماريان مشهورة ولا مش مشهورة انشالله خرسة بس اعيش
جون خلاص هاتغير هاتغير نجني بس يارب وانا اتغير
روما بس خلاص اللعبة خلصت
راندا لعبة لعبة ايه
روما خلاص مفيش لا حريقة ولا نار
ماريان ازاي
روما احنا علي النت وكل ده خيال
جون كل ده خيال
روما زي ما المدينة تخيلية
مايكل وانت ايه اللي عرفك يا روما
روما انا نسيت اعرفكم نفسي ... أنا روما.... الأدمن بتاع الموقع
كلهم أنتي الأدمن
روما أيوة
مايكل أخر واحد كنت اتوقعة
نانسي ماتفهموني ايه اللي بيحصل
جون الأدمين ده هو اللي بيبني الموقع ويتحكم فيه
ماريان ويقدر يسمح لأي حد أنه يدخل
راندا أويطلع أي حد
مايكل أنا كنت عارف أن الأدمين عايش وسطينا لكن متوقعتش أنه يكون أنتي
روما أنتوا خلاص رحلتكوا هنا في ليبرتي كينج دم انتهيت
نانسي انتهيت يعني ايه
جون يعني هيتعمل لينا كيك أوت
نانسي يعني ايه اتكلموا عربي حد فيكوا يفهمني
روما يعني هتطلعوا برة يا نانسي وهيتعلم علي الـ IB بتاعكم
ماريان يعني مش هنقدر نخش تاني علي الموقع ابداً
روما مظبوط ... خسارة يا جماعة ... أنتوا جيتوا هنا مجتمع مثالي .. كان ممكن تحسنوه لكن للأسف
راندا احنا فعلاً بوظناه
روما انتي مثلاً يا راندا كنتي تعاني من التسلط ولما جاتلك السلطة أسأتي استخدمها وانت
جون انا انا حاولت
روما للأسف حاولت لكن رفضت التغيير زي الخنزير لما يرجع للطين
جون زي الخاطي لما بيرجع للخطية بعد ما يوهم نفسه أنه تا
روما مظوط حتي ماريان اللي كان عندها الفرصة تتكلم وتعر عن مشاكلها نست أنها زي ما لازم تتكلم لا تسمع ... مقدرتش تسمع حد لأنها كانت بتسمع صوت نفسها وبس
نانسي أنا بقي غبائي هو السبب
روما بالعكس يا نانسي ... أنتي فعلاً بنت ذكية بديل أنك بتتحسني في أي أمتحان من مرة للتانية لكن انتي اخدتي كلمة غبية شماعة تعلقي عليها تجاربك .... ومش طبيعي أبداً أني اقعد اقيم حد اعيش معاه طول حياتي ..... أما انت
مايكل أنا أنا أيه .... عوزة تقارنيني دول
روما وهي دي مشكلتك يا مايكل أنك طول عمرك مش عاوز تقارن نفسك بحد ... شايف نفسك فوق الكل مع أنك لو بصيت للموضوع من نظرة تانية أنت المستفيد
مايكل
(يدخل جون عن يسار المسرح وهو يتكلم فى الموبايل)
جون لا يا مايكل انا هنا من بدري ولسة محدش جه ..... يا بني بقولك هنا من بدري ؛ طيب يالا متأخرش علشان استاذ عماد زمانه جي بسرعة ... بيس يا مان , الحمد لله أنا أول واحد جيت >>>>(تدخل ماريان من يمين المسرح)
ماريان مش بالظبط يا سي جون
جون مين .... ماريان >>>>> (تدخل راندا) وراندا كمان الله الله هو انتو دخلتوا هنا أزاي دة انا المفروض معايا مفاتيح السنتر
راندا ما احنا عارفين عمايلك يا سي جون وهتلطعنا زي المرة اللي فاتت
ماريان فروحنا عادينا علي تاسوني كرستين وأخدنا منها المفاتيح
جون وطبعاً زي العادة عاطيتكم محاضرة عن النظام
راندا وأن احنا منجيش عند حاجة
ماريان ومالناش دعوة بكمبيوترات بتاعت السنتر
راندا والباقي أنت عارفه
جون عارفه وحافظة >>>> (تدخل نانسي)
نانسي هو أية دة اللي حافظة يا سي جون
جون هه نانسي النص طبعاً يا بنتي .... طيب دة أنا امبارح سهرت أكتبه هنا في المركز لحد الساعة 2 الصبح
ماريان يا سلام الكنيسة فضلت مفتوحة لحد الساعة 2 الصبح
جون لا مهما اقفلوا عليا وفضلت قاعد لغاية ما حضرت القداس وروحت
راندا يا فشــــــــــــــــــــــــــــار
جون مش مصدقاني طيب وحيااااااااااااة
ماريان بس بس خلاص مصدقينك
نانسي هو أستاذ عماد لسة مجاش
راندا لسة
نانسي ولا مايكل
ماريان ولا مايكل ... أنا عارفة أية مخرجين الأيام دي اللي بيجوا متأخريين ... الله يرحمك يا أستاذ اسحق كان بيجي قبل الكل
جون ربنا يرحمه ونسافر زيــه أمريكا !!!!
مايكل ها يا جماعة .... أخرت عليكوا ؟
جون أنت جيت بسرعة يعني؟؟؟؟
مايكل أنا طبيعي كنت قريب وقلت أتأكد أنك هنا علشان متلطعنيش زي كل مرة
جون طيب يا سيدي أدينا هنا كلنا
مايكل وأستاذ عماد لسة مجاش
نانسي لسة ......... أدينا مستنيين
راندا بقولكوا أية .... أنا لازم أروح بسرعة حاكم أنتوا متعرفوش قانون 8.5
مايكل أية قانون 8.5
راندا أة ده قانون عندنا في البيت " راندا ممنوع تأخري عن 8.5 ">>>>>( تقلد والدتها)
الأب لو أخرتي عن 8.5هتعرفي شغلك
راندا طب ما أخواتي الولاد بيأخروا وبيسهروا
(الأب والأم يشيرون إليها بأصابعهم " أنتي بنت ")
راندا أنا بنت ... وعلشان بنت في كتير من المحظورات عليا ... ممنوع آخر حتي ولو في الكنيسة
الأب ممنوع تجيبي صحباتك البيت
الأم ممنوع تلبسي دة أو دة
راندا ليه
الأم دة مش لبس بناتنا
راندا ما هو كل البنات لابسينه
الأب أحنا مش زي البنات دول
ماريان ومايكل أنتي بنت المسيح >>>> "يشيرون إليها بأصبعهم "
ماريان وفيها أيه يعني يا ست راندا أشكري ربنا أن في حد بيسأل فيكي من أصله أو يتكلم معاكي
نانسي لية يا ست ماريان .... قاعدة مع خرس ؟؟؟؟
ماريان يا ريت ... ده أنا قاعدة مع طرش
جون أيه...... طرش
ماريان آة ... الوحيدة اللي ممكن أحكي معاها هي تيتة وتيتة طبعاً سمعها تقيل تسمع كلمة وتهنج عشرة
مايكل وأبوكي وأمك
ماريان بابا .... راجل البيت معندوش تفاهم , الحوار شيء مش في قاموسة وحاسس أنه لو أتفاهم معايا مرة واحدة مش هيقدر يمشي كلامه تاني
راندا وماما
ماريان ماما دي ربنا يساعدها هتسمع مين ولا مين البيت كبير والحمل تقيل وبابا عامل رعب في البيت اجي أتكلم و أقول لا
الأم أخرسي ابوكي لو سمعك هيطين عشتك وعشتي حرام عليكي أتهدي
ماريان حرام عليا ... لية أنا مش أنسانه وليا رأي
الأب رأي.... رأي أية يا ست ماريان هو أحنا ودناكي المدارس علشان يبقا ليك رأي
ماريان أسمع الكلام دة وأجري علي طول علي السرير وأعيط ... مخدتني دى هي صدقتي الوحيدة
نانسي غبية أيوة غبية مبتصوليش كتير انا غبية وعارفة كدا كويس بس هعمل اية أنا كدا ربنا خالقني كده
شخص 1 خسارة ... البت دي بتذاكر كتير فعلاً ناحرة نفسها علي الكتاب بس غبية
شخص 2 البت دي لو عندها شوية ذكاء كانت تبقي من الأوائل
نانسي غبية في المدرسة بذاكروأذاكر وأذاكر ... بس كل الناس بتقول عليا غبية ممكن أجيب صفر من عشرين والشهر التاني خمسة من عشرين والناس تقول
الكل برضه غبية
نانسي صدقوني يا ناس أنا ذكرت أنا حاولت ولكن
شخص 1 الغبي غبي متحاوليش
نانسي نيجي بقي للبيت
الأم البت دي غبية أنا عارفة هتتجوز أزاي ولا مين هيرضى بيها
الأب اية اللي عاملتيه ده هي ناقصه غباءك
الأم أنتي طول ما أنتي كدا بتعقديني من حياتي أنا عارفة اللي هيتجوزك هيبصلك علي أية
نانسي بس لية يا ربي حرمتني من الذكاء ... بس لو كان عندي شوية ذكاء بس
مايكل ولو كنت اذكى بني أدم في الكون برضه مش زي أبانوب أبن خالتك"مقلدا امه " ياماما ابانوب حاجة وأنا حاجة تاني
