بسم الاب والابن والروح القدس الاله الواحد امين
اسكتش درس خصوصي
الشخصيات :
الأب كــــــــــمــــــال
الأم دمـــيــــــــانـــه
الاخت الكـــــــبري مــــــــــــــــاري
الاختي الوسطي شـــــــيــــــــري
الاختي الصغري مــــــــاجـــــي
الــــمـــــــدرس شلبي ابو طاقيه
المشهد الاول:
(يفتح الستار علي منزل الاسرة ثم يبدا الشخصيات بالدخول )
الام : يووووه اما انا عندي شويه بنات في البيت ده هيخلوني اشد في شعري واحده طول النهار قدام المرايا والتانيه قدام الكمبيوتر والتالته لازقه في التليفزيون والاسم بنات اعمل ايه بس يارب كل الستات بناتهم بتساعدهم ودول اللي قاعدين وعاوزين اللي يساعدهم ويخدم عليهم
الاب : صباح الخير
الام : صباح النور يا ابو البنات
الاب : لاويه بوزك ليه علي الصبح
( تصرخ في وجهه فجاه بكلامها فيقع )
الام : بناتك يا اخويا بناتك
الاب : مالهم بناتي
الام : هما دول بنات دول اميرات دول ملكات دول عاوزين قطع الرقبه
الاب : عملواايه بس
الام : طولالنهار ولا شغله ولا مشغله ولا مزاكره حتي ولا شغل البيت انا خلاص مبقتش قادره عليهم
الاب : طيب سيبي الموضوع ده علي ربنا وعليا
الام : هاهاها ده اللي باخده منك سيبي الموضوع ده عليا
الاب : بقولك ايه اسمعي بقي
الام : ايه اسمع ايه ( صارخه بوجهه )
الاب : اسمعي صوت العصافير حلو ازاي
الام : عصافير خليك يا اخويا مع العصافير انا اشوف اللي ورايا
الاب : لا من النهارده مش هسكت كل حاجه في البيت ده لازم تتغير
الام : قصدك ايه ؟
الاب : الديكور عاوز يتغير ابقي فكريني اكلم النقاش يجي يغير لون الحيطه دي
(تخرج الام )
الاب : ايه ده عايش مع هتلر طول النهار خناق وزعيق اووف
(تدخل البنت الاولي ماري وشعرها منكوش ثم تشاورالي ابيها وكانها صباح الخير وورائهاالاختين الاخريتين )
الاب : ايه ده مين دول انتوا عاملين كده ليه انتوا كنتوا نايمين في قريش ولاايه
ماري :هي ماما راحت فين
الاب : راحت تشوف اللي وراها مع اني مش عارف هتشوف اللي وراها ده ازااي
ماري : طيب هو فيه فطارايه
الاب : فول وطعميه وجبنه عادي زي كل يوم
ماجي : طيب احنا هنقوم نفطر احنا بقي
شيري : نجيبلك حاجه معانا
الاب : ليه انتواهتفطروا علي الكوبري
الاب : استنوا هنا اسنتوا عاجبكم اللي انتوا فيه ده
ماري : مالنا يا بابا فينا ايه
الاب : فيه ايه فيه مادتين انتا سقطي فيهم يا هانم ولا ناسيه ولا اخواتك اللي مشرفني دايما بكحك في الشهادات
شيري : يا بابا دي حاجه مش بايدينا
ماجي : اه صح يا بابا هو احنا يعني اللي بنسقط نفسنا
الاب : لا بس لو كل واحده فيكم عملت اللي عليها وزاكرت كويس مش هتجيبوا المجاميع دي ولا هتسقطوا
ماري : بصراحه بقي المواد صعبه اوي
الاب : امال المدرسه بتعمل ايه
ماجي : بص يا بوب المدرسه دي علشان نرفه عن نفسنا
الاب : بوب انا بوب الله يرحمك يابا يا ما كان نفسي تبقي عايش وتشوفني وانا بوب
شيري : يا بابا هي قصدها ان المدرسه محدش بيدرس فيها الماده دي وان جه علي نفسه وشرح فيبقي بالالغاز
الاب : اه والمطلوب بقي تطلعوا من المدرسه خالص صح
ماري : يا بابا لا طبعا احنا عاوزين مدرس خصوصي
الاب : ااااه مدرس خصوصي علشان يقطم وسطي مصاريف
ماجي : الله ايه يا بوب هو انتا مش عاجبك حاجه خالص
الاب : بوب تاني متقلش الكلمه دي تاني
شيري : طيب شفت بقي كويس انك رفضت
ماري: يلا بينا نفطر
الاب : استنوا ها هاها طب ايه رايكم بقي انا موافق وهجيب مدرس خصوصي بس مش اي مدرس
كلهم : امال هتجيب مين
الاب : انا هجيب الاستاذ الفاضل المبجل شلبي ابو طاقيه
كلهم : شلبي ابو ايه
الاب : طاقيه .. المدرس الحاصل علي وسام من الجمهوريه في التعليم
ماري : طب يابابا
الاب : مفيش كلام انا هكلمه حالا ومعاده معاكم النهارده يلا بقي افطروا واجهزوا
ماجي : ماشي يا بابا مادام انتا مصمم
شيري : يبقي كلامك يتنفذ
ماري : معادنا النهارده مع ابو طاقيه
(يخرجوا البنات وتدخل الام )
الام : ها يا اخويا اتصرفت معاهم
الاب : طبعا طبعا ده كلام تقوليه بردو اناعاوزك تكوني مطمنه من الناحيه دي خالص
الام : يا خوفي لا يكون كلام وخلاص وترجع ريمه لعادتهاالقديمه
الاب : لالا المره دي لا ده انا هكلملهم الاستاذ سلبي ابو طاقيه استاذ اللغه الفرنسيه المبجل
الام : ابو ايه ابو طاقيه يكونش هو ده .......
