المشهد الاول
(ترن ترن ترن ترن ) تدخل سنية
سنية : الووو .... ايوة .... ايوة موجود بس نايم ... اقوله مين لما يصحي؟....فتحي المحامي ؟.... من عينية .... سلام
ياسلاااااااام صوته حلو قوي واضح ان كل اللي يعرفهم تاج باشا مهمين وناس محترمين و اغنيا قوي
( تن تن .. تن تن )
سنية : حاضر يالي علي الباب انا جاية اهوه ... يوووه انا هاخلص من التليفون الاقي الباب حاجة تقرف ... مييين ؟
فتحي : انا فتحي
( تفتح الباب )
سنية : فتحي مين ؟
فتحي : انا بتاع التليفون
سنية : هوة انت ؟
فتحي : ايوة انا
سنية : وتاج باشا يعرف الخلق ديه منين ؟
فتحي : في ايه ياانسة انا ساكت بس عاشان عامل احترام لوالدك اللي نايم فوق بس
سنية : والدي ؟؟ اااه والدي طبعا هوه بابي قوليل في البلادي ؟ هاها ده ممكن ينسفك
فتحي : طبعا مش لواء ممكن تصحيهولي بقي علشان الموضوع مهم ؟
سنية : من عينية ... استني انت ازاي كلمتني في التليفون وبعدها ب5 دقايق لاقيتك علي الباب ؟
فتحي : اصلي كنت بتكلم من الكشك اللي قدام الفيلا وياريت تفكريني اخد النص جنيه تمن المكالمة قبل لما امشي
سنية : يالهوي علي الدناوة
( تخرج )
فتحي : البت نازلة تهزيق فيا طبعا ما هية بنت باشا و عندها واسطة
(ترن ترن ترن ترن)
فتحي : تليفون ؟ طب اعمل ايه دلوقتي؟ ياانسة , يامدام , ياحجة , انتي يابت مش معقول كدة مش هافضل لاطع اللي علي التليفون كدة ... مممممم
فتحي : الوو
مفيدة : الووو
فتحي : صوت واحدة صوت واحدة ... احم احم ايوة مين معايا؟
مفيدة : انا مفيدة
فتحي : افادك الله كل خير يعني مين بقة؟
مفيدة : انا مدام مفيدة مش ده منزل اللواء تاج الدين؟
فتحي : ايوة
مفيدة : وانت مين ؟
فتحي : انا فتحي
مفيدة : فتحي مين ؟
فتحي : في خد مايعرفش فتحي المحامي ده انتي شكلك جديدة في المنطقة
مفيدة : ااااه فاتحي قلتلي وانت عامل اية يافتحي؟
فتحي : احم احم كويس كويس
مفيدة : طب اديني تاج يافتحي
فتحي : اخدتي معاد منه قبلها ؟
مفيدة : انا اكلمه في المعاد اللي انا عايزاه
فتحي : اكيد معاكي واسطة ماهية البلد بقت ماشية بالكوسة
مفيدة : من غير واسطة
فتحي : ليه انتي مين يعني؟
مفيدة : انا مفيدة القاسم اخت تاج الدين باشا
( يرمي السماعة )
فتحي : ينهار اسود ( يمسك السماعة تاني ) ايوه يا سعادت الهانم دة التليفون نور والله
مفيدة : انت وصلت امتي ؟
فتحي : من 10 دقايق ومستني الهانم الصغيرة تصحيه
مفيدة : هانم صغيرة؟؟ ممم طيب لما يصحي وتكلمه ابقي قولي
فتحي : حاضر يا مفيدة هانم مع الف سلامة
( تدخل سنية )
سنية : يالاهوي انت بتهبب ايه
فتحي : بكلم المدام
سنية : مدام في عينك اجري بعيد احسن الباشا لوعرف انتك رديت علي التليفون هايموتك
فتحي : في عيني؟ يابت ليمي نفسك ولا عشان بنت باشا يعني لأااااا ده انا ...
( يدخل تاج )
سنية : يالاهوي الباشا
فتحي : باشا مين ؟
تاج : انت فتحي؟
فتحي : لا مش انا هية ... اه انا ... خدامك ياباشا
تاج : وعايز ايه
فتحي : انا جايلك من طرف مفيدة هانم
تاج : ااه اهلا سنية شوفيه يشرب ايه
فتحي : سنية ؟
سنية : ايوة ياعنية
فتحي : هية مش ديه تبقيييي ... يابنت الذينة
تاج : في ايه ؟
فتحي : لا ولا حاجة ... بت ياسنية هاتيلي ساندوتش حلاوة
سنية : نعم ياعنية؟
فتحي : وزودي الكاتشب
سنية : كاتشب علي الحلاوة ؟؟ الباشا قال شوفيه يشرب ايه مش ياكل ايه
تاج : هاتيله اللي عايزه خلينا نخلص
سنية : حاضر ياسيدي
( تخرج )
تاج : ايوة بقي قولي مفيدة بعتاك ليا ليه ؟
فتحي : علشان محتجاك ياباشا
تاج : محتجاني انا؟
فتحي : ايوة ياباشا
تاج : بس احنا متخانقين مع بعض وبعاد عن بعض من زمان
فتحي : انا عارف ياباشا المشاكل اللي بنكوا بس هيا فعلا محتجاك دلوقتي
تاج : وهاتحتجني في ايه؟
فتحي : انت عارف ان قاسم باشا اختفي ومن يومين كمل ال4 سنين وكدة يعتبر متوفي ومن حق اولاده واحفاده انهم يورثوا
تاج : وانا مالي ومال الموضوع ده ؟
فتحي : قاسم باشا ليلة لما اختفي جالي المكتب وادالي صندوق وورقة وقالي يوم لما اموت اقرا الورقة ديه ونفذ اللي فيها
تاج : والورقة ديه مكتوب فيها ايه؟
فتحي : مكتوب فيها اني مافتحش الصندوق غير لما يكون الكل موجود و كتبلي اسامي الناس همة تقريبا العيلة كلها بس اسمك كان معاهم
تاج : انا؟
فتحي : ايوة و الكل تقريبا هايكون موجود بكرة ولازم تيجي
تاج : ممم هاشوف
فتحي : تاج باشا انا عارف المشاكل اللي بينك وبين مفيدة هانم بس انت لازم تكون معاهم يومها
تاج : ممممم خلاص قولاها بكرة الساعة 10 بليل هاكون موجود
فتحي : قشطة عليك
تاج : ايه ؟
فتحي : لا ولا حاجة استاذن انا
( تدخل سنية بالساندوتشات )
سنية : رايح فين ؟
فتحي : راجع افرح مفيدة هانم
سنية : والسندوتشات ؟
فتحي : ابعتيهم delivery علي البيت سلام ولا اقولك هاتي .... سلاااام
سنية : هوة في ايه ؟
تاج : عادي عادي اكتبي في المذكرة بتاعتي ان في معاد بكرة مهم الساعة 10 عند مفيدة هانم والغي كل المواعيد يومها
سنية : هية المقابلة ديه مهمة قوي كده ؟
تاج : اني اقابل اختي تاني بعد 5 سنين يبقي لازم تكون اهم مقابلة
ستاااااااار
المشهد الثاني
امين : هوة المكان فاضي كدة ليه ؟ هما الناس دول هايفضلوا نايمين لغاية امتي؟ ده عمي باسم زمانه جي من السفر ... يلا احسن علشان اقرا الجرايد براحتي ... صفحة الحوادث ... رجل يقتل زوجته لشكة في سلوكها .... طبعا ما اكيد كان جايب كهربائي فاشل يكشف علي سلوكها , القاء القبض علي عصابة لبيع المخدرات وهرب رئيسها المدعو زين ال....
( تن تن تن تن )
امين : ده اكيد عمي باسم ( يفتح ) ... بسوما
باسم : امين
امين : حمدالله علي السلامة
باسم : الله يسلمك
امين : ازيك ياراجل واحشني موت
باسم : والله وانت كمان امال فين بقيت الناس؟
امين : الكل نايم الساعه 5 الفجر مين هايصحي دلوقتي؟
باسم : اكيد مفيش حد هايكون صاحي غيرك انت و الواد عادل
امين : هاهاها
باسم : تعالي اعرفك علي مرات عمك وبنت عمك
امين : ايه ده انت اخيرا خلتهم ينزلوا مصر ؟
باسم : يلا مرة من نفسهم بدل لما انا بنزل كل مرة لوحدي
امين : وانا اقول مصر كلها منورة ليه ؟
باسم : يابكاش... اعرفك ايمي مراتي امين ابن اخويا الكبير جاسر
ايمي : Hi
امين : هاي ورحمة الله وبركاته welcome بيكي في Egypt
ايمي : Thank you
امين : وانتي من اهلة
باسم : ديه بقي بنتي اليكساندرا
امين : Hi
اليكس : اهلا
امين : ايه دة انت بتتكلمي عربي
اليكس : طبعا دة بابا مصري ومعلمني عربي كويس
امين : ولما هوه كدة ملقاش اسم غير ده يساميكي بية؟
اليكس : هاهاهاها انا محدش بيقولي اليكساندرا الكل بيقولي اليكس
امين : اسكندرية ؟ طيب كويس
باسم : ايه يا امين مالك مستلم البنت تريقة كدة ليه
ايمي : علي فكرة انا شوفت ليك صور كتيرة قوي
امين : الااااه نطقت عربي
ايمي : انا بتكلم عربي نص نص
امين : طيب والله كويس وانت شوفتي صوري فين ؟
ايمي : عند باسم بس انت كنت غير كدة خالص
امين : امال كنت ازاي يعني؟
ايمي : كنت صغير شوية
امين : معلش مافيش حد بيفضل علي حاله
ايمي : Of course وانت في سنة كام في المدرسة دلوقتي
امين : لا انا مش في مدرسة
ايمي : مش في مدرسة ليه ياحبيبي ؟
امين : زي ماتقولي كدة عندي 22 سنة والديسكات مباقتش علي مقاسي
ايمي : Ooh ديه غلطت مدير المدرسة المفروض يعمل دسكات علي مقاس الاولاد كلها ده حققك
امين : اه ده ؟ ديه عبيطة ولا ايه ؟ انا بيتهيألي ياباسم اني اوريهم قودهم قبل لما يجيلي شلل
باسم : شلل ايه ده انت لسة قدامك اسبوع معاهم
امين : يانهار اسود
باسم : امين دول مراتي وبنتي
امين : اسف ... يلا تعالوا اوري كل واحد قودته
ايمي : هوة مافيش شغالين يشيلو الشنط
امين : لأ عمتي هند طردت الشغالة امبارح علشان جابتلها الشاي بتاعها متأخر 3 دقايق
ايمي : يعني البيت دة كله والفلوس اللي عندكوا ديه كلها ومفيش شغالة
امين : خمسة وخميسة لأ وان كان علي الشنط هاشيلهالكوا انا
اليكس : لا سيب الشنطة ديه انا هابقي انزل اجيبها علشان الجيتار مايتكسرش
امين : براحتك
( يخرج الجميع ويدخل عادل من الناحية الاخري )
عادل : ياااه الساعة لسة 5:30 الفجر ياخسارة جيت بدري النهاردة ماهية سوسو لو مكانتش هاسكعت مني كان زماني كملت الليلة معاها منها للاه بقي هانعمل اية ؟ ...ايه ده جيتار ؟؟ في البيت هنا ؟ ده بتاع مين ده ؟
( تدخل اليكس )
اليكس : Hi
عادل : ممممم ( يفضل باصصلها من غير كلام )
اليكس : بقولك هاي انت متنح كدة ليه؟
عادل : هية مش ديه فيلا قاسم المصري برده ؟
اليكس : اه هية
عادل : يعني انا مش غلطان في العنوان ولا حاجة ؟
اليكس : لأ
عادل : اه هوة بيتنا بس ازاي؟
اليكس : ازاي ايه ؟
عادل : في بنت حلوة دخلت البيت عندنا اصل بيني وبينك كل حريم البيت ده غفر
اليكس : هاها واضح انك عادل
عادل : ايه ده وكمان جايالي بالاسم ده واضح ان اتشهرت في صالة الديسكو قوي
اليكس : لأ مش الديسكو
عادل : امال ايه ؟
اليكس : هات الجيتار وانا هاقولك
عادل : بس كدة قوي قوي اتفضلي
اليكس : انا اليكس بنت عمك باسم
عادل : ميين اليكس ؟؟ حبيبتي يابنت عمي
( يتجه نحوها ويدخل فاضل )
فاضل : عادل
عادل : يالاهوي بابا ايه اللي صحاه دلوقتي ؟
فاضل : انت بتعمل اية ومين ديه ؟
اليكس : هاي عم فاضل انا كان نفسي اشوفك من زمان
فاضل : وانتي تعرفيني ازاي ؟
اليكس : انا بنت اخوك باسم
فاضل : هوة انتوا شرفتوا ؟ اهلا وايه اللي انتي لبساه ده ؟
اليكس : ايه ماله ؟ بادي وبنتكور مفيش حاجه غلط
فاضل : ديه سفالة ازاي باسم سايبك كدة يلا روحي البسي حاجة حشمة
اليكس : Offff troubles
( تخرج )
فاضل : هيا بتقول ايه البت ديه ؟
عادل : الظاهر كدة يابابا انها شتمتك
فاضل : شتمتني ؟ هيا حصلت ؟
عادل : اه عارف كلمة troublesاللي قالتها في الاخر دية وهيا طالعة ؟
فاضل : اه مالها ؟
عادل : ديه يعني انت طرطور
فاضل : طبعا طرطور علشان سايب واحدة في البيت زي ديه .. ديه عثرة علي البيت
عادل : اهو انت في ديه معاك حق البت حلوة و عثرة علي عشرة يابابا بقي في حد يشوف ابنه واقف مع بنت زي القمر زي ديه ويجي يقاطعهم ؟ ده المفروض تقول اكتر من كدة والله
فاضل : انت بتقول ايه ؟
عادل : يلاهوي الراجل اتجنن و هايموتني يا ماماااااا
( تدخل ايناس )
ايناس : ايوه في ايه صوتكوا جايب لاخر الشارع
فاضل : تعالي شوفي ابنك اللي مش متربي
ايناس : ماله بس ؟
فاضل : دخلت لاقيته واقف مع بنت عمه في منظر انا ماقبلوش في البيت
ايناس : ايه ده هوة باسم رجع ؟
فاضل : وياريته مارجع
ايناس : لية بس ؟
فاضل : جاي وجايب شيطان معاه
عادل : شيطان ايه بس يابابا دية ملاك والله
فاضل : اخرس انت
ايناس : هدي نفسك بس مش كدة
فاضل : انا مش هاهدة و هية لو ماتعدلتش يانا يا هيا في البيت ده
( يخرج فاضل)
عادل : يارب يمشي هوة و هية تفضل
ايناس : ولد
عادل : ياماما ماتشوفيلك صرفة في جوزك ده كل لما يشوفني مع واحدة يقطع عليا ويطفشها
ايناس : عادل روح علي قودتك
عادل : يا ما...