الأم أبانوب حاجة وأنا حاجة ولية متبقاش زي أبانوب تقل أية عن أبانوب
الأب يا اخي نقصك أية عنه أكل وأكلك أحسن منه لبس وأحسن لبس عندك مدرسين بيجولك لحد البيت ناقصك أية
مايكل يا بابا
الأم يا أخي حس علي دمك دا أنا مش قادرة أوري وشي لخالتك من يوم ما ظهرت النتيجة
مايكل يا ماما .... أنا أحسن من ناس كتير
الأب فين يا خويا هاتلي واحد بس أنت أحسن منه ... دا أنت حتي محصلتش مينا أبن عمتك
مايكل يووه زهقتوني بين مينا وأبانوب حرام عليكوا
الأم وعلي أيه دا البنت نفين جيرانا
مايكل كفاية ... كفاية أنا مش زي حد
جون "يا أخي حاول تتغير .... حاول تبقي زي أصحابك" (مقلداً والده) أنا حاجة وهما حاجة ... أنا ربنا خلقتني كده
الأم ماله هدر صاحبك متبقاش زييه ليه
جون ياماما هدرا حاجة وأنا حاجة ... وبعدين هدرا فيه حاجات كتير وحشة أنتي متعرفيهاش
الأم خد الحلو منه وسيب الوحش
جون أنا مش هاتغير أنا كده ليه بتحاولوا تغيروني
الأب حد يكره أنه يكون أحسن
جون يا بابا يا حبيبي مفيش إنسان خالي من العيوب ... أنا زي ما في مساؤي في حاجات كتير حلوة
الأم يا جون يا بني احنا عاوزينك أحسن واحد في الدنيا
جون أنا فعلاً أحسن واحد لو فضل جون هو جون
الأب أنت عنيد يا جون
الأم ومسيرك يوم تحس وتعرف غلطتك
الأب بس بعد ما يكون عدي الوقت
ماريان هو فعلاً عدي الوقت وأنا أبتدبت أمل ... هنقعد كده مستنيين
راندا ايوة فعلاً الوقت هيروح والساعة 8.5 هتيجي
مايكل طب هنعمل أيه يعني
جون أيه رأيكم نشغل الكومبيوترات
راندا لأ يا عم جون نتاسوني كرستين تزعل
نانسي آه وبعدين متدخلناش هنا تاني هنا
مايكل وهي ايه اللي هيعرفها بس
ماريان أفرض جت ياسي مايكل
جون مالكوش دعوة أنا بخدم هنا في السنتر ومحدش هايكلمني
راندا طب وبعدين هنعمل أية علي الكمبيوتر ... أنا زهقانه ومش عاوزه أسمع حاجة
جون تعرفوا تلعبو ميدل ... لا طبعاً ... طب أية رايكوا ندخل نت ؟؟؟
نانسي نت
جون آيوة نشيت يعني ...
راندا لا يا عم أبونا قال مش أي موقع شات تدخلوه
جون استنوا بس الموقع اللي هقولكوا علية مضمون ميه في الميه
نانسي إيه هو ده
جون أسمه "liberty of kingdom"
ماريان أيه يعني أيه
جون يعني مملكة الحرية
مايكل الله اسم جميل
ماريان ويا تري بقي أيه حكاية الموقع ده ؟؟؟
جون الموقع ده عبارة عن مدينة تخيلية
نانسيتخيلية ... ازاي يعني !!جونيعني مش في الواقع .... حاجة كده علي النت وبسرانداها وبعدين ..... كمل
جون وهناك ممكن تاخد أي دور يعجبك في الحياة وتعيشه
ماريان يعني أيه ..... أي دور أي دور؟؟؟
جون أي دور من أول الكينج أو الكوين اللي هو الملك أو الملكة لحد عامل النظافة في المدينة
مايكل وعلي كده ايه الشروط ؟؟
جون مفيش أي شروط المكان هناك كله حرية
نانسي طب وهندخل ازاي
جون بسيطة أنتي ما عليكي غير إنك تملي شوية بيانات وتجاوبي علي كام سؤال وساعتها هتبقي citizenأو مواطنة في مملكة الحرية ...... الله أنتوا رحتوا فين طب أستنوني هندخل كلنا مع بعض
++ نهاية المشهد الأول ++
المشهد الثاني
المكان :- "القصر الملكي"
ماريان أعزائي مشاهدي ومستمعي قنوات وإذاعات ليبرتي كينج دم معكم ماريان مراد من القصر الملكي لمملكتنا السعيدة الليبرتي كنج دم حيث ننقل المؤتمر الخامس عشر للحزب الدكتاتوري والذي ترأسه ملكتنا الهنية ذات الطلعة البهية الملكة المفترية ... عفواً الديمقراطية الملكة راندا
نانسي تـــــعيــــــش الــــملـــــكة رانــــــدا >>>>>> " يرددون"
أنطون لا كــــويــــــــــن ألا رنـــــــــــــــــدا >>>>>> " يرددون"
جانيت راندا هي الكوين والكوين هي راندا >>>>>> " يرددون"
راندا شكراً .... شكراً ... شعبي الحبيب شعب ليبرتي كنج دم >>> " وتصمت "
توم في ايه هي سكتت لية ؟؟
ديانا مش عارفه
راندا أنتوا مبتصقفوش لية ؟؟
نانسي يالا يابني صقفوا صقفوا
راندا شكراً شكراً .... أنتوا عارفين طبعاً انا بحبكم قد أيه
جون هيه .. هيه عظمة علي عظمة >>>> " تشير إلي أثنان يأخذونه "
راندا وعارفين طبعاً أنا بتعب علشان خاطر المملكة
نانسي ايه نصقف ؟؟؟
راندا أيوة طبعاً
نانسي يالا يابني صقفوا صقفوا
راندا شكراً شكراً وعشان كدا أنا قررت وده طبعاً بعد ما أخدت رأيكم
هيلين أخدت رأينا في أيه ... هو حد خد رأينا في حاجة ؟
راندا مش مهم تعبروا عن رأيكم ..... أنا واحده من الشعب وعارفة أيه هو رايكم ... علشان كده أنا أكتر واحده مصلحتكم
روما أيه ده هو تسلط
راندا أعتبروه كده ... عشان أنا بحبكم وعامله علي مصلحتكم قررت تعديل شوية مواد في الدستور
جانيت دستور .... دستور أيه ؟
ديانا الدستور ........ الدستور بتاعنا طبعاً
جانيت هو أحنا عندنا دستور؟
ديانا أخرسي بقي أنت عاوزة تودينا في داهية وخلاص
راندا أولاً مادة 1 عكس قانون 8.5
انطون عكس قانون 8.5 أزاي يعني ؟
جانيت طب وليه ما أحنا كده كويسين وطول عمرنا ماشيين عليه
ديانا يا بنتي أسكتي إحنا هنعرف أكتر من الكوين
توم أكيد المواعيد أتغيرت وممكن نفضل بره بيوتنا لحد 10أو11 بالليل مش صح كده
راندا لأ ... قانون 8.5 تعكس يعني انت بعد 8.5 من حقك تطلع برة البيت تخرج تتفسح تشم هوا أخر زي منتا عاوز لكن قبل 8.5 مفيش خروج من البيت
هيلين أيه ده ... هنام في النهار ونطلع في الليل
روما هو نظام الحاكم بأمر الله
راندا لأ نظامي أنا .... انا راندا يعني الكوين ... وما دام الكوين أمرت يبقى
نانسي يبقي الأمر لازم يتنفذ
راندا وبعدين انا مش فاهمة انتوا زعلانين ليه ... المهار ده بيبقي حر وملل وزهق ودبان
ديانا دبان ... دبان أيه؟؟
راندا لكن في الليل نشم نفسنا هوا ومتعة وسهر .... يالا اطلعوا اسهروا كله يطلع يخرج ويتفسح
نانسي تعيش الكوين "لا احد يردد وراءها "
راندا مادة 2 مفيش حد يدخل البيت لوحديه كله يدخل مع اصحابه ... محدش يمنع حد من أنه يجيب أصحابه كلنا لازم نزور بعض
جانيت ايه ده فين الخصوصيه؟
ديانا يا بنتي أنتي ناوية تضيعيانا
راندا مادة 3 من حق كل واحد يلبس اللي هو عاوزة محدش يمنع حد أنه يلبس أي حاجة ... البسوا كل اللبس ... ألبسوا
هيلين أي لبس .... أي لبس؟؟
راندا أة أي لبس
ماريان والأن أعزائي المشاهدين ودلوقت هايكون لينا لقاء مع الكوين ... تفتكري يا فندم ان الشعب هيرضي عن القوانين دي
راندا هو بصراحة
ماريان خصوصاً يا فندم أن تعديل الدستور تم بموافقة حضرتك والوزرا بس من غير رأي الشعب
راندا مين اللي قال أن
ماريان ما هو يا فندم كمان الشعب عمره ما هيرضي انه يكون منظر وخلاص وخصوصاً أن حضرتك مخليتوش يتكلم او يعبر عن رأيه
راندا انا قصدي اقول
ماريان انا عارفة طبعاً ان حضرتك عاملة علي مصلحة الشعب وإلا مكنتيس برضه وافقتي علي قانون تعديل الثانوية العامة مش صحيح برضه!!