الاب : ايون هو ده اللي قابلناه في المصيف
الام : لالا يا كمال ده باين عليه اهبل خالص
الاب : اهبل ده حاصل علي وسام الجمهوريه
الام : ياراجل ده لسا بيلبس طربوش لحد حالا
الاب : متمسك : بالتقاليد
الام : ربنا يستر
الاب : انا هتصل بيه ( يمسك التليفون ويتصل )
الاب : الو الاستاذ شلبي اهلا اهلا بيك يا استاذي الفاضل ....... انا كمال تلميذك .......... يا اهلا يا اهلا ....... كنت عاوز في موضوع كده ممكن اجيلك حالا ....... متشكر جدا جدا انا جايلك علي جناح السرعه .... مع السلامه
الام : ايه رد عليك
الاب : اه رد بس حاسس انه مش فاكرني
الام : كويس انه مفتكركش لو افتكرك كان قفل في وشك
الاب : نعم قصدك ايه لا بقي انا ساكت لكن لحد كده ومش هسكت
الام : هتعمل ايه يعني
الاب : هعمل ايه يعني هقوم البس وانزله
الام : استني استني رايح فين هتنزل كده
الاب : ياااه نستيني كنت هنزل كده عاجبك كنت هنزل من غير النظاره
الام : ربنا يشفي العيله دي من الهبل اللي هي فيه ده
نهايه المشهد الاول
المشهد التاني
( يفتح الستار علي منظر نفس المنزل ويجلس الاب والام )
الام : انتا متاكد انه جاي
الاب : اه طبعا ده الاستاذ شلبي مشهور بدقه مواعيده
الام : اه ماهو باين ياراجل ده كان المفروض يجي من 4 ساعات
الاب : تلاقيه مجرد خطا في الساعه بس ساعه ماخره
الام : هو ده شكل ناس تشيل ساعات
الاب : لالالا استني بس اهه شكلك هو اللي بيخبط قومي افتحيله
الام : طيب حاضر جايه اهه
شلبي : مساء الخير يا هانم
الام : اهلا اهلا استاذ شلبي اتفضل اتفضل
شلبي : شكرا
الاب : يا اهلا يا اهلا برجل العلم والتعليم
شلبي : اهلا بحضرتك
الاب : اتاخرت ليه كده
شلبي : لا يا فندم انا هنا في الميعاد بالظبط بس البواب اللي عندكم مش عارف ليه اشتبه فيا ومكنش عاوز يطلعني ويفضل يفتشني اربع ساعات لحد ما صدق اني المدرس الخصوصي
الام : عنده حق
شلبي : نعم
الاب : ملوش حق طبعا ملوش حق يعمل كده خالص اهدا بس واقعد وحالا يكونوا عندك الاولاد
شلبي : متشكر جدا جدا يا فندم وعاوز اعرفكم بحاجه انا الاستاذ شلبي ابو طاقيه مدرس اللغه الفرنسيه الاول علي الوزاره من بين 200 مدرس
الاب : طبعا طبعا وهل يخفي العلماء
االام : اقعد بقي لحد ما اجيبلك الشاي
شلبي : اسمها اقعد اسمها اتفضل
الام : اترزع بقي
شلبي : حاضر يا هانم حاضر
(تخرج الام )
الاب : معلش يا استاذ شلبي معلش حالا اجيبلك البنات
(يخرج الاب)
شلبي : ناس طيبين فعلا لا بس البيت حلو اوي
الاب : يا اهلا يا اهلا
شلبي : يا اهلا بحضرتك
الاب : البنات جايين لحضرتك حالا
(تضربه احدي الفتيات من بعيد بالنبله )
شلبي : الله الله الله ايه ده
(تعاود نفس الضربه )
شلبي : اي ايه ده بقي احنا قاعدين علي شجره ولا ايه
(تعاود الضربه مره تالته )
شلبي : لالا انا همشي حالا
(يدخل الاب )
الاب : علي فين يا استاذ شلبي
شلبي : لالا ده انا كنت .....
الاب : ايه ده البنات لسا مجوش
شلبي : لا لسا وفيه حاجات بتنضرب عليا
الاب : حاجات ايه يا راجل روق كده امال ده مجرش هواجش وتهيأت
شلبي : طيب من فضلك انهدلي البنات عاوز ادي الدرس بقي
الاب : حارض حالا يكونوا عندك
(تدخل الام )
الام : الشاي يا استاذ شلبي
شلبي : متشكر يا هانم ( يقولها خائفا )
الام : بعد ازنك
شلبي : اتفضلي يا هانم
(يقوم الاستاذ شلبي لينده علي الاب كمال فتاتي احدي البنات وتضع شيئا في الشاي )
شلبي: يا استاذ كمال يا ستاذ كمال يااااااه ايه التاخير ده كله بس
( يشرب الشاي فيجده لازع فيبخه )
شلبي : ااااه ايه ده شطه في الشاي ااه يا استاذ كمال
( يدخل الاب )
الاب : ايه مالك يا استاذ شلبي
شلبي : في حاجات غريبه بتحصل هنا حضرتك
الاب : يا راجل اهدا مالك بس في ايه هو في حد معاك اصلا
شلبي : ارجوك يا استاذ كمال عاوز امشي
الاب : اهم البنات جم اهم
( يدخل البنات )
كلهم : مساء الخير يا مستر
شلبي : مساء النور يا بنات
الاب :اسمعوا يا بنات الاستاذ شلبي هيدرسلكوا فرنساوي اسمعوا كلامه وبلاش شقاوه
كلهم : حاضر يا بابا
ماجي : قشطه يا حج
( يخرج الاب )
شلبي : ازيكم يا بنات يسعدني اني هديكوا درس في اللغه الفرنسيه انتوا في سنه كام بقي
ماري : انا في تانيه ثانوي
شيري : وانا في اولي ثانوي
ماجي : وانا في 3 اعدادي
شلبي : اه طيب كل واحده منكم بقي تقعد في حته كده وافتحوا الكتب انا هديكم كلكم حسب دراستكم هبدا بيكي يا ماري
ماري : اتفضل يا استاذ
شلبي : معاكي قلم
ماجي : انا معايا يا مستر
شلبي : متشكر يا ماجي هنبدا الدرس الول بدراسه قواعد اللغه الفرنسيه
( يفتح القيلم فيفرقع في وجهه فيقع اللي الخلف )
شلبي : يا ساتر يارب يا ساتر يارب ايه ده
شيري : الاقلام مضروبه معدش فيه زمه ولا ضمير في التصنيع
شلبي : تقوم تفرقع كده
ماري : طبعا يا استاذ امال ايه بص الاحتباس الرحاري في الحبر ادي الي تراكم الدخان مما ادي الي كثرة السحب السوداء وده اشغل نار الغيره بين الاتنين فادي الي الانفجار ودي نظريه معروفه
شلبي : اااااااااااااه يا سلام شكلك شاطره اوي في الفيزياء
ماري : امال ايه يا استاذ هو انا شاطره غير في الفيزياء
شلبي : ربنا يوفقك ها نرجع بقي للدرس هندرس بعض القواعد الفرنسيه اللي هتساعدنا بعد كده في فهم الجمل وقرائتها وهنبدا ب
...
