يفتح الستار ببطء على لحن يوداس .. فى وسط خلف المسرح مستويين (برتكابل) أمامه فى وسط المسرح تابوت .. يفتح التابوت ببطء مع تزايد كثافة الدخان ليخرج منه يهوذا وظهره للجمهور بينما يزداد صوت اللحن من الخارج.
يهوذا
كفايه .. (يستدير للجمهور) .. كفاية .. أنتو عايزين إيه منى تانى .. أنا حكمت على نفسى .. ونفذت الحكم .. وقضيتى أتقفلت
عارفين غلطتى إبتدت إمتى .. يوم ما قررت أتبع يسوع .. بهرتنى معجزاته .. بهرتنى قوة شخصيته .. بهرتنى نظرته الثاقبة .. لكن مشفتش ورا كل ده الحب .. الحب ..
مشيت وراه .. تبعته وأنا بأقول لنفسى:
- أنت عايز إيه من يسوع .. متخليك فى شغلك وأكل عيشك .. خليك فى تجارتك وشغلك مع الكهنة والرومان.
- يا عبيط .. ده أحسن من أى شغل .. أنت عارف مين ده؟!
- حيكون مين يعنى .. نبى .. نبى آخرته زي يوحنا المعمدان .. حيفضل يبكت الناس على خطاياهم .. لحد ما يلاقى راسة على طبق عشان بكت حد فوق مستواه
-
لالالا .. ده فوق الكل .. ده المسيا .. القائد العظيم .. اللى حيخلص شعب إسرائيل .. ويرجع لأورشليم مجد داوود وسليمان .. الكل حيبقى تحت رجليه .. يهود ورومان .. جيوش وحكام .. وكل ممكالك العالم .. لو أنت تبعته النهارده .. فى أول أيامه حتكبر معاه .. وتكون قائد عظيم .. يالا أجري .. أجري وخليك تحت رجليه .. يا معلم .. يا معلم (يجرى إلى إقصى شمال المسرح ويعود متباطئاً)
ومشيت وراه .. كنت معاه فى كل خطوة .. وهو بيدعى التلاميذ .. وهو بيشفى المرضى .. ويحيـى الموتى .. وهو بيمشى على البحر .. وهو بيعلم الجموع .. شفت كل ده على أنه قوة عظيمة .. ومشفتش وراها الحب .. الحب
وفى يوم بعتنا أتنين أتنين وقالنا .. مدينة للساميريين لا تدخلوا .. بل بالحري إذهبوا أولاً إلى خراف بيت إسرائيل الضالة .. قلت حلو .. هو ده المسيا وإلا بلاش .. حيخلى بيت إسرائيل أعظم أمه فى العالم .. مكنتش أعرف أنه خايف علينا من ضعف إيماننا .. وقلة خبرتنا .. فبعتنا لبيت إسرائيل الأول عشان همه ممكن يقبلونا.
رحت قرية .. (يتجه إلى يمين المسرح) تداوس .. أنا خايف .. مش عارف أعمل إيه .. شوف .. شوف .. بيزقوا الأبرص ده حيطردوه بره القرية .. (يعترضهم) أستنو أنتو بتطردوه عشان أبرص (يمد يده) بأسم يسوع الناصري تبرأ من برصك .. إيه ده .. الأبرص خف .. تداوس الأبرص خف .. (ينظر إلى ناحية أخري) سيبوه ده مش مجنون .. ده عليه روح نجس .. (يمد يده) بأسم يسوع الناصري أخرج أيها الروح النجس .. هه هه .. هاهاهاها الروح النجس خرج .. هاهاهاها .. يالا هاتوا المرضى واللى عليهم أرواح نجسة .. هاتوهم ليهوذا الإسخريوطى .. يهوذا الإسخريوطى حيشفيكم .. (نبرة أخفض قليلاً) بأسم يسوع الناصري.
