ح-واقف كده ليه
ادخل ياللا مستنى ايه ؟
ش-ادينى جيت
فين ده بقا اللى عنه حكيت؟
ح-ماهي قدامك اهي...!!
ش-جايبنى تفرجني ع الحيطه..
دى لوح لسه بيضه..؟!
فين دي اللوح اللى..
مارسمتهاش فرشة..
ولا لمستها ايد انسان ؟
لوح بتتحرك..وبتتكلم كمان ؟
ح-قولتلك انهاصور..غير كل الصور.
ش- عينى مش شايفاها...!
ح- اقفـلها.
ش- اقفـلها...؟!
ح- اقفل عينك.. وافتح قلبك.
هتشوف صورة اجمل من الخيال.
لوحة رسمها رب الاكوان.
واختار لنفسه فيها اصعب مكان.
Fade in L Black &.
ش- شايف صوره ايوة..بس بهتانة شويه.
صورة صليب..عليه انسان.
شكله غضبان..و من الدنيا زهقان.
Fade in R
ش-وصليب كمان..عليه شخص مصلوب.
بس الصورة دى اوضح شوية...
اللام الصلب قويت عليه..
بيصرخ لاجل ماحد يداويه..
و يرحمه من الالم اللى فيه..
بيصرخ..بس مافي حد يواسيه..!
مين دول..وايه ذنبهم ؟؟
وياترى مظلومين ولا ده حقهم..؟؟
ح-استني ما تستعجلش..
لسه اللوح مخلصتش.
ش-انا اسف ..معلش
فاضل اللوحه دى..مش شايف..!
ح-قولنا ايه؟..غمض عينك وافتح قلبك.
Black & Fade in J
ش-مصلوب ..بس غير الاثنين التانيين.
داق من العذاب الوان..
وجسمه بالجروح مليان.
ح-جروح رسمها جلاد..قلبه بالقسوة منقاد.
جراح و الام تحرك الجبال.
لكنه كان راضى بالحال.
صابر على قسوة الاحمال.
ش- الدم على جسمه سال..
وكتب اصعب سؤال..
سؤال في نفسى جال..
ليه اتصلب وهو الملك؟!
ايوه مكتوب "هذا هو الملك"
ليه هوه ساكت ؟!
فين ملكوته..وعلى ايه سكوته؟؟
ح-مش قلتلك ما تستعجلش..
لسه الحكايه ماابتدتش.
ش-ملك ؟!
عرشه على الصليب رفعوه !
صولجانه مسمار فى الايد دقوه!
من توبه عروه بالشوك كللوه!
ح-صمته مش راح يطول..
راح يتكلم ويقول.
يقول كلام نفسه يطلع من زمان.
صمت..وصمته كان رنان.
راح يتكلم وكلامه هيهز الوجدان.
بس ياريت ..ما يسدوا الودان.
ك-رغم الظلم اللى كان .... في قلوبهم من زمان .
غفر لهم و رحمهم .... ابن الانســــــــــــان .
بكـــــلمه واحده منه .... قالـــــها بحنـــــــان.
" ياابتاه..اغفرلهم لانهم لا يعلمون ماذا يفعلون "
ش-انا مش مصدق الكلام..
دى حقيقه ولا خيال؟!
ازاى اسامح اللى اذانى ..
وللصليب ودانى؟!
اسامح اللى جلدونى..
ومن العذاب سقونى؟!
ح-حـب..غلب الالام وقسوت الصلبوت.
حـب..احتمل الظلم وفضل السكوت.
حـب..وهبنا الحياه وكافئناه بالموت.
ك- ياشـايل الصليب ... كان حمله اد ايه ؟!
يا فاديـا الحبيب .... كان ذنبك بس ايه؟!
تتضرب و تتهان .... فى الذل و الهوان!
والـشعب يقول كـمان.. اصلبه..اصلبه !!
ش-الشعب ساد فيه الجنون..
وبكل قسوة قال اصلبه؟!
ح-لكن قلبه كان حنون ..
ش-قالوا دمه علينا وعلى اولادنا ؟!
ح-عذرهم وقال لا يعلمون..
ك- تحت الصليب الشعب كان موجود ..
شـــــايف الامـك على ايد الجنود ..
قلوبهم القاسية سـادها الجمود ..
وعيونهم بنظره اعلنت الجحود ..
لكنك بكلمه اعلنت للوجــود ..
ان حبــــك فاق كل الحدود ..
ح-ملك الملوك..
استحمل الذل وعار الصليب ..