شيري : مستر اتتفضل اقعد
شلبي : حاضر يا شيري
شيري : لا هنا يا مستر علشان نبقي سامعينك
شلبي : حاضر يا ستي ههههه
( يجلس فيقع الكرسي به )
شلبي : ااه اه يا ضلوعي يا اما يا يا ضهري اللي انكسر يا اما اه انا كان كان بس بالتدريس اصلا
ماري : يااه معدش فيه زمه ولا ضمير عندالنجارين شفت الكرسي حتي متعملش بزمه
شلبي : اه يا بنتي عندك جق اااااااااااااااه
ماجي : اتفضل اقعد يا مستر
شلبي : لا مش قاعد مش قاعد انا هفضل واقف خليكي في نفسك
ماري : طيب بعد ازنك ثواني يا مستر وجايه
شلبي : اتفضلي يا بنتي اتفضلي ااااااه هنتكلم النهارده و هندرس بعض القواعد الفرنسيه اللي هتساعدنا بعد كده في فهم الجمل وقرائتها وهنبدا بــــ .....
( يطفا النور )
شلبي : الله النور قطع ليه
شيري : هو كده دايما بيقطع هنا يا مستر
شلبي : وبييجي تاني
ماجي : ايوة يا مستر بعد ما يجي ويمشي
شلبي : هو مين اللي يجي ويمشي
شيري : ماهر
شلبي : ومين ماهر ده كمان
ماجي : ده الراجل اللي اتقتل هنا في الشقه دي من 10 سنين
شلبي : اتقتل امال هيجي ازاي مادام اتقتل
شيري : ما عفريته اللي بيجي يا مستر
شلبي : عفريته عفريته يا استاذ كمال يا استاذ كمال عفريته
ماجي : متعليش صوتك يا مستر ماهر كده ممكن يزعل
شلبي : يا استاذ كمال يا استاذ كمال ( بصوت خافت )
( ثم يلتفت الاستاذ شلبي ليجد وجه مرعب في وجهه والتي تلبسه هي ماري فيصرخ ويجلس خائفا )
شلبي : ياالهوي يا لهوييالهوييييييي
( يضيئ النور )
( يدخل الاب )
الاب : استاذ شلبي مالك عامل كده
شلبي : عفريت عفريت
الاب : عفريت عغريت ايه
شلبي : ماهر ماهر عوووو وقام مفرقع في وشي علشان مفيش زمه ولا ضمير
الاب : استاذ شلبي مالك ؟
شلبي : شلبي مين يا اخويا شلبي مين
الاب : انتا الاستاذ شلبي
شلبي : انا لا انا القلم لالا انا الكرسي انا عاوز اروح لامي انا جايلك يا اما انما جايلك يا اما
( يخرج شلبي وهو يردد انا جايلك يا اما )
الاب : انتوا عملتوا ايه في الاستاذ شلبي
ماري : ما تسالوايا بابا واحنا مالنا
الاب : وانتوا مالكوا امال مال مين
ماجي : يا بوب هو جاي فاصل اصلا
الاب : انتي عارفه لو قلتي بوب دي تاني
شيري : يا بابا احنا معملنالوش اي حاجه خالص
الاب : ده اتهبل ده انتوا خلتوه اتهبل بقي ده الاستاذ شلبي مدرس اول اللغه الفرنسيه ربنا يسامحك ربنا يسامحكم
ماري : ياه يا بابا واحنامالنا
الاب : اعمل ايه اكتر من كده فلوس وبديكم دروس وطفشتوا الاستاذ بتاعكم اعملكم ايه تاني
( يخرج الاب )
شيري : زنبنا ايه احنا يعني
ماري : هنعمل ايه الامتحانات كمان شهر واحنا مفتحناش كتاب اصلا
ماجي : زي ما بنعمل كل سنه هنقضيها في اللجنه
شيري : اه علي راي ماجي ايه الجديد
ماري : طب يلا انا نازله النادي حد جاي معايا
شيري : اي خوديني معاكي احسن الاستاذ منخوليا ده عصبني
ماجي : بس استاذ نكته زمانه سافر لامه دلوقتي ههههههه
ماري : يلا بينا ننزل
( يدخل الاب والام )
الاب : وبعدين ايه الحل مع البنات دول
الام : اتدلعوا يا اخويا وادي نتيجه الدلع
الاب : عندك حق احنا اللي غلطانين دلعناهم زياده عن اللزوم لحد ما بقوا معندهمش اهتمام باي مسؤليه
الام : يا كمال اهدا بس بكرا يتصلح حالهم
الاب : بكرا امتي ده الامتحانات فاضل عليها شهر استني بقي لحد امتي
الام : لحد الامتحان ونشوف هيعملوا ايه
الاب : طيب ماشي اديني مستني واهنشوف ربنا معاهم
نهايه المشهد التاني
المشهد الثالث
( يفتح الستار علي منظر المنزل )
( يدخل الاب )
الاب :يا ام ماري يا ام ماري
الام : ياه يا كمال فيه ايه
الاب: بناتك سقطوا مش قلتلك اديهم سقطوا
الام : يا لهوي سقطوا
الاب : ايوة مناا ياما حذرتك ياما وقلتلك العيال هيسقطوا مبيزاكروش تقوليلي لا سيبهم بكرا حالهم يتصلح
الام : وانا اعمل ايه هاخد بالي منهم ولا من شغل البيت ولا من ايه هو انا بميت ايد
الاب : لا يا اهانم ولادك اهم تاخد بالك منهم وترعيهم