نانسي ايوة صحيح لأن
ماريان أنا عارفة أن القوانين الجديدة دي هتحاول تصلح التعليم لكن مش ممكن تكون مساؤها اكتر من مميزاتها؟؟
نانسي لأ طبعاً لأن التجربة أثبتت
ماريان عارفة طبعاً يا فندم أ، حضرتك هتقولي ان التجربة اثبتت ان النظام ده اصلح نظام لكن بالعكس هيشجع اكتر علي الدروس الخصوصية
نانسي مش ممكن لأن
ماريان ولا أنتوا رأيكم أيه ... ماتتكلمي حضرتك يا فاندم ..طب حضرتك يا سيادة الوزيرة
نانسي عاوزة تعرفي رأينا
ماريان أه طبعا
راندا طيب
الاثنان معا أنتي مرفوده
ماريان أيه!!!
نانسي يالا طلعوا المذيعة دي بره
راندا المذيعة دي فاشلة ... ازاي تدخل التليفزيون
نانسي مش عاوزة أشوف وشك في أي قناة تاني
راندا خلاص يا ابني اطفي النور مفيش تصوير ..... بقولك أطفي النور "اظلام "
++ نهاية المشهد الثاني ++
المشهد الثالث
المكان :- "في بيت جون"
جون الحمد لله مفيش حد لما اجرب الدور الجديد .. أنت مش أبني ودي مش أبوك وده مش أمك أطلع بره بيتي احنا لامنك من الشوارع وفصاصيح الزبالة .... ميه ميه هخرب الدنيا
انطون يدخل إلي أرض المسرح ومعه هيلين ويصفقون
جون أنتوا هنا من أمته ؟؟
انطون أحنا هنا من ساعت الشوارع وفصاصيح الزبالة
هيلين يا جون صدقني التغير هو الحل
جون لا يعني لا أنا جون رأفت وهفضل زي مانا جون رأفت
هيلين تبعني يا جون كله ده لمصلحتك الفنية
جون لا
هيلين ما تتكلم يا سي انطون
انطون أنا ماليش دعوة بالكلام ده المهم عندي نبدأ تصوير الفيلم
هيلين هنصوره ازاي وهو منشف دماغه كده
انطون يا عم جون ابوس علي دماغك أسمع الكلام
جون لأ يعني لأ ... وبعدين أنا مش عارف أنتوا عاوزين تغيروني ليه ... أنا كده وهافضل كده أنا جون رأفت اللي الشباب كلها بيحبوه وبيدخلوا مخصوص الفيلم علشان أنا موجود فيه حتيلو كنت بمثل مشهد واحد
هيلين ماشي يا عم النجم بس ده كان زمان
جون كان زمان ... يعني أيه أنا هفضل النجم .. أنا جون رأفت .... ما تتكلم يا عم المنتج !!
انطون بصراحه يا سي جون هي ليها حق
جون ليها حق
هيلين دا حتى مراتك ماريان وبنتك روما زهقوا
جون إزاي يا ناصح
انطون آه .... شكلك الملخبط ده وتسريحة شعرك اللي من أيام جدي ولبسك ده اللي ما أتغيرش من أول مرة طلعت مثلت فيها
جون ما هي هي دي الحاجات اللي حببت الجمهور فيّا
هيلين كان يا أستاذ كان وبعدين شوف فيلمك الأخير حضره كام واحد
جون كتير
انطون كتير مين يا أستاذ ده محضروش غير أنت ومراتك وبنتك .... وبس
جون كفاية ... ثم أن الجمهور مكانش فاهم الفيلم مش غلطتي
هيلين لأ الجمهور زهق منك .... أتغير
انطون وبعدين أنت خايف من التغير ليه دي الطبيعة نفسها بتتغير
هيلين صيف بعديه خريف شتا ربيع برد حر ... الدنيا كلها بتتغير
انطون وبعدين هنروح بعيد ليه شوف الواحد ده المغني اللي لسه طالع جديد
جون مين ده ؟؟
انطون اللي أسمه عمرو دياب
جون ماله ده كمان ؟؟
انطون أهو ده لو مطلعش كل مرة بشكل جديد يموت محدش يسمعه
جون برضه أنا مش مقتنع
هيلين لازم تقتنع
انطون لازم تصلح من نفسك
الاثنان معا لازم تتغير لازم تتغير
جون خلاص ماشي هتغير هاجرب وأمري لله ... هاحط جيل في شعري وهالبس بنطلون فانكي هامشي بسلاسل في صدري ... ارتحتوا هو ده اللي عاوزينه
انطون يووه شوفي فهم ايه
هيلين المهم أن اسلوبك يتغير
جون ماله أسلوبي بقي يا ست هيلين
هيلين أسلوب قديم مفيش حد بيعمل اللي بتعمله دلوقت ... لازم تعبر عن الناس ... تتكلم عن اللي بيحيوه
جون انتوا خلاص مبقاش عاجبكم أي حاجة فيّا ؟؟
انطون بصراحه ... أه
جون خلاص بلاش أمثل تاني .... واقعد في البيت جنب المدام
هيلين يا جون انت ممثل كويس بس عيبك الوحيد انك مش عاوز تتغير ... تحسن من نفسك يا اخي بص على نفسك في المرايا
جون ماله شكلي ماهو قلنا هانغيره
انطون واسلوبك
جون ماله اسلوبي ... قلولي ماله اسلوبي
هيلين قديم من زمن يوسف وهبي
انطون يا ريت دا حتي يوسف وهبي لوقام وشافه هايقوله ياقديم
جون هو التمثيل فيه قديم وجديد
هيلين ايوه
جون أزاي
انطون أقولك أنا ... أفترض إنك انت بتحب واحده هتعمل أيه .. هتقولها ايه ؟؟؟
جون أقولها .. أقولها ... هيلين أني أحبك حباً شديداً .. حباً لم يعرفه إنسان من قبل ... أنا ببعتلك كل يوم جواب مع عم عبده السفرجي وانتي مكنتيش بتردي عليّا وابوكي الباشا محرج عليّا اقرب من شباكك .... بصيلي أنظري إلي نظره >>>>>> ( تدخل ماريان وروما من خلفه )
هيلين طب خلاص .... خلاص قوم يا جون كفايه
جون لسه مكملتش .... علشان تعرفي أناعندي قد أيه لسه مطلعتوش
هيلين يا جون كفايه الله يخليك
جون لأ ... أنا لسه جوايا طاقة كتير وعاوزها تتطلع
ماريان ماتطلع يا خويا الطاقة .... طلع يا حبيبي .... طبعاً ما هو أن غاب القط ألعب يا فار
جون يا ماريان انت مش فاهمه حاجة
هيلين يا فندم الموضوع مش زي ما انتي فاهمه
ماريان ماتفهمني انت يا حبيبتي فهمنيي ... يمكن انا غبيه مبفهمش
جون يا ماريان انتي جيتي في وسط الكلام
ماريان وسط الكلام وكنت عاوزني اجي في اخر الكلام .... عال عال