(يعود مكانه) ورجعنا نحكيله .. نحكى لملك إسرائيل المنتظر .. لقيته بعد كده بيشفى بنت المرأة الكنعانية الغريبة .. وبيشفى خادم قائد المئة الأممي الغريب الجنس .. لقيته بيهتم بالأمم والعالم .. وكل همه أن الناس تعيش وسط العالم مع ربنا .. مش تعيش بعيد عن العالم .. إزاي .. أمال فين مجد إسرائيل .. أمال مين اللى حيرفع خيمة إسرائيل الساقطة .. فين خلاص بيت داوود .. فين مجد أورسليم وهيكل الله .. كل ده حيتساب لدنس العالم ..
إيه ده .. أنتو مين .. يوسف الرامى (يجري منه) .. قائد المئة (يجري منه).. زكا العشار (يجري منه).. نيقوديموس (يجري منه) .. أنتو جايين ليه .. آآآه أنتو كنتو عايشين وسط العالم .. وكنتو مع يسوع .. هاهاهاهاها .. أنا بقى كنت مع يسوووووع .. لكن قلبى مع العالم .. هه هههه هاهاهاهاهاهاهاها .. (يبكى)
(يأخذ مكان زكا) .. جاي أفكرك باللى عمله يسوع معايا .. أنا العشار اللى عايش بالخطية .. مخرجنيش بره العالم .. لكن خلانى نور يبشر بأسمه بأسم العالم .. المسيح عايز ولاده نور ينور العالم .. ساعتها متخافش إن العالم يدنس هيكل الله .. لأنه حيشوف النور فى هياكل الله اللى فى أجسادنا ..
أنا كنت زيك .. مأفرقش كتير عنك .. عايز الراحة المركز والسلطان .. مكنش بيهمنى نظرة اليهود ليا .. المهم أنا كسبت قد إيه .. لحد ما سمعت عن يسوع .. كان كل اللى نفسى فيه .. إنى أشوفه .. يمكن كان فضول .. حب استطلاع .. (يصعد على البرتكابل) لكن كان عندى إصرار أنى أشوفه .. وأنا فوق الشجرة لقيته رفع عينيه وبص لى .. نظرة واحدة فيها حب ملهوش حدود .. حب شال الغشاوة من قلبى .. حب غسلنى ورجعنى أنسان جديد .. مد لى إيده عشان أنزل .. فشفت أيدى الممدودة عشان تاخد .. تاخد وبس .. وأنا بأنزل كنت بأسأل نفسى ياترى حأقدر أسيب كل ده وأتبعك .. لقيت الحب اللى فى عينيه بيقولى لاء .. أنا عايزك تعيش فى العالم نور للناس ينور طريقهم .. عشان كده أول ما نزلت قلتله .. يارب ها أنا أعطى نصف أموالى للمساكين .. وأن كنت وشيت بأحد أرد له أربعة أضعاف .. ياخسارة يا يهوذا .. خسارة أنك محسيتش بالحب ده .. أنت ضيعت نفسك يا يهوذا .. ضعيت نفسك
كفاية .. أمشى .. أمشو كلكو .. أنتو واللى زيكم خلونى أتصدم فى يسوع .. ساعتها عرفت أنه مجرد إنسان صالح .. نبى .. قديس .. لكن مش هو ده اللى حيرفعنى لفوق
إنسان مش بيدور على جيش يحارب بيه العالم .. لكن سايب أتباعة عايشين فى العالم .. إنسان بيخضع للرؤساء والسلاطين .. بيدفع الجزية ويقول للناس أعطوا ما لقيصر لقيصر وما لله لله .. إنسان ماشى طول النهار بيلف البلاد يجول يصنع خيراً .. لمين لناس ميعرفهوش ولا فكروا في يوم يتبعوه .. ناس بيطردوه بدل مايشكروه .. هه .. وبرضه يجول يصنع خيراً.