ايناس : يلااا
عادل : حاضر
( يخرج عادل )
ايناس : واضح ان الواد دة لسة محتاج تربية
( يدخل معتصم )
معتصم : صباح الخير يا ايناس
ايناس : صباح الخير يامعتصم
معتصم : رجاء لسة ماصحيتش؟
ايناس : انت بتسألني انا ؟ ديه مراتك
معتصم : يووه مراتي مراتي ياريت ليها فايدة عاجبك اللي عاملينه اخواتها فيها؟
ايناس : معتصم اصتبح علي الصبح وماتنساش ان جوزي يبقي اخوها .. عن اذنك
( تخرج ايناس )
معتصم : حتي انتي يا ايناس طبعا ما انتي مرات فاضل وضمنة حقك في الورث لكن انا ولا هاطول حاجة بسبب سذاجة رجاء ... رجاء يا رجاء يا رجاء
رجاء : ايوة يامعتصم
معتصم : ايه سنة علشان تردي؟
رجاء : ما انا رديت علي طول اهوه
معتصم : لأ ياهانم انتي رديتي بعد لما ناديت عليكي 3 مرات
رجاء : انت عايز تعمل مشكلة علي الصبح علي أي سبب هايف وخلاص؟
معتصم : حقي مراتي ولازم تنفذ اوامري مش كفاية ابوكي مش كاتب اسمي مع الناس اللي هايورثوا
رجاء : وهوة انت يفرق معاك الورث في اية بس ؟
معتصم : ورث يعني فلوس يعني حياه تانية احسن من العيشة وسط اخواتك اللي مش عارفة تخدي منهم لا حق ولا باطل
رجاء : وهوة انت متجوزني علشاني انا ولا علشان فلوسي؟
معتصم : هاهاها طبعا علشان فلوسك انت فاكرة ان انتي حاجة ؟ اخواتك همة اللي متحكمين في كل حاجة في البيت ده انما انت ولا حاجة
رجاء : كفاية بقي مش كل يوم هانعيد نفس الموال ده كفاية
معتصم : لا مش كفاية واعملي في حسابك انا لو مورثتش انا هاطلقك
( يدخل فادي )
فادي : بابا
معتصم : اهوه ابنك صحي
فادي : بابا عايز 50 جنية
معتصم : بتوع ايه ؟
فادي : مصروف وعلشان اجيب دوة الحساسية بتاعي
معتصم : روح لامك هوة انا من امتي وانا بديك مصروف مش امك تبقي بنت قاسم المصري؟
فادي : ماما ماما ... بابا ماما بتعيط
(تن تن تن تن )
معتصم : سيبها تتفلق ورح افتح الباب
فادي : طيب ... مين ؟؟ .......... ( يرجع ) بابا بابا
معتصم : عايز ايه ؟
فادي : هات 60 جنيه
معتصم : ليه ان شاء الله مش كانوا 50 من شوية
فادي : اه بس ال 10 دول عاشان مافتنش عليك
معتصم : تفتن عليا؟
فادي : اه اصل .... ايدك علي 10 جنيه دلوقتي وانا اقولك من غير لما ماما تعرف
معتصم : امسك قول في ايه
فادي : في واحدة بتسأل عليك برة
رجاء : واحدة مين ديه يامعتصم؟
معتصم : ماكنت تعالي صوتك كمان علشان الجيران يسمعوا
فادي : جيران اييه؟ ميين الست ديه يا معتصم؟
فادي : ديه المدام الجديدة ياماما
رجاء : مدام ؟ وكمان بتخوني يامعتصم علشان كدة كنت عايز تاخد الفلوس وتطلقني وتعيش معاها
فادي : يبقي احسن , احسن ده ذوقه وحش قوي... ابقي اتعلم من عادل او استنضف
معتصم : ولد ..مين الست ديه اللي بتسأل عليا ؟
فادي : انا ايه اللي يعرفني واحدة وجاية تقولي مدام عاصم يبقي اكيد المدام الجديدة بتاعتك
رجاء : مدام عاصم ؟ اه ديه الشغالة الجديدة اللي جبتها علشان لما خالي تاج ييجي بدل اللي طردتها هند انا قولتلها لما تيجي تسأل عليا اتفضلي يا انشراح اتفضلي
معتصم : ومين اللي هايدفعلها ديه ؟
رجاء : انا هووووووف
معتصم : احسن
انشراح : مساء الخير
رجاء : مساء النور ياأنشراح اتفضلي تعالي اواركي اللي هاتعمليه احسن تاج باشا جي ومافيش وقت
( تشدها من ايدها وتخرج )
فادي : طب استأذن انا بقي
معتصم : خد هنا
فادي : ايه
معتصم : هات 10 جنيه
فادي : بتاعت ايه ؟
معتصم : اللي انت لسة واخدها دلوقتي
فادي : ديه كانت 5 جنيه بس وهاديهالك علي الجزمة
معتصم : علي الجزمة ؟ طب هاخد كل المعاك
فادي : ياعم انت مش عارف تتشطر علي امي هاتيجي تتشطر عليا انا
معتصم : فادي ( يمسكه من القميص )
فادي : ايه يابابا ده الكلام اخذ وعطي برده
معتصم : هات الفلوس
فادي : حاضر ياعم هاديك اللي انت عايزه بس اخش اجيبهم من جوة
معتصم : روح وانا رايح الشغل و لما ارجع القيهم معاك
( يخرج معتصم )
فادي : حاضر اشوف فيك يوم
( تدخل مفيدة )
مفيدة : صباح الخير يا فادي
فادي : صباح الخير يا تيتا
مفيدة : مالك ماشي بتكلم نفسك كدة ليه ؟
فادي : اصلي استبحت علي وش باب انا عارف هيا بنتك ديه اتجوزته علي ايه
مفيدة : هاهاها عيب ياولد ماهما كان دة باباك برده
فادي : لو بالطريقة ديه انا هابدله بواحد تاني من العتبة سلام
( يخرج)
مفيدة : الواد ده ماله ؟
هند : امل يلا بسرعة يابنت هاتأخر علي الشغل بسببك
امل : حاضر ياماما
( تدخل هند )
هند : عارفة لونقصتي نص درجة في الامتحان انا هاسلخك
مفيدة : في ايه يا هند بالراحة علي البنت
هند : ديه بنتي وانا عارفة هاربيها ازاي
مفيدة : بنتك كبرت خلاص واسلوب التربية ده المفروض يتغير
امل : ماما انا خلصت
( تدخل امل )
هند : ايه ده انتي مسيبة شعرك اني عايزة العيال الصيع يعكسوكي؟
امل : طاب بالراحة هاخش اجييب توكة المه
هند : انتي لسه هاتخشي ؟ انتي مابتفهاميش؟ انا هاتأخر
امل : طب اعمل ايه طيب ؟
هند : يلا امشي قدامي ما هيه نقصاكي علي الصبح
مفيدة : ماتنسيش معاد خالك الساعة 10 بليل
هند : فاكرة فاكرة سلام
( تخرج هند وامل )
مفيدة : البيت ده مبقاش طبيعي ولازم يتعدل
( تدخل رجاء )
رجاء : صباح الخير ياماما
مفيدة : صباح النور .. ها... جهزتي علشان ننزل نجيب الحاجة ؟
رجاء : اه خلاص ... اه علي فكرة انا جبت شغالة تيجي تساعدنا النهاردة علي لما الناس يجو باليل وقولتلها علي اللي هاتعمله بالظبط
مفيدة : طب كدة يبقي تمام قوي يلا بقي علشان مانتأخرش
رجاء : يلا
( تخرج مفيدة ورجاء )
(يدخل باسم وايمي و اليكس )
باسم : ها ايه رأيكوا في البيت ؟
اليكس : ده حلو قوي يابابا
ايمي : Fantastic هو احنا ممكن نورثه وناخده لينا ؟
باسم : يا ايمي يا حبيبتي احنا مالنا ومال الورث احنا في كندا عندنا اللي مكفينا ومش محتاجين من حد حاجة
ايمي : امال احنا جايين ليه؟
باسم : جايين ننفذ وصية بابا الله يرحمه واهوة منها فسحة ليكوا برده ... ولا انتوا مش عايزين تتفسحوا؟
اليكس : لأ طبعا عايزين يلا يا ماما بقي
ايمي : يلا
( تدخل امل وهي تبكي )
ايمي : ايه ده مالك ؟ بتعيتي ليه ؟
امل : انتوا مين ؟
باسم : انا باسم خالك مش انتي امل بنت هند ؟
امل : اهلا انتوا جيتوا؟
باسم : اه النهاردة الصبح انا و ايمي مراتي و اليكس بنتي
امل : شرفتوا ما هية ناقصة ( تكمل عياط وتحاول الخروج )
اليكس : استني بس
امل : عايزة ايه ؟
اليكس : ممكن اعرف بس ايه اللي مضايقك؟
امل : مالكيش دعوة
ايمي : يلا يا اليكس
اليكس : لا ياماما انزلوا انتوا انا هاقعد مع امل شوية
ايمي : يلا ياباسم
باسم : اليكس هانستناكي تحت
اليكس : اوك
( يخرج باسم و ايمي )
اليكس : ممكن نتكلم بقي شوية
امل : اسفة مقبلش اتكلم مع واحدة زيك
اليكس : ليه بس؟
امل : علشان انتي اجنبية
اليكس : وفيها ايه بس؟
امل : فيها انك اجنبية يعني مالكيش حدود تقفي عندها عايزة يكون ليكي boy friend عادي تخرجوا مع بعض عادي وتمسكوا ايدين بعض عادي وممكن توصلوا لاكتر من كده وانا مارضاش اتعلمل مع واحدة كدة
اليكس : لا اني فاهمة غلط مش كل الناس كدة انا مصرية وعايشة برة ومربيني اب مصري و مربيني علي التقاليد بتاعتكوا
امل : بس عايشة في وسط اجانب
اليكس : مش معني اني عايشة وسطهم يبقي بعمل زيهم انا ليا عقل بفكر بيه بعرف ايه الصح وايه الغلط ايه اللي يرضي ربنا وايه لا ممكن يكون الناس برة مش مقفلين زي هنا واتربيت زيهم بس مش كل حاجة اقدر اعملها انا ليا حدود برده
امل : ازاي يعني؟
اليكس : يعني هنا في مصر ساعات كتير قوي الاهالي يمنعوا بناتهم من ان هما يكلموا اصحابهم الولاد لكن هناك انا زي ماليا اصحاب بنات ليا برده اصحاب ولاد وممكن يكونوا اكتر من البنات كمان ولو شفت هناك أي اتنين ماشيين مع بعض ديه حاجة عادية انا مثلا عندي boy friend واهلي عرفين وعادي
امل : وسيبينك عادي
اليكس : طبعا علشان واثقين فيا وعارفين ان اصحابنا الولاد دول زي اخواتي وبيخافوا عليا اقولك علي حاجة حصلت قبل كدة؟
امل : ايه قولي قولي
اليكس : في مرة كان حصل مشكلة بيني وبين صحبي وزعلنا مع بعض وسابني وبالليل لاقيت صاحبه جايبه لغاية عندي من غير لما يقوله اني موجودة ولما شوفته اعدت اعيط لائيته هوه اخدني في حضنه ومسحلي دموعي حاسيت بحنية وماحسيتهاش من ماما
امل : الااااه ده عكس هنا خالص هنا لو شافا واحدة ماسكه ايد واحد تبقي فضيحة
اليكس : لا مهوه مش معني كدة ان ده الطبيعي ده كان موقف وعمل فيه كدا علشان يهديني في مواقف بتحتاج كدة تحسي ان ليكي اصحاب كويسين واولاد وبنات زي اخواتك يعني مش لازم تسمي أي صاحب ولد ليكيboyfriend
امل : ديه حاجة حلوه قوي خسارة انها مش موجودة هنا في مصر
اليكس : مين قال انها مش موجودة هيه موجودة بس في الافلام بس الكل يشوفها و يحس انها طبيعة ويتمني يحس بكد لكن لما تحصل بجد بتبقي عيب وغلط
امل : اه والاهالي مابيسكتوش ... يالاهوي اهالي ؟؟ ماما انا نسيت ديه هاتموتني
اليكس : ليه بس ؟
امل : اصلي رحت المدرسة متاخر فرجعت ولو ماما عرفت هاتكويني
اليكس : هاها لأ ماتخافيش انا هاخلي بابا يهديها
امل : بجد ؟
اليكس : طبعا مش احنا بقينا اصحاب ولا لسة فاكرة اني مش كويسة ؟
امل : لا اصحاب طبعا
اليكس : يبقي خلاص تعالي اخرجي معانا
امل : بلبس المدرسة كدة؟
اليكس : وماله يلا يلا
( تخرج امل واليكس ) ( تدخل انشراح )
انشراح : انا نضفت خلاص الحمد للاه مش فاضل غير الصالون وابقي خلصت و.. ايه الكيس ده ؟.... يالاهوي مخدرات ؟؟
( يدخل امين ووعادل فترمي انشراح الكيس )
عادل : فهمني بس يا امين في ايه ؟
امين : هاحققلك اللي انت عايزه و ... انتي مين ؟
عادل : ديه انشكاح الخدامة الجديدة اتعرفت عليها في المطبخ النهاردة
امين : انشكاح ؟
انشراح : خدامتك انشراح ياسعادت البيه
امين : انشرااح طيب خشي اعمليلي شاي وحطيهولي علي مكتبي
انشراح : حاضر ياسيدي
( تخرج انشراح وينظر امين فيجد الكيس علي الارض فيسكت )
عادل : ايه فيه ايه سكت ليه
امين : ولا حاجة تعالي امسك
عادل : ايه ده ؟
امين : مش كان نفسك تعمل دماغ ؟ انا هاخليك تعملها دلوقتي وهنا كمان
عادل : لا ياعم انا خايف
امين : خايف من ايه ده انا هاعملك اعلي دماغ
عادل : لا ياعم مش عايز اعليها احسن تخبط في السقف
امين : تخبط في السقف ايه انت التاني بس ؟ امسك امسك
عادل : ايه ديه ملوخيه ؟ هوه انت اللي بتسرق الاكل من التلاجة ؟
امين : تلاجة ايه ده حشيش
عادل : ااه حشيش قولتلي
( يدخل فادي وهشام )
فادي : انتوا بتعملوا ايه ؟
امين : هيه فادي؟؟عايز ايه؟
فادي : عايز اعرف انتوا بتعملوا ايه
عادل : امين .. هشام واقف
امين : سيبك منه ده لا بيهش ولا بينش .الخوف من الواد ده
عادل : ماتخافش ده اهبل خده بس علي قد عاقله
فادي : انتوا بتقولوا ايه ؟
امين : ولا حاجة بنفكر نخليك تعمل دماغ معانا ولا لأ
فادي : اكيد هوة انا اقل منكوا
امين : خلاص اسكت بقي وماتتكلمش خالص
فادي : حاضر ايه ده بدرة ياامين ؟ انت عندك تسلخات ؟
امين : تسلخات ايه ده هروين
فادي : هروين ؟ كان نفسي اشوفه من زماااااان وانتوا جبتوا الحجات ديه منين ؟
عادل : مالكش دعوه
فادي : طب بتخدوها ليه ؟
عادل : من قرفنا من الدنيا
فادي : قرف؟ انتا ايه اللي مضايقك بس ياعادل
عادل : ولا حاجة سقط تاني
فادي : هاهاها لا انا عايز اسمع حاجة جديدة ما انت بتسقط كل سنة ؟
عادل : اعمل ايه مابابا هوة اللي مدخلني الكليه اللي هوة عايزها قلتله اكتر من مرة انا ماليش في الهندسه وبحب الفن والموسيقي الاقيه يقولي موسيقة ايه اللي تتعلمها انت ابوك محترم وانت كمان لازم تكون زيه مش اقل منه ودخلني الكليه الى هوة عايزها ومتوقع اني ممكن انجح وانا بدرس حاجة مش بحبها
فادي : ياحرااام ده شكله متضايق خالص ابقي زودله سجارة ولا حاجة ياامين
عادل : اتريق براحتك يلا ياعم نخش جوة بالحاجة ديه
فادي : طب خدوني معاكوا
( يخرج امين وعادل وفادي ) ( تن تن تن تن ) ( تدخل انشراح لتفتح الباب)