هيلين يا هانم انتي مش عارفه ايه اللي بيحصل
ماريان ماتفهميني انتي يا اختي ... وانت يا سي انطون بيه يا منتج قاعد تعمل ايه ... توضبلهم القعدة
جون هاها
انطون لأ لحد هنا وكفايه ... اللي انا عاوزك تفهميه
جون ايوه ... فهمها
انطون ان هيلين مش هي اللبتحب جوزك ده جوزك اللي
جون ايوة ... طينها طينها
انطون انا قصدي اقول ان هما الاتنين مش بيحبوا بعض
ماريان يا سلام واللي انا شوفته ده يبقى ايه
هيلين يبقي مشهد في الفيلم الجديد
ماريان يا سلام ... هبله انا
انطون يا ماريان صدقيني هي دي الحقيقة ... احنا كنا بنحاول نخليه يغير من نفسه يتطور يطلع لقدام 15 سنة
ماريان يتغير ... جون .. غريبة دي !! دي لو كل الدنيا اتغيرت هو مش هيتغير .. أسألوني أنا
جون هاتغير بقي في عندك يا ماريان هحط جيل في شعري وهالبس بنطلون فانكي
ماريان واسلوبك
جون ايه
انطون اسلوبك
جون هغيره ... بس عالله يعجب في الأخر
ماريان يا جماعه متحاولوش جون خلاص حط نفسه في قوقعه ومش هيطلع منها وجون رأفت هيفضل طول عمره جون رأفت
جون لأ .... هتغير وهتشوفي
ماريان يا ريت ... اتمني ... يالا يا روما
روما يا بابا عاوزه اقولك حاجة
جون في ايه يا حبيبي
روما الناس دلوقتي بتحب بالموبيل يابابا !!!!
جون البت دي تقصد أيه
هيلين المهم اسيبكم دلوقت علشان عندي تصوير
جون طب باقي المشهد .... قصدي التغيير
أنطون من الناحيه دي أطمن انا عندي الحل
هيلين خلاص الأستاذ أنطون هيتصرف ..... سلام
جون هيتصرف أزاي فهمني
أنطون مالكش دعوة هاجيبلك احسن واحد ممكن يغيرك ... واحد مفيش منه اثنين في العالم مينفعش تقارنه بحد
جون مين ده شوقتني
أنطون عيب ده مفاجأتي هجيبهولك وهاجي
جون طيب مستنيك متأخرش
أنطون مسافة السكة وجاي
ماريان هي مشيت حبيببت القلب
جون يووه بدأنا ... يا بنتي أنا نجم بطلي الغيرة اللي فيكي دي
ماريان غيرة .... لا متخفش عارف ليه لأنك ممثل فاشل مين هيعجب بممثل فاشل زيك
جون مذيعة فاشلة مثلاً
ماريان بطل هزار أنا بتكلم جد
جون يا ماريان فيه أيه بس ماهو أنا خلاص هتغير
ماريان مصدقش جون رأفت هيفضل طول عمره جون رأفت
جون صدقيني انا هتغير ... صدقيني المرة دي بس
ماريان لما نشوف >>>>> " يرن جرس الباب " مش هتفتح الباب
جون الله ... وأنتي رايحة فين!!!
ماريان رايحة أذاكر مع بنتك .... ما أنت مش دريان بحاجة
جون تذاكري مع روما ... غريبة دي .. أيوة طيب .... طيب هي الدنيا >>> " تدخل جانيت " حلوة بشكل
جانيت أفندم ... حضرتك بتقول حاجة ..؟
جون أة بقول الدنيا حلوة بشكل
جانيت دا فيلم لجون رأفت .... الله مش حضرتك برضه ياه يا فندم متتصورش حضرتك أنا كنت من أشد المعجبين بيك أزاي
جون الله يخليكي
جانيت مش هو دا الفيلم اللي كنت واقف فيه قدام البطلة لما كانت بتقولك ... أستني أستني همثلهولك >>>> " تقلد البطلة " لا يا نور مقدرش اقول لبابا كده.. مقدرش اقول أني بحبك
جون أنتي عارفة لو مقولتيهاش هعمل ايه ... هاموت نفسي>>> "تدخل ماريان" قوليلي بحبك وانا اكسر الدنيا ...ابيع الدنيا كلها علشانك هانسي مراتي وعيالى علشانك بس قوليها
ماريان ماتقوليها ياختى خلينا نشوف هيسيب مراته وبنته ازاي
جون يادى النيله ......يامريان
ماريان ايه هاتصور مشهد جديد ودى البطله
جانيت لا دا مشهد قديم يا فندم
ماريان مشهد قديم هو فعلا مشهد قديم وكل شوية بشوفه مع واحده شكل
جون يا ماريان صدقينى دا مشهد من فيلمى الدنيا حلوه بشكل
ماريان حلوه >>>> "تلف حول جانيت " مش احلى منى برضه
جانيت الدنيا يافندم الدنيا
ماريان وانت تطلعى مين بقي
جانيت انا جانيت جورج وحضرتك .....ماريان مراد المذيعة المشهورة صح
ماريان أيوة
جانيت ياة يا فاندم متتصوريش حضرتك أنا كنت من أشد المعجبين بيكي أزاي
ماريان صحيح ... متشكرة
جانيت متتصوريش يا فاندم أنا كنت بحب برنامجك بتاع حديث الناس أزاي ... وخصوصاً وأنتي ماسكة الضيف وهرياة أسئلة لدرجة أنه مبيعرفش يتكلم
ماريان طبعاً يا جانيت الضيف مبيبقاش لاقي حاجة يقولها
جانيت لا وخصوصاً أنه كل ما يجي يتكلم حضرتك تهجمي عليه بسؤال جديد
ماريان طبعاً الهجوم خير وسيلة للدفاع
جون هو ماتش كورة ... هو حضرتك مين بالظبط
جانيت ما انا قولت لحاضرتك أنا جانيت جورج
جون وأيه يعني
جانيت يا فاندم أنا بقول لحضرتك أنا جانيت جورج
جون وأنا بقول لحضرتك وأيه يعني ؟؟
جانيت هي روما ما قالتش لحضرتك
جون روما تقولي ... تقولي أيه
ماريان أة تكونيش حضرتك مدرسة الألعاب بتاعتها
جانيت لو سمحتي أسمها تربية رياضية
ماريان أنا أسفة علي العموم ... روما جوه ... يا روما يا روما
روما أيوة يا ماما مين مس جانيت أزيك يا مس
جانيت أزيك يا حبيبتي أنا جيت أهوة علي حسب الميعاد
جون معاد .... معاد أيه؟
ماريان أسكت أنت ... أهلاً أهلاً أتفضلي حضرتك
جون تتفضل فين الساعة 12 بعد نص الليل ؟
جانيت وفيها أيه
جون وفيها أيه فيها كتير
جانيت يا فاندم ده شغل .. أنا مش فاهمة حضرتك مزعل نفسك ليه
جون شغل ... شغل ايه ؟ ... ده اللي في أنصاص اليالي !