يوم ما حسيت أنه مش حيوصلنى لهدفى .. قلت لازم أستفيد منه .. طلبت منه أمسك صندوق العطايا اللى بيديها الناس للفقراء .. (صمت) مش حأنسى نظرة عينه ليا ساعة ما كان بيدينى الصندوق .. نظرة شفقة وحزن محسيتهمش إلا وأنا فى عذاب الجحيم .. ليه سبتنى أمسك الصندوق .. ليه مقلتليش أنا شايفك من جوه وكاشف قلبك .. ليه مقلتليش لاء .. توب وأرجع عن الشر اللى جواك .. ليه إديتنى اللقمة وقلتلى ما أنت فاعله أفعله بسرعة .. ليه عملت معايا كده .. ليه عملت معايا كده .. ليه .. ليه .. ليه (يبكى)
(
ياخذ مكان المرأة الخاطئة) .. يهوذا .. فاكرنى؟ .. أكيد فاكرنى .. تعرف أنا طول عمرى بأدور على الحب .. قعدت مدة طويلة بأحسدك أنت والتلاميذ على وجودكم جنب يسوع .. كنت مشتاقة أشوفه .. أسمع تعاليمه .. لكن مكنتش أقدر ... لأنى خاطيه .. قدام كل الناس أنا عنوان للشر والرذيلة .. لو مشيت فى أي مكان أتشتم وأتضرب وأتحدف بالطوب .. حتى من الناس اللى كانوا بيعملوا معايا الخطية .. يفضلوا همه أبرار قدام الناس وأفضل أنا لوحدى الزانية الخاطية.
لحد ما سمعت عن اللى عمله يسوع مع الزانية اللى أتمسكت فى ذات الفعل .. يااااااااه متتصورش كلمة .. وأنا أيضاً لا أدينك .. إذهبى بسلام .. ممكن تعمل فى واحده زيي إيه .. عشان كده أتجرأت ورحت لبيت سمعان الفريسى .. سديت ودانى عن كل الكلام اللى بأسمعه طول الطريق لحد ما وقفت قدامه ..
(موسيقى) أول ما وقفت قدامه شفت كل ذنوبى وشروري قدامى .. شفت البيوت اللى خربتها .. والرجالة اللى وقعتهم فى شباكى .. المرارة اللى كنت بحس بيها كل مره أعمل فيها الخطية .. أتجمعت كلها مرة واحده فى حلقى .. حسيت بتقل الخطية سلاسل مربوطة فى رقبتى ..سمرتنى مكانى قدامه .. بصيت فى عينيه .. شفت الحب اللى طول عمرى بأدور عليه ومش لاقياه .. شفت الطهارة التى تحول جسمى اللى سودته الخطية لهيكل طاهر نقى.
لقيت دموعى بتنزل على رجليه .. خفت دموعى النجسة تدنس رجليه الطاهرة .. وطيت بسرعة أمسحهم بشعرى .. قلت شعرى لاء .. هو كمان نجس .. دورت على حاجة طاهرة أمسح بيهم رجليه .. لقيته بيرفع وشى ناحيته .. وعينيه بتقولى .. دموعك دى غاليه عليا .. دموعك دى غسلتك .. أنتى عندى أطهر من ناس كتير حواليا .. مغفورة لكى خطاياكى .. وقلبى طاير من الفرحة .. سكبت الطيب اللى كان معايا على رجليه .. ساعتها سمعت صوتك بتقول .. لماذا هذا الإتلاف .. ومن يومها وأنا نفسى أقولك ده مش إتلاف .. ده حب .. والحب مش حيتلف خدمتك .. الخدمة هيه أنك تقدم للناس الحب اللى ليهم عند ربنا .. كان نفسى تتوب وتبقى معانا ومع باقى التلاميذ .. تتمتع بحبه .. لكن خسارة .. أنت كنت جنبه ومحسيتش بحبة .. خسارة .. ضيعت نفسك يا يهوذا .. ضيعت نفسك يا يهوذا .. ضيعت نفسك يا يهوذا ..
التلاميذ اللى بتقولى عليهم هم اللى ضيعونى .. فاكرة كانوا بيبصولى بأشمئزاز إزاي يومها .. عشان كانوا عارفين إنى بأسرق الصندوق .. حسيت إنى كلب جربان محدش بيحبه .. كرهتك .. وكرهتهم
(
مخاطباً السيد المسيح) وكرهتك أنت كمان .. لأنك أكيد كنت شايفنى زيهم كلب جربان .. عشان كده قلت لازم أنهى كل ده بأيدي .. لازم أحرمهم منك .. عشان كل واحد منهم يرجع حقير زى ما كان .. (يبدأ إيقاع الموسيقى فى التسارع)
رحت للكهنة .. اتفقت معاهم أنى أسلمك ليهم .. الرومان اللى كانوا حيقبضوا عليك مكانوش يعرفوك .. فأديتهم العلامة .. اللى أبوسه وأحضنه يبقى هو ده .. أمسكوه .. وجيتلك وبوستك .. وحضنتك ..