( يدخلوا البنات )
ماري :فيه ايه يا بابا صوتتكم عالي ليه كده
الاب : فيه انكم يا هانم انتي واخواتك سقطوا ولا واحده فيكم نجحت
شيري : ايه سقطتنا
ماجي : يا خبر ازاي ده انا
الاب : انتي ايه كنت معتمده علي الغش صح لكن السنه دي ربنا جزاكم واداكم من جنس عملكم انتوا متعبتوش يبقي لازم متلاقوش
ماري : كفايه يا بابا احنا غلطنا وده كان لازم يبقي عقابنا
الاب : اخيرا يا كبيره يا عاقله فهمتي وعرفتي انكوا كنتم غلطانين بس عرفتي اامتي بعد ما فات الوقت وخلص ماكان قدامككم الوقت
شيري : بابا سامحنا احنا عارفين اننا مكناش نستحق النجاح ده
كل سنه كنا بنعتمد علي الغش وكنا بتلاقيه سهل بس مكناش نعرف ان اليوم ده هيجي
الاب : واهوا جه تقدري تقوليلي ختعملوا ايه حالا
ماجي : هنزاكر تاني يا بابا وخننجح صدقني
الاب : مش مهم انا اصدقكم المهم انكوا تكونوا صادقين مع نفسكم المسيح قال كن امينا كان لازم تبقوأ أمناء في كل حاجه امناء في دراستكم وامناء في صلاتكم وامناء في حبكم للناس وامناء في خدمتكم وامناء في عطائكم وامناء في طاعتكم
ماري : يا بابا ربنا بيدي فرصه تانيه وبيسامح يبقي انتا مش هتسامح
الاب : انا مسامحكم بس مش ده المهم المهم اكم فعلا تكونوا عاوزين تكونوا مع ربنا بجد
شيري : احنا اخدنا درس يا بابا واتلمنا منه ومفيش اي حاجه ممكن توجع اد الفشل
ماجي : صدقني يا بابا احنا حالا بس عرفنا اد ايه انتا كنت خايف علينا وبيتحبنا وعاوز مصلحتنا
الاب : انا عاوز ايه اكتر من نجا حكم في يحاتكم الدراسيه والعمليه وقبل كل ده حياتكم مع ربنا
ماري : متقلقش يابابا احنا خلاص عرفنا فين الغلط وفين الصح وهنكون امناء في عملنا وفي دراستنا وفي كل شيئ في حياتنا
الاب : يارب يا اللي ادتنا العقل والحكمه والفهم نشكرك في كل الاحوال يارب واشكر ان انتا رجعت لبناتي عقلهم وحب لبعض وليك يارب ايرب حوطنا بملائكتك وقديسيك وخليك معانا يارب في وقت الشده ووقت الضعف بشفاعه امك العدرا مريم ام النور واسمعنا عندنا نقول لك بكل شكر يا ابانا اللذي في السموات ليتقدس اسمك ............
( يخبط الباب )
الاب : افتحي يا ام ماري
الام : اهلا اهلا نورت اتفضل
( يدخل الاستاذ شلبي وهو بيتسحب )
كلهم : الاستاذ شلبي ؟
الاب : اه جبتوا علشان يرجع يديكوا دروس تاني بس من غير ماهر المره دي
شلبي : مساء الخير
ماري : مساء النور يا مستر اتفضل اقعد
شلبي : لالالالا انا كويس اوي كده اقعد ليه
الاب : متخفش يا استاذ شلبي انا بناتي دلوقتي حاجه تانيه خالص
شلبي : بجد يعنيمفيش اقلام بتفرقع ولا ماهر ولا اي حاجه من دي
الام : متقلقش يا استاذ شلبي بيقولك بقوا حاجه تانيه
الاب : تعالوا يا بنات
شيري : مستر شلبي احنا عاوزين نعتذرلك عن كل اللي عملناه فيك
ماجي : وعن كل حاجه غلط سببنهالك
ماري : وياريت نبدا مع بعض صفحه جديده
شلبي : انا مش زعلان منكم انا لما الاستاذ كمال قالي انا متاخرتش عليه
ماري : واحنا نوعدكم اننا نكون كويسين معاك
شلبي : مش مهم تكونوا كويسين معايا انا المهم تكونوا كويسين مع نفسكم
الاب : اسيبكم انا بقي
شلبي اتفضل يا استاذ كمال ومتشكر علي ثقتك الغاليه فيا
الاب : انا اللي متشكر علي قبولك التدريس ليهم تاني بعد اللي عملوه فيك
الام : واانا هعملك الشاي بتاعك يا استاذ شلبي
شلبي : متشكر يا هانم وياريت تقللي الشطه شويه
الام : من عنيا يا مستر
شلبي : يلا يا بنات نبدا
ماجي : اتفضل يا مستر قلم
( ينظر لها خائفا )
شلبي : لالا انا جبت قلمي معايا نبدا الدرس يلا
ماري : يلا يا مستر
نهايه المشهد الثالث
يقفل الستار
النهايه
اسكتش درس خصوصي
الشخصيات :
الأب كــــــــــمــــــال
الأم دمـــيــــــــانـــه
الاخت الكـــــــبري مــــــــــــــــاري
الاختي الوسطي شـــــــيــــــــري
الاختي الصغري مــــــــاجـــــي
الــــمـــــــدرس شلبي ابو طاقيه
المشهد الاول:
(يفتح الستار علي منزل الاسرة ثم يبدا الشخصيات بالدخول )