جانيت شغلي مدرسة
جون يا بنتي وأهلك أزاي سمحولك تنزلي في الوقت ده من البيت
جانيت لو سمحت متتكلمش عن أهلي
جون هم فين أهلك دول وأنا أكلمهم ... أزاي يسمحوا لوحدة تنزل في الوقت ده
جانيت لا ده أنت زوتها خالص لمواخذة اصلة كدة دايما مدب
روما يا بابا ماهو انت مش دريان
جون لا يا بنتي ولا دريان ولا ماريان
روما اصل الدنيا اتقلب حالها والليل بقي نهار والنهار بقي ليل
جون الليل بقي نهار والنهار بقي ليل أزاي بقي يا فصيحة عصرك
روما يعني الناس بقت تشتغل باليل وتنام بالنهار
جون يا سلام وأنهي حمار اللي عمل كده هو مين قولولي؟؟
روما هي يا بابا هي...
جون مين الحمارة اللي عملت كده
روما الكوين
جون الكو... كو... ين وليه بس تعمل كده ؟
روما أهو بقي روح أسئلها
معلش بقي صدقيني هو ميقصدش
جانيت لا لا يا فندم لا يمكن ده أهني وأهان أهلي كمان
ماريان طيب خلاص هيعتذرلك ..... أنا هخليه يعتذرلك
جانيت لا يمكن
ماريان طب أيه بس اللي يرضيكي ؟
جانيت ينشر أعتذار رسمي في الجرنان في الصفحة الأولي كمان
جون أيه ليه غلط في الوزير؟؟ ربنا يخليكي لينا يا كوين .... أمال دي لو عرفت أني غلط فيها هتخليني هعتذر فين ؟؟؟
جانيت أنا قلت أعتذار رسمي يعني أعتذار رسمي .... سلام بقى يا حضرة الممثل الفاشل .... سلام يا حضرة المذيعة المرفوده؟
روما عاجبك كده أهي هتسقطني هعيد السنة بسببك
جون هو أيه اللي بيحصل بالظبط تسقطها أزاي
ماريان طبعاً يا أستاذ مهو أنت مش دارى
جون لا مش داري دريني أنتي
ماريان مهو نظام التعليم دلوقتي أتغير
جون يا سلام أزاي يعني
ماريان دلوقت مبقاش في حاجة أسمها أمتحانات
جون نعم
ماريان أة كل مدرس ومدرسة يقيموا الأولاد علي حسب مجهودهم
جون والتقييم ده يطلع أزاي
ماريان أهو بقي حسب كل واحد وتقديرة
جون وهو دة عدل
ماريان من وجه نظر صاحب الفكرة
جون أنهي غبي هو اللي عمل الفكرة دي ؟؟؟
ماريان قصدك غبية
جون مين
ماريان نانسي نسيم وزيرة التعليم
جون هي غبية حتى في دي
ماريان المهم دلوقت هتعمل اية >>>"يرن جرس الباب" أستنه لما أشوف يمكن رجعت بقولك أية أبقي اعتذرلها
جون حاضر صدقيني أنا مكنش قصدي ... أنا كان قص...قص
انطون هو فيه أيه ؟
ماريان أبداً يا سيدي غلط في مدرسة روما وهي مصرة أنه يعتذر لها في الجرنان
انطون وده طبعاً هيهز من صورته قدام الجمهور
ماريان هي لسة متهزتش ؟؟؟
جون أنا لا يمكن أعتذر ... أنا عمري ما أعتذرت لحد
ماريان لازم تعتذر
جون لا مش هعتذر أنا هو أنا ومش هتغير
ماريان لا هتتغير
جون يوووه كفاية تغيير هو ايه اللي حصل لده كله
ماريان حصل اية..... بنتك هتعيد السنة بسببك وتقولي حصل اية
جون تعيد السنة علشان مدرسة الألعاب
ماريان طبعاً مش هي دي اللي هتحط الدرجات .... أمال انت كنت فاكر هي جية لية
جون انا عارف مهو انا اخر من يعلم
ماريان علشان تديها درس خصوصي طبعاً
جون في الألعاب
ماريان في الألعاب
جون يا عالم أنتوا عاوزيين تجننوني..... درس خصوصي في المراجيح
ماريان المهم لازم تصلح غلطتك
جون يعني أيه اتجوزها
ماريان أحترم نفسك وألا.....
جون مهو أنتوا كمان بتقولو كلام مش معقول
ماريان انت لازم تتصرف وتشوف حل؟؟
انطون يوووه أزاي نسيته
ماريان هو ايه
انطون الحل .... قصدي البني ادم اللي زمانه مرمي قدام الباب عن أذنكم
جون انتي فاهمة حاجة
ماريان ابدا
انطون اتفضل يا دكتور مايكل
جون مين ده
انطون ده الدكتور مايكل كمال تلاتة دكتورة وخمسة ماجستير وهو الوحيد اللي حصل علي جائزة نوفل 3 مرات علي التوازي علشان كده من حقة الأحتفاظ بيها للأبد
ماريان البني ادم ده
انطون ايوة اتفضل يا دكتور سلم علي الفنان العظيم جون رأفت مش ده يا دكتور دي مراته المذيعة المشهورة ماريان مراد يوووه لا مؤخذة يا جماعة اصله مبيشوفش من غير النضارة .... هي فين تفضل البس
جون ايه ده هو مش بيتكلم ؟؟
ماريان واضح أنه أخرس
مايكل انا عارف ان شكلي ومنظري كده ميقولوش علي حاجة خالص لكن لأ ده انا مايكل كمال العالم المشهور مفيش مني اتنين في العالم ... أنا مايكل كمال غير قايل للمقارنة!
جون هو ايه ده .... هو كده علي طول؟؟
مايكل وانت تحت ايدي
جون تحت ايدك مين يا عم
مايكل انت تحت ايدي هتبقي نجم النجوم هترجعلك شهرتك
جون ازاي بقي قولي هنا الراجل ده مش دكتور؟؟؟
انطون اه
جون وهو ماله بقي بشغلنا؟؟
انطون دا موسوعة .... راجل بتاع كله
جون يا سلام
ماريان علي كده بقي حضرتك تفهم في شغل السينما والبروبجاندا
مايكل عيب يا ماما دا انتي قدام مايكل كمال اللي مينفعش تقارنيه بحد ... انا في رسالة الماجستير الرابعة بتاعتي وفي الفصل رقم 7777وبالتحديد صفحة رقم 165 كنت بتكلم علي ان الممثل لازم يغير من نفسه
انطون امال احنا جايبينك ليه ؟؟
مايكل وانا هنا عشان كده
جون يعني فكرك هيرجعلي جمهوري ؟؟
مايكل عيب يا بابا دا انت قدام مايكل كمال اللي مينفعش تقارنه بحد ... انا في رسالة الدكتوراه التانية وفي الفصل رقم 5555وبالتحديد في صفحة 165 كنت بتكلم عن ان الجمهور لازم يشوف في النجم بتاعه البطل اللي بيجسد احتياجاته واحلامه
جون ياه دا انت فعلاً موسوعة يا دكتور
مايكل ولسه ياما هتشوفوا
انطون وطبعاً الدكتور هيعيش هنا معاكوا علشان يتابعكوا خطوة بخطوة
ماريان دا يشرفنا .... يا روما .... يا روما
مايكل ايه دا هي بتنادم علي ايطاليا؟؟
انطون لا دا روما اسم بنتهم
مايكل يا راجل ما انا عارف دا انا كنت بهزر دا انا مايكل كمال
جون عارف اللي مينفعش يتقارن بحد
روما ايوة يا ماما ..... الله ..... مين ده يا ماما السفرجي الجديد!!