وأنا راسى على كتفك .. سمعتك بتقولى .. ياصاحب لماذا جئت .. بقى مش عارف لماذا جئت .. جيت لأنك خيبت كل أملى .. كنت فاكرك الملك اللى حيحرر شعب الله .. وأنا حأكون صديق الملك .. أتاريك بتدفع الجزية وتدى ما لقيصر لقيصر .. كنت فاكرك حترفعنا فوق العالم .. لقيتك عايزنا نعيش فى العالم فى ضيق .. كنت فاكرك حتكون لينا لوحدنا .. أتاريك بتخدم العالم كله .. تشفى الكنعانية وقائد المئة وتلف المدن تصنع خيراً .. أتصدمت فيك لما لقيت الملك المنتظر بيوطى يغسل رجلين تلاميذه..
قلت كل ده وأنا على كتفك .. لكن سمعت دقات قلبك بتدق بعنف .. رفعت عينى فى عينك .. (موسيقى) دخل جوايا إعصار .. زلزال زلزل كيانى .. إيه ده .. أول مره آخد بالى من الحب اللى فى عينيك .. بعد كل اللى عملته .. أشوف كل الحب ده فى عينيك .. بعد كل ده لسه بتحبنى .. بعد كل ده إشوف الألم بيعصرك عشانى أنا .. أنت حزين عليا كل الحزن ده .. بعد كل اللى عملته فيك .. لسه عندك أمل إنى أرجع لحضنك تانى ..
طب أعمل أيه .. دا أنا سلمتك ليهم .. لاء لاء لاء سيبوه .. مش هو ده .. أنا غلطت .. حأجيبلكم واحد غيره .. سيبوه .. سيبوه (يجرى ورائهم) .. سيبوووووه .. طب أعمل إيه دلوقتى .. أخدوك .. أخدوك وأنا اللى سلمتك ليهم بإيدى .. خدوا فلوسكم .. مش عايزها .. مش عايز حاجة .. هاتولى يسوع .. هاتولى يسوع .. رجعولى الزمن عشان أشوف حبه اللى كنت معمى عنه .. هاتوه .. هاتولى يسوع .. هاتولى يسوع (يبكى)
طب أروح فين .. أروح لمين .. أروح للتلاميذ .. مستحيل يقبلونى بعد اللى عملته .. أنت الوحيد اللى كان ممكن يسامحنى .. طب أرجع للكهنة .. خلاص أخدوا منى اللى عايزينه .. طب أروح لمين .. مفيش حد حيقبلنى .. معادش ليا حد فى الدنيا .. بقيت غريب وتايه .. بقيت زي قايين هارب على وجه الأرض .. أيوه أهرب .. حأهرب .. حأهرب فى أي حته .. لكن حأهرب على فين .. حأستخبى منه فين .. خلاص الحياة معادلهاش معنى .. معادلهاش طعم .. مفيش غير الموت هو اللى يخلصنى من اللى أنا فيه .. لازم أموت .. لازم أموت .. لازم أموت.
وأنتو أهربوا .. ده بيقول كونوا قيديسين لأنى أنا قدوس .. كونوا كاملين لأن أباكم الذي فى السموات هو كامل .. تعرفوا تبقوا كده .. لو معرفتوش تعيشو وسط العالم وسط الضيق وتفضلوا نور للعالم (تنزل مشنقة) إهربوا .. أو تعالوا معايا هنا .. لو معرفتوش تخدموه بقلوبكم بحب ويكون هو هدفكم (تنزل مشنقة) إهربوا .. أو تعالوا معايا هنا .. لو معرفتوش تعيشوا تحبوا كل الناس .. تخدموا كل الناس .. تخدموا بلادكم .. تصلوا عن العالم كله (تنزل مشنقة) إهربوا .. أو تعالوا معايا هنا .. لو معرفتوش تعيشوا فى كنايسكم بروح واحده وقلب واحد وتشبعوا منها (تنزل مشنقة) إهربوا .. أو تعالوا معايا هنا .. اهربوا إهربوا (تنزل مشنقته أمام وجهه فيدخل رأسه فيها ويسقط) .. لا لا لا لا لا
يهوذا
كفايه .. (يستدير للجمهور) .. كفاية .. أنتو عايزين إيه منى تانى .. أنا حكمت على نفسى .. ونفذت الحكم .. وقضيتى أتقفلت
عارفين غلطتى إبتدت إمتى .. يوم ما قررت أتبع يسوع .. بهرتنى معجزاته .. بهرتنى قوة شخصيته .. بهرتنى نظرته الثاقبة .. لكن مشفتش ورا كل ده الحب .. الحب ..