الام : يووووه اما انا عندي شويه بنات في البيت ده هيخلوني اشد في شعري واحده طول النهار قدام المرايا والتانيه قدام الكمبيوتر والتالته لازقه في التليفزيون والاسم بنات اعمل ايه بس يارب كل الستات بناتهم بتساعدهم ودول اللي قاعدين وعاوزين اللي يساعدهم ويخدم عليهم
الاب : صباح الخير
الام : صباح النور يا ابو البنات
الاب : لاويه بوزك ليه علي الصبح
( تصرخ في وجهه فجاه بكلامها فيقع )
الام : بناتك يا اخويا بناتك
الاب : مالهم بناتي
الام : هما دول بنات دول اميرات دول ملكات دول عاوزين قطع الرقبه
الاب : عملواايه بس
الام : طولالنهار ولا شغله ولا مشغله ولا مزاكره حتي ولا شغل البيت انا خلاص مبقتش قادره عليهم
الاب : طيب سيبي الموضوع ده علي ربنا وعليا
الام : هاهاها ده اللي باخده منك سيبي الموضوع ده عليا
الاب : بقولك ايه اسمعي بقي
الام : ايه اسمع ايه ( صارخه بوجهه )
الاب : اسمعي صوت العصافير حلو ازاي
الام : عصافير خليك يا اخويا مع العصافير انا اشوف اللي ورايا
الاب : لا من النهارده مش هسكت كل حاجه في البيت ده لازم تتغير
الام : قصدك ايه ؟
الاب : الديكور عاوز يتغير ابقي فكريني اكلم النقاش يجي يغير لون الحيطه دي
(تخرج الام )
الاب : ايه ده عايش مع هتلر طول النهار خناق وزعيق اووف
(تدخل البنت الاولي ماري وشعرها منكوش ثم تشاورالي ابيها وكانها صباح الخير وورائهاالاختين الاخريتين )
الاب : ايه ده مين دول انتوا عاملين كده ليه انتوا كنتوا نايمين في قريش ولاايه
ماري :هي ماما راحت فين
الاب : راحت تشوف اللي وراها مع اني مش عارف هتشوف اللي وراها ده ازااي
ماري : طيب هو فيه فطارايه
الاب : فول وطعميه وجبنه عادي زي كل يوم
ماجي : طيب احنا هنقوم نفطر احنا بقي
شيري : نجيبلك حاجه معانا
الاب : ليه انتواهتفطروا علي الكوبري
الاب : استنوا هنا اسنتوا عاجبكم اللي انتوا فيه ده
ماري : مالنا يا بابا فينا ايه
الاب : فيه ايه فيه مادتين انتا سقطي فيهم يا هانم ولا ناسيه ولا اخواتك اللي مشرفني دايما بكحك في الشهادات
شيري : يا بابا دي حاجه مش بايدينا
ماجي : اه صح يا بابا هو احنا يعني اللي بنسقط نفسنا
الاب : لا بس لو كل واحده فيكم عملت اللي عليها وزاكرت كويس مش هتجيبوا المجاميع دي ولا هتسقطوا
ماري : بصراحه بقي المواد صعبه اوي
الاب : امال المدرسه بتعمل ايه
ماجي : بص يا بوب المدرسه دي علشان نرفه عن نفسنا
الاب : بوب انا بوب الله يرحمك يابا يا ما كان نفسي تبقي عايش وتشوفني وانا بوب
شيري : يا بابا هي قصدها ان المدرسه محدش بيدرس فيها الماده دي وان جه علي نفسه وشرح فيبقي بالالغاز
الاب : اه والمطلوب بقي تطلعوا من المدرسه خالص صح
ماري : يا بابا لا طبعا احنا عاوزين مدرس خصوصي
الاب : ااااه مدرس خصوصي علشان يقطم وسطي مصاريف
ماجي : الله ايه يا بوب هو انتا مش عاجبك حاجه خالص
الاب : بوب تاني متقلش الكلمه دي تاني
شيري : طيب شفت بقي كويس انك رفضت
ماري: يلا بينا نفطر
الاب : استنوا ها هاها طب ايه رايكم بقي انا موافق وهجيب مدرس خصوصي بس مش اي مدرس
كلهم : امال هتجيب مين
الاب : انا هجيب الاستاذ الفاضل المبجل شلبي ابو طاقيه
كلهم : شلبي ابو ايه
الاب : طاقيه .. المدرس الحاصل علي وسام من الجمهوريه في التعليم
ماري : طب يابابا
الاب : مفيش كلام انا هكلمه حالا ومعاده معاكم النهارده يلا بقي افطروا واجهزوا
ماجي : ماشي يا بابا مادام انتا مصمم
شيري : يبقي كلامك يتنفذ
ماري : معادنا النهارده مع ابو طاقيه
(يخرجوا البنات وتدخل الام )
الام : ها يا اخويا اتصرفت معاهم
الاب : طبعا طبعا ده كلام تقوليه بردو اناعاوزك تكوني مطمنه من الناحيه دي خالص
الام : يا خوفي لا يكون كلام وخلاص وترجع ريمه لعادتهاالقديمه
الاب : لالا المره دي لا ده انا هكلملهم الاستاذ سلبي ابو طاقيه استاذ اللغه الفرنسيه المبجل
الام : ابو ايه ابو طاقيه يكونش هو ده .......