انشراح : اهلا ... استاذ فتحي المحامي ؟
فتحي : بلا فخر
انشراح : اهلا اتفضل الجماعة كلهم زمانهم جاين
فتحي : اهلا اهلا حضرت الظابط
انشراح : ظابط ؟؟
فتحي : ايوه في حد مايعرفش الظابط هشام ؟
( يتركهم هشام ويخرج )
فتحي : هوة ماله في ايه؟..... انت سكتي كده ليه ؟ طب اروح واجي يوم تاني؟
انشراح : تروح ايه بس استني انا عايزاك تقولي كل اللي تعرفه عنه بالظبط
فتحي : انا معرفش عنه غير انه علي طول ساكت ومش بيتكلم مع انه مش اخرس بس مش عارف ليه
انشراح : ده كل اللي تعرفه ؟ طيب
فتحي : انا هاخش بقي اشوف الصندوق علشان لما الكل يجي اكون جاهز
( يخرج فتحي )
انشراح : معقول ظابط وشايف اللي بيحصل ده وساكت ؟ اكيد في حاجة غلط في الموضوع
( يدخل امين وهوة دايخ )
امين : فين الشاي يا انشراح ؟
انشراح : علي مكتبك يا امين بيه
امين : هاتيهولي هنا
انشراح : حاضر
امين : لأ استني
انشراح : ايه
امين : انتي مين اللي جابك هنا ؟
انشراح : رجاء هانم
امين : رجاء ؟ ااه خالتي بصي يا بت انتي انا مش مستريحلك
انشراح : انا ؟ ليه بس؟
امين : علشان انتي عرفة موضوع المخدرات
انشراح : مخدرات ايه؟
امين : انت هاتصيعي عليا انا ؟ اللي شفتها ولما دخلت انا وعادل رمتيها تاني انتي اكيد تابع حد من اياهم
انشراح : لا والله
امين : انطقي انتي تابع مين لاقتلك
( يدخل فادي وعادل )
فادي : اييييه دنيييااااا...... شفت ياامين
امين : ايه ؟
( تجري انشراح الي الداخل )
فادي : كل لما عادل يفتح التليفزيون مايلاقيش ال FM
امين : ياراجل ؟
فادي : اه بجد بقوله الموجة بتاعتها 100'6 مش مصدقني
امين : لا بجد ؟
عادل : ايوه والله يا امين
امين : ومغيرتوش الموجة ليه؟
عادل : مااحنا فكرنا في كدة بس ماردناش
امين : ليه ان شاء الله ؟
فادي : احسن المذيعة تغرق ياامين
امين : تغرق طب بس بس بس احسن اهلك زمانهم جايين
عادل : يجو ياعم انا مش فاضي للورث ولعب العيال بتاعهم ده سلام
( يخرج عادل )
امين : وانت ناوي تعمل ايه ؟
فادي : مش عارف
( يدخل فتحي بسرعة )
فتحي : الحقوا الحقوا الصندوق اتسرق
ستار
المشهد الثالث
مفيدة : معقول بيت قاسم المصري يتسرق ؟
تاج : انا كنت واثق ان ده هايحصل واللي سرق واحد من البيت ده
مفيدة : وايه اللي يخليك واثق من كدة ؟
تاج : لان كل واحد كان مستني لحظة موت جده علشان يورث وانا هاعرف بالظبط مين اللي سرق من البيت دة
مفيدة : تاج انا مش عايزه حد من برة يعرف
( تدخل انشراح )
انشراح : القهوة ياتاج باشا أي خدمات تانية
مفيدة : لا شكرا
تاج : استني يا انشراح .. انا عايزك تقوليلي مين اللي كان في البيت بالظبط ساعة لما اكتشفتوا ان الحاجة اتسرقت
انشراح : هوة ماكنش في حد غير امين و فادي و هشام و فتحي
تاج : مفيش حد تاني خالص ؟
انشراح : لأ
تاج : خلاص شكرا اتفضلي دلوقتي
(تخرج انشراح )
مفيدة : تفتكر يا تاج انها ممكن تكون هيا ؟
تاج : لأ علشان ديه لسة جاية النهاردة وماكنتش تعرف أي حاجة عن الموضوع دة ومن ساعة لما جت وهيا لسة ماخرجتش من البيت
مفيدة : طيب وفتحي ممكن يكون سرق؟
تاج : مافتكرش ... فتحي الصندوق كان معاه بقاله 4 سنين وماحدش فينا كان يعرف وكان ممكن مايقولش انه عندة ..فاكيد مش هوة ... انت ايه رأيك في امين ؟
مفيدة : امين ؟ لا لا يمكن يكون امين ... امين من ساعة لما جده اختفي وهوة شايل البيت كله هوة اللي بيحسسني اني لسة مش لوحدي واكيد مش هايكون محتاج فلوس او أي حاجة وكمان هوة اللي مستلم الصندوق من فتحي وكان ممكن يسرقة من ساعتها
تاج : طيب وفادي؟
مفيدة : فادي دة ولد طيب وتحس انه تايه كدة ومش داريان باللي بيحصل حواليه واكيد مش هوة ده ممكن يكون اصلا مش عارف ان في ورث
( تدخل هند )
هند : امل ... انتي يابت ياامل
مفيدة : امل مش هنا
هند : ايه؟ ينهار اسود بنتي
تاج : ايه في ايه ؟
هند : البنت مش في المدرسة ومش هنا
مفيدة : ماتخفيش هاتلاقيها جاية في الطريق دلوقتي
هند : ديه لما تيجي انا هاموتها من الضرب انا هابهدلها... انا
بنتي تزوغ من المدرسة؟
تاج : اهدي ياهند لغاية لما تيجي ونعرف كانت فين بالظبط
هند : اهدي ؟ انا هاقلب الدنيا لغاية لما اعرف هيا فين
مفيدة : انتي مالك بتعامليها كدة ليه بنتك كبرت يا هند
هند : مهما كبرت هافضل خايفة عاليها
مفيدة : بس ماوصلش لدرجة انك تفضلي حبساها مافيش خروج مافيش كلام مع حد مافيش مافيش مافيش وتعذبي فيها لما تغلط حرام اللي بتعمليه فيها ده
هند : لازم اعمل كدة انتي نسيتي اللي حصلي من جوزي ؟
مفيدة : لا مانستش بس برده مش طريقة ديه
تاج : ايه اللي حصل من جوزك ياهند ؟
هند : من خمس سنين سافر برة وكان بيكلمنا كل يومين يتطمن عالينا وكان بيحبنا قوي بس لما سافرتله انا واولادي امريكا لما بابا مات لاقيته اتغير جدا كان بيتعامل مع الاولاد كانوهم ناس غريبة مش اولاده وكان كل اللي عايزه اني اورث علشان ياخد الفلوس ويلعب بيها قمار ولما عرف اني لسة ماورثتش ابتدي يشتمنا ويهددنا وكان ده لسه في تاني اسبوع لينا معاه في امريكا وكان معروف ان أي انتقال من بلد لبلد محتاج مساعدة في الورق والدراسة والحجات ديه لكنه ماسعدناش وطردنا كلنا علشان كان علي علاقة بواحدة تانية علشان كدة رجعت تاني اعيش مع امي وابتديت ابني نفسي بنفسي مايهمنيش غير اولادي احاول اديهم الامان اللي ابوهم معرفش يديهلهم
تاج : هند الناس كلهم مش ذي بعض
هند : كلكم واحد وحوش مش هاممكوا غير نفسكوا
( يدخل باسم وايمي و اليكس و امل )
باسم : مساء الخير يجماعة مالكوا صوتكوا جايب لاخر الشارع
هند : امل كنتي فين ياحيوانة ده انا هاكويكي انا هاموتك
ايمي : ايه الطريقة الهمجية ديه انتي لا يمكن تكوني انسانة ابدا
باسم : اليكس خدي امل وخشي جوة
اليكس : حاضر يابابا
( تخرج امل و ايكس )
باسم : هند مش طريقة ديه اللي بتعاملي بيها بنتك خالص
هند : يعني عايزني اشوفها بتضيع قدامي واسكت ؟ اهيه كانت هربانة من المدرسة وصايعة عايزين ايه اكتر من كدة ؟
ايمي : بنتك كانت معانا احنا لما اتاخرت علي المدرسة رجعت وكانت بتعيط من كتر الخوف ... كانت خايفة احسن تعذبيها او تعملي فيها أي حاجة فاخدناها معانا علشان نهديها
هند : وتخاف ليه وانا موجودة ؟
ايمي : بنتك خايفة منك انتي ياهند انتي بقيتي ذي الدب اللي ممكن يموت عياله علشان محدش يأذيهم انتي عارفي لوكني عايشة برة وعملتي كدة ؟ كان زمانك اتحبستي
هند : اتحبس علشان بربي بنتي؟
ايمي : لا علشان اسلوبك غلط وبتعذبيها
هند : مالكوش دعوة باسلوبي انا عارفة هاربيها ازاي ... ودلوقتي خلصوني في موضوع الورث علشان اخلص من القرف ده
تاج : هند صندوق الورث اتسرق واللي سرقه واحد من البيت ده
هند : ايه ؟ اتسرق؟
باسم : انت ازاي بتشك في حد من العيلة؟
تاج : بما ان انت الي اتكلمت انا هاسألك سؤال ؟ انت ايه اللي خلاك طول الوقت ده عايش برة ومارجعتش غير لما عرفت ان ابك يعتبر مات و ممكن تورث ؟
باسم : ايه اللي انت بتقوله ده انت فاكرني راجع علشان الورث؟ لو بتفكر في كدة تبقي غلطان .. انا لما سافرت سافرت علشان اشوف مستقبلي اتعلم حاجة جديدة لنفسي اعرف الناع عايشين ازاي برة ازاي بيفكروا ولما عشت هناك فترة لقيت ان المستقبل هناك احسن من هنا الطالب بيشتغل من قبل لما يتخرج من المدرسة كل واحد لما يعدي سن ال16 سنة بيعلموه ازاي يعتمد علي نفسه يعيش لوحدة يصرف علي نفسه مش زي هنا الواحد يتخرج من الكلية عمرة 22 سنة ويصيع علي القهاوي ومش لاقي شغل واهله يفضلوا يصرفوا عليه... ياخالي انا ومراتي مش محتاجين فلوس احنا جينا بس علشان ننفذ اللي مكتوب في وصية ابويا لكن لما توصل لانكوا تتهموني باني سرقت ورثوكوا فانا اسف انا مسافر... بكرة في اول طيارة ولما تلاقوا الصندوق ابقوا اولعوا بالورث والفلوس بتاعتكوا
( يخرج باسم وايمي )
تاج : واضح اني اتسرعت في سؤالي ... بس طالما ولا واحد من دول هايكون مين ده حتي هند كانت داخلة ومش عارفة ان في حاجة حصلت كدة مش فاضل غير معتصم ورجاء وعادل وايناس وفاضل
هند : فاضل ؟ انتوا بتهرجوا ده اول واحد المفروض تشيلوه من دماغكوا
مفيدة : ورجاء كانت معايا انا ساعتها وايناس راحت الشغل من الصبح ولسة مارجعتش وانا شفت الصندوق بعدها
( يدخل معتصم )
معتصم : اهلا اهلا .... خلاص قسمتوا الورث ؟ كل واحد اخد حقه ؟ وطبعا اكيد اكلتوا حق رجاء .. مش كدة برده ؟
هند : انت ازاي تقول اننا واكلين حق مراتك ؟ انا هند القاسم اكل حق حد ؟
معتصم : ايوه انتوا كلكم عمالين تكلوا في حقها علشان طيبة ومش بتسأل علي حقها
( تدخل رجاء )
رجاء : ايه يامعتصم صوتك عالي كدة ليه ؟
معتصم : لازم اعليه عاشان ناخد حقنا اللي سرقينه لينا حقوق عندهم وطول ما احنا ساكتين هايفضلوا ينهبوا فيها ويخدوها لنفسهم لازم اعلي صوتي واقول ان لينا حق في الورث ده ومش هرضي انهم مايدهولناش
( يدخل امين وفادي وهشام )
تاج : معتصم صندوق الورث اتسرق
معتصم : اتسرق؟ ااه لعبة جديدة بيعملوها علشان يخدوا حقك صح
رجاء : لا يامعتصم المرادي لاالمرادي المرادي الصندوق اتسرق بجد واللي سرقه واحد من هنا وبيشكوا انه تكون انت
معتصم : انا؟
رجاء : ايوة انت واحد زيك كل خنقاته معاية بتكون بسبب الفلوس كل اللي عايزه مني هوة ورث ابويا مش اكتر
معتصم : ورث ؟ ورث ايه ؟ الورث اللي واخدينه منك ومش عايزين يدوهولك ؟ فوقي لنفسك شوفي الناس بتعمل ازاي كلهم بياكلوا بعض انما انت ولا حاجة
رجاء : انت ليه دايما محسسني اني ولا حاجة
معتصم : لانك فعلا ولا حاجة وفي الاخر فاكراني حرامي انا العيشة ديه مباقتش تنفع وكل اللي وسكتني هوة فادي لكن واضح ان مافيش حل لو قدامك اسبوع ياتتعدلي يا هاطلقك
( يخرج معتصم )
تاج : انا مش متطمنله وبشك فيه
مفيدة : استني لما نشوف بقيت الناس علشان مانظلمش حد
( تن تن تن تن )
فادي : استنوا انا هافتح ..انت مين
جاسر : ازيك يا فادي
فادي : فادي مين ؟ ... اه ده انا ... كويس انت مين بقي ؟
جاسر : انا عمك جاسر
فادي : جاسر
امين : بابا ؟
جاسر : ازيكوا كلكوا وحشتوني موت
مفيدة : كل ديه غيبة يابني ؟
جاسر : معلش ماانتوا عارفين اللي انا فيه ... امين ابني
امين : انا مش ابنك امين ابنك مات لما رميته لابوك وانت كنت انت جي علشان الورث فاهوه اتسرق وتقدر ترجع مكان ماجيت عن اذنوكوا
( يخرج امين )
جاسر : هوة فيه ايه ؟ ماله الواد دة ؟ وورث ايه اللي اتسرق ؟
مفيدة : ورث ابوك اتسرق ياجاسر
جاسر : ازاي ؟ مستحيل
مفيدة : ده اللي حصل بس واضح ان احنا مش عارفين مين اللي سرقه بالظبط بس بكرة هانعرف ... تقدروا دلوقتي تخشوا تناموا
( يخرج الجميع ويبقي تاج )
تاج : هشام استني ... مش ناوي تتكلم بقي ؟ .... متعبتش من كتر السكوت ؟ .... ياهشام انا محتاجك دلوقتي .. كنت كل لما بطلع مأمورية لازم تكون معايا تساعدني ... كنت من احسن الظباط عندي .. ايه اللي غيرك ؟ ... ايه اللي خلاك تسكت ؟ انت نسيت انت مين ؟ انت الظابط هشام ابن قاسم باشا المصري ... ياهشام انا فعلا محتجلك كنت دايما بثق في نفسي ودايما بعمل كل حاجة بنفسي لكن دلوقتي الموضوع صعب واضح ان ثقتي في نفسي جت بتاسير عكس اللي كنت متوقعه حاسس اني بفشل .. واحد من العيلة سرق ومش عارف اعرفه .. انا الي مافيش مجرم كان يقدر يهرب مني مش قادر اطلع واحد سرق صندوق
( ينظر له هشام ويخرج )
تاج : واضح ان مافيش فايدة
( يدخل فاضل و ايناس )
فاضل : مساء الخير ياخالي
تاج : مساء النور
فاضل : اسف علي التأخير بس عربيت ايناس عطلط واضطريت اروح اجيبها
ايناس : امال فين بقيت الناس ؟
تاج : كلهم دخلوا يناموا
فاضل : يناموا ؟ انتوا خلاص وزعتوا الورث ولا ايه ؟
تاج : لا الورث اتسرق يافاضل
ايناس : اتسرق ؟ من البيت هنا ؟ مش ممكن
تاج : الي سرقه واحد من اهل البيت ده وبنشك في معتصم وفي ابنك عادل
ايناس : عادل ؟ ده لايمكن
فاضل : خشي انتي جوة دلوقتي يا ايناس
ايناس : بس ...