مشيت وراه .. تبعته وأنا بأقول لنفسى:
- أنت عايز إيه من يسوع .. متخليك فى شغلك وأكل عيشك .. خليك فى تجارتك وشغلك مع الكهنة والرومان.
- يا عبيط .. ده أحسن من أى شغل .. أنت عارف مين ده؟!
- حيكون مين يعنى .. نبى .. نبى آخرته زي يوحنا المعمدان .. حيفضل يبكت الناس على خطاياهم .. لحد ما يلاقى راسة على طبق عشان بكت حد فوق مستواه
-
لالالا .. ده فوق الكل .. ده المسيا .. القائد العظيم .. اللى حيخلص شعب إسرائيل .. ويرجع لأورشليم مجد داوود وسليمان .. الكل حيبقى تحت رجليه .. يهود ورومان .. جيوش وحكام .. وكل ممكالك العالم .. لو أنت تبعته النهارده .. فى أول أيامه حتكبر معاه .. وتكون قائد عظيم .. يالا أجري .. أجري وخليك تحت رجليه .. يا معلم .. يا معلم (يجرى إلى إقصى شمال المسرح ويعود متباطئاً)
ومشيت وراه .. كنت معاه فى كل خطوة .. وهو بيدعى التلاميذ .. وهو بيشفى المرضى .. ويحيـى الموتى .. وهو بيمشى على البحر .. وهو بيعلم الجموع .. شفت كل ده على أنه قوة عظيمة .. ومشفتش وراها الحب .. الحب
وفى يوم بعتنا أتنين أتنين وقالنا .. مدينة للساميريين لا تدخلوا .. بل بالحري إذهبوا أولاً إلى خراف بيت إسرائيل الضالة .. قلت حلو .. هو ده المسيا وإلا بلاش .. حيخلى بيت إسرائيل أعظم أمه فى العالم .. مكنتش أعرف أنه خايف علينا من ضعف إيماننا .. وقلة خبرتنا .. فبعتنا لبيت إسرائيل الأول عشان همه ممكن يقبلونا.
رحت قرية .. (يتجه إلى يمين المسرح) تداوس .. أنا خايف .. مش عارف أعمل إيه .. شوف .. شوف .. بيزقوا الأبرص ده حيطردوه بره القرية .. (يعترضهم) أستنو أنتو بتطردوه عشان أبرص (يمد يده) بأسم يسوع الناصري تبرأ من برصك .. إيه ده .. الأبرص خف .. تداوس الأبرص خف .. (ينظر إلى ناحية أخري) سيبوه ده مش مجنون .. ده عليه روح نجس .. (يمد يده) بأسم يسوع الناصري أخرج أيها الروح النجس .. هه هه .. هاهاهاها الروح النجس خرج .. هاهاهاها .. يالا هاتوا المرضى واللى عليهم أرواح نجسة .. هاتوهم ليهوذا الإسخريوطى .. يهوذا الإسخريوطى حيشفيكم .. (نبرة أخفض قليلاً) بأسم يسوع الناصري.
(يعود مكانه) ورجعنا نحكيله .. نحكى لملك إسرائيل المنتظر .. لقيته بعد كده بيشفى بنت المرأة الكنعانية الغريبة .. وبيشفى خادم قائد المئة الأممي الغريب الجنس .. لقيته بيهتم بالأمم والعالم .. وكل همه أن الناس تعيش وسط العالم مع ربنا .. مش تعيش بعيد عن العالم .. إزاي .. أمال فين مجد إسرائيل .. أمال مين اللى حيرفع خيمة إسرائيل الساقطة .. فين خلاص بيت داوود .. فين مجد أورسليم وهيكل الله .. كل ده حيتساب لدنس العالم ..