لاجل ما يرفعك ويكون لك وياه نصيب.
ش-عمر ماقلبى سامح..
طول عمره كان بيشيل .
قاسى والكره عنده ..
للحب كان بديل .
ش-تضربنى ع اليمين..
اضربك ع الاثنين ..
ما البادى اظلم!
باسم الكرامه .. للكبر عشت ذليل .
اى شئ يجرحنى..ولو حتى كان قليل.
Black & L+R On.
ل-انت ياللى متعلق معانا .. ساكت ليه ؟!
الصليب ده حمله ثقيل .. ليه صابر عليه ؟!
ان كنت المسيح ..
خلصنا ياللا مستني ايه؟!
ر-كل اللى حصلك ده مش مكفيك..
لسه الغشاوة مالية عنيك..
لسه الكره بيسرى فيك..
لسه النور ماوصلش ليك..
نسيت المسامير اللى فى ايديك..
نسيت الموت اللى مستنيـك.
ل-مهو ياما خلص ناس..ليه يبخل علينا ؟!
ليه مايرحمش نفسه..ومن عطفه يدينا؟
لو كان المسيح..يخلص نفسه و يورينا .
ر-ان كنا اتصلبنا فاحنا للحكم مستحقين.
ذنوبنا فاقت الحدوصرنا بحق مجرمين.
لكن هو لا ..
ايه اللى عمله لاجل ما يستاهل الحكم؟!
ليه يتحمل الالام .. وقسوة الظلم ؟!
Black L & On R+J.
ر_سامحه..مانت سامحت التانيين.
ايوه سمعتها فى صوتك الحزين.
ر-قلبك الطيب خلا قلبى يلين ..
بعد ما كان فى الضلمه سجين.
احساس بالحب ..
كان نفسى احسه من سنين..
بس الناس كانت بس بتدين.
سنين عشت تايه و فى الخطية غرقان ..
كل ما احاول اهرب الاقينى رجعت لنفس المكان..
كان نفسى الاقى ايد ترفعنى تحسسنى بالامان..
لكن القانون كان قاسى لص حقير لازم يتهان ..
ش-اما ده لص عجيب .. وكلامه غريب!
بيدافععن المسيح..وهو فوق الصليب!
ح-مادافعش عنه..
واحدمن ال12ولا واحد من ال70!
مادافعش عنه واحد من اللى شفاهم..
ولا اقام موتاهم ولا اخرج منهم شياطين!
كلهم وقفوا بعيد.. شايفين .. ساكتين!!
ر-انا عارف ان الالام عليك شديده..
لكنى عارف انك حنون..
وممكن تسمحلى بطلبه ..
يمكن تكون بعيده..
بطلب منك تذكرنى ...
اذكرنى يارب متى جئت فم ملكوتك.
اذكرني ياسيد متى جئت فم ملكوتك.
اذكرني ياقدوس متى جئت فم ملكوتك.
"الحق أقول لك انك اليوم تكون معي في الفردوس."
ش-ما اعجبك لصا ..
كيف تسرق و المسامير فى يداك.
بكلمه واحده ..
دخلت الفردوس ونجوت من الهلاك.
الم يكفيك ..
ان تكون معه على الصليب تراه ويراك.
ح-قررت ان تكمل معه حتى اخرالدرب..
قررت ان تكمل مهما زادت الام الصلب.
وحينئذ ..خرجت كلماتك من القـــلب..
ش-كلمات .. مملؤة حب واصرار..
لمست فى القلب اوتار..
واحسها المصلوب البار.
فاعتقك من النار ..
وادخلك مسكن الاطهار .
Black & On R (Mary).
م-الدمع فى عينى سال ..
والجرح فى قلبى طال.
وانا شايفاك يا ولدى ..
على الصليب متشال.
كل جلده جات عليك ..
كل شوكة غرسوها ليك ..
كل مسمار دقوه فيك .
قلبى يصرخ من الالام ..
دى الجراح فوق الاحتمال .
وكل دمعة فى عينى تسال ..
ليه صبرت على ده الحال .
ح-بين الجموع واقفه بعيد ..
شايفا ابنها شايل .. و الحمل ثقيل .
ش- تصرخ وماحد يسمعها..
مين يقدر عنها .. الهم يشيل.
ح- الصرخة تخرج سكاكين..
فى القلب تقطع ..
ومايظهر غير دمع من العين يسيل .
م- آما العالم فيفرح لقبول الخلاص ..