فاضل : اسمعي الكلام وخشي جوة
ايناس : حاضر
( تخرج ايناس )
فاضل : ليه بتشك في ابني ؟
تاج : ابنك كان موجود ونزل قبل لما الصندوق يتسرق ب 5 دقايق ومن ساعتها لسة مجاش
فاضل : ايه لسة مجاش؟ الساعة 3 الفجر
تاج : وده اللي مشككني فيه ... فاضل انت راجل عارف يعني ايه صح وايه غلط ومش بترضي بالغلط مهما كان علشان كدة هاسيبك تتكلم مع عادل وتعرف ان كان هوة ولا لأ
فاضل : متشكر ياخالي اني هاستناه لحد لما يجي
تاج : يلا تصبح علي خير
( يخرج تاج )
فاضل : عادل ؟ ابني يسرق ؟ ليه ؟ عملت ايه غلط علشان يحصل كدة
( يجلس علي جنب ويطفئ النور ويدخل عادل )
عادل : هششششش مش عايز صوت الناس نايمين ... ايه ده هما عملوا تمثال لبابا امتي ؟ ... وانا مالي مايعملوا اللي يعملوه هما صغيرين ؟ وكمان بابا ده راجل فاضل مش أي حد يعني ... سلاموا عليكوا يابابا تمثال ... عن اذنك بقي علشان في بابا تاني فوق ربنا يزيد ويبارك يمكن المصروف يزيد
فاضل : عادل
عادل : ايه ده انت بتتكلم كمان الااااه
فاضل : كنت فين ياعادل صايع في الكباريهات وصالات الديسكوا برده ذي كل مرة؟
عادل : لالالالا صايع ايه انا مش بتاع صياعة خالص انا كنت مع سوسو
فاضل : انا مش قولتلك اكتر من مرة تحترم نفسك؟
عادل : اه بس ذي ماتقول كدة بعاند معاك شوية
فاضل : معاية انا ؟ ليه ؟ ده مفيش حاجة طلبتها غير لما جبتهالك
عادل : ايوة معاك انت .... علشان انت اللي ضيعتني .. كل حاجة عايزها بتجبهالي لكن عمرك مااحترمتني عمرك ماحسستني اني انسان ليا وجود ونفسه ابقي حاجة دايما عايزني اكون زي ما انت عايز طلبت اخش أي كلية اتعلم موسيقي رفضت
فاضل : طبعا رفضت تتعلم موسيقي وبعدين ؟ تشتغل ايه ؟ طبال في الكباريهات وصالات الديسكوا اللي بتروحها؟
عادل : يابابا ده فن
فاضل : وانا رافض الفن ده انت عادل فاضل القاسم من اشرف العائلات في الاخر تشتغل طبال انت لازم تكون حاجة محترمة مهندس , دكتور... مش صايع
عادل : وانا مش بحب الحاجات ديه سيبوني ادرس اللي انا عايزه سيبوني علي حريتي نفسي احقق حلمي واكون موسيكار انا ساقت 3 سنين لغاية دلوقتي في هندسة مش حاببها باروح الكلية حاسس اني رايح السجن
فاضل : وده مش هايحصل وهاتفضل في هندسة
عادل : يبقي مش هانجح
فاضل : هاتنجح
عادل : هاسقط نفسي علشان مش عايز الكلية جيه
فاضل : هاتنجح غصب عنك ( يضربه بالقلم )
( يدخل الكل)
جاسر : فاضل
فاضل : جاسر ؟ انت جيت امتي ؟
جاسر : سيب ابنك يعمل اللي هوة عايزة... سيبه يحقق حلمه الموسيقي ديه فن راقي عندك ناس كتير اخدوا سكة الموسيقي وبقوا من احسن الناس
فاضل : مين دوول ؟
جاسر : كتيييير فكر انت بس لما ابنك يحقق حلمه انت هاتكون عامل ازاي؟ هاتكون فرحان اكتر ما ابنك فرحان
فاضل : تفتكر كدة ؟
جاسر : متغلطش غلتتي انا سبت ابني لجده يربيه ومفكرتش فيه وندمت قوي بعدها
امين : يااه ندماان ؟
جاسر : امين ؟
امين : ولما انت ندمان سبتني ليه من الاول ؟
جاسر : ماكنش ينفع اقعد في البيت
امين : ليه علشان امي ؟ انت فاكر لما طلقتها وسيبت البيت واتجوزت هيا قعدت ؟ اهيه رمتني لجدي واتجوزت هيا كمان
جاسر : بس انا ماسيبتكش انا كنت ببعتلك فلوس كل شهر
امين : فلوس ؟ هاستفاد ايه من الفلوس من غير اب ؟ انا ماكنتش محتاج للفلوس اد ما احتجتلك احتجت احس ان ليا اب خايف عليا
جاسر : بس جدك كان واخد مكاني
امين : جدي؟ قاسم المصري؟ اشرف راجل في البلد ديه ؟ المليونير صاحب الاراضي؟ جدي اللي بتتكلموا عليه ده يبقي شريك زين العبد اكبر تاجر مخدرات اللي عصابته اتقبض عليها النهاردة وهوة هرب
باسم : يعني ايه بابا تاجر مخدرات ؟
امين : ايوة كل اللي علمهولي في حياتي هو اني اوصل شنط المخدرات لزين ووصلت 10 شنط من غير ما اعرف ايه اللي فيهم و ال11 عرفت ان الي بوصله ده هية السموم اللي بتضيع الشباب علشان كدة الشنطة ال12 عرفت ان فيها بضاعة باكتر من 2 مليون دولار فحرقتها كلها.. وحرقت كل الفلوس اللي كانوا بيدوهالي ..كان الموضوع ده قبل لما يختفي جدي باسبوعين واتهدد كتيربالقتل في الاسبوعين دول علشان يديهم الفلوس .. عرفتوا دلوقتي قاسم المصري ده يبقي ايه ؟
هند : مش ممكن بابي تاجر مخدرات ؟
تاج : انا كنت حاسس ان وراه حاجة
امين : كفاية عليكوا صدمات النهاردة اطلعوا ناموا وبكرة نفكر هانعمل ايه ونشوف اللي سرق الصندوق
( تن تن تن تن )
باسم : مين ده اللي جي الفجر كدة
امل : انا هافتح... انت مين ... ( صويت )
هند : امل
زين : محدش يتحرك ؟ ... 4 سنين ؟ 4 سنين بحاول اعرف البضاعة وافلوس فين وعمال اراقب كل واحد في البيت ده و في الاخر تطلع انت حرقتها ياامين؟ مش مهم ال 2 مليون جنيه فداك بس دلوقتي المفروض تكونوا بتقسموا الورث ... فين الورث بقي ياشطرين؟
مفيدة : انت مين ؟
زين : مالكش دعوة انا مين ؟؟ فين الورث
امين : مفيش ورث يازين ... الورث اتسرق
زين : اتسرق ؟ انتوا لوماجبتوش الفلوس اللي سبها كلها دلوقتي انا هاقتلها
هند : امل لأ انا هديك كل اللي انت عايزه بس سيب بنتي
زين : انا عايز الورث كله مش ناقص مليم واحد ... ( يضرب طلقة ) ارمي المسدس ؟ ايه ياسعادة اللواء مش خايف عل البنت ولا ايه ؟
جاسر : سيبها البنت مالهاش ذنب
زين : انا هاعد من واحد ل 5 لو ماكنتش الفلوس قدامي هاقتلها وهاخش علي اللي بعدها..1
باسم : صدقني الفلوس مش موجودة
زين : 2
هند : طب اكتبلك كل اللي عندي وسيبها
زين : 3
فاضل : انت معاندكش قلب ديه صغيرة
زين : مش هايهمني وده مش اول واحدة اقتلها منوكوا ومش هاتكون الاخيرة 4
هند : لا
زين : 5
( سكوت )
هشام : زييييييين
هند : هشام ؟
زين : ميين؟؟؟ ... الظابط هشام ؟ انت بتتكلم ؟ ولا بقالنا زمن طويل من غير مانشوف بعض .. ياتري من امتي ؟ ممممم خليني افتكر .. من يوم لما قتلت جدك قدامك وانت كنت واقف من قادر تنطق من الصدمة ؟؟ هاهاها
هشام : المرة الي فاتت انت قتلت جدي لكن المرة ديه انت اللي هاتموت
زين : عمرك ما هاتعملها عارف ليه ؟ علشان انت جبان بتخاف تعمل أي حاجة ماعندكش ثقة في نفسك ودلوقتي ابتدت الحفلة والفلوس ماجتش علشان كدة في واحدة لازم تموت
( سكوت )
هشام : زييييين
( صوت طلقة )
الكل : لأااااااااااااا
( تقع امل )
هند : امل امل
( يقع زين يرمي هشام المسدس )
هند : انت كويسة ؟
امل : انا كويسة
تاج : اخيرا ثقتك رجعتلك ؟ اكيد بعد الكلمتين اللي قولتهملك
هشام : هاتفضل طول عمرك مغرور
تاج : ايه ؟
هشام : انا دايما واثق من نفسي لكن انت اللي بتيأسني ديما تقول اني دخلت كليه الشرطة علشان انت لواء و لولاك ماكنتش هاعرف اخشها دايما محسسيني ان علشان احنا عيلة غنية يبقي عندنا وسايط حسستوني ان الواسطة هيا اللي بتساعدني وبتعملي كل حاجة و ان انا ولا حاجة لغاية لما شوفت جدي وهوة هايتقتل كنت خايف اعمل أي حاجة كنت بقول ان انا فاشل ولو حاولت اساعده هايموت لغاية لما مات بجد فضلت ساكت 3 سنين وكاتم جواية علشان اداري علي فشلي لغايه لما شفتك انت شخصيا بتفشل انت اللي بيقولوا انك الواسطة بتاعتي فشلت ومعرفتيش مين اللي سرق عرفت ساعتها ان مش الواسطة تقدر تساعدني في كل حاجة وان كانت كل حاجة بتمشي بالواسطة فانا هاعتمد علي نفسي ان شالله افشل في كل حاجة بس هاكون عملت اللي عليا ... ودلوقتي عايز تعرف مين اللي سرق ؟؟؟ ..... ولا عايزني استني لما تعرفه بنفسك ؟
ايناس : قول يا هشام مين ؟عادل ولا حد تاني ؟ ريحني
هشام : اللي سرق الصندوق هوة فادي
ايناس : الحمد لله
رجاء : مش ممكن... فادي؟
هشام : ايوة فادي .. فادي عنده حساسيه ومايقدرش يشرب مخدرات فكان هوة الوحيد اللي فايق ساعت لما كان امين و عادل بيشربوا وكان بيمثل انه دايخ زيهم... ماتستغربوش عارف ان هو ماحدش شك فيه الكل بيقول عليه طيب ومالوش في حاجة ومعاندوش مشاكل مع انه كاتم جواه كتير بسبب ابوه
معتصم : ابوه ؟ انا ماسمحلكش
هشام : اخرس انت ... صندوق الورث فين يافادي؟ ... قول ماتخفش ماحدش هايئزيك احنا عيلة مع بعض وجيه الوقت ان كل واحد يطلع اللي جواه ونحس ان احنا عيلة واحدة فعلا
رجاء : فادي اوعي تكون انت بجد
فادي : ( سكوت ) الصندوق معايا.. لما كان امين وعادل بيشربوا المخدرات امين قال علي مكان الصندوق فرحت اخدته وخبيته في المطبخ
مفيدة : ليه يافادي تعمل كدة؟
فادي : كان لازم اعمل كدة انا خلاص زهقت بقيت حاسس ان انا ولا حاجة فعلا ابويا كل اللي عايزه فلوس يقعد بيها في القهوة ويصرف علي اصحابه لكن احنا بالنسباله ولا حاجة كل واحد يطلب مني حاجة بعملهاله وفي الاخر يقول ان هوه اللي عملها ويقول اني مابعرفش اعمل حاجة بقيت دايما شايف الكل بيتريق عليا ويقول ان ماليش لازمة وحاسس اني لوحدي يكونوا اصحابي قوي ساعة لما يحتاجوني ولما اخلص اللي عايزينه يسيبوني وكأنهم مش عارفني بقيت حاسس ان كل حاجة مصالح مصالح مباقاش في ناس اقدر اقول عليهم اصحابي بقيت شايل كل المشاكل ديه جوايا وعمال اضحك علشان مش عايز ابينها
ايمي : انت طيب قوي
فادي : الطيابة ديه بقت غباء في البلد ديه الطيب بيستغلوه وانا مش عايز حد يستغلني بعد كدة
ايناس : الصندوق اهه ( يفتح جاسر الصندوق ويقف مستغرب )
ايناس : ايه في ايه ؟
جاسر : ( يرفع ورقة ) ده كل اللي موجود
تاج : طب اقراها
جاسر : ( ينظر اليها وسكوت ) ديه نصايح كاتبها حدكوا ليكوا
معتصم : امال فين الفلوس والورث
جاسر : ابوكم معندوش فلوس
هند : ايه ؟
جاسر : كل فلوسه كانت في اخر ثفقة مخدرات اللي امين حرقها وكاتب في الورقة ديه انه كان عارف انه هايتقتل بس ماكنش لاقي حد راجل بجد يقدر يحافظ علي العيلة ديه بعده وكل اللي طلبه في الورقة ديه ان احنا نحافظ علي بعض علشان احنا اسرة واحدة
فاضل : بس ازاي ؟
معتصم : ولما هوة ماعندوش حاجة مجمعنا كلنا ليه؟
جاسر : مجمعنا علشان احنا كلنا عيلة واحدة لازم نعرف مشاكل بعض نسمع لبعض مش كل واحد يكون عنده مشكله ويجي يقولها نقوله ان اللي فينا مكفينا واو نقوله ان لما يكون عنده مشكلة مايقولهاش لحد علشان ماحدش فايق لمشاكل التاني ... احنا كاهالي المفروض نخلي بالنا من عيالنا نخاف عليهم اه بس مش لدرجة ان احنا نكون عاملين زي الدب اللي مستعد يموت عيالعه علشان محدش يقذيهم
هند : امال نعمل ايه يعني ؟
جاسر : مانحسسهمش انهم ولا حاجة وان بالوسايط كل حاجة هاتمشي عرفوهم ان عندهم واسطة اكبر من كل الناس هوة الي خلقهم ولما يعملوا أي حاجة شجعوهم انهم يكملوا فيها حتي لو كانت وحشة كفايه انهم حاولوا وتعبوا علشان يعملوها وادوهم حريتهم شوية علشان دول زي الاطفال اللي عايزين يفتحوا الباب ويجروا مش ع
(ترن ترن ترن ترن ) تدخل سنية
سنية : الووو .... ايوة .... ايوة موجود بس نايم ... اقوله مين لما يصحي؟....فتحي المحامي ؟.... من عينية .... سلام
ياسلاااااااام صوته حلو قوي واضح ان كل اللي يعرفهم تاج باشا مهمين وناس محترمين و اغنيا قوي
( تن تن .. تن تن )
سنية : حاضر يالي علي الباب انا جاية اهوه ... يوووه انا هاخلص من التليفون الاقي الباب حاجة تقرف ... مييين ؟
فتحي : انا فتحي
( تفتح الباب )
سنية : فتحي مين ؟
فتحي : انا بتاع التليفون
سنية : هوة انت ؟
فتحي : ايوة انا
سنية : وتاج باشا يعرف الخلق ديه منين ؟
فتحي : في ايه ياانسة انا ساكت بس عاشان عامل احترام لوالدك اللي نايم فوق بس
سنية : والدي ؟؟ اااه والدي طبعا هوه بابي قوليل في البلادي ؟ هاها ده ممكن ينسفك
فتحي : طبعا مش لواء ممكن تصحيهولي بقي علشان الموضوع مهم ؟
سنية : من عينية ... استني انت ازاي كلمتني في التليفون وبعدها ب5 دقايق لاقيتك علي الباب ؟
فتحي : اصلي كنت بتكلم من الكشك اللي قدام الفيلا وياريت تفكريني اخد النص جنيه تمن المكالمة قبل لما امشي
سنية : يالهوي علي الدناوة
( تخرج )
فتحي : البت نازلة تهزيق فيا طبعا ما هية بنت باشا و عندها واسطة
(ترن ترن ترن ترن)
فتحي : تليفون ؟ طب اعمل ايه دلوقتي؟ ياانسة , يامدام , ياحجة , انتي يابت مش معقول كدة مش هافضل لاطع اللي علي التليفون كدة ... مممممم
فتحي : الوو
مفيدة : الووو
فتحي : صوت واحدة صوت واحدة ... احم احم ايوة مين معايا؟
مفيدة : انا مفيدة
فتحي : افادك الله كل خير يعني مين بقة؟
مفيدة : انا مدام مفيدة مش ده منزل اللواء تاج الدين؟
فتحي : ايوة
مفيدة : وانت مين ؟
فتحي : انا فتحي
مفيدة : فتحي مين ؟
فتحي : في خد مايعرفش فتحي المحامي ده انتي شكلك جديدة في المنطقة
مفيدة : ااااه فاتحي قلتلي وانت عامل اية يافتحي؟
فتحي : احم احم كويس كويس
مفيدة : طب اديني تاج يافتحي
فتحي : اخدتي معاد منه قبلها ؟
مفيدة : انا اكلمه في المعاد اللي انا عايزاه
فتحي : اكيد معاكي واسطة ماهية البلد بقت ماشية بالكوسة
مفيدة : من غير واسطة
فتحي : ليه انتي مين يعني؟
مفيدة : انا مفيدة القاسم اخت تاج الدين باشا
( يرمي السماعة )
فتحي : ينهار اسود ( يمسك السماعة تاني ) ايوه يا سعادت الهانم دة التليفون نور والله
مفيدة : انت وصلت امتي ؟
فتحي : من 10 دقايق ومستني الهانم الصغيرة تصحيه
مفيدة : هانم صغيرة؟؟ ممم طيب لما يصحي وتكلمه ابقي قولي
فتحي : حاضر يا مفيدة هانم مع الف سلامة
( تدخل سنية )
سنية : يالاهوي انت بتهبب ايه
فتحي : بكلم المدام
سنية : مدام في عينك اجري بعيد احسن الباشا لوعرف انتك رديت علي التليفون هايموتك
فتحي : في عيني؟ يابت ليمي نفسك ولا عشان بنت باشا يعني لأااااا ده انا ...