ماريان هاها هي كده تحب تهزر دا يا روما الدكتور مايكل كمال العالم المشهور
روما اللي حرق معمله
جون ايه هو صحيح انت حرقت معملك؟؟
مايكل هه دي كانت ازمة نفسية بسيطة وعديتها خلاص
جون انت متأكد انك عديتها
مايكل عيب يا بابا انت بتكلم مايكل كمال .... انا في رسالة الماجستير الرابعة وفي الفصل رقم 6666وبالتديد في صفحة رقم 165
جون ايه دا هو كل رسايل الماجستير مفيهاش غير صفحة واحده؟؟
انطون اظاهر انها صفحة طويلة حبتين
مايكل عارفين كنت بقول ايه
كلهم ايه
مايكل كنت بقول ان الواحد لازم يتغلب علي ازماته النفسية بسرعة علشان يعرف يواصل حياته
جون يا سلام ..... دا ايه الفصاحه دي
مايكل هاها انتوا شوفتوا حاجة
انطون علي العموم الدكتور عندكم اهوه وخلوة يتصرف .... دا حتى ممكن يفيدكم في موضوع روما
ماريان موضوع روما؟؟!!
مايكل اه موضوع روما ومدرسة الألعاب
ماريان ايه ده انت عرفت؟؟
مايكل عيب يا ماما دا انتي قدام مايكل كمال اللي مينفعش انك تقارنية بحد
جون يا عم اسكت انت اكيد سمعته وانت مرمي بره قدام الباب
ماريان وانت هتعرف تتصرف ؟؟؟
مايكل اكيد انا في رسالة الدكتوراة التالتة وفي الفصل 4444وبالتحديد في صفحة
كلهم 165
مايكل مظبوط هو انتوا قريتوا الرسالة ولا اية
انطون المهم دلوقت يا دكتور شوف شغلك ورينا هتعمل ايه
مايكل هتشوفوا
انطون علي فكرة يا ماريان احنا في النقابة حاولنا نتوسطلك ونرجعك الشغل لكن
ماريان لكن ايه
انطون لكن الكوين ووزيرة التعليم منشفين دماغهم قوي من ناحيتك
ماريان بس هاعمل ايه يا ربي اكتر من اللي عملته .... اعتذار واعتذرت
انطون انتي كمان لازم تغيري من نفسك
ماريان انا كمان ليه هالبس بنطلون فانكي وهحط جل في شعري
انطون لا .... لازم تغيري من اسلوبك زي ما انتي عاوزة تسمعك لازم تسمعي الناس لازم تنتبهي لكلام الناس مش تعمل ودن من طين وودن من عجين
ماريان اسمع الناس ... انا مصدقت جيت هنا علشان الاقي حد يسمعني
انطون صدقيني لو مسمعتيش الناس عمر ما حد هيسمعك
ماريان فيلسوف حضرتك
انطون علي العموم في حل اقترحته هيلين
ماريان وعاوزة ايه الست هيلين؟؟
انطون اسمعي بس دي عاوزة مصلحتك
ماريان فيها الخير
انطون هي اقترحت انك تعملي حوار مع الكوين ووزيرة التعليم
ماريان تاني
انطون المرة دي لازم تغيري اسلوبك وساعتها هيروا عنك
ماريان وارجع للكاميرا والاضواء والشهرة
انطون والناس تسمعك زي زمان
ماريان اوكي انا موافقة
انطون بس زي ما اتفقنا
ماريان حاضر حاضر اطمن خالص
انطون تحبي امتي نصور
ماريان أي وقت انا جاهزة دلوقت لو حبيت
انطون للدرجة دي مستعجلة
ماريان متتصورش وحشتني الكاميرا ازاي عاوزة حد يسمعني هاموت يا عالم حاسة اني هتخنق
انطون خلاص خلاص انا هاتصرف .... الو ايوة يا هيلين انا انطون المنتج بصي ماريان مراد موافقه انها تعيد التصوير مع الكوين ووزيرة التعليم امتي دلوقت لو تقدري ايوة باسرع وقت سلام ايه رأيك يا ستي
ماريان متشكرة جداً يا انطون
انطون بس عالله النجم بتاعنا يركز في الفيلم "يرن جرس الباب "
ماريان اطمن .... عن اذنك اشوف مين " يدخل بعض الاشخاص الملثمين ويرتدون ملابس سوداء "
توم اوعي من هنا ... خش بشرعة منك له .. انتشروا .. خد لك ساتر منك له .. استعدوا للهجوم ... هجوم " يهجمون على انطون الموجود في عمق المسرح
ديانا برافو برافو
ماريان هو ايه اللي بيحصل بالظبط .. انتو مين
ديانا احنا حركة حرام من اجل التغيير
انطون حرام .. حرام ايه
المجموعة كفاية حرام .. كفاية حرام
انطون بس خلاص هتعملوا مظاهرة هنا ولا ايه
ماريان انتوا عايزين ايه بالظبط
المجموعة هنفجر المكان
ديانا احنا هنا لما عرفنا ان الكوين ووزيرة التعليم جايين هنا النهارده
توم علشان يصوروا البرنامج معاكي
ماريان ايه ده للدرجة دي الاخبار وصلتلكوا
ديانا انت ناسية اننا عالنت و مفيش اخبار بتستخبى
انطون طب ممكن بقى تلخصوا وتقولوا انتوا عاوزين ايه
المجموعة هنفجر المكان
ماريان ايه تفجروا ايه
ديانا احنا مستعدين نعوضكوا عن كل اللي هيحصل
ماريان ايه
توم هنديكوا 5 جيجا زيادة
ماريان نعم
ديانا 7 جيجا و رامتين 256
ماريان انتوا بتتكلموا ازاي
توم اخر كلام 7 جيجا و رامتين 256 وكمان لعبتين بالكراك بتاعهم
انطون انتوا اكيد بتهزروا
ماريان استنى بس يا انطون العرض ممكن يحلو
انطون يحلو ازاي
ماريان يعني
روما ماما
ماريان استني بس يا روما
روما استني ايه دا غلط .... اللي انتي بتعمليه ده غلط دول اصحابك
ماريان بس هما اللي رفدوني .... واحده بواحده
توم احنا هنختفي هنا وسط الحديث هنشاورلك وساعتها
ديانا ساعتها تختفي انت واحنا لأننا
المجموعة هنفجر المكان
ماريان وانا هاختفي ازاي
ديانا تتحجيجي بأي حجه
توم تعدلي الميكاب
ديانا تذاكري لروما
توم تشوفي جوزك
ديانا أي حجة المهم ساعة ما نشاورلك تمشي لأننا
المجموعة هنفجر المكان
ديانا عظيم خالص ....فهمتي
ماريان ايوة بس انتوا مقولتوليش عاوزين تتخلصوا منهم ليه
توم عاجبك القوانين الغلط اللس طلعتها الكوين
ديانا عاجبك نظام التعليم الفاشل اللي عملتها وزيرة التعليم
روما بس متوصلش للتفجير
انطون ممكن تعبروا عن رأيكم من غير ما حد يتأذي
روما التفجير والدمار مبيحلوش مشاكل بالعكس دي المشاكل بتزيد
توم مين دي
ماريان دي بنتي روما
ديانا بس دي عيلة علي الكلام ده
توم عندها كام سنة دي
روما مالكوش دعوة
ماريان ها هتعملوا ايه دلوقت قررتوا ايه هتستخبوا فيين؟؟
ديانا سبينا نفكر شوية
ماريان ليه
توم واضح أننا هنغير الخطة .... أنسحاب .... أما أحنا فهنقعد هنا شوية
المجموعة انسحاب ..... انسحاب ..... انسحاب
ماريان عاجبك كده بوظتي كل حاجة
روما ياماما
ماريان بسي مفيش ماما ... ادخلي جوه
روما حاضر " تهم بالدخول لتفاجأ بجون و قد طلي وجهه بالمساحيق بشكل ساخر ويرتدي ملابس غاية في السوء " تصرخ .... آااااااااااااااه
ماريان في أيه .... في أيه
روما با ... با... با
ماريان با أيه
مايكل المفاجأة الكبيرة هاها جون رأفت بعد التعديل أيه رأيكم عبقري مش كده
ماريان ايه ده
انطون مين ده