و آما أحشائي فتلتهب بالنار عند نظرى ال صلبوتك الذى انت صابر عليه من اجل الكل.. يا ابنى والهى .
ح-قلبها نادى عليه ..
ليه ياولدى صابر ع الالام ؟!
ليه سبتهم يصلبوك ..
ليه سكت عن الكلام ؟!
ش-ياترى كانت عارفه ليه ؟
ليه احتمل الظلم ..
ليه غفر لصالبيه؟!
ح-كانت عارفة ..
طول عمرها أقرب الناس اليه..
من غير كلام كانت بتحس بيه..
ومن ع الصليب..
شافت الحقيقة فى عنيه..
ك-اراك يا ولدى ..
والدمع في عيناي ..يصرخ لماذا ؟ّ!
لماذا ياولدى ..
اسلمت نفسك للصلب ؟!
تحملت الهوان و الضرب؟!
لاجل من ياولدى ..
تركت دمك يسيل؟!
رفعت ذا الحمل الثقيل؟!
هل يعلمون ياولدى ..
انـك غفرت اثمهم ؟!
انـك محوت جرمهم ؟!
اه ياولدى .
ش-الابن دفع الثمن..
لكن الثمن كان غالي.
دفعه من دمه الطاهر ..
فوق الصليب العالى.
" هذا هو ابنك .. هذه هى امك. "
ش-من غير ما تتكلم ..
سمعها و حس بيها.
ومن وسط الامه ..
شاف الدمع فى عنيها.
ح-مارضيش يسبها لوحديها ..
كان عارف ان الحزن قاسى عليها.
وكان نفسه يديها ..
حاجه فى وحدتها تعزيها.
م-شايفاك يابنى ع الصليب ..
شايفاك وبابكي بالم ونـحيب.
ده عذابك يابنى في قلبى مرار ..
خلانى اذرف دوع انهار .
على الصليب بصوتك تجيب ..
وقلت ابنك يوحنا الحبيب .
ش- من وسط كل التلاميذ ..
يوحنا كان المختار.
اختاره يكون لها ابن ..
وتكون له في بيته فنار.
ح- يوحنا كان الحبيب ..
لقلب المصلوب البار.
دايما مكانه كان حضنه ..
وحبه كان من نار .
ش-وسط كل الالامات مقدرش ينساها ..
قلبه الحنون عطف عليها و داواها ..
ازاى ينسى امه اللىاتربى فى حماها ؟!
ح-حبها من حبه وحبه من حبها ..
ولانه كان عارف اد ايه حزنها ..
وهبها حبيبه كابن يكون لها..
Black & On J.
" الهى الهى .. لماذا تركتنى ؟ "
ح-خد صورة البشر..
وكل خطاياهم رفعها.
وهناك على الصليب ..
احتمل عارها ورفاعها.
الالم كان قاسى ..
والكاس المرة شربها.
ش-بس ازاى الاب تركه ..
ازاى سابه لوحده ؟!
ح-الاتفاق كان واضح وصريح .
الاب ترك الابن يتالم ..
والابن قبل الترك ..
واصبح ع الصليب ذبيح.
ش-سابه القرايب و كل الاحباب ..
كل البشر .. حتى الاب
ك-لماذا تركت ابنك .. لعدل البشر .
عدل يحمى الظلام .. حيث الظلم انتشر .
بالسوط ضربوه .. ظلما وجرحوه.
بالشوك كللوه .. بالعار توجوه.
ولم يكفى كل هذا .. فى الخشبة سمروه.
لماذا يا الهى .. ياذو القلب الرحيم ..
لماذا تركته يدفع .. ذاك الثمن العظيم.
لماذا يا الهى .. لماذا تركته.. لماذا تركته ؟!
ح-الابن رفع خطية العالم ..
والخطيه انفصال عن الاب .
كان لازم الذبيحة تشتعل بالنار ..
لاجل مايرجع ينفتح الباب.
ش-تركه يتالم .. يبذل.. يدفع ..
يدفع ثمن خطيه ماعملهاش !
خطية اجرتها الموت ..
موت صعب ..
والرحمة ماتلاقيهاش !
ح-الاب أخد الطفل .. وراح وياه للطبيب.
لاجل مايعمله عمليه .. والجرح يطيب.
الطفل قال لأبوه..امسك ايدى ماتسبنيش.
مسك الاب بايده..
وقاله ماتخفش..
دانا يابنى غيرك ماليش.
ش-الطفل حس الالم ..
وصرخ بقوه .. ليه سبتنى ؟!
الجراح زادت على ..