( يدخل تاج )
سنية : يالاهوي الباشا
فتحي : باشا مين ؟
تاج : انت فتحي؟
فتحي : لا مش انا هية ... اه انا ... خدامك ياباشا
تاج : وعايز ايه
فتحي : انا جايلك من طرف مفيدة هانم
تاج : ااه اهلا سنية شوفيه يشرب ايه
فتحي : سنية ؟
سنية : ايوة ياعنية
فتحي : هية مش ديه تبقيييي ... يابنت الذينة
تاج : في ايه ؟
فتحي : لا ولا حاجة ... بت ياسنية هاتيلي ساندوتش حلاوة
سنية : نعم ياعنية؟
فتحي : وزودي الكاتشب
سنية : كاتشب علي الحلاوة ؟؟ الباشا قال شوفيه يشرب ايه مش ياكل ايه
تاج : هاتيله اللي عايزه خلينا نخلص
سنية : حاضر ياسيدي
( تخرج )
تاج : ايوة بقي قولي مفيدة بعتاك ليا ليه ؟
فتحي : علشان محتجاك ياباشا
تاج : محتجاني انا؟
فتحي : ايوة ياباشا
تاج : بس احنا متخانقين مع بعض وبعاد عن بعض من زمان
فتحي : انا عارف ياباشا المشاكل اللي بنكوا بس هيا فعلا محتجاك دلوقتي
تاج : وهاتحتجني في ايه؟
فتحي : انت عارف ان قاسم باشا اختفي ومن يومين كمل ال4 سنين وكدة يعتبر متوفي ومن حق اولاده واحفاده انهم يورثوا
تاج : وانا مالي ومال الموضوع ده ؟
فتحي : قاسم باشا ليلة لما اختفي جالي المكتب وادالي صندوق وورقة وقالي يوم لما اموت اقرا الورقة ديه ونفذ اللي فيها
تاج : والورقة ديه مكتوب فيها ايه؟
فتحي : مكتوب فيها اني مافتحش الصندوق غير لما يكون الكل موجود و كتبلي اسامي الناس همة تقريبا العيلة كلها بس اسمك كان معاهم
تاج : انا؟
فتحي : ايوة و الكل تقريبا هايكون موجود بكرة ولازم تيجي
تاج : ممم هاشوف
فتحي : تاج باشا انا عارف المشاكل اللي بينك وبين مفيدة هانم بس انت لازم تكون معاهم يومها
تاج : ممممم خلاص قولاها بكرة الساعة 10 بليل هاكون موجود
فتحي : قشطة عليك
تاج : ايه ؟
فتحي : لا ولا حاجة استاذن انا
( تدخل سنية بالساندوتشات )
سنية : رايح فين ؟
فتحي : راجع افرح مفيدة هانم
سنية : والسندوتشات ؟
فتحي : ابعتيهم delivery علي البيت سلام ولا اقولك هاتي .... سلاااام
سنية : هوة في ايه ؟
تاج : عادي عادي اكتبي في المذكرة بتاعتي ان في معاد بكرة مهم الساعة 10 عند مفيدة هانم والغي كل المواعيد يومها
سنية : هية المقابلة ديه مهمة قوي كده ؟
تاج : اني اقابل اختي تاني بعد 5 سنين يبقي لازم تكون اهم مقابلة
ستاااااااار
المشهد الثاني
امين : هوة المكان فاضي كدة ليه ؟ هما الناس دول هايفضلوا نايمين لغاية امتي؟ ده عمي باسم زمانه جي من السفر ... يلا احسن علشان اقرا الجرايد براحتي ... صفحة الحوادث ... رجل يقتل زوجته لشكة في سلوكها .... طبعا ما اكيد كان جايب كهربائي فاشل يكشف علي سلوكها , القاء القبض علي عصابة لبيع المخدرات وهرب رئيسها المدعو زين ال....
( تن تن تن تن )
امين : ده اكيد عمي باسم ( يفتح ) ... بسوما
باسم : امين
امين : حمدالله علي السلامة
باسم : الله يسلمك
امين : ازيك ياراجل واحشني موت
باسم : والله وانت كمان امال فين بقيت الناس؟
امين : الكل نايم الساعه 5 الفجر مين هايصحي دلوقتي؟
باسم : اكيد مفيش حد هايكون صاحي غيرك انت و الواد عادل
امين : هاهاها
باسم : تعالي اعرفك علي مرات عمك وبنت عمك
امين : ايه ده انت اخيرا خلتهم ينزلوا مصر ؟
باسم : يلا مرة من نفسهم بدل لما انا بنزل كل مرة لوحدي
امين : وانا اقول مصر كلها منورة ليه ؟
باسم : يابكاش... اعرفك ايمي مراتي امين ابن اخويا الكبير جاسر
ايمي : Hi
امين : هاي ورحمة الله وبركاته welcome بيكي في Egypt
ايمي : Thank you
امين : وانتي من اهلة
باسم : ديه بقي بنتي اليكساندرا
امين : Hi
اليكس : اهلا
امين : ايه دة انت بتتكلمي عربي
اليكس : طبعا دة بابا مصري ومعلمني عربي كويس
امين : ولما هوه كدة ملقاش اسم غير ده يساميكي بية؟
اليكس : هاهاهاها انا محدش بيقولي اليكساندرا الكل بيقولي اليكس
امين : اسكندرية ؟ طيب كويس
باسم : ايه يا امين مالك مستلم البنت تريقة كدة ليه
ايمي : علي فكرة انا شوفت ليك صور كتيرة قوي
امين : الااااه نطقت عربي
ايمي : انا بتكلم عربي نص نص
امين : طيب والله كويس وانت شوفتي صوري فين ؟
ايمي : عند باسم بس انت كنت غير كدة خالص
امين : امال كنت ازاي يعني؟
ايمي : كنت صغير شوية
امين : معلش مافيش حد بيفضل علي حاله
ايمي : Of course وانت في سنة كام في المدرسة دلوقتي
امين : لا انا مش في مدرسة
ايمي : مش في مدرسة ليه ياحبيبي ؟
امين : زي ماتقولي كدة عندي 22 سنة والديسكات مباقتش علي مقاسي
ايمي : Ooh ديه غلطت مدير المدرسة المفروض يعمل دسكات علي مقاس الاولاد كلها ده حققك
امين : اه ده ؟ ديه عبيطة ولا ايه ؟ انا بيتهيألي ياباسم اني اوريهم قودهم قبل لما يجيلي شلل
باسم : شلل ايه ده انت لسة قدامك اسبوع معاهم
امين : يانهار اسود
باسم : امين دول مراتي وبنتي
امين : اسف ... يلا تعالوا اوري كل واحد قودته
ايمي : هوة مافيش شغالين يشيلو الشنط
امين : لأ عمتي هند طردت الشغالة امبارح علشان جابتلها الشاي بتاعها متأخر 3 دقايق
ايمي : يعني البيت دة كله والفلوس اللي عندكوا ديه كلها ومفيش شغالة
امين : خمسة وخميسة لأ وان كان علي الشنط هاشيلهالكوا انا
اليكس : لا سيب الشنطة ديه انا هابقي انزل اجيبها علشان الجيتار مايتكسرش
امين : براحتك
( يخرج الجميع ويدخل عادل من الناحية الاخري )
عادل : ياااه الساعة لسة 5:30 الفجر ياخسارة جيت بدري النهاردة ماهية سوسو لو مكانتش هاسكعت مني كان زماني كملت الليلة معاها منها للاه بقي هانعمل اية ؟ ...ايه ده جيتار ؟؟ في البيت هنا ؟ ده بتاع مين ده ؟
( تدخل اليكس )
اليكس : Hi
عادل : ممممم ( يفضل باصصلها من غير كلام )
اليكس : بقولك هاي انت متنح كدة ليه؟
عادل : هية مش ديه فيلا قاسم المصري برده ؟
اليكس : اه هية
عادل : يعني انا مش غلطان في العنوان ولا حاجة ؟
اليكس : لأ
عادل : اه هوة بيتنا بس ازاي؟
اليكس : ازاي ايه ؟
عادل : في بنت حلوة دخلت البيت عندنا اصل بيني وبينك كل حريم البيت ده غفر
اليكس : هاها واضح انك عادل
عادل : ايه ده وكمان جايالي بالاسم ده واضح ان اتشهرت في صالة الديسكو قوي
اليكس : لأ مش الديسكو
عادل : امال ايه ؟
اليكس : هات الجيتار وانا هاقولك
عادل : بس كدة قوي قوي اتفضلي
اليكس : انا اليكس بنت عمك باسم
عادل : ميين اليكس ؟؟ حبيبتي يابنت عمي
( يتجه نحوها ويدخل فاضل )
فاضل : عادل
عادل : يالاهوي بابا ايه اللي صحاه دلوقتي ؟
فاضل : انت بتعمل اية ومين ديه ؟
اليكس : هاي عم فاضل انا كان نفسي اشوفك من زمان
فاضل : وانتي تعرفيني ازاي ؟
اليكس : انا بنت اخوك باسم
فاضل : هوة انتوا شرفتوا ؟ اهلا وايه اللي انتي لبساه ده ؟
اليكس : ايه ماله ؟ بادي وبنتكور مفيش حاجه غلط
فاضل : ديه سفالة ازاي باسم سايبك كدة يلا روحي البسي حاجة حشمة
اليكس : Offff troubles
( تخرج )
فاضل : هيا بتقول ايه البت ديه ؟
عادل : الظاهر كدة يابابا انها شتمتك
فاضل : شتمتني ؟ هيا حصلت ؟
عادل : اه عارف كلمة troublesاللي قالتها في الاخر دية وهيا طالعة ؟
فاضل : اه مالها ؟
عادل : ديه يعني انت طرطور
فاضل : طبعا طرطور علشان سايب واحدة في البيت زي ديه .. ديه عثرة علي البيت
عادل : اهو انت في ديه معاك حق البت حلوة و عثرة علي عشرة يابابا بقي في حد يشوف ابنه واقف مع بنت زي القمر زي ديه ويجي يقاطعهم ؟ ده المفروض تقول اكتر من كدة والله
فاضل : انت بتقول ايه ؟
عادل : يلاهوي الراجل اتجنن و هايموتني يا ماماااااا
( تدخل ايناس )
ايناس : ايوه في ايه صوتكوا جايب لاخر الشارع
فاضل : تعالي شوفي ابنك اللي مش متربي
ايناس : ماله بس ؟
فاضل : دخلت لاقيته واقف مع بنت عمه في منظر انا ماقبلوش في البيت
ايناس : ايه ده هوة باسم رجع ؟
فاضل : وياريته مارجع
ايناس : لية بس ؟
فاضل : جاي وجايب شيطان معاه
عادل : شيطان ايه بس يابابا دية ملاك والله
فاضل : اخرس انت
ايناس : هدي نفسك بس مش كدة
فاضل : انا مش هاهدة و هية لو ماتعدلتش يانا يا هيا في البيت ده
( يخرج فاضل)
عادل : يارب يمشي هوة و هية تفضل
ايناس : ولد
عادل : ياماما ماتشوفيلك صرفة في جوزك ده كل لما يشوفني مع واحدة يقطع عليا ويطفشها
ايناس : عادل روح علي قودتك
عادل : يا ما...