إيه ده .. أنتو مين .. يوسف الرامى (يجري منه) .. قائد المئة (يجري منه).. زكا العشار (يجري منه).. نيقوديموس (يجري منه) .. أنتو جايين ليه .. آآآه أنتو كنتو عايشين وسط العالم .. وكنتو مع يسوع .. هاهاهاهاها .. أنا بقى كنت مع يسوووووع .. لكن قلبى مع العالم .. هه هههه هاهاهاهاهاهاهاها .. (يبكى)
(يأخذ مكان زكا) .. جاي أفكرك باللى عمله يسوع معايا .. أنا العشار اللى عايش بالخطية .. مخرجنيش بره العالم .. لكن خلانى نور يبشر بأسمه بأسم العالم .. المسيح عايز ولاده نور ينور العالم .. ساعتها متخافش إن العالم يدنس هيكل الله .. لأنه حيشوف النور فى هياكل الله اللى فى أجسادنا ..
أنا كنت زيك .. مأفرقش كتير عنك .. عايز الراحة المركز والسلطان .. مكنش بيهمنى نظرة اليهود ليا .. المهم أنا كسبت قد إيه .. لحد ما سمعت عن يسوع .. كان كل اللى نفسى فيه .. إنى أشوفه .. يمكن كان فضول .. حب استطلاع .. (يصعد على البرتكابل) لكن كان عندى إصرار أنى أشوفه .. وأنا فوق الشجرة لقيته رفع عينيه وبص لى .. نظرة واحدة فيها حب ملهوش حدود .. حب شال الغشاوة من قلبى .. حب غسلنى ورجعنى أنسان جديد .. مد لى إيده عشان أنزل .. فشفت أيدى الممدودة عشان تاخد .. تاخد وبس .. وأنا بأنزل كنت بأسأل نفسى ياترى حأقدر أسيب كل ده وأتبعك .. لقيت الحب اللى فى عينيه بيقولى لاء .. أنا عايزك تعيش فى العالم نور للناس ينور طريقهم .. عشان كده أول ما نزلت قلتله .. يارب ها أنا أعطى نصف أموالى للمساكين .. وأن كنت وشيت بأحد أرد له أربعة أضعاف .. ياخسارة يا يهوذا .. خسارة أنك محسيتش بالحب ده .. أنت ضيعت نفسك يا يهوذا .. ضعيت نفسك
كفاية .. أمشى .. أمشو كلكو .. أنتو واللى زيكم خلونى أتصدم فى يسوع .. ساعتها عرفت أنه مجرد إنسان صالح .. نبى .. قديس .. لكن مش هو ده اللى حيرفعنى لفوق
إنسان مش بيدور على جيش يحارب بيه العالم .. لكن سايب أتباعة عايشين فى العالم .. إنسان بيخضع للرؤساء والسلاطين .. بيدفع الجزية ويقول للناس أعطوا ما لقيصر لقيصر وما لله لله .. إنسان ماشى طول النهار بيلف البلاد يجول يصنع خيراً .. لمين لناس ميعرفهوش ولا فكروا في يوم يتبعوه .. ناس بيطردوه بدل مايشكروه .. هه .. وبرضه يجول يصنع خيراً.
يوم ما حسيت أنه مش حيوصلنى لهدفى .. قلت لازم أستفيد منه .. طلبت منه أمسك صندوق العطايا اللى بيديها الناس للفقراء .. (صمت) مش حأنسى نظرة عينه ليا ساعة ما كان بيدينى الصندوق .. نظرة شفقة وحزن محسيتهمش إلا وأنا فى عذاب الجحيم .. ليه سبتنى أمسك الصندوق .. ليه مقلتليش أنا شايفك من جوه وكاشف قلبك .. ليه مقلتليش لاء .. توب وأرجع عن الشر اللى جواك .. ليه إديتنى اللقمة وقلتلى ما أنت فاعله أفعله بسرعة .. ليه عملت معايا كده .. ليه عملت معايا كده .. ليه .. ليه .. ليه (يبكى)
(
ياخذ مكان المرأة الخاطئة) .. يهوذا .. فاكرنى؟ .. أكيد فاكرنى .. تعرف أنا طول عمرى بأدور على الحب .. قعدت مدة طويلة بأحسدك أنت والتلاميذ على وجودكم جنب يسوع .. كنت مشتاقة أشوفه .. أسمع تعاليمه .. لكن مكنتش أقدر ... لأنى خاطيه .. قدام كل الناس أنا عنوان للشر والرذيلة .. لو مشيت فى أي مكان أتشتم وأتضرب وأتحدف بالطوب .. حتى من الناس اللى كانوا بيعملوا معايا الخطية .. يفضلوا همه أبرار قدام الناس وأفضل أنا لوحدى الزانية الخاطية.