ليه للاوجاع فوتنـي ؟!
هيحتمل ايه ولا ايه ؟؟
ازاى ده كله قادر عليه ؟؟
ح-لسه الالام ماانتهتش ..
لسه الجراح جايه كتير.
والوقت بيمر بطئ ..
اصعب من دق المسامير.
Black & On J .
" انا عطشــــــــان"
ش-عطشان وبيطلب مايه ..
آما ده طلب غريب !
ح-ليه تستعجب ؟! ماهوه برضه انسان .
بيحزن ويتالم ..
ويعطش كمان .
ش-اهم رايحين يسقوه ..
ومن العطش يريحوه.
ح-يريحوه ؟!
قصدك يعذبوه.
ش-ايه ده..مارضيش يشرب ليه؟!
ليه الحزن باين فى عنيه ؟!
ح-وهب الكل الماء الحى ..
فى كل يوم كان بيمر .
ولما طلب وقال عطشان ..
سقوه خل ممزوج بمر .
ش-حتى فى اخر طلبه ..
مش قادرين يرحموه !
يصرخ ويقول عطشـان ..
خل و مر يسقــوه !
ح- كان عارف اللى فى قلوبهم ..
وللى راح يعملوه .
لكنه طلب لاجل ما يكمل الثمن ..
والجرح يزودوه .
ك-اين انتى ياسامريه ..
لتلبى ذاك النداء .
من سقاكى من بئر حبه ..
يطلب الان ماء.
يا من قال اطلبوا تعطوا ..
قد طلبت بلا رجاء.
طلبت ماء ذقت خلا ..
ذقت مرا..ذقت جفاء .
ح-عطشه ماكانش للميه.. لا ..
كان عطشه لحب الناس .
لكن الناس كانت قاسيه ..
وسابت حبه ينداس .
ش-انا رفعت القصبه بايدى ..
لاجل ما يشرب ملكى و سيدى.
رفعت خل ومر ذنبى ..
من غير ما حس بقسوة قلبى .
نظرلى والحزن فى عنيه ..
وقالى يابنى ليه تقسى ليه؟
انا احتملت عشانك العار ..
ليه تسقينى خل و مرار ؟!
ليه تزيد الجراح على ؟!
تعالى يابنى وقرب لى .
" قـــــــد اكمـــــل ."
ح-كل النبوات اكملها ..
والخطية خلاص رفعها .
ش-بس الثمن كان غالى ..
ثمن اندفع ع الصليب العالى.
ح-ثمن الخطيه و جرم الانسان ..
رفعه اللى بلا خطية ..
بحب و حنان .
ش-ماهمهوش انه يتذل ويتصلب و يتهان!
كان كل اللى شاغله ..
انه يخلص و يفدى الانسان !
ك-قد اكملت المكتوب ... منذ قدم الزمان.
ورفعت يا مصلوب ... ذنبى انا الانسان .
غفرت خطيتى ...
عفوت عن ذلتى ...
ارجعت طبيعتى ...
الى ما قبل الهوان.
وقلبك المجروح ... فاض حب و حنان.
قد اكملت المكتوب ... حين ان الاوان .
ش-يعنى خلاص.. خلصت الحكايه ؟!
غفر الخطايا ... وكتب النهايه ؟!
ح-لا لسه ..
لسه النهاية ما تكتبتش ..
لسه الالام ما نتهتش ..
ش-لسه ؟!
كل اللى عمله ده ... ولسه ؟!
كل الام دى .. ولسه ؟!
كل الجراح دى .. ولسه ؟!
ك-وحدك...أكملت ذاك الطريق.
وحدك...وقد تركك كل صديق.
وحدك...تحملت الم وضيق.
(نجنى...نجنى)2 انا الغريق.
بصلبك..بجلدك...ذقت طعم حبك.
الامك..جراحك...أنارت لى طرقك.
ح-راح ينزل الجحيم..ويبشر الراقدين.
راح يغلب الشيطان..ويرجع القديسين.
ش-هيفتح الفردوس...
اللى اتففل من زمان.
ونحيـــا من جديد...
ونرجع لنفس المكان.
ح-أيوه...بس كل ده بعد مايسلم الروح.
يسلمها للاب...
ولمين غيره يروح؟!
ش-مش فاهم؟!
ح-روح لعازر المسكين..
حملتهاالملايكه.
وروح العدرا..
حملــها المسيح.
آما روح المسيح...
فهيحملها الله الاب.
"يابتاه...فى يديك استودع روحى"
موسيقى غولغوثا.