الاب : ايون هو ده اللي قابلناه في المصيف
الام : لالا يا كمال ده باين عليه اهبل خالص
الاب : اهبل ده حاصل علي وسام الجمهوريه
الام : ياراجل ده لسا بيلبس طربوش لحد حالا
الاب : متمسك : بالتقاليد
الام : ربنا يستر
الاب : انا هتصل بيه ( يمسك التليفون ويتصل )
الاب : الو الاستاذ شلبي اهلا اهلا بيك يا استاذي الفاضل ....... انا كمال تلميذك .......... يا اهلا يا اهلا ....... كنت عاوز في موضوع كده ممكن اجيلك حالا ....... متشكر جدا جدا انا جايلك علي جناح السرعه .... مع السلامه
الام : ايه رد عليك
الاب : اه رد بس حاسس انه مش فاكرني
الام : كويس انه مفتكركش لو افتكرك كان قفل في وشك
الاب : نعم قصدك ايه لا بقي انا ساكت لكن لحد كده ومش هسكت
الام : هتعمل ايه يعني
الاب : هعمل ايه يعني هقوم البس وانزله
الام : استني استني رايح فين هتنزل كده
الاب : ياااه نستيني كنت هنزل كده عاجبك كنت هنزل من غير النظاره
الام : ربنا يشفي العيله دي من الهبل اللي هي فيه ده
نهايه المشهد الاول
المشهد التاني
( يفتح الستار علي منظر نفس المنزل ويجلس الاب والام )
الام : انتا متاكد انه جاي
الاب : اه طبعا ده الاستاذ شلبي مشهور بدقه مواعيده
الام : اه ماهو باين ياراجل ده كان المفروض يجي من 4 ساعات
الاب : تلاقيه مجرد خطا في الساعه بس ساعه ماخره
الام : هو ده شكل ناس تشيل ساعات
الاب : لالالا استني بس اهه شكلك هو اللي بيخبط قومي افتحيله
الام : طيب حاضر جايه اهه
شلبي : مساء الخير يا هانم
الام : اهلا اهلا استاذ شلبي اتفضل اتفضل
شلبي : شكرا
الاب : يا اهلا يا اهلا برجل العلم والتعليم
شلبي : اهلا بحضرتك
الاب : اتاخرت ليه كده
شلبي : لا يا فندم انا هنا في الميعاد بالظبط بس البواب اللي عندكم مش عارف ليه اشتبه فيا ومكنش عاوز يطلعني ويفضل يفتشني اربع ساعات لحد ما صدق اني المدرس الخصوصي
الام : عنده حق
شلبي : نعم
الاب : ملوش حق طبعا ملوش حق يعمل كده خالص اهدا بس واقعد وحالا يكونوا عندك الاولاد
شلبي : متشكر جدا جدا يا فندم وعاوز اعرفكم بحاجه انا الاستاذ شلبي ابو طاقيه مدرس اللغه الفرنسيه الاول علي الوزاره من بين 200 مدرس
الاب : طبعا طبعا وهل يخفي العلماء
االام : اقعد بقي لحد ما اجيبلك الشاي
شلبي : اسمها اقعد اسمها اتفضل
الام : اترزع بقي
شلبي : حاضر يا هانم حاضر
(تخرج الام )
الاب : معلش يا استاذ شلبي معلش حالا اجيبلك البنات
(يخرج الاب)
شلبي : ناس طيبين فعلا لا بس البيت حلو اوي
الاب : يا اهلا يا اهلا
شلبي : يا اهلا بحضرتك
الاب : البنات جايين لحضرتك حالا
(تضربه احدي الفتيات من بعيد بالنبله )
شلبي : الله الله الله ايه ده
(تعاود نفس الضربه )
شلبي : اي ايه ده بقي احنا قاعدين علي شجره ولا ايه
(تعاود الضربه مره تالته )
شلبي : لالا انا همشي حالا
(يدخل الاب )
الاب : علي فين يا استاذ شلبي
شلبي : لالا ده انا كنت .....
الاب : ايه ده البنات لسا مجوش
شلبي : لا لسا وفيه حاجات بتنضرب عليا
الاب : حاجات ايه يا راجل روق كده امال ده مجرش هواجش وتهيأت
شلبي : طيب من فضلك انهدلي البنات عاوز ادي الدرس بقي
الاب : حارض حالا يكونوا عندك
(تدخل الام )
الام : الشاي يا استاذ شلبي
شلبي : متشكر يا هانم ( يقولها خائفا )
الام : بعد ازنك
شلبي : اتفضلي يا هانم
(يقوم الاستاذ شلبي لينده علي الاب كمال فتاتي احدي البنات وتضع شيئا في الشاي )
شلبي: يا استاذ كمال يا ستاذ كمال يااااااه ايه التاخير ده كله بس
( يشرب الشاي فيجده لازع فيبخه )
شلبي : ااااه ايه ده شطه في الشاي ااه يا استاذ كمال
( يدخل الاب )
الاب : ايه مالك يا استاذ شلبي
شلبي : في حاجات غريبه بتحصل هنا حضرتك
الاب : يا راجل اهدا مالك بس في ايه هو في حد معاك اصلا
شلبي : ارجوك يا استاذ كمال عاوز امشي
الاب : اهم البنات جم اهم
( يدخل البنات )
كلهم : مساء الخير يا مستر
شلبي : مساء النور يا بنات
الاب :اسمعوا يا بنات الاستاذ شلبي هيدرسلكوا فرنساوي اسمعوا كلامه وبلاش شقاوه
كلهم : حاضر يا بابا
ماجي : قشطه يا حج
( يخرج الاب )
شلبي : ازيكم يا بنات يسعدني اني هديكوا درس في اللغه الفرنسيه انتوا في سنه كام بقي
ماري : انا في تانيه ثانوي
شيري : وانا في اولي ثانوي
ماجي : وانا في 3 اعدادي
شلبي : اه طيب كل واحده منكم بقي تقعد في حته كده وافتحوا الكتب انا هديكم كلكم حسب دراستكم هبدا بيكي يا ماري
ماري : اتفضل يا استاذ
شلبي : معاكي قلم
ماجي : انا معايا يا مستر
شلبي : متشكر يا ماجي هنبدا الدرس الول بدراسه قواعد اللغه الفرنسيه
( يفتح القيلم فيفرقع في وجهه فيقع اللي الخلف )
شلبي : يا ساتر يارب يا ساتر يارب ايه ده
شيري : الاقلام مضروبه معدش فيه زمه ولا ضمير في التصنيع
شلبي : تقوم تفرقع كده
ماري : طبعا يا استاذ امال ايه بص الاحتباس الرحاري في الحبر ادي الي تراكم الدخان مما ادي الي كثرة السحب السوداء وده اشغل نار الغيره بين الاتنين فادي الي الانفجار ودي نظريه معروفه
شلبي : اااااااااااااه يا سلام شكلك شاطره اوي في الفيزياء
ماري : امال ايه يا استاذ هو انا شاطره غير في الفيزياء
شلبي : ربنا يوفقك ها نرجع بقي للدرس هندرس بعض القواعد الفرنسيه اللي هتساعدنا بعد كده في فهم الجمل وقرائتها وهنبدا ب
...