ايناس : يلااا
عادل : حاضر
( يخرج عادل )
ايناس : واضح ان الواد دة لسة محتاج تربية
( يدخل معتصم )
معتصم : صباح الخير يا ايناس
ايناس : صباح الخير يامعتصم
معتصم : رجاء لسة ماصحيتش؟
ايناس : انت بتسألني انا ؟ ديه مراتك
معتصم : يووه مراتي مراتي ياريت ليها فايدة عاجبك اللي عاملينه اخواتها فيها؟
ايناس : معتصم اصتبح علي الصبح وماتنساش ان جوزي يبقي اخوها .. عن اذنك
( تخرج ايناس )
معتصم : حتي انتي يا ايناس طبعا ما انتي مرات فاضل وضمنة حقك في الورث لكن انا ولا هاطول حاجة بسبب سذاجة رجاء ... رجاء يا رجاء يا رجاء
رجاء : ايوة يامعتصم
معتصم : ايه سنة علشان تردي؟
رجاء : ما انا رديت علي طول اهوه
معتصم : لأ ياهانم انتي رديتي بعد لما ناديت عليكي 3 مرات
رجاء : انت عايز تعمل مشكلة علي الصبح علي أي سبب هايف وخلاص؟
معتصم : حقي مراتي ولازم تنفذ اوامري مش كفاية ابوكي مش كاتب اسمي مع الناس اللي هايورثوا
رجاء : وهوة انت يفرق معاك الورث في اية بس ؟
معتصم : ورث يعني فلوس يعني حياه تانية احسن من العيشة وسط اخواتك اللي مش عارفة تخدي منهم لا حق ولا باطل
رجاء : وهوة انت متجوزني علشاني انا ولا علشان فلوسي؟
معتصم : هاهاها طبعا علشان فلوسك انت فاكرة ان انتي حاجة ؟ اخواتك همة اللي متحكمين في كل حاجة في البيت ده انما انت ولا حاجة
رجاء : كفاية بقي مش كل يوم هانعيد نفس الموال ده كفاية
معتصم : لا مش كفاية واعملي في حسابك انا لو مورثتش انا هاطلقك
( يدخل فادي )
فادي : بابا
معتصم : اهوه ابنك صحي
فادي : بابا عايز 50 جنية
معتصم : بتوع ايه ؟
فادي : مصروف وعلشان اجيب دوة الحساسية بتاعي
معتصم : روح لامك هوة انا من امتي وانا بديك مصروف مش امك تبقي بنت قاسم المصري؟
فادي : ماما ماما ... بابا ماما بتعيط
(تن تن تن تن )
معتصم : سيبها تتفلق ورح افتح الباب
فادي : طيب ... مين ؟؟ .......... ( يرجع ) بابا بابا
معتصم : عايز ايه ؟
فادي : هات 60 جنيه
معتصم : ليه ان شاء الله مش كانوا 50 من شوية
فادي : اه بس ال 10 دول عاشان مافتنش عليك
معتصم : تفتن عليا؟
فادي : اه اصل .... ايدك علي 10 جنيه دلوقتي وانا اقولك من غير لما ماما تعرف
معتصم : امسك قول في ايه
فادي : في واحدة بتسأل عليك برة
رجاء : واحدة مين ديه يامعتصم؟
معتصم : ماكنت تعالي صوتك كمان علشان الجيران يسمعوا
فادي : جيران اييه؟ ميين الست ديه يا معتصم؟
فادي : ديه المدام الجديدة ياماما
رجاء : مدام ؟ وكمان بتخوني يامعتصم علشان كدة كنت عايز تاخد الفلوس وتطلقني وتعيش معاها
فادي : يبقي احسن , احسن ده ذوقه وحش قوي... ابقي اتعلم من عادل او استنضف
معتصم : ولد ..مين الست ديه اللي بتسأل عليا ؟
فادي : انا ايه اللي يعرفني واحدة وجاية تقولي مدام عاصم يبقي اكيد المدام الجديدة بتاعتك
رجاء : مدام عاصم ؟ اه ديه الشغالة الجديدة اللي جبتها علشان لما خالي تاج ييجي بدل اللي طردتها هند انا قولتلها لما تيجي تسأل عليا اتفضلي يا انشراح اتفضلي
معتصم : ومين اللي هايدفعلها ديه ؟
رجاء : انا هووووووف
معتصم : احسن
انشراح : مساء الخير
رجاء : مساء النور ياأنشراح اتفضلي تعالي اواركي اللي هاتعمليه احسن تاج باشا جي ومافيش وقت
( تشدها من ايدها وتخرج )
فادي : طب استأذن انا بقي
معتصم : خد هنا
فادي : ايه
معتصم : هات 10 جنيه
فادي : بتاعت ايه ؟
معتصم : اللي انت لسة واخدها دلوقتي
فادي : ديه كانت 5 جنيه بس وهاديهالك علي الجزمة
معتصم : علي الجزمة ؟ طب هاخد كل المعاك
فادي : ياعم انت مش عارف تتشطر علي امي هاتيجي تتشطر عليا انا
معتصم : فادي ( يمسكه من القميص )
فادي : ايه يابابا ده الكلام اخذ وعطي برده
معتصم : هات الفلوس
فادي : حاضر ياعم هاديك اللي انت عايزه بس اخش اجيبهم من جوة
معتصم : روح وانا رايح الشغل و لما ارجع القيهم معاك
( يخرج معتصم )
فادي : حاضر اشوف فيك يوم
( تدخل مفيدة )
مفيدة : صباح الخير يا فادي
فادي : صباح الخير يا تيتا
مفيدة : مالك ماشي بتكلم نفسك كدة ليه ؟
فادي : اصلي استبحت علي وش باب انا عارف هيا بنتك ديه اتجوزته علي ايه
مفيدة : هاهاها عيب ياولد ماهما كان دة باباك برده
فادي : لو بالطريقة ديه انا هابدله بواحد تاني من العتبة سلام
( يخرج)
مفيدة : الواد ده ماله ؟
هند : امل يلا بسرعة يابنت هاتأخر علي الشغل بسببك
امل : حاضر ياماما
( تدخل هند )
هند : عارفة لونقصتي نص درجة في الامتحان انا هاسلخك
مفيدة : في ايه يا هند بالراحة علي البنت
هند : ديه بنتي وانا عارفة هاربيها ازاي
مفيدة : بنتك كبرت خلاص واسلوب التربية ده المفروض يتغير
امل : ماما انا خلصت
( تدخل امل )
هند : ايه ده انتي مسيبة شعرك اني عايزة العيال الصيع يعكسوكي؟
امل : طاب بالراحة هاخش اجييب توكة المه
هند : انتي لسه هاتخشي ؟ انتي مابتفهاميش؟ انا هاتأخر
امل : طب اعمل ايه طيب ؟
هند : يلا امشي قدامي ما هيه نقصاكي علي الصبح
مفيدة : ماتنسيش معاد خالك الساعة 10 بليل
هند : فاكرة فاكرة سلام
( تخرج هند وامل )
مفيدة : البيت ده مبقاش طبيعي ولازم يتعدل
( تدخل رجاء )
رجاء : صباح الخير ياماما
مفيدة : صباح النور .. ها... جهزتي علشان ننزل نجيب الحاجة ؟
رجاء : اه خلاص ... اه علي فكرة انا جبت شغالة تيجي تساعدنا النهاردة علي لما الناس يجو باليل وقولتلها علي اللي هاتعمله بالظبط
مفيدة : طب كدة يبقي تمام قوي يلا بقي علشان مانتأخرش
رجاء : يلا
( تخرج مفيدة ورجاء )
(يدخل باسم وايمي و اليكس )
باسم : ها ايه رأيكوا في البيت ؟
اليكس : ده حلو قوي يابابا
ايمي : Fantastic هو احنا ممكن نورثه وناخده لينا ؟
باسم : يا ايمي يا حبيبتي احنا مالنا ومال الورث احنا في كندا عندنا اللي مكفينا ومش محتاجين من حد حاجة
ايمي : امال احنا جايين ليه؟
باسم : جايين ننفذ وصية بابا الله يرحمه واهوة منها فسحة ليكوا برده ... ولا انتوا مش عايزين تتفسحوا؟
اليكس : لأ طبعا عايزين يلا يا ماما بقي
ايمي : يلا
( تدخل امل وهي تبكي )
ايمي : ايه ده مالك ؟ بتعيتي ليه ؟
امل : انتوا مين ؟
باسم : انا باسم خالك مش انتي امل بنت هند ؟
امل : اهلا انتوا جيتوا؟
باسم : اه النهاردة الصبح انا و ايمي مراتي و اليكس بنتي
امل : شرفتوا ما هية ناقصة ( تكمل عياط وتحاول الخروج )
اليكس : استني بس
امل : عايزة ايه ؟
اليكس : ممكن اعرف بس ايه اللي مضايقك؟
امل : مالكيش دعوة
ايمي : يلا يا اليكس
اليكس : لا ياماما انزلوا انتوا انا هاقعد مع امل شوية
ايمي : يلا ياباسم
باسم : اليكس هانستناكي تحت
اليكس : اوك
( يخرج باسم و ايمي )
اليكس : ممكن نتكلم بقي شوية
امل : اسفة مقبلش اتكلم مع واحدة زيك
اليكس : ليه بس؟
امل : علشان انتي اجنبية
اليكس : وفيها ايه بس؟
امل : فيها انك اجنبية يعني مالكيش حدود تقفي عندها عايزة يكون ليكي boy friend عادي تخرجوا مع بعض عادي وتمسكوا ايدين بعض عادي وممكن توصلوا لاكتر من كده وانا مارضاش اتعلمل مع واحدة كدة
اليكس : لا اني فاهمة غلط مش كل الناس كدة انا مصرية وعايشة برة ومربيني اب مصري و مربيني علي التقاليد بتاعتكوا
امل : بس عايشة في وسط اجانب
اليكس : مش معني اني عايشة وسطهم يبقي بعمل زيهم انا ليا عقل بفكر بيه بعرف ايه الصح وايه الغلط ايه اللي يرضي ربنا وايه لا ممكن يكون الناس برة مش مقفلين زي هنا واتربيت زيهم بس مش كل حاجة اقدر اعملها انا ليا حدود برده
امل : ازاي يعني؟
اليكس : يعني هنا في مصر ساعات كتير قوي الاهالي يمنعوا بناتهم من ان هما يكلموا اصحابهم الولاد لكن هناك انا زي ماليا اصحاب بنات ليا برده اصحاب ولاد وممكن يكونوا اكتر من البنات كمان ولو شفت هناك أي اتنين ماشيين مع بعض ديه حاجة عادية انا مثلا عندي boy friend واهلي عرفين وعادي
امل : وسيبينك عادي
اليكس : طبعا علشان واثقين فيا وعارفين ان اصحابنا الولاد دول زي اخواتي وبيخافوا عليا اقولك علي حاجة حصلت قبل كدة؟
امل : ايه قولي قولي
اليكس : في مرة كان حصل مشكلة بيني وبين صحبي وزعلنا مع بعض وسابني وبالليل لاقيت صاحبه جايبه لغاية عندي من غير لما يقوله اني موجودة ولما شوفته اعدت اعيط لائيته هوه اخدني في حضنه ومسحلي دموعي حاسيت بحنية وماحسيتهاش من ماما
امل : الااااه ده عكس هنا خالص هنا لو شافا واحدة ماسكه ايد واحد تبقي فضيحة
اليكس : لا مهوه مش معني كدة ان ده الطبيعي ده كان موقف وعمل فيه كدا علشان يهديني في مواقف بتحتاج كدة تحسي ان ليكي اصحاب كويسين واولاد وبنات زي اخواتك يعني مش لازم تسمي أي صاحب ولد ليكيboyfriend
امل : ديه حاجة حلوه قوي خسارة انها مش موجودة هنا في مصر
اليكس : مين قال انها مش موجودة هيه موجودة بس في الافلام بس الكل يشوفها و يحس انها طبيعة ويتمني يحس بكد لكن لما تحصل بجد بتبقي عيب وغلط
امل : اه والاهالي مابيسكتوش ... يالاهوي اهالي ؟؟ ماما انا نسيت ديه هاتموتني
اليكس : ليه بس ؟
امل : اصلي رحت المدرسة متاخر فرجعت ولو ماما عرفت هاتكويني
اليكس : هاها لأ ماتخافيش انا هاخلي بابا يهديها
امل : بجد ؟
اليكس : طبعا مش احنا بقينا اصحاب ولا لسة فاكرة اني مش كويسة ؟
امل : لا اصحاب طبعا
اليكس : يبقي خلاص تعالي اخرجي معانا
امل : بلبس المدرسة كدة؟
اليكس : وماله يلا يلا
( تخرج امل واليكس ) ( تدخل انشراح )
انشراح : انا نضفت خلاص الحمد للاه مش فاضل غير الصالون وابقي خلصت و.. ايه الكيس ده ؟.... يالاهوي مخدرات ؟؟
( يدخل امين ووعادل فترمي انشراح الكيس )
عادل : فهمني بس يا امين في ايه ؟
امين : هاحققلك اللي انت عايزه و ... انتي مين ؟
عادل : ديه انشكاح الخدامة الجديدة اتعرفت عليها في المطبخ النهاردة
امين : انشكاح ؟
انشراح : خدامتك انشراح ياسعادت البيه
امين : انشرااح طيب خشي اعمليلي شاي وحطيهولي علي مكتبي
انشراح : حاضر ياسيدي
( تخرج انشراح وينظر امين فيجد الكيس علي الارض فيسكت )
عادل : ايه فيه ايه سكت ليه
امين : ولا حاجة تعالي امسك
عادل : ايه ده ؟
امين : مش كان نفسك تعمل دماغ ؟ انا هاخليك تعملها دلوقتي وهنا كمان
عادل : لا ياعم انا خايف
امين : خايف من ايه ده انا هاعملك اعلي دماغ
عادل : لا ياعم مش عايز اعليها احسن تخبط في السقف
امين : تخبط في السقف ايه انت التاني بس ؟ امسك امسك
عادل : ايه ديه ملوخيه ؟ هوه انت اللي بتسرق الاكل من التلاجة ؟
امين : تلاجة ايه ده حشيش
عادل : ااه حشيش قولتلي
( يدخل فادي وهشام )
فادي : انتوا بتعملوا ايه ؟
امين : هيه فادي؟؟عايز ايه؟
فادي : عايز اعرف انتوا بتعملوا ايه
عادل : امين .. هشام واقف
امين : سيبك منه ده لا بيهش ولا بينش .الخوف من الواد ده
عادل : ماتخافش ده اهبل خده بس علي قد عاقله
فادي : انتوا بتقولوا ايه ؟
امين : ولا حاجة بنفكر نخليك تعمل دماغ معانا ولا لأ
فادي : اكيد هوة انا اقل منكوا
امين : خلاص اسكت بقي وماتتكلمش خالص
فادي : حاضر ايه ده بدرة ياامين ؟ انت عندك تسلخات ؟
امين : تسلخات ايه ده هروين
فادي : هروين ؟ كان نفسي اشوفه من زماااااان وانتوا جبتوا الحجات ديه منين ؟
عادل : مالكش دعوه
فادي : طب بتخدوها ليه ؟
عادل : من قرفنا من الدنيا
فادي : قرف؟ انتا ايه اللي مضايقك بس ياعادل
عادل : ولا حاجة سقط تاني
فادي : هاهاها لا انا عايز اسمع حاجة جديدة ما انت بتسقط كل سنة ؟
عادل : اعمل ايه مابابا هوة اللي مدخلني الكليه اللي هوة عايزها قلتله اكتر من مرة انا ماليش في الهندسه وبحب الفن والموسيقي الاقيه يقولي موسيقة ايه اللي تتعلمها انت ابوك محترم وانت كمان لازم تكون زيه مش اقل منه ودخلني الكليه الى هوة عايزها ومتوقع اني ممكن انجح وانا بدرس حاجة مش بحبها
فادي : ياحرااام ده شكله متضايق خالص ابقي زودله سجارة ولا حاجة ياامين
عادل : اتريق براحتك يلا ياعم نخش جوة بالحاجة ديه
فادي : طب خدوني معاكوا
( يخرج امين وعادل وفادي ) ( تن تن تن تن ) ( تدخل انشراح لتفتح الباب)