لحد ما سمعت عن اللى عمله يسوع مع الزانية اللى أتمسكت فى ذات الفعل .. يااااااااه متتصورش كلمة .. وأنا أيضاً لا أدينك .. إذهبى بسلام .. ممكن تعمل فى واحده زيي إيه .. عشان كده أتجرأت ورحت لبيت سمعان الفريسى .. سديت ودانى عن كل الكلام اللى بأسمعه طول الطريق لحد ما وقفت قدامه ..
(موسيقى) أول ما وقفت قدامه شفت كل ذنوبى وشروري قدامى .. شفت البيوت اللى خربتها .. والرجالة اللى وقعتهم فى شباكى .. المرارة اللى كنت بحس بيها كل مره أعمل فيها الخطية .. أتجمعت كلها مرة واحده فى حلقى .. حسيت بتقل الخطية سلاسل مربوطة فى رقبتى ..سمرتنى مكانى قدامه .. بصيت فى عينيه .. شفت الحب اللى طول عمرى بأدور عليه ومش لاقياه .. شفت الطهارة التى تحول جسمى اللى سودته الخطية لهيكل طاهر نقى.
لقيت دموعى بتنزل على رجليه .. خفت دموعى النجسة تدنس رجليه الطاهرة .. وطيت بسرعة أمسحهم بشعرى .. قلت شعرى لاء .. هو كمان نجس .. دورت على حاجة طاهرة أمسح بيهم رجليه .. لقيته بيرفع وشى ناحيته .. وعينيه بتقولى .. دموعك دى غاليه عليا .. دموعك دى غسلتك .. أنتى عندى أطهر من ناس كتير حواليا .. مغفورة لكى خطاياكى .. وقلبى طاير من الفرحة .. سكبت الطيب اللى كان معايا على رجليه .. ساعتها سمعت صوتك بتقول .. لماذا هذا الإتلاف .. ومن يومها وأنا نفسى أقولك ده مش إتلاف .. ده حب .. والحب مش حيتلف خدمتك .. الخدمة هيه أنك تقدم للناس الحب اللى ليهم عند ربنا .. كان نفسى تتوب وتبقى معانا ومع باقى التلاميذ .. تتمتع بحبه .. لكن خسارة .. أنت كنت جنبه ومحسيتش بحبة .. خسارة .. ضيعت نفسك يا يهوذا .. ضيعت نفسك يا يهوذا .. ضيعت نفسك يا يهوذا ..
التلاميذ اللى بتقولى عليهم هم اللى ضيعونى .. فاكرة كانوا بيبصولى بأشمئزاز إزاي يومها .. عشان كانوا عارفين إنى بأسرق الصندوق .. حسيت إنى كلب جربان محدش بيحبه .. كرهتك .. وكرهتهم
(
مخاطباً السيد المسيح) وكرهتك أنت كمان .. لأنك أكيد كنت شايفنى زيهم كلب جربان .. عشان كده قلت لازم أنهى كل ده بأيدي .. لازم أحرمهم منك .. عشان كل واحد منهم يرجع حقير زى ما كان .. (يبدأ إيقاع الموسيقى فى التسارع)
رحت للكهنة .. اتفقت معاهم أنى أسلمك ليهم .. الرومان اللى كانوا حيقبضوا عليك مكانوش يعرفوك .. فأديتهم العلامة .. اللى أبوسه وأحضنه يبقى هو ده .. أمسكوه .. وجيتلك وبوستك .. وحضنتك ..