شيري : مستر اتتفضل اقعد
شلبي : حاضر يا شيري
شيري : لا هنا يا مستر علشان نبقي سامعينك
شلبي : حاضر يا ستي ههههه
( يجلس فيقع الكرسي به )
شلبي : ااه اه يا ضلوعي يا اما يا يا ضهري اللي انكسر يا اما اه انا كان كان بس بالتدريس اصلا
ماري : يااه معدش فيه زمه ولا ضمير عندالنجارين شفت الكرسي حتي متعملش بزمه
شلبي : اه يا بنتي عندك جق اااااااااااااااه
ماجي : اتفضل اقعد يا مستر
شلبي : لا مش قاعد مش قاعد انا هفضل واقف خليكي في نفسك
ماري : طيب بعد ازنك ثواني يا مستر وجايه
شلبي : اتفضلي يا بنتي اتفضلي ااااااه هنتكلم النهارده و هندرس بعض القواعد الفرنسيه اللي هتساعدنا بعد كده في فهم الجمل وقرائتها وهنبدا بــــ .....
( يطفا النور )
شلبي : الله النور قطع ليه
شيري : هو كده دايما بيقطع هنا يا مستر
شلبي : وبييجي تاني
ماجي : ايوة يا مستر بعد ما يجي ويمشي
شلبي : هو مين اللي يجي ويمشي
شيري : ماهر
شلبي : ومين ماهر ده كمان
ماجي : ده الراجل اللي اتقتل هنا في الشقه دي من 10 سنين
شلبي : اتقتل امال هيجي ازاي مادام اتقتل
شيري : ما عفريته اللي بيجي يا مستر
شلبي : عفريته عفريته يا استاذ كمال يا استاذ كمال عفريته
ماجي : متعليش صوتك يا مستر ماهر كده ممكن يزعل
شلبي : يا استاذ كمال يا استاذ كمال ( بصوت خافت )
( ثم يلتفت الاستاذ شلبي ليجد وجه مرعب في وجهه والتي تلبسه هي ماري فيصرخ ويجلس خائفا )
شلبي : ياالهوي يا لهوييالهوييييييي
( يضيئ النور )
( يدخل الاب )
الاب : استاذ شلبي مالك عامل كده
شلبي : عفريت عفريت
الاب : عفريت عغريت ايه
شلبي : ماهر ماهر عوووو وقام مفرقع في وشي علشان مفيش زمه ولا ضمير
الاب : استاذ شلبي مالك ؟
شلبي : شلبي مين يا اخويا شلبي مين
الاب : انتا الاستاذ شلبي
شلبي : انا لا انا القلم لالا انا الكرسي انا عاوز اروح لامي انا جايلك يا اما انما جايلك يا اما
( يخرج شلبي وهو يردد انا جايلك يا اما )
الاب : انتوا عملتوا ايه في الاستاذ شلبي
ماري : ما تسالوايا بابا واحنا مالنا
الاب : وانتوا مالكوا امال مال مين
ماجي : يا بوب هو جاي فاصل اصلا
الاب : انتي عارفه لو قلتي بوب دي تاني
شيري : يا بابا احنا معملنالوش اي حاجه خالص
الاب : ده اتهبل ده انتوا خلتوه اتهبل بقي ده الاستاذ شلبي مدرس اول اللغه الفرنسيه ربنا يسامحك ربنا يسامحكم
ماري : ياه يا بابا واحنامالنا
الاب : اعمل ايه اكتر من كده فلوس وبديكم دروس وطفشتوا الاستاذ بتاعكم اعملكم ايه تاني
( يخرج الاب )
شيري : زنبنا ايه احنا يعني
ماري : هنعمل ايه الامتحانات كمان شهر واحنا مفتحناش كتاب اصلا
ماجي : زي ما بنعمل كل سنه هنقضيها في اللجنه
شيري : اه علي راي ماجي ايه الجديد
ماري : طب يلا انا نازله النادي حد جاي معايا
شيري : اي خوديني معاكي احسن الاستاذ منخوليا ده عصبني
ماجي : بس استاذ نكته زمانه سافر لامه دلوقتي ههههههه
ماري : يلا بينا ننزل
( يدخل الاب والام )
الاب : وبعدين ايه الحل مع البنات دول
الام : اتدلعوا يا اخويا وادي نتيجه الدلع
الاب : عندك حق احنا اللي غلطانين دلعناهم زياده عن اللزوم لحد ما بقوا معندهمش اهتمام باي مسؤليه
الام : يا كمال اهدا بس بكرا يتصلح حالهم
الاب : بكرا امتي ده الامتحانات فاضل عليها شهر استني بقي لحد امتي
الام : لحد الامتحان ونشوف هيعملوا ايه
الاب : طيب ماشي اديني مستني واهنشوف ربنا معاهم
نهايه المشهد التاني
المشهد الثالث
( يفتح الستار علي منظر المنزل )
( يدخل الاب )
الاب :يا ام ماري يا ام ماري
الام : ياه يا كمال فيه ايه
الاب: بناتك سقطوا مش قلتلك اديهم سقطوا
الام : يا لهوي سقطوا
الاب : ايوة مناا ياما حذرتك ياما وقلتلك العيال هيسقطوا مبيزاكروش تقوليلي لا سيبهم بكرا حالهم يتصلح