انشراح : اهلا ... استاذ فتحي المحامي ؟
فتحي : بلا فخر
انشراح : اهلا اتفضل الجماعة كلهم زمانهم جاين
فتحي : اهلا اهلا حضرت الظابط
انشراح : ظابط ؟؟
فتحي : ايوه في حد مايعرفش الظابط هشام ؟
( يتركهم هشام ويخرج )
فتحي : هوة ماله في ايه؟..... انت سكتي كده ليه ؟ طب اروح واجي يوم تاني؟
انشراح : تروح ايه بس استني انا عايزاك تقولي كل اللي تعرفه عنه بالظبط
فتحي : انا معرفش عنه غير انه علي طول ساكت ومش بيتكلم مع انه مش اخرس بس مش عارف ليه
انشراح : ده كل اللي تعرفه ؟ طيب
فتحي : انا هاخش بقي اشوف الصندوق علشان لما الكل يجي اكون جاهز
( يخرج فتحي )
انشراح : معقول ظابط وشايف اللي بيحصل ده وساكت ؟ اكيد في حاجة غلط في الموضوع
( يدخل امين وهوة دايخ )
امين : فين الشاي يا انشراح ؟
انشراح : علي مكتبك يا امين بيه
امين : هاتيهولي هنا
انشراح : حاضر
امين : لأ استني
انشراح : ايه
امين : انتي مين اللي جابك هنا ؟
انشراح : رجاء هانم
امين : رجاء ؟ ااه خالتي بصي يا بت انتي انا مش مستريحلك
انشراح : انا ؟ ليه بس؟
امين : علشان انتي عرفة موضوع المخدرات
انشراح : مخدرات ايه؟
امين : انت هاتصيعي عليا انا ؟ اللي شفتها ولما دخلت انا وعادل رمتيها تاني انتي اكيد تابع حد من اياهم
انشراح : لا والله
امين : انطقي انتي تابع مين لاقتلك
( يدخل فادي وعادل )
فادي : اييييه دنيييااااا...... شفت ياامين
امين : ايه ؟
( تجري انشراح الي الداخل )
فادي : كل لما عادل يفتح التليفزيون مايلاقيش ال FM
امين : ياراجل ؟
فادي : اه بجد بقوله الموجة بتاعتها 100'6 مش مصدقني
امين : لا بجد ؟
عادل : ايوه والله يا امين
امين : ومغيرتوش الموجة ليه؟
عادل : مااحنا فكرنا في كدة بس ماردناش
امين : ليه ان شاء الله ؟
فادي : احسن المذيعة تغرق ياامين
امين : تغرق طب بس بس بس احسن اهلك زمانهم جايين
عادل : يجو ياعم انا مش فاضي للورث ولعب العيال بتاعهم ده سلام
( يخرج عادل )
امين : وانت ناوي تعمل ايه ؟
فادي : مش عارف
( يدخل فتحي بسرعة )
فتحي : الحقوا الحقوا الصندوق اتسرق
ستار
المشهد الثالث
مفيدة : معقول بيت قاسم المصري يتسرق ؟
تاج : انا كنت واثق ان ده هايحصل واللي سرق واحد من البيت ده
مفيدة : وايه اللي يخليك واثق من كدة ؟
تاج : لان كل واحد كان مستني لحظة موت جده علشان يورث وانا هاعرف بالظبط مين اللي سرق من البيت دة
مفيدة : تاج انا مش عايزه حد من برة يعرف
( تدخل انشراح )
انشراح : القهوة ياتاج باشا أي خدمات تانية
مفيدة : لا شكرا
تاج : استني يا انشراح .. انا عايزك تقوليلي مين اللي كان في البيت بالظبط ساعة لما اكتشفتوا ان الحاجة اتسرقت
انشراح : هوة ماكنش في حد غير امين و فادي و هشام و فتحي
تاج : مفيش حد تاني خالص ؟
انشراح : لأ
تاج : خلاص شكرا اتفضلي دلوقتي
(تخرج انشراح )
مفيدة : تفتكر يا تاج انها ممكن تكون هيا ؟
تاج : لأ علشان ديه لسة جاية النهاردة وماكنتش تعرف أي حاجة عن الموضوع دة ومن ساعة لما جت وهيا لسة ماخرجتش من البيت
مفيدة : طيب وفتحي ممكن يكون سرق؟
تاج : مافتكرش ... فتحي الصندوق كان معاه بقاله 4 سنين وماحدش فينا كان يعرف وكان ممكن مايقولش انه عندة ..فاكيد مش هوة ... انت ايه رأيك في امين ؟
مفيدة : امين ؟ لا لا يمكن يكون امين ... امين من ساعة لما جده اختفي وهوة شايل البيت كله هوة اللي بيحسسني اني لسة مش لوحدي واكيد مش هايكون محتاج فلوس او أي حاجة وكمان هوة اللي مستلم الصندوق من فتحي وكان ممكن يسرقة من ساعتها
تاج : طيب وفادي؟
مفيدة : فادي دة ولد طيب وتحس انه تايه كدة ومش داريان باللي بيحصل حواليه واكيد مش هوة ده ممكن يكون اصلا مش عارف ان في ورث
( تدخل هند )
هند : امل ... انتي يابت ياامل
مفيدة : امل مش هنا
هند : ايه؟ ينهار اسود بنتي
تاج : ايه في ايه ؟
هند : البنت مش في المدرسة ومش هنا
مفيدة : ماتخفيش هاتلاقيها جاية في الطريق دلوقتي
هند : ديه لما تيجي انا هاموتها من الضرب انا هابهدلها... انا
بنتي تزوغ من المدرسة؟
تاج : اهدي ياهند لغاية لما تيجي ونعرف كانت فين بالظبط
هند : اهدي ؟ انا هاقلب الدنيا لغاية لما اعرف هيا فين
مفيدة : انتي مالك بتعامليها كدة ليه بنتك كبرت يا هند
هند : مهما كبرت هافضل خايفة عاليها
مفيدة : بس ماوصلش لدرجة انك تفضلي حبساها مافيش خروج مافيش كلام مع حد مافيش مافيش مافيش وتعذبي فيها لما تغلط حرام اللي بتعمليه فيها ده
هند : لازم اعمل كدة انتي نسيتي اللي حصلي من جوزي ؟
مفيدة : لا مانستش بس برده مش طريقة ديه
تاج : ايه اللي حصل من جوزك ياهند ؟
هند : من خمس سنين سافر برة وكان بيكلمنا كل يومين يتطمن عالينا وكان بيحبنا قوي بس لما سافرتله انا واولادي امريكا لما بابا مات لاقيته اتغير جدا كان بيتعامل مع الاولاد كانوهم ناس غريبة مش اولاده وكان كل اللي عايزه اني اورث علشان ياخد الفلوس ويلعب بيها قمار ولما عرف اني لسة ماورثتش ابتدي يشتمنا ويهددنا وكان ده لسه في تاني اسبوع لينا معاه في امريكا وكان معروف ان أي انتقال من بلد لبلد محتاج مساعدة في الورق والدراسة والحجات ديه لكنه ماسعدناش وطردنا كلنا علشان كان علي علاقة بواحدة تانية علشان كدة رجعت تاني اعيش مع امي وابتديت ابني نفسي بنفسي مايهمنيش غير اولادي احاول اديهم الامان اللي ابوهم معرفش يديهلهم
تاج : هند الناس كلهم مش ذي بعض
هند : كلكم واحد وحوش مش هاممكوا غير نفسكوا
( يدخل باسم وايمي و اليكس و امل )
باسم : مساء الخير يجماعة مالكوا صوتكوا جايب لاخر الشارع
هند : امل كنتي فين ياحيوانة ده انا هاكويكي انا هاموتك
ايمي : ايه الطريقة الهمجية ديه انتي لا يمكن تكوني انسانة ابدا
باسم : اليكس خدي امل وخشي جوة
اليكس : حاضر يابابا
( تخرج امل و ايكس )
باسم : هند مش طريقة ديه اللي بتعاملي بيها بنتك خالص
هند : يعني عايزني اشوفها بتضيع قدامي واسكت ؟ اهيه كانت هربانة من المدرسة وصايعة عايزين ايه اكتر من كدة ؟
ايمي : بنتك كانت معانا احنا لما اتاخرت علي المدرسة رجعت وكانت بتعيط من كتر الخوف ... كانت خايفة احسن تعذبيها او تعملي فيها أي حاجة فاخدناها معانا علشان نهديها
هند : وتخاف ليه وانا موجودة ؟
ايمي : بنتك خايفة منك انتي ياهند انتي بقيتي ذي الدب اللي ممكن يموت عياله علشان محدش يأذيهم انتي عارفي لوكني عايشة برة وعملتي كدة ؟ كان زمانك اتحبستي
هند : اتحبس علشان بربي بنتي؟
ايمي : لا علشان اسلوبك غلط وبتعذبيها
هند : مالكوش دعوة باسلوبي انا عارفة هاربيها ازاي ... ودلوقتي خلصوني في موضوع الورث علشان اخلص من القرف ده
تاج : هند صندوق الورث اتسرق واللي سرقه واحد من البيت ده
هند : ايه ؟ اتسرق؟
باسم : انت ازاي بتشك في حد من العيلة؟
تاج : بما ان انت الي اتكلمت انا هاسألك سؤال ؟ انت ايه اللي خلاك طول الوقت ده عايش برة ومارجعتش غير لما عرفت ان ابك يعتبر مات و ممكن تورث ؟
باسم : ايه اللي انت بتقوله ده انت فاكرني راجع علشان الورث؟ لو بتفكر في كدة تبقي غلطان .. انا لما سافرت سافرت علشان اشوف مستقبلي اتعلم حاجة جديدة لنفسي اعرف الناع عايشين ازاي برة ازاي بيفكروا ولما عشت هناك فترة لقيت ان المستقبل هناك احسن من هنا الطالب بيشتغل من قبل لما يتخرج من المدرسة كل واحد لما يعدي سن ال16 سنة بيعلموه ازاي يعتمد علي نفسه يعيش لوحدة يصرف علي نفسه مش زي هنا الواحد يتخرج من الكلية عمرة 22 سنة ويصيع علي القهاوي ومش لاقي شغل واهله يفضلوا يصرفوا عليه... ياخالي انا ومراتي مش محتاجين فلوس احنا جينا بس علشان ننفذ اللي مكتوب في وصية ابويا لكن لما توصل لانكوا تتهموني باني سرقت ورثوكوا فانا اسف انا مسافر... بكرة في اول طيارة ولما تلاقوا الصندوق ابقوا اولعوا بالورث والفلوس بتاعتكوا
( يخرج باسم وايمي )
تاج : واضح اني اتسرعت في سؤالي ... بس طالما ولا واحد من دول هايكون مين ده حتي هند كانت داخلة ومش عارفة ان في حاجة حصلت كدة مش فاضل غير معتصم ورجاء وعادل وايناس وفاضل
هند : فاضل ؟ انتوا بتهرجوا ده اول واحد المفروض تشيلوه من دماغكوا
مفيدة : ورجاء كانت معايا انا ساعتها وايناس راحت الشغل من الصبح ولسة مارجعتش وانا شفت الصندوق بعدها
( يدخل معتصم )
معتصم : اهلا اهلا .... خلاص قسمتوا الورث ؟ كل واحد اخد حقه ؟ وطبعا اكيد اكلتوا حق رجاء .. مش كدة برده ؟
هند : انت ازاي تقول اننا واكلين حق مراتك ؟ انا هند القاسم اكل حق حد ؟
معتصم : ايوه انتوا كلكم عمالين تكلوا في حقها علشان طيبة ومش بتسأل علي حقها
( تدخل رجاء )
رجاء : ايه يامعتصم صوتك عالي كدة ليه ؟
معتصم : لازم اعليه عاشان ناخد حقنا اللي سرقينه لينا حقوق عندهم وطول ما احنا ساكتين هايفضلوا ينهبوا فيها ويخدوها لنفسهم لازم اعلي صوتي واقول ان لينا حق في الورث ده ومش هرضي انهم مايدهولناش
( يدخل امين وفادي وهشام )
تاج : معتصم صندوق الورث اتسرق
معتصم : اتسرق؟ ااه لعبة جديدة بيعملوها علشان يخدوا حقك صح
رجاء : لا يامعتصم المرادي لاالمرادي المرادي الصندوق اتسرق بجد واللي سرقه واحد من هنا وبيشكوا انه تكون انت
معتصم : انا؟
رجاء : ايوة انت واحد زيك كل خنقاته معاية بتكون بسبب الفلوس كل اللي عايزه مني هوة ورث ابويا مش اكتر
معتصم : ورث ؟ ورث ايه ؟ الورث اللي واخدينه منك ومش عايزين يدوهولك ؟ فوقي لنفسك شوفي الناس بتعمل ازاي كلهم بياكلوا بعض انما انت ولا حاجة
رجاء : انت ليه دايما محسسني اني ولا حاجة
معتصم : لانك فعلا ولا حاجة وفي الاخر فاكراني حرامي انا العيشة ديه مباقتش تنفع وكل اللي وسكتني هوة فادي لكن واضح ان مافيش حل لو قدامك اسبوع ياتتعدلي يا هاطلقك
( يخرج معتصم )
تاج : انا مش متطمنله وبشك فيه
مفيدة : استني لما نشوف بقيت الناس علشان مانظلمش حد
( تن تن تن تن )
فادي : استنوا انا هافتح ..انت مين
جاسر : ازيك يا فادي
فادي : فادي مين ؟ ... اه ده انا ... كويس انت مين بقي ؟
جاسر : انا عمك جاسر
فادي : جاسر
امين : بابا ؟
جاسر : ازيكوا كلكوا وحشتوني موت
مفيدة : كل ديه غيبة يابني ؟
جاسر : معلش ماانتوا عارفين اللي انا فيه ... امين ابني
امين : انا مش ابنك امين ابنك مات لما رميته لابوك وانت كنت انت جي علشان الورث فاهوه اتسرق وتقدر ترجع مكان ماجيت عن اذنوكوا
( يخرج امين )
جاسر : هوة فيه ايه ؟ ماله الواد دة ؟ وورث ايه اللي اتسرق ؟
مفيدة : ورث ابوك اتسرق ياجاسر
جاسر : ازاي ؟ مستحيل
مفيدة : ده اللي حصل بس واضح ان احنا مش عارفين مين اللي سرقه بالظبط بس بكرة هانعرف ... تقدروا دلوقتي تخشوا تناموا
( يخرج الجميع ويبقي تاج )
تاج : هشام استني ... مش ناوي تتكلم بقي ؟ .... متعبتش من كتر السكوت ؟ .... ياهشام انا محتاجك دلوقتي .. كنت كل لما بطلع مأمورية لازم تكون معايا تساعدني ... كنت من احسن الظباط عندي .. ايه اللي غيرك ؟ ... ايه اللي خلاك تسكت ؟ انت نسيت انت مين ؟ انت الظابط هشام ابن قاسم باشا المصري ... ياهشام انا فعلا محتجلك كنت دايما بثق في نفسي ودايما بعمل كل حاجة بنفسي لكن دلوقتي الموضوع صعب واضح ان ثقتي في نفسي جت بتاسير عكس اللي كنت متوقعه حاسس اني بفشل .. واحد من العيلة سرق ومش عارف اعرفه .. انا الي مافيش مجرم كان يقدر يهرب مني مش قادر اطلع واحد سرق صندوق
( ينظر له هشام ويخرج )
تاج : واضح ان مافيش فايدة
( يدخل فاضل و ايناس )
فاضل : مساء الخير ياخالي
تاج : مساء النور
فاضل : اسف علي التأخير بس عربيت ايناس عطلط واضطريت اروح اجيبها
ايناس : امال فين بقيت الناس ؟
تاج : كلهم دخلوا يناموا
فاضل : يناموا ؟ انتوا خلاص وزعتوا الورث ولا ايه ؟
تاج : لا الورث اتسرق يافاضل
ايناس : اتسرق ؟ من البيت هنا ؟ مش ممكن
تاج : الي سرقه واحد من اهل البيت ده وبنشك في معتصم وفي ابنك عادل
ايناس : عادل ؟ ده لايمكن
فاضل : خشي انتي جوة دلوقتي يا ايناس
ايناس : بس ...