مايكل دا جون رأفت بعد لمسات دكتور مايكل كمال السحرية
توم هو ده جون رأفت الممثل
ديانا و ماله ملخبط كده ليه
جون مين دول مصورين ... صحافة .. تلفزيون .. انا انا رجعت مشهور تاني ..جايلك يا مسرح جايلك يا سيما جايلك يا تلفزيون
مايكل يا جماعة من فضلكوا التجربة لسه موصلتش للمرحلة النهائية وممكن يبقى ليها اثار جانبية خطيرة
جون اثار
مايكل ايوه اثار تدمرك كلك
جون اثار ايه يا دكتور
انطون هو انت عملت فيه ايه بالظبط يا دكتور
مايكل من فضلكم انا هعمل مؤتمر صحفي هعلن فيه عن التجربة
جون جرا ايه يا دكتور انت فاكرني فار تجارب
مايكل هس ولا كلمة انت عاوز التجربة تفشل ولا ايه .. عاوز ترجع ممثل فاشل تاني
جون لا لا خلاص خلاص
مايكل يبقى تسمع كلامي من غير أي نقاش " يرن جرس الباب"
جون طب عن اذنكوا اشوف مين عالباب
الكوين "تدخل الكوين ومعها نانسي وهيلين و ما ان تنظر الى جون حتى تصرخ " وحش وحش
نانسي فين الامن فين الحراس
ماريان اهدي اهدي يا فندم دا جوزي جون رأفت
نانسي ده جون رأفت الممثل
الكوين و ماله عامل في نفسه كده ليه
نانسي اكيد بيمثل دور وحش في فيلم
هيلين ولا يمكن بيمثل دور شمبانزي
ماريان سامع الفضايح دي .. عن اذنكوا اروح اوضب الميكب .. يا اخي فضحتنا
جون سامع الناس كلها عاملة تتريق عليا
مايكل و لا يهمك دول ناس ميفهموش في الروشنة و الاستايل .. انا في رسالة الدكتوراة الخامسة
جون يا اخي كفاية بقى رسايل وماجستير ورطني و ضحكت الناس علي
مايكل عيب عليك انت معايا دا انا مايكل كمال
جون عارف اللي مينفعش تقارنه بحد .. وبعدين
مايكل انا عارف انا هصلحك ازاي .. تعال معايا " ياخذه الى طرف المسرح "
الكوين انا بقى اللي عاوزة اعرف مين دول
انطون دول يبقوا
ديانا ديانا دميان الاستايليست الجديدة بتاع استاذ جون
مايكل ايه استايليست ... ايه هو ده
جون اه انا عاوز دي
مايكل استنى هنا
جون يا اخي استنى انت بقى .. انا انا عاوز الاستايليست دي
مايكل انت عارف دي هتعمل فيك ايه
جون يا اخي سيبني اعمل حاجة واحدة في حياتي على نفسي .. انا عاوز الاستايليست دي .. قولتيلي اسمك ايه
ديانا ديانا دميان
جون طب يالا يا ديانا دميان " بغزل "
ديانا عن اذنك يا يا كوين
الكوين اتفضلي .. البت دي شكلها مش مريحني
نانسي ولا يهمك يا فندم دي حشرة من حشرات المجتمع
مايكل هه استايلست خليها تنفعك الاستايلست
ماريان الحقونى ..........الحقونى
نانسي في ايه ... في ايه أستخبي يا فاندم فين الامن فين الحراس
انطون اهدي اهدي يا حضرة الوزيرة
ماريان المية ... قصدي الحنفية اتكسرت وغرقتني ميه
الكوين يا دي العطلة هي ناقصة
نانسي وبعدين
مايكل ولا يهمك انا هنا دكتور مايكل كمال في خدمتكم ... انا هنا علشان راحتكم
هيلين وانت هاتعرف تصلح الحنفية
مايكل عيب عليكم انا في رسالة الدكتوراة الاولي بتاعتي وفي الفصل 1111 وبالتحديد في صفحة
كلهم 165
مايكل مظبوط دا اظاهر ان كلكم حافظين الرسالة ... انا كنت بتكلم عن ان الحنفية هي المصدر الاساسي للمية ومن غيرها مفيش ميه
الكوين يا سلام
نانسي دا ايه النصاحة دي
انطون مش بقولكم موسوعة
هيلين المهم دلوقت هتعرف تصلحها ولا نجيب سباك
مايكل عيب يا ماما دا انا مايكل كمال اللي مينفعش انك تقارنية بحد وعلي اخر الزمن تقارنيني بحته سباك عيب عيب
الكوين وانت
توم انا هنا علشان الامن يا فاندم
الكوين طيب خليك هنا متتحركش
هيلينانا شايفة يا فاندم ان كل الظروف متهيأة علشان نصفي الخلافالكوينخلاف ... خلاف مع مين بالظبط مع دي
نانسي دي اقل من اننا نختلف معاها
الكوين دي واحدة من الشعب وانا الكوين
انطون معلش يا فاندم ... انا شايف اننا نحاول نعيد التصوير من جديد
الكوين اذا كان كده معنديش مانع
هيلين سكوت هنصور ......... أكشن
ماريان أعزائي مشاهدي حديث الناس معنا اليوم الشمس التي تشع بنورها في حياتنا والقمر الذي ينير ظلمة ليالينا معنا اليوم راندا رامز الكوين أوف ليبرتي كينج دم
الكوين شكراً
ماريان جلالتك نحب نعرف أيه رأي حضرتك في اللي بيقولوه الناس عن القوانين
الكوين هو بصراحة
ماريان أنا عارفة ان راي حضرتك حيادي وطبعاً هتقولي ان زي ما القوانين ليها سلبياتها ليها كمان ايجابيتها لكنا مش شايفة حضرتك ان سلبيتها اكتر؟؟
الكوين انا شايفة
ماريان وانت كمان حضرتك يا سيادة الوزيرة مش شايفة ان قانون تطوير التعليم دا قانون فاشل
نانسي مين اللي قال ان
ماريان هو بصراحة كل الناس بتتكلم وتقول دا حتي بنتي روما يا حرام مش قادرة تفك عن نفسها من المذاكرة
نانسي هو بس المشكلة
ماريان انا شايفة يا فاندم ان المشكلة كبيرة جداًولا انت رايك ايه يا فاندم طبعا المشكلة كبيرة لان الموضوع خطير ميتسكتش عليه
نانسي هو فعلاً الموضوع ده ميتسكتش عليه
الكوين انتي مش تستاهلي الرفد انتي تستاهلي الحرق ... الشنق
نانسي بس خلاص انت وهو بس كفاية بطل تصوير
ماريان يا فاندم انا
الكوين بس من غير ولا كلمة وده ايه ده كمان
مايكل الميه ... اقصدي الماسورة باظت مواسير الصرف كلها بتاعتكوا اظاهر انها بايظة
انطون وعاملي فيها ابو العريف وانت مش نافع في حاجة
مايكل انا هعمل اية هم اللي بيتهم عامل زي القش
توم تسمحولي انا اصلحها انا كنت شغال سباك قبل كده
مايكل اتفضل يا نبيه عصرك ...فكرك يعني هتعمل اللي مايكل كمال معرفش يعمله
هيلين يا فاندم صدقيني اخر مرة ... الموضوع ده مش هيتكرر
نانسي لا يعني لا
الكوين نعيد التصوير تاني دي مهزلة
نانسي قصدك تالت
الكوين وبعدين انا اصدرت قرار ... دي مش هتطلع تذيع تاني ابدا ... مبقاش انا الكوين ان مخليتك تنسي التلفزيون
ماريان ايه ده هو تسلط
الكوين ايوة انا الكوين وفي ايدي السلطة واقدر اعمل أي حاجة
روما حرام عليكي غيري النظام التعليم الفاشل ده
نانسي لأ لا يمكن لا يمكن دا احسن نظام محدش ماشي بيحس فيه لنه لنسلن غبي كلنا زي بعضينا يا ننجح سوا يا نسقط سوا
روما بس دا ظلم
نانسي وهو مش ظلم اني اتحاسب علي ليلة واحدة وساعة واحدة من حياتي ... أفرض تعبت ليلة الامتحان ولاحصلي حاجة .. مش كل حياتي هتضيع .. يبقي كله لازم يضيع