الام : وانا اعمل ايه هاخد بالي منهم ولا من شغل البيت ولا من ايه هو انا بميت ايد
الاب : لا يا اهانم ولادك اهم تاخد بالك منهم وترعيهم
( يدخلوا البنات )
ماري :فيه ايه يا بابا صوتتكم عالي ليه كده
الاب : فيه انكم يا هانم انتي واخواتك سقطوا ولا واحده فيكم نجحت
شيري : ايه سقطتنا
ماجي : يا خبر ازاي ده انا
الاب : انتي ايه كنت معتمده علي الغش صح لكن السنه دي ربنا جزاكم واداكم من جنس عملكم انتوا متعبتوش يبقي لازم متلاقوش
ماري : كفايه يا بابا احنا غلطنا وده كان لازم يبقي عقابنا
الاب : اخيرا يا كبيره يا عاقله فهمتي وعرفتي انكوا كنتم غلطانين بس عرفتي اامتي بعد ما فات الوقت وخلص ماكان قدامككم الوقت
شيري : بابا سامحنا احنا عارفين اننا مكناش نستحق النجاح ده
كل سنه كنا بنعتمد علي الغش وكنا بتلاقيه سهل بس مكناش نعرف ان اليوم ده هيجي
الاب : واهوا جه تقدري تقوليلي ختعملوا ايه حالا
ماجي : هنزاكر تاني يا بابا وخننجح صدقني
الاب : مش مهم انا اصدقكم المهم انكوا تكونوا صادقين مع نفسكم المسيح قال كن امينا كان لازم تبقوأ أمناء في كل حاجه امناء في دراستكم وامناء في صلاتكم وامناء في حبكم للناس وامناء في خدمتكم وامناء في عطائكم وامناء في طاعتكم
ماري : يا بابا ربنا بيدي فرصه تانيه وبيسامح يبقي انتا مش هتسامح
الاب : انا مسامحكم بس مش ده المهم المهم اكم فعلا تكونوا عاوزين تكونوا مع ربنا بجد
شيري : احنا اخدنا درس يا بابا واتلمنا منه ومفيش اي حاجه ممكن توجع اد الفشل
ماجي : صدقني يا بابا احنا حالا بس عرفنا اد ايه انتا كنت خايف علينا وبيتحبنا وعاوز مصلحتنا
الاب : انا عاوز ايه اكتر من نجا حكم في يحاتكم الدراسيه والعمليه وقبل كل ده حياتكم مع ربنا
ماري : متقلقش يابابا احنا خلاص عرفنا فين الغلط وفين الصح وهنكون امناء في عملنا وفي دراستنا وفي كل شيئ في حياتنا
الاب : يارب يا اللي ادتنا العقل والحكمه والفهم نشكرك في كل الاحوال يارب واشكر ان انتا رجعت لبناتي عقلهم وحب لبعض وليك يارب ايرب حوطنا بملائكتك وقديسيك وخليك معانا يارب في وقت الشده ووقت الضعف بشفاعه امك العدرا مريم ام النور واسمعنا عندنا نقول لك بكل شكر يا ابانا اللذي في السموات ليتقدس اسمك ............
( يخبط الباب )
الاب : افتحي يا ام ماري
الام : اهلا اهلا نورت اتفضل
( يدخل الاستاذ شلبي وهو بيتسحب )
كلهم : الاستاذ شلبي ؟
الاب : اه جبتوا علشان يرجع يديكوا دروس تاني بس من غير ماهر المره دي
شلبي : مساء الخير
ماري : مساء النور يا مستر اتفضل اقعد
شلبي : لالالالا انا كويس اوي كده اقعد ليه
الاب : متخفش يا استاذ شلبي انا بناتي دلوقتي حاجه تانيه خالص
شلبي : بجد يعنيمفيش اقلام بتفرقع ولا ماهر ولا اي حاجه من دي
الام : متقلقش يا استاذ شلبي بيقولك بقوا حاجه تانيه
الاب : تعالوا يا بنات
شيري : مستر شلبي احنا عاوزين نعتذرلك عن كل اللي عملناه فيك
ماجي : وعن كل حاجه غلط سببنهالك
ماري : وياريت نبدا مع بعض صفحه جديده
شلبي : انا مش زعلان منكم انا لما الاستاذ كمال قالي انا متاخرتش عليه
ماري : واحنا نوعدكم اننا نكون كويسين معاك
شلبي : مش مهم تكونوا كويسين معايا انا المهم تكونوا كويسين مع نفسكم
الاب : اسيبكم انا بقي
شلبي اتفضل يا استاذ كمال ومتشكر علي ثقتك الغاليه فيا
الاب : انا اللي متشكر علي قبولك التدريس ليهم تاني بعد اللي عملوه فيك
الام : واانا هعملك الشاي بتاعك يا استاذ شلبي
شلبي : متشكر يا هانم وياريت تقللي الشطه شويه
الام : من عنيا يا مستر
شلبي : يلا يا بنات نبدا
ماجي : اتفضل يا مستر قلم
( ينظر لها خائفا )
شلبي : لالا انا جبت قلمي معايا نبدا الدرس يلا
ماري : يلا يا مستر
نهايه المشهد الثالث
يقفل الستار
النهايه