وأنا راسى على كتفك .. سمعتك بتقولى .. ياصاحب لماذا جئت .. بقى مش عارف لماذا جئت .. جيت لأنك خيبت كل أملى .. كنت فاكرك الملك اللى حيحرر شعب الله .. وأنا حأكون صديق الملك .. أتاريك بتدفع الجزية وتدى ما لقيصر لقيصر .. كنت فاكرك حترفعنا فوق العالم .. لقيتك عايزنا نعيش فى العالم فى ضيق .. كنت فاكرك حتكون لينا لوحدنا .. أتاريك بتخدم العالم كله .. تشفى الكنعانية وقائد المئة وتلف المدن تصنع خيراً .. أتصدمت فيك لما لقيت الملك المنتظر بيوطى يغسل رجلين تلاميذه..
قلت كل ده وأنا على كتفك .. لكن سمعت دقات قلبك بتدق بعنف .. رفعت عينى فى عينك .. (موسيقى) دخل جوايا إعصار .. زلزال زلزل كيانى .. إيه ده .. أول مره آخد بالى من الحب اللى فى عينيك .. بعد كل اللى عملته .. أشوف كل الحب ده فى عينيك .. بعد كل ده لسه بتحبنى .. بعد كل ده إشوف الألم بيعصرك عشانى أنا .. أنت حزين عليا كل الحزن ده .. بعد كل اللى عملته فيك .. لسه عندك أمل إنى أرجع لحضنك تانى ..
طب أعمل أيه .. دا أنا سلمتك ليهم .. لاء لاء لاء سيبوه .. مش هو ده .. أنا غلطت .. حأجيبلكم واحد غيره .. سيبوه .. سيبوه (يجرى ورائهم) .. سيبوووووه .. طب أعمل إيه دلوقتى .. أخدوك .. أخدوك وأنا اللى سلمتك ليهم بإيدى .. خدوا فلوسكم .. مش عايزها .. مش عايز حاجة .. هاتولى يسوع .. هاتولى يسوع .. رجعولى الزمن عشان أشوف حبه اللى كنت معمى عنه .. هاتوه .. هاتولى يسوع .. هاتولى يسوع (يبكى)
طب أروح فين .. أروح لمين .. أروح للتلاميذ .. مستحيل يقبلونى بعد اللى عملته .. أنت الوحيد اللى كان ممكن يسامحنى .. طب أرجع للكهنة .. خلاص أخدوا منى اللى عايزينه .. طب أروح لمين .. مفيش حد حيقبلنى .. معادش ليا حد فى الدنيا .. بقيت غريب وتايه .. بقيت زي قايين هارب على وجه الأرض .. أيوه أهرب .. حأهرب .. حأهرب فى أي حته .. لكن حأهرب على فين .. حأستخبى منه فين .. خلاص الحياة معادلهاش معنى .. معادلهاش طعم .. مفيش غير الموت هو اللى يخلصنى من اللى أنا فيه .. لازم أموت .. لازم أموت .. لازم أموت.
وأنتو أهربوا .. ده بيقول كونوا قيديسين لأنى أنا قدوس .. كونوا كاملين لأن أباكم الذي فى السموات هو كامل .. تعرفوا تبقوا كده .. لو معرفتوش تعيشو وسط العالم وسط الضيق وتفضلوا نور للعالم (تنزل مشنقة) إهربوا .. أو تعالوا معايا هنا .. لو معرفتوش تخدموه بقلوبكم بحب ويكون هو هدفكم (تنزل مشنقة) إهربوا .. أو تعالوا معايا هنا .. لو معرفتوش تعيشوا تحبوا كل الناس .. تخدموا كل الناس .. تخدموا بلادكم .. تصلوا عن العالم كله (تنزل مشنقة) إهربوا .. أو تعالوا معايا هنا .. لو معرفتوش تعيشوا فى كنايسكم بروح واحده وقلب واحد وتشبعوا منها (تنزل مشنقة) إهربوا .. أو تعالوا معايا هنا .. اهربوا إهربوا (تنزل مشنقته أمام وجهه فيدخل رأسه فيها ويسقط) .. لا لا لا لا لا