فاضل : اسمعي الكلام وخشي جوة
ايناس : حاضر
( تخرج ايناس )
فاضل : ليه بتشك في ابني ؟
تاج : ابنك كان موجود ونزل قبل لما الصندوق يتسرق ب 5 دقايق ومن ساعتها لسة مجاش
فاضل : ايه لسة مجاش؟ الساعة 3 الفجر
تاج : وده اللي مشككني فيه ... فاضل انت راجل عارف يعني ايه صح وايه غلط ومش بترضي بالغلط مهما كان علشان كدة هاسيبك تتكلم مع عادل وتعرف ان كان هوة ولا لأ
فاضل : متشكر ياخالي اني هاستناه لحد لما يجي
تاج : يلا تصبح علي خير
( يخرج تاج )
فاضل : عادل ؟ ابني يسرق ؟ ليه ؟ عملت ايه غلط علشان يحصل كدة
( يجلس علي جنب ويطفئ النور ويدخل عادل )
عادل : هششششش مش عايز صوت الناس نايمين ... ايه ده هما عملوا تمثال لبابا امتي ؟ ... وانا مالي مايعملوا اللي يعملوه هما صغيرين ؟ وكمان بابا ده راجل فاضل مش أي حد يعني ... سلاموا عليكوا يابابا تمثال ... عن اذنك بقي علشان في بابا تاني فوق ربنا يزيد ويبارك يمكن المصروف يزيد
فاضل : عادل
عادل : ايه ده انت بتتكلم كمان الااااه
فاضل : كنت فين ياعادل صايع في الكباريهات وصالات الديسكوا برده ذي كل مرة؟
عادل : لالالالا صايع ايه انا مش بتاع صياعة خالص انا كنت مع سوسو
فاضل : انا مش قولتلك اكتر من مرة تحترم نفسك؟
عادل : اه بس ذي ماتقول كدة بعاند معاك شوية
فاضل : معاية انا ؟ ليه ؟ ده مفيش حاجة طلبتها غير لما جبتهالك
عادل : ايوة معاك انت .... علشان انت اللي ضيعتني .. كل حاجة عايزها بتجبهالي لكن عمرك مااحترمتني عمرك ماحسستني اني انسان ليا وجود ونفسه ابقي حاجة دايما عايزني اكون زي ما انت عايز طلبت اخش أي كلية اتعلم موسيقي رفضت
فاضل : طبعا رفضت تتعلم موسيقي وبعدين ؟ تشتغل ايه ؟ طبال في الكباريهات وصالات الديسكوا اللي بتروحها؟
عادل : يابابا ده فن
فاضل : وانا رافض الفن ده انت عادل فاضل القاسم من اشرف العائلات في الاخر تشتغل طبال انت لازم تكون حاجة محترمة مهندس , دكتور... مش صايع
عادل : وانا مش بحب الحاجات ديه سيبوني ادرس اللي انا عايزه سيبوني علي حريتي نفسي احقق حلمي واكون موسيكار انا ساقت 3 سنين لغاية دلوقتي في هندسة مش حاببها باروح الكلية حاسس اني رايح السجن
فاضل : وده مش هايحصل وهاتفضل في هندسة
عادل : يبقي مش هانجح
فاضل : هاتنجح
عادل : هاسقط نفسي علشان مش عايز الكلية جيه
فاضل : هاتنجح غصب عنك ( يضربه بالقلم )
( يدخل الكل)
جاسر : فاضل
فاضل : جاسر ؟ انت جيت امتي ؟
جاسر : سيب ابنك يعمل اللي هوة عايزة... سيبه يحقق حلمه الموسيقي ديه فن راقي عندك ناس كتير اخدوا سكة الموسيقي وبقوا من احسن الناس
فاضل : مين دوول ؟
جاسر : كتيييير فكر انت بس لما ابنك يحقق حلمه انت هاتكون عامل ازاي؟ هاتكون فرحان اكتر ما ابنك فرحان
فاضل : تفتكر كدة ؟
جاسر : متغلطش غلتتي انا سبت ابني لجده يربيه ومفكرتش فيه وندمت قوي بعدها
امين : يااه ندماان ؟
جاسر : امين ؟
امين : ولما انت ندمان سبتني ليه من الاول ؟
جاسر : ماكنش ينفع اقعد في البيت
امين : ليه علشان امي ؟ انت فاكر لما طلقتها وسيبت البيت واتجوزت هيا قعدت ؟ اهيه رمتني لجدي واتجوزت هيا كمان
جاسر : بس انا ماسيبتكش انا كنت ببعتلك فلوس كل شهر
امين : فلوس ؟ هاستفاد ايه من الفلوس من غير اب ؟ انا ماكنتش محتاج للفلوس اد ما احتجتلك احتجت احس ان ليا اب خايف عليا
جاسر : بس جدك كان واخد مكاني
امين : جدي؟ قاسم المصري؟ اشرف راجل في البلد ديه ؟ المليونير صاحب الاراضي؟ جدي اللي بتتكلموا عليه ده يبقي شريك زين العبد اكبر تاجر مخدرات اللي عصابته اتقبض عليها النهاردة وهوة هرب
باسم : يعني ايه بابا تاجر مخدرات ؟
امين : ايوة كل اللي علمهولي في حياتي هو اني اوصل شنط المخدرات لزين ووصلت 10 شنط من غير ما اعرف ايه اللي فيهم و ال11 عرفت ان الي بوصله ده هية السموم اللي بتضيع الشباب علشان كدة الشنطة ال12 عرفت ان فيها بضاعة باكتر من 2 مليون دولار فحرقتها كلها.. وحرقت كل الفلوس اللي كانوا بيدوهالي ..كان الموضوع ده قبل لما يختفي جدي باسبوعين واتهدد كتيربالقتل في الاسبوعين دول علشان يديهم الفلوس .. عرفتوا دلوقتي قاسم المصري ده يبقي ايه ؟
هند : مش ممكن بابي تاجر مخدرات ؟
تاج : انا كنت حاسس ان وراه حاجة
امين : كفاية عليكوا صدمات النهاردة اطلعوا ناموا وبكرة نفكر هانعمل ايه ونشوف اللي سرق الصندوق
( تن تن تن تن )
باسم : مين ده اللي جي الفجر كدة
امل : انا هافتح... انت مين ... ( صويت )
هند : امل
زين : محدش يتحرك ؟ ... 4 سنين ؟ 4 سنين بحاول اعرف البضاعة وافلوس فين وعمال اراقب كل واحد في البيت ده و في الاخر تطلع انت حرقتها ياامين؟ مش مهم ال 2 مليون جنيه فداك بس دلوقتي المفروض تكونوا بتقسموا الورث ... فين الورث بقي ياشطرين؟
مفيدة : انت مين ؟
زين : مالكش دعوة انا مين ؟؟ فين الورث
امين : مفيش ورث يازين ... الورث اتسرق
زين : اتسرق ؟ انتوا لوماجبتوش الفلوس اللي سبها كلها دلوقتي انا هاقتلها
هند : امل لأ انا هديك كل اللي انت عايزه بس سيب بنتي
زين : انا عايز الورث كله مش ناقص مليم واحد ... ( يضرب طلقة ) ارمي المسدس ؟ ايه ياسعادة اللواء مش خايف عل البنت ولا ايه ؟
جاسر : سيبها البنت مالهاش ذنب
زين : انا هاعد من واحد ل 5 لو ماكنتش الفلوس قدامي هاقتلها وهاخش علي اللي بعدها..1
باسم : صدقني الفلوس مش موجودة
زين : 2
هند : طب اكتبلك كل اللي عندي وسيبها
زين : 3
فاضل : انت معاندكش قلب ديه صغيرة
زين : مش هايهمني وده مش اول واحدة اقتلها منوكوا ومش هاتكون الاخيرة 4
هند : لا
زين : 5
( سكوت )
هشام : زييييييين
هند : هشام ؟
زين : ميين؟؟؟ ... الظابط هشام ؟ انت بتتكلم ؟ ولا بقالنا زمن طويل من غير مانشوف بعض .. ياتري من امتي ؟ ممممم خليني افتكر .. من يوم لما قتلت جدك قدامك وانت كنت واقف من قادر تنطق من الصدمة ؟؟ هاهاها
هشام : المرة الي فاتت انت قتلت جدي لكن المرة ديه انت اللي هاتموت
زين : عمرك ما هاتعملها عارف ليه ؟ علشان انت جبان بتخاف تعمل أي حاجة ماعندكش ثقة في نفسك ودلوقتي ابتدت الحفلة والفلوس ماجتش علشان كدة في واحدة لازم تموت
( سكوت )
هشام : زييييين
( صوت طلقة )
الكل : لأااااااااااااا
( تقع امل )
هند : امل امل
( يقع زين يرمي هشام المسدس )
هند : انت كويسة ؟
امل : انا كويسة
تاج : اخيرا ثقتك رجعتلك ؟ اكيد بعد الكلمتين اللي قولتهملك
هشام : هاتفضل طول عمرك مغرور
تاج : ايه ؟
هشام : انا دايما واثق من نفسي لكن انت اللي بتيأسني ديما تقول اني دخلت كليه الشرطة علشان انت لواء و لولاك ماكنتش هاعرف اخشها دايما محسسيني ان علشان احنا عيلة غنية يبقي عندنا وسايط حسستوني ان الواسطة هيا اللي بتساعدني وبتعملي كل حاجة و ان انا ولا حاجة لغاية لما شوفت جدي وهوة هايتقتل كنت خايف اعمل أي حاجة كنت بقول ان انا فاشل ولو حاولت اساعده هايموت لغاية لما مات بجد فضلت ساكت 3 سنين وكاتم جواية علشان اداري علي فشلي لغايه لما شفتك انت شخصيا بتفشل انت اللي بيقولوا انك الواسطة بتاعتي فشلت ومعرفتيش مين اللي سرق عرفت ساعتها ان مش الواسطة تقدر تساعدني في كل حاجة وان كانت كل حاجة بتمشي بالواسطة فانا هاعتمد علي نفسي ان شالله افشل في كل حاجة بس هاكون عملت اللي عليا ... ودلوقتي عايز تعرف مين اللي سرق ؟؟؟ ..... ولا عايزني استني لما تعرفه بنفسك ؟
ايناس : قول يا هشام مين ؟عادل ولا حد تاني ؟ ريحني
هشام : اللي سرق الصندوق هوة فادي
ايناس : الحمد لله
رجاء : مش ممكن... فادي؟
هشام : ايوة فادي .. فادي عنده حساسيه ومايقدرش يشرب مخدرات فكان هوة الوحيد اللي فايق ساعت لما كان امين و عادل بيشربوا وكان بيمثل انه دايخ زيهم... ماتستغربوش عارف ان هو ماحدش شك فيه الكل بيقول عليه طيب ومالوش في حاجة ومعاندوش مشاكل مع انه كاتم جواه كتير بسبب ابوه
معتصم : ابوه ؟ انا ماسمحلكش
هشام : اخرس انت ... صندوق الورث فين يافادي؟ ... قول ماتخفش ماحدش هايئزيك احنا عيلة مع بعض وجيه الوقت ان كل واحد يطلع اللي جواه ونحس ان احنا عيلة واحدة فعلا
رجاء : فادي اوعي تكون انت بجد
فادي : ( سكوت ) الصندوق معايا.. لما كان امين وعادل بيشربوا المخدرات امين قال علي مكان الصندوق فرحت اخدته وخبيته في المطبخ
مفيدة : ليه يافادي تعمل كدة؟
فادي : كان لازم اعمل كدة انا خلاص زهقت بقيت حاسس ان انا ولا حاجة فعلا ابويا كل اللي عايزه فلوس يقعد بيها في القهوة ويصرف علي اصحابه لكن احنا بالنسباله ولا حاجة كل واحد يطلب مني حاجة بعملهاله وفي الاخر يقول ان هوه اللي عملها ويقول اني مابعرفش اعمل حاجة بقيت دايما شايف الكل بيتريق عليا ويقول ان ماليش لازمة وحاسس اني لوحدي يكونوا اصحابي قوي ساعة لما يحتاجوني ولما اخلص اللي عايزينه يسيبوني وكأنهم مش عارفني بقيت حاسس ان كل حاجة مصالح مصالح مباقاش في ناس اقدر اقول عليهم اصحابي بقيت شايل كل المشاكل ديه جوايا وعمال اضحك علشان مش عايز ابينها
ايمي : انت طيب قوي
فادي : الطيابة ديه بقت غباء في البلد ديه الطيب بيستغلوه وانا مش عايز حد يستغلني بعد كدة
ايناس : الصندوق اهه ( يفتح جاسر الصندوق ويقف مستغرب )
ايناس : ايه في ايه ؟
جاسر : ( يرفع ورقة ) ده كل اللي موجود
تاج : طب اقراها
جاسر : ( ينظر اليها وسكوت ) ديه نصايح كاتبها حدكوا ليكوا
معتصم : امال فين الفلوس والورث
جاسر : ابوكم معندوش فلوس
هند : ايه ؟
جاسر : كل فلوسه كانت في اخر ثفقة مخدرات اللي امين حرقها وكاتب في الورقة ديه انه كان عارف انه هايتقتل بس ماكنش لاقي حد راجل بجد يقدر يحافظ علي العيلة ديه بعده وكل اللي طلبه في الورقة ديه ان احنا نحافظ علي بعض علشان احنا اسرة واحدة
فاضل : بس ازاي ؟
معتصم : ولما هوة ماعندوش حاجة مجمعنا كلنا ليه؟
جاسر : مجمعنا علشان احنا كلنا عيلة واحدة لازم نعرف مشاكل بعض نسمع لبعض مش كل واحد يكون عنده مشكله ويجي يقولها نقوله ان اللي فينا مكفينا واو نقوله ان لما يكون عنده مشكلة مايقولهاش لحد علشان ماحدش فايق لمشاكل التاني ... احنا كاهالي المفروض نخلي بالنا من عيالنا نخاف عليهم اه بس مش لدرجة ان احنا نكون عاملين زي الدب اللي مستعد يموت عيالعه علشان محدش يقذيهم
هند : امال نعمل ايه يعني ؟
جاسر : مانحسسهمش انهم ولا حاجة وان بالوسايط كل حاجة هاتمشي عرفوهم ان عندهم واسطة اكبر من كل الناس هوة الي خلقهم ولما يعملوا أي حاجة شجعوهم انهم يكملوا فيها حتي لو كانت وحشة كفايه انهم حاولوا وتعبوا علشان يعملوها وادوهم حريتهم شوية علشان دول زي الاطفال اللي عايزين يفتحوا الباب ويجروا مش ع