ديانا ودلوقت المفاجأة .. جون رأفت بعد التعديل
انطون ايه دا كله ... ايه دا كله
هيلين فعلاً ادي العيش لخبازة
ديانا هو ده جون رأفت 2007
مايكل هه عاملين الزيطة دي كلها ليه يعني ... دول ...دول
انطون دول ايه
مايكل شوية جيل علي كام منظر كده اتعملوا
هيلين المنظر مبقاش هو المنظر يا دكتور
مايكل مهما ان كان بقي حتة استايلست هتفهم ولا تعرف احسن مني ده انا مايكل كمال دي...دي.. اقل مني في حاجات كتير
ديانا انا جايز اقل في حاجات كتير ... بس في حاجات كتير عندي مش عندكم ومتحاولش تقارن نفسك بيا كتير
مايكل انا مينفعش اقارن نفسي بيكي لأني انا مايكل كمال
توم الحمد لله صلحت الماسورة والحنفية
ماريان هايل.... كان فيهم ايه
توم شويه حاجات بسيطة ميفهمهاش غير سباك زيي
مايكل والله عال ... حته سباك يفهم اكتر مني عال .. عال عال قوي دي اكيد نهاية العالم هي الدنيا جرا فيها ايه دا انا مايكل كمال
توم يا دكتور مايكل عيبك مش بس انك مغرور لأ كمان لأنك مبتحبش تقارن نفسك بحد
مايكل انا مايكل كمال .... انا متقارنش بحد
ديانا لازم تقارن نفسك قبل ما حد يقارنك
توم لازم تعرف ايه الصح عندك
ديانا وايه الغلط
توم وقبل ماحد يقولك
ديانا لازم تصلح من نفسك
مايكل خلاص كلكم بقيتوا وعاظ وفلاسفة ... نسيتوا اني انا اللي علمتكم الفلسفة ... حته سباك وستايلست يعلموا راسهم براسي لا دي تبقي خربت ... لكن لأ انا هاوريكم مين هو مايكل كمال هاوريكم كلكم مين هو مايكل كمال
هيلين اجري وراه يا انطون لا يعمل في نفسه حاجة
انطون متخافيش اللي زيه ميقدرش يعمل حاجة دا كبيره هيقعد مع نفسه ويعرف غلطه ويمشي من سكات بس بصراحة انا معجب بالتغيير الكبير اللي حصلك يا جون
هيلين يالا بقي نخش علي الخطوة اللي جاية انك تغير اسلوبك
جون لأ كفاية تغيير كفاية انا اتخنقت انا مش حاسس اني جون
انطون يعني ايه
جون يعني لحد كده وكفاية ادي الجيل اهوه واللبس اهوة انا هارجع زي ما انا انا جون رافت وهفضل طول عمري جون رافت
هيلين خسارة يا جون... كنت قربت تبقي علي الطريق الصح لكن خسارة
انطون ودلوقتي بقي يا استاذ استعد للشرط الجزائي بتاع العقد 1500جيجا بايت
جون شرط جزائي 1500جيجا بايت ازاي والفيلم
هيلين مش ممكن نصور الفيلم
انطون انا مرميش بايتاتي في الأرض
جون لكن دا انا جون رافت نجم الجماهير
هيلين كنت نجم الجماهير لكن دلوقت
انطون انت ممثل فاشل
ماريان طب وانا؟؟
انطون انتي مذيعة انانية عاوزة الكل يسمعك من غير ما تسمعي حد
هيلين لكن لحد هنا وكفاية
صوت من الداخل كفاية ... حرام
الكوين هو ايه اللي يحصل بره بالظبط؟؟
نانسي يا فندم الشعب ثاير بره وعامل مظاهرة وليه مطلبين
الكوين أيه هما
جانيت انك تسيبي ليبرتي كينج دم
جون جانيت
ديانا نحب نعرفكم جانيت جورج
توم رئيس حركة حرام
ماريان انتي
جانيت أو تبقي مواطنة عادية يعني normal citizen
الكوين وان موافقتش
جانيت مفيش حل غير الاتنين دول
ديانا الشعب كله بره
توم ومش هاتقدري تطلعي
الكوين وايه هو المطلب التاني
جانيت دا قرار وهنفذه
الكوين أيه هو
ديانا اننا نشيلك يا نانسي من الوزارة
نانسي ايه لأ حرام ... انا ماليش دعوة انا حتة وزيرة ... يمكن اكون غلط لكن اعذروني انا غبية
ديانا مترميش كل حاجة علي الشماعة دي
توم انتي عندك ذكاء وانتي اللي فشلتي انك تستغليه صح
جانيت علشان كده احنا قررنا عزل الكوين واقاله نانسي من الوزارة
مايكل حرقتها ... حرقتها
ماريان هي أيه اللي حرقتها!!!
مايكل الفيلا دي كلها حرقتها وروني بقي مين هيقدر يحرقها احسن مني ..هاهاهاها
جون لا ... لا .... النار.... النار
راندا يا ماما يا ماما ..... انا خايفة
نانسي النار لا مش عاوزة اموت
مايكل انا لسة في عز شبابي ليه كده يا رب
ماريان لا انا عاوزة اعيش شوية لسة لسة فاضل كتير
نانسي غبية ذكية ميهمش المهم اني اعيش
ماريان مشهورة ولا مش مشهورة انشالله خرسة بس اعيش
جون خلاص هاتغير هاتغير نجني بس يارب وانا اتغير
روما بس خلاص اللعبة خلصت
راندا لعبة لعبة ايه
روما خلاص مفيش لا حريقة ولا نار
ماريان ازاي
روما احنا علي النت وكل ده خيال
جون كل ده خيال
روما زي ما المدينة تخيلية
مايكل وانت ايه اللي عرفك يا روما
روما انا نسيت اعرفكم نفسي ... أنا روما.... الأدمن بتاع الموقع
كلهم أنتي الأدمن
روما أيوة
مايكل أخر واحد كنت اتوقعة
نانسي ماتفهموني ايه اللي بيحصل
جون الأدمين ده هو اللي بيبني الموقع ويتحكم فيه
ماريان ويقدر يسمح لأي حد أنه يدخل
راندا أويطلع أي حد
مايكل أنا كنت عارف أن الأدمين عايش وسطينا لكن متوقعتش أنه يكون أنتي
روما أنتوا خلاص رحلتكوا هنا في ليبرتي كينج دم انتهيت
نانسي انتهيت يعني ايه
جون يعني هيتعمل لينا كيك أوت
نانسي يعني ايه اتكلموا عربي حد فيكوا يفهمني
روما يعني هتطلعوا برة يا نانسي وهيتعلم علي الـ IB بتاعكم
ماريان يعني مش هنقدر نخش تاني علي الموقع ابداً
روما مظبوط ... خسارة يا جماعة ... أنتوا جيتوا هنا مجتمع مثالي .. كان ممكن تحسنوه لكن للأسف
راندا احنا فعلاً بوظناه
روما انتي مثلاً يا راندا كنتي تعاني من التسلط ولما جاتلك السلطة أسأتي استخدمها وانت
جون انا انا حاولت
روما للأسف حاولت لكن رفضت التغيير زي الخنزير لما يرجع للطين
جون زي الخاطي لما بيرجع للخطية بعد ما يوهم نفسه أنه تا
روما مظوط حتي ماريان اللي كان عندها الفرصة تتكلم وتعر عن مشاكلها نست أنها زي ما لازم تتكلم لا تسمع ... مقدرتش تسمع حد لأنها كانت بتسمع صوت نفسها وبس
نانسي أنا بقي غبائي هو السبب
روما بالعكس يا نانسي ... أنتي فعلاً بنت ذكية بديل أنك بتتحسني في أي أمتحان من مرة للتانية لكن انتي اخدتي كلمة غبية شماعة تعلقي عليها تجاربك .... ومش طبيعي أبداً أني اقعد اقيم حد اعيش معاه طول حياتي ..... أما انت
مايكل أنا أنا أيه .... عوزة تقارنيني دول
روما وهي دي مشكلتك يا مايكل أنك طول عمرك مش عاوز تقارن نفسك بحد ... شايف نفسك فوق الكل مع أنك لو بصيت للموضوع من نظرة تانية أنت المستفيد
مايكل
